မြှားများ...

မှတ်ထားရဦးမယ့် အရေးအသား

2012-01-18T15:01:00.000-08:00

မနက် လေးနာရီတိတိမှာ ဒီစာကိုရေးဖို့ စိတ်ကူးရတယ်။ စာရေးမယ်ဆိုတော့ အကြောင်းအရာကို စဉ်းစားဖို့လိုလာပြီ။ ကိုယ့်အကြောင်းကိုယ် ရေးဖို့ကတော့ ပျင်းစရာကြီး။ ကိုယ့်အတိတ်ကို သိပ်ပြီး မစဉ်းစားဖြစ်တာတောင် ရက်ပေါင်းများပြီ။ တကယ်တော့ ကိုယ်က အနာဂတ်ဆီကို အများကြီးမျက်နှာမူထားရမှာလည်း မဝံ့မရဲရယ်.။ “အတိတ်ကိုတွေး မဆွေးလေနဲ့၊ အနာဂတ်ကိုတွေး မငေးလေနဲ့” ဆိုတာမျိုးလည်း ရှိသမို့လား။ “ပစ္စုပ္ပန်တည့်တည့်မှာ နေနိုင်အောင်ကြိုးစား” လို့ ကိုယ့်ကိုယ်ကိုတရားချရအောင်လည်း စကားလုံးကြီးက ဖန်တရာတေနေပြီ မဟုတ်လား.။ ကိုယ့်ကိုယ်ကိုတောင် မပြောချင် မစဉ်းစားချင်တဲ့ စကားလုံးကို သူများသွားပြောလည်း အရာမဝင်ဘူးလေ။ စာထဲလည်း ထည့်မရေးချင်ဘူး။ ဒါကြောင့် ဘာအကြောင်းရေးမလဲ စဉ်းစားရတယ်။ စဉ်းစားမှပဲ စဉ်းစားစရာတွေ ရောထွေးယှက်တင် ဖြစ်ကုန်ရော။

တချိန်တုန်းက မိုးလင်းတဲ့အထိ မိတ်ဆွေတွေနဲ့ အရက်ထိုင်သောက်ဖြစ်ခဲ့တဲ့ နေ့ရက်တွေထဲက အဖြစ်အပျက်တွေကို ရေးရမလား။ ဒါကတော့ ဖြစ်နိုင်ခြေနည်းပါတယ်။ ဘာလို့တုန်းဆို ဒီတုန်းက ပြောခဲ့တဲ့ စကားတွေကို မှတ်မှ မမှတ်မိတော့တာ။ မနည်းစဉ်းစားပီး ရေးလိုက်နိုင်ရင်တောင် တချို့စကားလုံးတွေ အဖြစ်အပျက်တွေကို ကိုယ့်ဘာသာ ဆင်ဆာဖြတ်ရမှာ။ ပြီးတော့ လုပ်ကြံလီဆယ်ပြီး ထည့်ရေးရဦးမယ်။ ကိုယ်သောက်ဖြစ်ခဲ့တာက ဆန်အရက်ကို လူကြားကောင်းအောင်(ကိုယ့်ကိုလည်း ဟုတ်သည်ဖြစ်စေ၊ မဟုတ်သည်ဖြစ်စေ) Blended တွေ Finest တွေ ထည့်ရေးချင် ရေးမိမှာ။ ဒီတော့လည်း ဘာဟုတ်သေးလို့တုန်း။ ဒါတွေက ကိုယ့်အတွက် အရေးမကြီးလှပေမယ့် တချိန်တုန်းကတော့ အမှန်တကယ် ဖြစ်ပျက်ခဲ့တာပဲ။ အဲဒီတုန်းက မိတ်ဆွေတွေလည်း တကွဲတပြားရောက်နေကြပြီ။ မိန်းမရတဲ့သူ၊ အလုပ်ပြောင်းတဲ့သူ၊ ကိုယ်နဲ့ သဘောမတူလို့ မပေါင်းဖြစ်တော့တဲ့သူ၊ အခြေအနေအကြောင်းကြောင်းကြောင့် မတွေ့ဖြစ်တော့တဲ့သူတွေ အများကြီး။ လေလုံးထွားထွားပြောရရင် လောကဓံလှိုင်းတံပိုး အလှုပ်အယမ်းတွေကြားမှာ ကြံ့ကြံခံမျောပါကုန်ကြပြီ။ ဟုတ်တယ်။ အားလုံးဟာ မျောပါနေကြရတာ။ ရေဆန်လေဆန်ကိုပဲ ပျံတယ်ပြောပြော၊ ရေစုန်လေစုန်မှာ မျောတယ်ပြောပြော အရာအားလုံး ရှိသည်၊ ဖြစ်သည်၊ ပျက်သည် လောက်သာပဲ။ ဥပါဒ်၊ ဋ္ဌီ၊ ဘင်လို့ ဘုန်းကြီးလေနဲ့ ပြောရင်လည်း ဖြစ်သားပဲ။ တကယ်က ဘာဆိုင်လို့တုန်း။ အရက်သောက်တဲ့အကြောင်း ရေးရင်ကောင်းမလား စဉ်းစားတာ ဒါတွေ ဘာပါလာစရာ လိုလို့တုန်း။ ကိုယ့်မှာ စာရေးမယ်ဆို ရေးချင်စရာ အကြောင်းအရာတွေ အများကြီးရှိသားပဲ။ တခြားအကြောင်းရေးလည်း ဖြစ်မှာပဲ။

စာရေးတယ်ဆိုတာ လွယ်ပါတယ်။ တရေးနိုးထပြီး ခြေမကြား ဖောင်တိန်ညှပ်၊ နောက်ပြန်ရေးရင်တောင် ဖြစ်တဲ့စာမျိုး (သစ္စာနီ အလုံး) ကိုယ် ဘာလို့ ရေးမလဲ။ ခါနာတစ်လုပ်အတွက် ဝါစာကမာလုပ်ရအောင်လည်း ကိုယ်က ကြေးစားအဆင့်မှ မရှိတာ။ ကိုယ့်ရင်ထဲက ပြင်းထန်အားကြီးတဲ့ ခံစားချက်တွေကို ဖွင့်အန်ရေးချဖို့ ဒီလောက်မလိုသေးဘူး။ ပြီးတော့ ကိုယ်ဟာ သူများတကာထက် ထက်အောက် ကြီးငယ် သာတာ နာတာမရှိဘူး။ ထူးတာ ရူးတာ မရှိဘူး။ ထူးရင်ထူး၊ မထူးရင်း ရူးဆိုတဲ့ ကိုယ်လည်း မဟုတ်ဘူး။ သြကာသလောကကြီးတခုလုံးက သတ္တဝါတွေထဲက ကိုယ်လည်း တစ်ခု၊ တစ်ကောင်၊ တစ်ယောက် မဟုတ်လား။ ကိုယ်က ဂျီးနီးယပ်စ်လည်း မဟုတ်၊ ပါရမီရှင်လည်း မဟုတ်၊ အောင်မြင်ကျော်ကြားလိုသူလည်း မဟုတ်၊ ကိုယ့်အသက်ရှင်သန်ခြင်းအတွက်လည်း မဟုတ်၊။ မိသားစုကို အကျိုးမပြု၊ ပတ်ဝန်းကျင်ကို အကျိုးမပြု၊ တိုင်းပြည်အတွက် အကျိုးမပြု၊ ကမ္ဘာကြီးအတွက် အကျိုးမပြု၊ သဗ္ဗေသခါင်္ရအလုံးစုံအတွက် အကျိူးမပြု။ (အဲ…ကမ္ဘာပေါ်မှာ လူဦးရေး သန်းခုနစ်ထောင် ပြည့်ခဲ့ပြီ ဆိုတဲ့ လူဦးရေ သန်းခေါင်စာရင်းမှာ ကိုယ်ပါ ပါလိမ့်မယ် ထင်ပါရဲ့)။ အနာဂတ်ရဲ့ ခေါင်းဆောင်ဆိုတဲ့ လူငယ်စာရင်းမှာလည်း ကိုယ် မပါတော့ဘူး။ ကိုယ်က လူလတ်ပိုင်း ရောက်နေပြီကော။ အမြဲတမ်း လပ်နေတဲ့ လူလတ်ပိုင်းပေါ့.။ ဒါကြောင့် နေ့စဉ် စားဝတ်နေရေး ရုန်းကန်ရတယ်။ အသုံးအစွဲအတွက် ရှာရဖွေရတယ်။ ဒီတော့ အကျိုးမပြုနိုင်တာ ဆန်းသလား။ ဒီတော့ ဘာလို့ အသက်ရှင်နေသေးလဲ၊ အသက်ရှင်သန်နေခြင်းကနေ ရပ်တန့်လိုက်ပါတော့လား လို့ ကိုယ့်ဘာသာ စဉ်းစားမိပြီး မေးခွန်းထုတ်မိတယ်။ ဒီတော့မှ စာရေးမယ့်အကြောင်း စိတ်ကူးက ပေါ်လာတော့တယ်။ ဒီလို ရေးမယ်ဆိုရင်ရော။

ကိုယ့်မှာ ဒီကမ္ဘာလောကကြီးထဲမယ် သိပ်ချစ်ရတဲ့ မိန်းကလေးတစ်ယောက် ရှိနေသေးသားပဲ။ သူနဲ့ ကိုယ် အတူရှိခဲ့ကြတဲ့ ရက်စွဲတွေ မရေမတွက်နိုင်အောင် ရှိသားပဲ။ ကိုယ်နဲ့သူ ပြောခဲ့ကြတဲ့ စကားလုံးတွေ တောင်သမန်အင်းထဲက ဦးပိန်တံတားပေါ်မှာ၊ မန္တလေးတောင်ပေါ်မှာ၊ ကမ္ဘာ့အကြီးဆုံးစာအုပ်ကြီးရှိတဲ့ ကုသိုလ်တော်ဘုရားဆီမှာ၊ ကျောက်တော်ကြီးဘုရားဝင်းမှာ၊ အိမ်တော်ရာ ဘုရားမှာ၊ စစ်ကိုင်းတောင်ဘက်ဆီမှာ သူနဲ့ အတူသွားခဲ့ကြတယ်။ လွမ်းစရာကောင်းတဲ့ အတိတ်ရဲ့ အရိပ်တွေ၊ ကိုယ်နဲ့ သူရဲ့ အမှတ်တရနေ့စွဲတွေ၊ စာအုပ်တစ်အုပ်ကို နှစ်ယောက်အတူဖတ်ပြီး သူ့အမြင်ကိုယ့်အမြင် ဖလှယ်ခဲ့ရတာတွေ၊ ကိုယ်တစ်ယောက် အဆင်မပြေဖြစ်ချိန် ကိုယ့်ဘေးမှာ မားမားမတ်မတ်ရပ်ပြီး အခက်အခဲတွေ ဖြေရှင်းပေးခဲ့တာတွေ၊ တစ်ယောက်မျက်နှာ တစ်ယောက် ကြည့်လို့ မဝအောင် ဖြစ်ရတာတွေ၊ ရင်ခုန်စရာကောင်းလှတဲ့ သူ့ပါးပြင်ဆီကို အလစ်အငိုက် ခပ်မြန်မြန် ခိုးနမ်းဖူးတာတွေ။ သူနဲ့ ဆက်စပ်နေတဲ့ အရာအားလုံးဟာ အရိပ်တွေလိုပါပဲ။ စိတ်ထဲမှာ အမြဲရှိနေသားပဲ။ ဒါပေမယ့် ကိုယ့်မှာ ပိုလို့ လွမ်းတယ်။ သူနဲ့ ကိုယ့်အကြောင်းတွေ ရေးရင် အများတကာအတွက် ဘာမှ မထူးခြားပါဘူး။ကိုယ်တို့ မေတ္တာတရားဟာ ငြိမ်းချမ်းအေးမြတာမှန်ပေမယ့် ဒါဟာ ကိုယ်တို့ရဲ့ ပုဂ္ဂလိကကိစ္စပါ။ လူသားပေါင်း သန်းခုနစ်ထောင်ထဲက ကိုယ်တို့သာမန်လူနှစ်ဦးနဲ့သာ ဆိုင်တာမို့ ရေးဖို့ လက်တွန့်ပါတယ်။ ကိုယ်တို့နှစ်ယောက်အတွက် အနွေးထွေးဆုံးအချိန်တွေဟာ သူများအတွက် ပူလောင်ချင် ပူလောင်နေနိုင်တယ်။ အားလုံးဟာ ကိုယ့်အပူနဲ့ကိုယ်မို့ ကိုယ့်မီးကိုသာ ငြိမ်းကြပါ။ ဖြူစင်တဲ့ မေတ္တာတရား လက်ကိုင်ထားကြပါ လို့ ပြောချင်တာ။ ဒါပေမယ့် ပြောမထွက်ပါ။ ကိုယ်က သူ့အတွက်သာ ဖြစ်ရှိနေတာမို့ ကိုယ့်အရာအားလုံး သူ့ဆီပဲ မျက်နှာမူနေပါတယ်။ သူကလည်း ကိုယ်တို့အကြောင်းတွေ ရေးစေချင်ပါ့မလား။ နောက်မှ မေးကြည့်ပြီး ရေးရမယ်။ လောလောဆယ်တော့ မရေးနိုင်သေးပါဘူး။

ခုတော့ ကိုယ်တို့ဆီမှာ အပြောင်းအလဲတွေ ရှိနေတယ်၊ ရှိနေဦးမယ်၊ ရှိလာလိမ့်ဦးမယ်လို့ အားလုံးကို မျှော်လင့် ပြောဆိုနေကြတယ်။ ဘာအတွက်မျှော်လင့်သလဲဆိုတာ ဘယ်သူမှ သိမယ်မထင်ပါ။ မမြင်နိုင်တဲ့ အရာ တွေကို မျှော်လင့်နေကြရတာ အားလုံးအတွက် ကျိန်စာတစ်ခုလိုလား မပြောတတ်ပါ။ ကိုယ်မတတ်နိုင်တဲ့ ကိစ္စကို သူများကို မြှောက်ပေး၊ မစားရဝခမန်းလည်း မပြောတတ်၊ မရေးတတ်ပါ။ အားလုံးဘယ်တော့မှ မသိနိုင်တဲ့ သေခြင်းတရားအလွန် တနေ့ကို စိတ်ကူုးရင်း မောကြရဦးမှာပဲ မဟုတ်လား။

မနက် လေးနာရီ တိတိမှာ ရေးမယ် စိတ်ကူးပြီး စိတ်ကူးရသမျှ ရေးလာလိုက်တာ ငါးနာရီ ခွဲပြီ။ ဘာမှ မယ်မယ်ရရ မရေုးဖြစ်ပါ။ မရေးဖြစ်တဲ့ အကြောင်းတွေကို သိမ်းထား၊ မှတ်ထားလိုက်တာကသာ အရသာ ဆိုရင် ကိုယ်ပြောတာ နားလည်မယ့်သူ နည်းနည်းပဲ ရှိလိမ့်မယ်။

တေဇာအောင်

အချုပ်အနှောင်ခံ တစ်ဦး၏ မှတ်စာ

2011-12-19T19:29:00.000-08:00

(၁)

အခြေအနေက သံဝေဂယူမယ်ဆို ရစရာပဲ။ ကျွန်တော် ဖတ်နေရတဲ့ စာအုပ်က တရုတ်နိုင်ငံ နောက်ဆုံးဧကရာဇ်ရဲ့ ကိုယ်တိုင်ရေး အတ္ထုပ္ပတ္တိစာအုပ်။ ဒေါက်တာသန်းထွန်းမြန်မာပြန်ပြီး အရင်ဧကရာဇ် အခုလူ လို့ နာမည်ပေးထားတယ်။ ဒီလောက်ကြီးကျယ်ခမ်းနားခဲ့တဲ့ လူတစ်ယောက်ဟာ နောက်ဆုံးမှာ သာမန်လူ (သာမန်ပြည်သူပြည်သား) တစ်ယောက်အဖြစ် လက်ခံလာရပုံကို အဆင့်ဆင့်ရေးပြသွားတယ်။ ပြီးတော့ ဘာသာပြန်သူရဲ့ အမှာစာ နောက်ဆုံးစာကြောင်းက ငါက ဘယ်လိုဘယ်ညာပဲရယ်လို့ ဘူဇွာတွေး တွေးတတ်တဲ့ ပုဂ္ဂိုလ်တွေ လူဖြစ်ချင်ရင် ဒီစာအုပ်ကို ဖတ်ပါ ဆိုတာကိုလည်း ကျွန်တော်က သိပ်သဘောကျနေမိတယ်။ စာအုပ်ရဲ့ ရှေ့ပိုင်းမှာ နောက်ဆုံးဧကရာဇ်ရဲ့ ဓာတ်ပုံတွေထဲက ကိုယ့်ခြေအိတ်အစုတ်ကို ကိုယ့်ဘာသာ ဖာထေးနေပုံကိုလည်း သဘောကျတယ်။

ဒီစာအုပ်ကို နှစ်သက်တယ်ဆိုရာမှာ စာဖတ်သူတစ်ယောက်ရဲ့ အတွေ့အကြုံနဲ့ ကျွန်တော့်လက်ရှိအချိန် ကြုံဆုံရတာကို ပေါင်းပြီး နှစ်သက်တာပဲ။ ဒီစာကိုရေးတာလည်း သူ့စာအုပ်အကြောင်းကို ချီးမွမ်းခန်း ဖွင့်ဖို့ မဟုတ်ဘူး။ ကျွန်တော်က မြင်းထိန်းငတာ သာသာရယ်။ ကိုယ့်အတွေ့အကြုံကို ဟုတ်သော်ရှိ၊ မဟုတ်သော်ရှိ မှတ်သားထားရုံပါ။ ကျွန်တော့်အတွက်တော့ လောကကြီးမှာ ဘယ်သူမှ ကြီးကျယ်တယ်ရယ်လို့ မထင်ပါ။ လူဆိုတာကတော့ ဒေါက်တာသန်းထွန်း လက်သုံးစကားလို ဘယ်လောက်ကြီးကျယ်တဲ့ လူဖြစ်ဖြစ် နောက်ဆုံးတော့ သေရတာပါပဲလို့ ပြောရမှာပဲ မဟုတ်လား.။
ပထမဆုံး ဘယ်သူဖြစ်ဖြစ် လူ့ကျင့်ဝတ်ထုံးတမ်းအစဉ်အလာအရ ဘယ်လောက်မှန်အောင်နေနေ အခြေမကောင်းအကြောင်းမလှရင် ခံရတာပဲ.။ လူတွေထဲမှာ နေရင် လူတွေမှာ ဖြစ်လေ့ဖြစ်ထရှိတဲ့ ပြဿနာလည်း ကြုံရမှာပဲ။ ဘယ်လောက်ခိုင်မာတဲ့ လူ့အဖွဲ့အစည်း ဖြစ်ဖြစ် ဒီအထဲက လူ့တစ်ယောက်အတွက် အရာအားလုံးဟာ သူ့အတွက် သူ့ဘက်ကချည်းမရှိဘူးဆိုတာ လက်ခံရမှာပဲ။ ဒီကမှ ညံ့ဖျင်းတဲ့ လူ့အဖွဲ့အစည်းဆိုရင် ပိုဆိုးတယ်။ ဒီလိုပြောတာက တစ်စုံတစ်ယောက်ကို အပြစ်တင်လိုလို့ မဟုတ်ဘူး။ အပြစ်တင်စရာ အပြစ်ရှာမရအောင်ကို ညံ့ဖျင်းပြီးသား ဖြစ်နေလို့ပဲ။

ဒီတော့ ဒီစာကို ရေးရာမှာ တရုတ်စကားပုံ လူဆိုတာ ကိုယ်ရပ်နေတဲ့ နေရာကို မမြင်ဘဲ မိုးကုတ်စက်ဝိုင်းတဆုံးကို လှမ်းမြင်နေလည်း အလကားပဲ ဆိုတာကို ယူပြီး ကျွန်တော့်ခြေအစုံနဲ့ မတ်မတ်ရပ်ထားတဲ့ နေရာကို ကြည့်ပြီးရေးတယ်။ ခု စာဖတ်သူ ဒါမှမဟုတ် အခြားသူ တစ်ဦးဦးအတွက် ဘာမှမဟုတ်ဘူးဆိုတာလည်း ဖြစ်နိုင်တယ်။ အမှတ်အသားပြုလိုတဲ့ ကျွန်တော့်ဆန္ဒအရ ကျွန်တော့်ကိုယ်ပိုင် အားထုတ်မှုတစ်ရပ်သာ ဖြစ်ပါတယ်။
မတရားအချုပ်အနှောင်ခံနေရသူတစ်ယောက်အတွက် ဆန္ဒာဂတိလွန်ကဲတဲ့ အမြင်တွေပါသွားရင် အပြစ်မြင်စရာမလိုဘူး လို့ ထင်ပါတယ်။ အတွေ့အကြုံက သတ်မှတ်ပေးလိုက်တဲ့ အသိအမြင်အတိုင်းရေးတဲ့အတွက် အမြင်လွဲချော်နေတာများ ပါတယ်ထင်ရင် (ဇေယျာလင်းပြောသလို) အဲဒါဟာ ကျွန်တော့်ဆန္ဒအရ ကြောင်းပေးလိုက်တဲ့ လမ်းဆိုတာ လက်ခံပါ။

(၂)
အခု ဒီစာရေးနေတဲ့ အချိန်မှာ ကျွန်တော်ဟာ အချုပ်ခန်းထဲမှာပဲ။ ကျွန်တော့်အလုပ်မှာ ဖြစ်တဲ့ပြဿနာအတွက် ကျွန်တော့်မှာ တာဝန်ရှိတယ်ဆိုတဲ့သူတွေရဲ့ အစစ်ဆေးအမေးမြန်းခံရပြီး မတော်တရော် အချုပ်အနှောင်ခံရတာ။ လိုအပ်လို့ ချုပ်နှောင်ရတာပါလို့ တစ်ဖက်က ပြောလို့ရပြီး ကျွန်တော့်ဘက်က မတော်မတရား အနိုင်ကျင့် (ဥပဒေကို အလွဲသုံးစားလုပ်ပြီး) အချုပ်အနှောင်ခံရတာပါလို့ ပြောရင်လည်း ဖြစ်တာပဲ။ ကျွန်တော့် ပြဿနာ( အလုပ်ထဲက ပြဿနာ) တစ်စိတ်တစ်ပိုင်းလည်း ဒီစာရေးရင်း ပါလာမှာ ဖြစ်တဲ့အတွက် အသေးစိတ် မရေးသေး၊ မပြောသေးပါ။

ဗမာရှင်ဘုရင်တွေလက်ထက်က ကြီးတဲ့အမှု ငယ်အောင်၊ ငယ်တဲ့အမှု ပပျောက်အောင် ဆိုတာ တကယ်ကျင့် ကြတယ်လို့ ဖတ်မှတ်ရဖူးပါတယ်။ ခုခေတ်မှာတော့ တရားတဘောင်ဖြစ်လာရင် ငယ်တဲ့အမှု ကြီးအောင်၊ ကြီးတဲ့အမှု ကိုယ်ကျိုးနည်းအောင် ဆိုတာမျိုးကို ပိုမြင်လာရပါတယ်။ ဒါက နယ်ချဲ့ ကိုလိုနီစနစ်ဆိုးရဲ့ အမွေလက်ကျန်လို့ ပြောရင်ရသလို ဒီနေ့ဒီအချိန်ထိ မပြောင်းလဲနိုင်သေးတဲ့ ဗျိုရိုကရေစီအုပ်ချုပ်ရေးယန္တရားရဲ့ အလုပ် လုပ်နေပုံတွေကြောင့်လို့ ပြောရမယ် ထင်တယ်။

အစိုးရဝန်ထမ်းတွေရဲ့ လစာငွေမလုံလောက်မှု၊ ဋ္ဌာနတွင်းဝန်ထမ်းတွေရဲ့ လူမှုဖူလုံရေးအတွက် လုံလောက်တဲ့ ဘတ်ဂျတ်ငွေ မဖန်တီးနိုင်မှု၊ တရားရေးစနစ်အတွင်းမှာ အလုပ်လုပ်ကိုင်နေသူတွေရဲ့ မတော်မတရားလောဘဇောတက်မှုတွေ အပါအဝင် အစစအရာရာ ဘက်ပေါင်းစုံက ချို့ယွင်းချက်၊ လိုအပ်ချက်တွေကြောင့် ဝန်ထမ်းတွေအတွင်း အကျင့်ပျက်ခြစားမှုတိုက်ဖျက်ရေးဟာ ပြောသလောက် မလွယ်ကူသေးပါ။ ဟန်သာရှိပြီး အဆံမရှိတဲ့ သင်္ကြန်အမြောက် အုပ်ချုပ်ရေး၊ တရားရေးစနစ်ဟာ တိုင်းပြည်ရဲ့ အခြေခံ လူတန်းစားတွေအပေါ်မှာ တိုက်ရိုက် အကျိုးသက်ရောက်ပြီး သာမန်အခြေခံလူတန်းစားတွေအတွက် နစ်နာစရာရှိရင် အင်မတန်နစ်နာပါတယ်။ ဒါတွေကို မသိကျိုးကျွန်ပြု မမြင်ချင်ယောင်ဆောင်ပြီး ခပ်တည်တည်မဏ္ဍပ်တိုင်တက်နေတဲ့ ရေပေါ်ဆီအုပ်ချုပ်ရေးလူတန်းစားအရေအတွက် တိုးပွားလာလေလေ တိုင်းပြည် နစ်သထက် နစ်ဖို့ လမ်းစ ပိုလာလေ ဆိုတာ လူပြိန်းတွေး တွေးရင်တောင် သိသာပါတယ်။

ဒီနေရာမှာ အမှုအခင်းပုံစံအမျိုးမျိုးနဲ့ ရုံးဂတ်ရောက်လာတဲ့ သူတွေအတွက် အမှန်အတိုင်းဖြစ်ဖို့၊ အမှန်အတိုင်းလက်ခံဖို့ လိုသလို တရားစီရင်သူ၊ အုပ်ချုပ်သူတွေဟာလည်း ကိုယ့်ကိုယ်ကို အခွင့်ထူးခံလူတန်းစား၊ ခေါင်းတစ်လုံး ပိုမြင့်တဲ့လူတန်းစားမဟုတ်ဘူး ဆိုတာ လက်ခံထားဖို့ လိုပါတယ်.။ ပြီးတော့ သေချာကျနတဲ့ စိစစ်မှုမျိုး ပိုလို့ လိုအပ်ပါတယ်။ လက်တွေ့မှာတော့ ငွေမျက်နှာ လိုက်တဲ့ အမှုအခင်း စစ်ဆေးသူတွေကြောင့် ပျက်စီးနေတဲ့ တရားရေးမဏ္ဍိုင်ဟာ ပိုလို့သာ ယိုင်နဲ့လာခဲ့ပါတော့တယ်။ အရင်းရှင် ဈေးကွက် စီးပွားရေးစနစ်ရဲ့ ရုပ်ဝတ္တုပစ္စည်းတွေ တိုးတက်များပြားလာတာနဲ့ အမျှ အဲဒီ ရုပ်ဝတ္ထုတွေအပေါ် (ရေပေါ်ဆီ လူတန်းစားရဲ့) တိမ်းညွှတ်လာမှုဟာ လာဘ်လာဘမျှော်ကိုးမှုတွေကို မီးစာမြှင့် အရှိန်တင်ပေးနေသလို ရှိပါတယ်။

စပ်မိလို့ ပြောရရင် လောလောဆယ် အစိုးရရဲ့ မြေစမ်းခရမ်းပျိုးတဲ့ ဒီမိုကရေစီ စနစ်ဆိုးဟာ အင်ဒိုနီးရှားပုံစံ အပြောင်းအလဲလား၊ တရုတ်ပုံစံ ဆိုရှယ်ဒီမိုကရေစီလား ဝေခွဲလို့ မရနိုင်ပါ.။ ဒီလိုမျိုး တိကျခိုင်မာတဲ့ ပေါ်လစီမရှိသေးတဲ့ အပြောင်းအလဲမျိုးမှာ အမှားအယွင်းဖြစ်တဲ့ အခါ အခြေခံလူတန်းစားဟာ ကျောကော့အောင် ခံရဖို့ပဲ ရှိပါတယ်။ သောင်မတိုက် ကမ်းမဆိုက်နဲ့ အစိုးရ ဒီမိုကရေစီ လည်ပတ်ပုံစနစ်ဟာ အခြေခံကို မပြောင်းလဲနိုင်သေးပဲ ဟိုမပိတ်နိုင်၊ ဒီမပိတ်နိုင်နဲ့ တစ်ခုတည်းကိုတောင် ဆေးပတ်လည်အောင် မတိုက်နိုင်ပါ။ နောက်ထပ် ဆယ်နှစ်အထိ တည်မြဲနေဦးမယ့် အောက်ခြေက အစိုးရ အဖွဲ့အစည်းတွေနဲ့ လက်တွေ့မှာ ဟုတ်သလုိလို ရှိပြီး အပေါ်ယံ သကာရည်လူးထားတဲ့ အစိုးရရဲ့ ဖွဲ့စည်းပုံ အခြေခံဥပဒေအပေါ် ပြည်သူတွေ ဘယ်လောက်အထိ နားယောင်နေမလဲဆိုတာက ရှေ့ဆယ်နှစ်ရဲ့ အလားအလာ အပြောင်းအလဲပါ။
ခုလို အပြောင်းအလဲဆိုတဲ့ အနေအထားမှာ တိုင်းပြည်ဖွံ့ဖြိုးတိုးတက်ဖို့ ဗဟိုချုပ်ကိုင်မှုထားတဲ့ ဒီမိုကရေစီစနစ် လိုအပ်တယ်လို့ ထင်ပေမယ့် ထုံးမမီ စံမရ အစိုးရ အုပ်ချုပ်ပုံ စနစ်ကြောင့် စနစ်ကျနမှုမရှိဘဲ အရူးချီးပန်းသဘောမျိုးနဲ့ အနာကိုသိပြီး ဆေးမရှိ ဖြစ်နေရပါတယ်။

အစိုးရအဖွဲ့အစည်းအတွင်း အားကောင်းတဲ့ အတိုက်အခံပါတီ (အဖွဲ့အစည်း) မရှိခြင်း နဲ့ တက်ကြွတဲ့ နိုင်ငံရေးလှုပ်ရှားသူတွေရဲ့ အားထုတ်မှုတွေဟာ ခုတ်ရာတခြား၊ ရှာရာတလွဲ ဖြစ်နေပြီး တလွဲဆံပင်းကောင်း မီးမောင်းထိုးမှုတွေဟာလည်း ပြည်သူလူထုကို ရေလိုက်လွဲစေပါတယ်။ ဒီကြားထဲ အာဏာရရေးကို ဦးတည်ထားတဲ့ နိုင်ငံရေးလှုပ်ရှားမှုတွေ၊ ပြည်သူတွေကြား ရေပန်းစားရုံ သက်သက် ကင်းမြီးကောက် ထောင်ပြတဲ့ လူစားတွေကြောင့် တိုင်းပြည် ဖွံ့ဖြိုးတိုးတက်ဖို့ ဆိုတဲ့ ဦးတည်ချက်တွေဟာ မှေးမှိန်နေပြီး မူလရည်မှန်းချက်နဲ့ ဝေးသထက် ဝေးကွာလာပါတော့တယ်။
လတ်တလောမှာ ဖြစ်ပျက်သွားခဲ့တဲ့ မြန်မာပြည် အနှံ့အပြားက ရေကြီးမှုတွေ၊ ပခုက္ကူဘက်က ရေကြီးလို့ လူပေါင်းရာချီ မျောပါ သေဆုံးမှုတွေနဲ့ အတူ အိမ်ထောင်စု များစွာ အိုးမဲ့ အိမ်မဲ့ ဒုက္ခသည် ဖြစ်ရတာဟာ အရင်အစိုးရ လက်ထက်က ဆည်မြောင်းတာတမံတွေကြောင့်လို့ ပြောနိုင်ပေမယ့် ဒီဆည်မြောင်းတွေကနေ နှစ်ကြာလာတဲ့ အခါ ဖြစ်တတ်တဲ့ ဘေးအန္တရာယ်ကို ကြိုတင်ခန့်မှန်းတွက်ဆနိုင်မှု လျော့ရဲတာရယ်၊ ဒီဘေးထွက်ဆိုးကျိုးတွေအတွက် ခိုင်မာတဲ့ အစီအမံများ မထားရှိနိုင်တာတွေဟာ အစိုးရမှာ လုံလောက်တဲ့ ပေါ်လစီဖြန့်ကျက်နိုင်မှု မရှိသေးဘူးဆိုတာ မြင်သာပါတယ်။ လက်ရှိ အစိုးရရဲ့ လစ်ဟာမှုတွေလို့ ပြောရတာက အရင်အစိုးရ အဖွဲ့အစည်းနဲ့ အခုအစိုးရဟာ (voice ကဆရာတွေပြောသလို) လူမပြောင်းစနစ်မို့ပဲ။

ဒီလို ရေကြီးနစ်မြုပ်လို့ အိုးမဲ့ အိမ်မဲ့ ဖြစ်ရတဲ့ ဒေသတွေကို အစိုးရအဖွဲ့အစည်းတွေ၊ လူမှုရေးအဖွဲ့အစည်းတွေ၊ နိုင်ငံတကာ အထောက်အပံ့တွေက ကူညီ ထောက်ပံ့ကြတယ် ဆိုတာ မီဒီယာစာမျက်နှာမှာ မျက်နှာပန်း လှပြီး ဟုတ်သလိုလို ရှိပေမယ့် ဒါဟာ ရေတိုကုထုံး သက်သက်ပါ။ ဒီဒေသတွေရဲ့ ပြန်လည်ထူထောင်ရေး လုပ်ငန်းတွေဟာ ခြောက်လ၊ တစ်နှစ်နဲ့ မပြီးပြတ်ဘူးဆိုတာ အရင်က သဘာဝဘေးဒဏ်ခံရတဲ့ ဒေသတွေနဲ့ နှိုင်းယှဉ်ကြည့်ရင် သိနိုင်ပါတယ်။ တဆက်တည်း ဒီရေကြီးမှုတွေကြောင့် ပျက်စီးခဲ့တဲ့ လမ်းတံတားတွေဟာ သက်တမ်းအားဖြင့် မကြာသေးဘူး ဆိုတာရယ်၊ လမ်းတံတားဆောက်လုပ်ရေးဝန်ထမ်းတွေရဲ့ အသုံးစရိတ် မြင့်မားပြီး ရေသာခိုထားလိမ့်မယ်ဆိုတာ ခန့်မှန်းလို့ ရနိုင်ပါတယ်။ ပြီးတော့ ရှေ့ဆက်ပြီး ဒီမိုကရေစီ အစိုးရရဲ့ transperacy ဆိုပြီး ပွင့်လင်းမြင်သာရေး ကြွေးကြော်သံဟာ ဘယ်လောက်အထိ စာရင်းဇယားအမှန်အတိုင်း တွေ့မြင်ခွင့် ရလိမ့်မလဲဆိုတာ စောင့်ကြည့်ဖို့ ကောင်းလှပါတယ်။

ဆင်းရဲမွဲတေမှုလျှော့ချရေး စီမံကိန်းဆိုပြီး အစိုးရသစ်ရဲ့ တစ်နိုင်ငံလုံးအတိုင်းအတာ အကောင်အထည်ဖော် လုပ်နေတဲ့ ချေးငွေ ထုတ်ပေးရေးအစီအစဉ်တွေဟာ မျှော်မှန်းထားသလို အရာမရောက်ဘူးဆိုတာ ခုချိန်မှာ သဘောပေါက် မြင်သာပါပြီ။ သားဝမယားဝစနစ်လို့ နာမည်ပြောင်ပေးခံခဲ့ရတဲ့ သမဝါယမစနစ်ဟာ အပေါ်ယံနဲ့ နီးစပ်တဲ့ လူတစ်စုအတွက်သာ ဖြစ်စေပြီး ကျားသေကို အသက်ပြန်သွင်းသလို ရှိပါတယ်။ အောက်ခြေနဲ့ တိုက်ရိုက်ထိတွေ့မှုရှိတဲ့ အန်ဂျီအိုလို နိုင်ငံတကာ အဖွဲ့အစည်းတွေတောင် အားနည်းချက်တွေ ရှိနေသေးရင် ထိန်းကွပ်မှုလျော့ရဲတဲ့ အစိုးရ လုပ်ငန်းဆောင်တာတွေမှာ ပိုလို့ အားနည်းနေတာ အမှန်ပါပဲ။
အစစအရာရာ ကြီးမြင့်နေတဲ့ ကုန်စည်ဈေးနှုန်းတွေကြားထဲ အစိုးရရဲ့ အတိုးနှုန်းနည်းနည်းနဲ့ မဖြစ်စလောက်ချေးငွေပမာဏဟာ ဆင့်ပါးစပ် နှမ်းပက်သလို အရာမရောက်လှပါ။ ဥပမာ-စည်ပင်သာယာဈေးရဲ့ ချေးငွေ ထုတ်ပေးတဲ့ သမဝါယမအဖွဲ့အစည်းရဲ့ ငွေချေးပုံသဘောကို ကြည့်ပါ.။ ဈေးအတွင်းက နေ့ပြန်တိုးနဲ့ ကုန်စိမ်းရောင်းတဲ့ ခေါင်းရွက်ဗျက်ထိုးဈေးသည် တစ်ယောက်အတွက် ချေးငွေရဖို့ဆိုတာ မဖြစ်နိုင်ပါ။ သူ့မှာ အိမ်ယာမြေပိုင်ဆိုင်ကြောင်း ဂရန်ရှိဖို့လိုသလို သက်ဆိုင်ရာ ရပ်ကွက်လူကြီးရဲ့ ထောက်ခံချက် ရဖို့လည်း လိုပါတယ်။ ချေးငွေသုံးသောင်းလောက် ရဖို့ စာရွက်စာတမ်းလုပ်ရတဲ့ အခရယ်၊ ချေးတဲ့သူ ကိုယ်တိုင် ဘာအတွက် ဖြတ်မယ်မှန်း မသိရတဲ့ ငွေကြေးပမာဏရယ်ဟာ စိတ်ရှုပ်၊ စိတ်နောက်စေမှာ အမှန်ပါ။ ပြီးတော့ နယ်က တက်လာပြီး ဈေးရောင်းသူ တစ်ယောက်အတွက် ဘယ်ရပ်ကွက်အုပ်ချုပ်ရေးမှူးမှ ထောက်ခံလိမ့်မယ် မဟုတ်ပါ။
ဒီလိုပဲ ကျေးလက်ဒေသအတွက် စိုက်ပျိုးစရိတ်ချေးငွေဟာလည်း အလားတူပါပဲ။ တရားဝင်၊ တရားမဝင် တင်သွင်းလာတဲ့ နိုင်ငံတကာက ဓာတ်မြေသြဇာ၊ စိုက်ပျိုးရေးဆေးမျိုးစုံဟာ ဈေးနှုန်းစရိတ်စက ကြီးမြင့်လှလွန်းလို့ တောင်သူတွေရဲ့ သီးနှံတွေ ပိုကောင်း၊ ပိုအောင်မြင်လာတယ် ဆိုတာထက် စိုက်ပျိုးရေး ဆေးကုမ္ပဏီတွေနဲ့ လက်ဝေခံလူတွေ ကောင်းစားဖို့ပဲ ရှိပါတယ်။ သီးနှံအထွက် အောင်အောင်မြင်မြင်ဖြစ်ဖို့ဆိုတာ (ဆည်မြောင်းရေမရတဲ့ ဒေသတွေမှာ) မိုးလေဝသအပေါ်မှာလည်း တည်မှီနေသေးတာမို့ပဲ။ ပြီးတော့ ထွက်လာတဲ့ ကောက်ပဲသီးနှံတွေ ဈေးနှုန်းမှန်မှန်ကန်ကန် ရောင်းချရဖို့ ဆိုတာလည်း တောင်သူတွေ လက်ထဲမှာ မရှိပါ။ အစိုးရ ထိန်းကွပ်မှု လျော့ရဲတဲ့ ကုန်စည်ဒိုင်တွေ၊ ပွဲစားတွေ လက်ထဲမှာပဲ ရှိနေပါသေးတယ်။ အစိုးရက နိုင်ငံခြားကို အခွန်ကင်းလွတ်ပြီး လွတ်လွတ်လပ်လပ် ရောင်းဝယ်ဖို့ သီးနှံတွေ သတ်မှတ်ထားပေးပေမယ့် အဲသလို လုပ်နိုင်တဲ့ တောင်သူမျိုးဟာ အင်မတန် ရှားပါးပါတယ်။ ပြီးတော့ တိုင်းပြည်ရဲ့ (ကန့်သတ်နယ်မြေဒေသတွေ မှ အပ) ဘယ်ဒေသမဆို လွတ်လွတ်လပ်လပ် ကူးသန်းရောင်းဝယ်လို့ ရတယ်လို့ ဥပဒေ ထုတ်ထားပေမယ့် လက်တွေ့မှာ ပြည်တွင်းအခွန်ရဲ့ လက်က မလွတ်ဘူးဆိုတာ လုပ်ဖူးသူတိုင်း သိမှာပါ။

မွေးမြူရေးလုပ်ငန်းအတွက် အစိုးရဆီက ကျပ်ငွေ သိန်းလေးရာလောက် ချေးထားပြီး ကြက်ခြံ (အခွံ) သုံးလုံးလောက် ဆောက်ထား။ ပိုတဲ့ ငွေကို အပြင်က အတိုးနဲ့ လှည့်ချေးထားတဲ့ လူမျိုးအတွက် ကြက်ခြံထဲမှာ ကြက်တစ်ကောင် တမြီးမှ မရှိဘူးဆိုတာ အစိုးရလူတွေ တကယ်မသိတာလား.၊ မသိချင်ယောင် ဆောင်ထားတာလားဆိုတာ မေးစမ်းချင်လှပါသေးတယ်။

မြန်မာပြည်အနှံ့အပြား ကျေးရွာစာကြည့်တိုက်တွေ ဟောတစ်ခု၊ ဟောတစ်ခု ဖွင့်ထားပေမယ့် အဲဒီစာကြည့်တိုက် ဆိုတာတွေမှာ စာအုပ် အမှန်တကယ် မရှိပါ။ တချို့ ဒေသမှာဆို ကျေးရွာစာကြည့်တိုက်ဆိုတဲ့ ဆိုင်းဘုတ်ချိတ်ထားပြီး နွားချည်ထားတဲ့ နွားတင်းကုပ် စာကြည့်တိုက်မျိုးတွေလည်း တွေ့ဖူး မြင်ဖူးပါတယ်။ အစိုးရအာဘော်သတင်းစာ မြန်မာ့အလင်း၊ ကြေးမုံလောက်တောင် စေ့ငှအောင် မရှိတဲ့ ပြန်ကြားရေးနဲ့ ပြည်သူ့ဆက်ဆံရေးလက်အောက်က ကျေးရွာစာကြည့်တိုက်များဟာ ဘယ်လိုများ လည်ပတ်အလုပ်လုပ်နေလေမလဲ လို့ မှန်းဆကြည့်ဖို့တောင် လိုမယ် မထင်ပါ။ ဒီလောက်ဆို အစိုးရရဲ့ ကျေးလက်ဒေသဖွံ့ဖြိုးရေး၊ ဆင်းရဲ မွဲတေမှု လျှော့ချရေး စီမံကိန်းဟာ ဘယ်အထိ ခရီးပေါက်နေပြီဆိုတာ မှန်းဆကြည့်လို့ ရနိုင်ပါတယ်။ အချုပ်ခန်းထဲမှာ နေရင်း ရေးရတဲ့ ဒီထက်ပြည့်ပြည့်စုံစုံ မရေးနိုင်တာ အားမရပါ။ ကိုယ့်အကြောင်းကို မှတ်သားဖို့ ရေးရင်းနဲ့ ဒါတွေ ပါသွားတာဟာလည်း ကောင်းမကောင်း မသိပါ။ မှန်၊ မမှန် မသိပါ။ အရင်ကတည်းက ရေးဖို့ တေးထားရင်း မရေးဖြစ်ရာက ခုကြုံလို့ တခါတည်း ရေးထည့်ထားလိုက်ပါတယ်။

(၃)

နိုင်ငံ့အရေး၊ ပေါက်နှင့်ကျေးကား၊ ငှက်ခါးအရောင်၊ တိမ်တောင်သဖွယ်၊ မင်းရေးကျယ်၏ ဆိုတာ သိပ်မှန်ပါတယ်။ဒါပေသိ ဘယ်လောက်အထိ ကျယ်သလဲဆိုတာ နိုင်ငံသားတစ်ယောက်အနေနဲ့ လေ့လာစူးစမ်းခွင့် ရှိပါတယ်။ အစိုးရဆိုတာ အာဏာရှင်အစိုးရဖြစ်ဖြစ်၊ ဒီမိုကရေစီပြည်သူ့အစိုးရဖြစ်ဖြစ် သိပ်ကွာမယ် မထင်ပါ။ ကျွန်တော်တို့ နိုင်ငံလိုမျိုးမှာ ပိုပြီးတော့ သိသာပါတယ်။ တိုင်းပြည်အုပ်ချုပ်ပြီး ထင်သလို ချယ်လှယ်ချင်လို့သာ အစိုးရ(သမ္မတ) လုပ်တယ်လို့ ယူဆလို့ ရပါတယ်။ အာဏာကို ထိပါးလာရင် ဒါမှမဟုတ် အစိုးရအဖွဲ့အစည်းကို ထိပါးလာရင် ဘယ်လိုနည်းနဲ့ ဖြစ်ဖြစ် ဖိနှိပ်ချုပ်ချယ် တားဆီးနိုင်ဖို့ ကြိုးစားမှာ မုချပါပဲ။ (အတိုင်းတိုင်း အပြည်ပြည်က ဖိနှိပ်အုပ်ချုပ်ပုံတွေကို လေ့လာကြည့်ပါ။) အစိုးရအတွက် ငြိမ်ဝပ်ပိပြားရေးကို ထိခိုက်လို့၊ တရားဥပဒေစိုးမိုးရေးကို နှောက်ယှက်လို့ စသဖြင့် ဆင်ခြေပေးစရာ၊ အကြောင်းပြစရာ တနည်းနည်းနဲ့ ရှိမြဲပါပဲ။
ပြီးတော့ ကျွန်တော်တို့ နိုင်ငံမှာ နိုင်ငံသားတစ်ယောက်အတွက် လက်ဆုပ်လက်ကိုင်ထား၊ အားကိုးအားထားပြုစရာလည်း ခိုင်ခိုင်မာမာ မရှိပါဘူး။ တရားဥပဒေဆိုတာကိုလည်း ရှေ့ပိုင်းမှာ ရေးခဲ့သလို အားမကိုးနိုင်ပါ။ အရိုးစွဲပြီး အစဉ်အလာလို ဖြစ်နေတဲ့ တရားစီရင်ထုံးတွေဟာ နိုင်ငံသားတစ်ယောက်အတွက် မလှုပ်မရှားနိုင်အောင် ချည်နှောင်နိုင်တဲ့ သံမဏိကြိုးတွေပါပဲ။ တရားမျှတမှုမရှိ၊ လူကို လူလို တန်ဖိုးမထားဘဲ လူ့အခွင့်အရေးတွေကို ချိုးဖောက်နေတဲ့ ရေများရေနိုင်၊ မီးများမီးနိုင် တရားဥပဒေကို အားကိုးရင် ပိုပြီး ကိုယ်ကျိုးနည်းဖို့ပဲ ရှိပါတယ်။

ကျွန်တော်တို့ တိုင်ပြည်ရဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေကိုပဲ အကျဉ်းမျှ လေ့လာကြည့်ပါ။ အစိုးရဟာ သူ့ဘက်ကချည်း အသာစီးယူထားတယ်ဆိုတာ တွေ့ရပါလိမ့်မယ်။ ဥပမာ- နိုင်ငံသားတို့၏ အခွင့်အရေးနဲ့ တာဝန်များဆိုတဲ့ အပိုင်းမှာ ပါတဲ့ မည်သူမျှ တည်ဆဲ တရားဥပဒေမှ အပ လွတ်လပ်ခွင့်ကို မထိပါး၊ အနှောက်အယှက် မခံရ စေရ ဆိုတာ အပေါ်ယံကြည့်ရင်တော့ ဟုတ်သလိုလိုပါပဲ။ ဒါပေမယ့် တည်ဆဲဥပဒေဆိုတာမှာ လူတစ်ယောက်ကို အလကားနေရင်းတောင် ဖမ်းဆီးချုပ်နှောင်လို့ ရတဲ့ အခွင့်အရေး အုပ်ချုပ်ရေးအဖွဲ့အစည်းတွေမှာ ရှိတယ်ဆိုတာတွေ ပါ ပါတယ်။ အရေးပေါ်ကာလ ပြဋ္ဌာန်းချက်များမှာလည်း အလားတူပါပဲ။ စစ်အုပ်ချုပ်ရေးဆီ ပြန်လှည့်ဖို့ စီမံထားတာတွေ တွေ့နိုင်ပါတယ်။ ဆိုရရင် နိုင်ငံသားတစ်ယောက်ဟာ အဲဒီ ဖွဲ့စည်းပုံအခြေခံဥပဒေကိုများ အားကိုးမိရင် မှားဖို့ပဲ ရှိပါတယ်။ ဒါဟာ အစိုးရက နိုင်ငံသားတွေကို မလိမ့်တပတ်နဲ့ နားလှည်းပါးရိုက်လုပ်ထားတယ်ဆိုတာ သိဖို့ကောင်းပါတယ်။အထူးသဖြင့် အစိုးရရဲ့ အုပ်ချုပ်ပုံစနစ်ဟာ နိုင်ငံသားတွေကို ဖိနှိပ်ချုပ်ချယ်ထားပြီးသားဆိုတာ အပွေးမမြင်လည်း အပင်သိကြဖို့ကောင်းပါတယ်။

ဒီလိုရေးမိတော့ ကျွန်တော့်ကိုယ် ကျွန်တော် မင်းမဲ့စရိုက်စိတ်များဝင်နေပြီလားလို့ စေ့ငုကြည့်မိပါတယ်။ မဟုတ်ပါဘူး။ ခုလက်ရှိ အစိုးရအပေါ်မယုံကြည်တာပါ။ အစိုးရရဲ့ အခြေခံအုပ်ချုပ်ပုံစနစ်တွေရဲ့ မျက်မြင်ကိုယ်တွေ့ ကြုံရတာတွေအပေါ် မယုံကြည့်တာပါ။ ယုံကြည်လောက်တဲ့ အနေအထားလည်း တစ်စက်မှ မရှိပါဘူး။ ဒီလိုအောက်ခြေက ဖွဲ့စည်းအုပ်ချုပ်ပုံ၊ တရားစီရင်ပုံတွေ မပြောင်းနိုင်သေးသမျှ အစိုးရဟာလည်း နိုင်ငံသားတွေရဲ့ ယုံကြည်ကိုးစားမှု မရနိုင်ပါ။ အဖက်ဖက်က ဖိနှိပ်ချုပ်ချယ်ထားတဲ့ ကိုလိုနီစရိုက်ဆိုးဟာ အခုလက်ရှိ ဒီမိုကရေစီအစိုးရ အမည်ခံ လက်ထက်မှာ ရှိနေသေးတာ အံ့သြမယ်ဆို အံ့သြစရာ၊ အံ့သြစရာ မဟုတ်လို့ မြင်ရင်လည်း အံ့သြစရာ မကောင်းဘူးပေါ့။ ဒီတော့ ဒီလို အစိုးရနဲ့ ဒီတိုင်းပြည် နွံနစ်နေတာ မထူးဆန်းဘူးပေါ့။

ပြီးတော့ လက်ရှိအချိန် အစိုးရခင်းပေးတဲ့ လမ်းပေါ်မှာ (ကန့်သတ်ထားတဲ့ ဘောင်ထဲမှာ) လျှောက်နေရတဲ့ စေသည့်ကျွန်၊ ထွန်သည့်နွား မီဒီယာသမားတွေရဲ့ ဟုတ်လှချည်၊ ကောင်းလှချည် လက်ခုပ်သြဘာသံတွေဟာလည်း လက်ရှိအခြေအနေတွေကို လူတွေ အမှန်အတိုင်းမမြင်အောင် ဖျောင်ပေးနေသလို ရှိပါတယ်။ ဗိုလ်ချုပ်အောင်ဆန်းပြောသလို ပြောရရင် ဆိတ်လစေ့ တွေပေါ့။ ဒီလိုပြောလို့ မခံနိုင်ရင်လည်း လဲသေရုံပဲ ရှိပါတယ်။ နိုင်ငံရေးလုပ်စားတဲ့သူတွေ တဖွဖွ ပြောတဲ့ Check and Balance ဆိုတာ ဘယ်နေရာလည်း ဆိုတာ စဉ်းစားကြည့်မိပါတယ်။ ခုချိန်ထိ ဘယ်မြို့နယ်က ဘယ်သူတော့ လာဘ်စားလို့ ပြုတ်သွားပါတယ်လို့ မကြားမိသေးပါ။ ဘယ်သူမှလည်း စောင့်ကြည့်အရေးယူတယ်လို့ မမြင်မိပါ။ ဒီတော့လည်း ဘယ်သူမှ သောက်သုံးကျတယ်လို့ မထင်တော့ပါ။ ဒီလိုတွေ လျှောက်ပြော လျှောက်ရေးနေရင်လည်း ဆုံးနိုင်ဖွယ် မမြင်တော့ပါ။ ဒါကြောင့် ကိုယ့်အကြောင်းကိုသာ ရေးပါတော့မယ်။

(ဆက်ရန်)

တေဇာအောင်

16.12.2011

ဝတ္ထုတို/ အစိတ်အပိုင်းနှင့် အပိုင်းအစသဘောတရားအပေါ် လေ့လာဆွေးနွေးချက် ( မြင့်သန်း)

2011-05-29T09:35:00.001-07:00

အပိုင်း-တစ်။
မန္တလေး အထင်ကရ မဂ္ဂဇင်းတွင် ၂၀၁၀ အောက်တိုဘာ လမှ စ၍ ဇော်ဇော်အောင်၏ ၀တ္ထုတို/အစိတ်အပိုင်းနှင့် အပိုင်းအစ သဘော တရားကို ဖတ်ရသဖြင့် ပညာလည်း ရသောကြောင့် ၀မ်းမြောက်ရ၊ ကျေးဇူး တင်ရပြန်ပါသည်။

ဤသို့သော အကြောင်းရပ်မျိုး ဆိုသည်မှာကလည်း ဇော်ဇော်အောင် ကဲ့သို့သော ပုဂ္ဂိုလ်မျိုးက ရေးပါမှပဲ ဟုဆိုရ ပါလိမ့်ဦးမည်။ မြန်မာနိုင်ငံ၏ ပို့(စ)မော်ဒန် အရေးအသား များနှင့် စပ်လျဉ်း၍ တပည့် တပန်းများက ရေးနိုင်ခွင့် ရှိသည်ဟု သတ်မှတ် ခံထားရသည့် ပုဂ္ဂိုလ်ဖြစ်၍ ဤသို့သော အကြောင်းမျိုးကို ရေးခွင့်ရှိသူ ဖြစ်သည်ဟု မြင်ရပါမည်။

ဤဆွေးနွေးချက်ကို ရေးလိုက်ရသည်မှာ ဆက်လက် ဆွေးနွေးစရာ ကလေးများ ရှိနေသည်ဟု ကျွန်တော် ထင်မိသည် သာမက မြင်လည်း မြင်နေမိသောကြောင့် ဖြစ်သည်။ ခေါင်းစဉ်ကပင်လျှင် နားလည်ပုံ လွဲနိုင်သော အနေအထားမျိုး ဖြစ်နေသည်။ ၀တ္ထုတိုနှင့်သာ ပတ်သက်၍ သို့မဟုတ် တိုက်ရိုက် သက်ဆိုင်မှု ရှိနေ၍ဟု တကယ်တမ်း ပြဆိုရန် ခိုင်ခိုင်မာမာ မရှိ ခဲ့သော အမြင်တစ်ရပ်ကို မိမိဆန္ဒ တစ်ခုတည်းဖြင့် လိုသလို အနက်ယူကာ အကောက်ယူ အလွဲလွဲဖြင့် တင်ပြ ထားပုံမျိုး ဖြစ်နေသည်။

ဤသို့ ဆိုရသည်မှာ အကြောင်းရှိပါသည်။ ဇော်ဇော်အောင်က ဗလောန်ရှော Maurice Blanchot ကို အားကိုးပြုကာ တင်ပြခဲ့သည် မှန်သော်လည်း ဗလောန်ရှော ဖော်ထုတ် တင်ပြခဲ့သည်နှင့် သူ၏ တင်ပြချက်တို့မှာ အနက်တစ်မျိုးတည်း မဆောင်။ ဆိုခဲ့ပြီးသည့် အတိုင်း လိုသလို ရယူ ထားသော အနက်များသာ ဖြစ်သည်ဟု မြင်သည်။

ထို့ပြင် ရေးသား ဖော်ထုတ်မှု အပိုင်းတွင် သင်္ကေတကို အရေးအသား စကားတစ်ရပ် အဖြစ် အသုံး နည်းလှသော ဘာသာ စကားကို သင်္ကေတများဖြင့် တည်ဆောက်သည့် အရေးဘာသာ စကားနှင့် ရောထွေးကာ နားလည် လက်ခံထားပုံကို တွေ့ရပြန်သည်။

ဆိုလိုသည်မှာ မြန်မာ ဘာသာစာ အရေးအသားတွင် ပုဒ်ထီး၊ ပုဒ်မက လွဲ၍ ပြဆိုစရာ သင်္ကေတ ကြီးကြီးမားမား မရှိခြင်း ဖြစ်သည်။ ဗလောန်ရှော တင်ပြခဲ့သည်များကို နောက်ပိုင်းတွင် အထိုက်အလျောက် ရှင်းပြပါမည်။ ရှေးဦးစွာ ကျွန်တော် နားမလည်နိုင်သည်တို့ကို တင်ပြပါရစေ။

တင်ကူး ပြောစရာကလေး တစ်ခုကားရှိ၏။ ဇော်ဇော်အောင်၏ အရေးအသားထဲ၌ “၀မ်းစာအခံ ရှိပြီးသား ပုဂ္ဂိုလ်များ အလွယ်တကူ ပွားများ နိုင်ပါလိမ့်မယ်”ဟု ဆိုထားလေရာ ထိုစာရင်းထဲတွင်ဖြင့် ကျွန်တော် မပါနိုင်လောက်သေး။ ကျွန်တော်သည် အချိန်ရ၍ စာရေးနိုင်သည့် အခါ တစ်ပုဒ်စ၊ နှစ်ပုဒ်စ စာရေး နိုင်သောသူမျှသာ ဖြစ်၍ ဆရာဇော်ဂျီ၏ မျိုးတူစု ခွဲပုံ အရသော် “ပြောက်ကျား စာရေးဆရာ” မျှသာဖြစ် ပါသေးသည်။ “ငါ စာရေးဆရာ” ဟု ရင်ဘတ်ကော့၊ လက်မ ထောင်ပြ နိုင်လောက်သော အခြေအနေ မရှိသေးပါ။ ၀မ်းစာလည်း ရှာဆဲသာ ဖြစ်ရာ “နောက်နားက ပေါက်ပြားကိုင် တိုင်ထူဖို့ ကျင်းတူး” နေရသော အဆင့်သာ ရှိပါသေးသည်။

သို့ဖြစ်ရကား ယခု ကျွန်တော်၏ ရေးသားချက်ကို “ဤအကြောင်းအရာများတွင် စိတ်ဝင်စားသော လမ်းပေါ်က လူတစ်ယောက်၏ ဆွေးနွေးချက်၊ အမြင်၊ တင်ပြချက်” အဖြစ်သာ သဘောထားပြီး ဖတ်ရှုကြစေချင်ပါသည်။ အကယ်၍ ဤအကြောင်းအရာတို့နှင့် ပတ်သက်၍ ပါဝင် ဆွေးနွေးကြသော် ဆက်လက် ဆွေးနွေးကြသည့်အခါ “အင်းလျားလမ်းက ကျွန်တော့် အန်တီကြီး ပြောလို့” ဆိုသော အထောက်အထားမျိုးဖြင့် ဆိုကာ ၀င် “မဖြီး” ကြစေချင်ပါ။ မောင်မစ္စက အတွေးမျိုးဖြင့် ဝေဖန်ရေး မလုပ်ကြစေချင်ပါ။

(တခြားလူတွေ အနေဖြင့် ရှင်းကောင်းရှင်းမည်။ နားလည်ကောင်း နားလည်မည်။) ကျွန်တော့် အနေဖြင့် ပထမဦးဆုံး နားမလည်နိုင်သော အချက်မှာ ခေါင်းစဉ်ဖြစ်သည်။

“၀တ္ထုတို” နှင့် “အစိတ်အပိုင်း” ကို တစ်သားတည်း၊ တစ်မျိုးတည်း သဘောထား စေချင်သည်လော။ သို့မဟုတ် “၀တ္ထုတို” နှင့် “အစိတ်အပိုင်း” တို့ နှစ်ခုစလုံးကို မျိုးတူစု တစ်ခုတည်း အောက်တွင် ထားကာ ခွဲခြား လက်ခံ၍ ဆွေးနွေး ထားသည်လား ဆိုသည်မှာ မရှင်းလှ။ ဤသို့ ဆိုရသည့် အကြောင်းမှာ “၀တ္ထုတို/အစိတ်အပိုင်းနှင့် အပိုင်းအစ သဘောတရား ၂” တွင် ဇော်ဇော်အောင်၏ ပင်ကိုရေး ၀တ္ထုတို နှစ်ပုဒ်ကို ညွှန်းထားကြောင်း တွေ့ရသဖြင့် ဖြစ်၏။

သို့ဖြစ်လေရာ အပိုင်း ၁ တွင် ညွှန်းခဲ့သော အဆိုများကို အထောက်အထား အဖြစ် “ပြ”ရန် ၀တ္ထုတို နှစ်ပုဒ်ကို ဖော်ပြထားသည့် သဘောဟု မြင်မိသည်။ ဤတွင် ပေါ်လာခဲ့သော ပြဿနာ တစ်ခုမှာ ဤသို့သော “ပုံစံ”ဖြင့် ၀တ္ထုတို ရေးခြင်း (ဖန်တီး တည်ဆောက်ပြခြင်း) သည်ပင် “အစိတ်အပိုင်း” သို့မဟုတ် “ရှေ့ကအပိုင်း ၁ တွင် အဆို ပြုခဲ့တာ များသည် (ဆိုလိုသည်မှာ “အစိတ်အပိုင်းနှင့် အပိုင်းအစ...” ဆိုသည် မှန်သမျှသည်) ဇာတ်လမ်းမဲ့ ၀တ္ထုတို ဖြစ်ခြင်းဟု နောက်ထပ် အဆိုတစ်ခု ထပ်ပြု လိုက်ခြင်းလော။

အပိုင်း ၂ တွင် ပြုထားသည့် အဆို တစ်ခုမှာ-
“Plotless Fiction ဟာ Fragment အရေးအသား ဖြစ်ပါတယ်” (မန္တလေး အထင်ကရ။ အတွဲ ၃၊ အမှတ် ၂။ စာ၊ ၁၈၃။
ရှေ့တွင်သော် မန္တလေး အထင်ကရ ကို “မ-အ” ဟုသာ ညွှန်းမည်။) ဟူ၍ ဖြစ်နေလေရာ Fragment ဟု ဆိုသည် မှန်သမျှမှာ Plotless Fiction ဖြစ်သည်ဟု ဆိုထားခြင်းလောဟု ဆက်လက် ဆွေးနွေးစရာ၊ တွေးကြည့်စရာ ဖြစ်နေပြန်သည်။ ဤတွင် ကျွန်တော့်အမြင် ဆိုရလျှင် Fragment ဆိုသည့် စာလုံးကို ကျယ်ကျယ်ပြန့်ပြန့် လက်ခံရန် လိုလိမ့်မည်ဟု ဆိုချင်သည်။ Fragment နှင့် ပတ်သက်သော စာပေ အရေးအသား ဆိုင်ရာအမြင်၊ အယူအဆ၊ လေ့လာချက် များမှာ အနောက်နိုင်ငံ (အင်္ဂလိပ်ဘာသာ စကားနှင့်စာ၊ ဥရောပ ဘာသာ စကားနှင့် စာ) တို့တွင် အခြေခံ ပေါ်ပေါက် လာခဲ့သည် ဖြစ်ရာ သူတို့၏ ဆိုလိုရင်းမှ ကင်းပကာ ငါ့စကား နွားရပြော၍ ဖြစ်နိုင်မည် မထင်။ ထင်တိုင်းကြဲလို့ကဖြင့် ပဒိုင်းသီးထဲ ပညာရှိ သွားဖြစ်တယ်ဟု ဆိုလေ့ ရှိသလိုမျိုးသာ ဖြစ်ပေမည်။

စင်စစ် သူတို့ ဆိုလိုသော Fragment မှာ ၀တ္ထုတို ဖြစ်ခြင်း၊ ၀တ္ထုရှည် ဖြစ်ခြင်း၊ ဇာတ်လမ်းမဲ့ခြင်း၊ ဇာတ်လမ်းရှိခြင်း... စသည့် အမျိုးအစား သတ်မှတ်ရန်(အခြားတစ်နည်း မျိုးတူ စုပြုတာ) စံများ မဟုတ်ဟု ကျွန်တော် နားလည်ပါသည်။

ဝတ္ထုတိုမှသာ Fragment ပဲဟု ဆိုလေသော် မြစ်ရေ အတိမ်အနက်ကို ရေအကျ ချောင်းစပ်မှာ ရပ်ကာ တုတ်စိုက် တိုင်းကြည့်ပုံမျိုးထက် ပိုမည်မထင်။ ထို့ပြင် Plotless ဟုဆိုသော စာလုံး/စကားလုံးနှင့် ပတ်သက်၍ သောင်မတိုက်၊ ကမ်းမဆိုက် ဖြစ်နေပြန်သည် ဟု ကျွန်တော် မြင်မိသည်။

အကြောင်းမှာ ဇော်ဇော်အောင်က “ဇာတ်လမ်းမဲ့ ၀တ္ထုတို” Plotless Fiction ဟု ဆိုထားသဖြင့် ဖြစ်သည်။ ကျွန်တော့်အမြင် အရသော် Plot ကို ဇာတ်လမ်းဟု ယတိပြတ် မဆိုနိုင်။ စာအရေး အသားတွင် အခြေ ခံ၍သော် Plot သည် ဇာတ်လမ်းကို တည်ဆောက် ထားသော ပုံစံ၊ ဖြစ်စဉ် အခြေခံပုံစံ၊ အစီအမံ၊ စီစဉ် ထားပုံတို့ကို ဆိုလိုသည်။

(အင်္ဂလိပ် ဘာသာ စကား၏ ဘောင်အတွင်းမှာ အခြား အသုံးအနှုန်းများနှင့်လည်း ယှဉ်၍ ကြည့်စေချင်သည်။ ဥပမာ Plotless Coup အစီအစဉ် မရှိသော အာဏာသိမ်းမှု။ Plotless dance အစီအစဉ် မရှိသော အက။ ကာလနှင့် အာကာသ (အချိန်နှင့် နေရာ) ကိုတည်ကာ ဆက်စပ် ပြောင်းလဲမှုတွင် အခြေခံကာ ပြဆိုခြင်းများ ဖြစ်သည်။ သဘောမှာ ၀တ္ထု တစ်ပုဒ်ကို ဖန်တီး တည်ဆောက်ရာတွင် ဘာဖြစ်ခဲ့သလဲ၊ ဘာဖြစ် နေသလဲ၊ ဘာဖြစ် လာဦးမှာလဲ၊ ဘာကြောင့်လဲ ဟူသော မေးခွန်းများကို ဖြေဆို ပြထားခြင်း သဘောသာ ဖြစ်သည်။ ဖော့(စ)တာ E.M.Forster ပေးဖူးသော ဥပမာကို လက်ဆင့် ကမ်းပါရစေ။

သူ၏ Aspects of the Novel ၁၉၂၇ တွင်...
ဝတ္ထုတစ်ပုဒ် ဆိုတာဟာ အချိန်ကာလရဲ့ ရွေ့လျော ပြောင်းလဲပုံမှာ တည်ပြီး ဖြစ်ပျက်ခဲ့တာတွေကို သီကုံး ရေးသား ထားတာပဲလို့ ဆိုခဲ့ကြတယ်။ ဇာတ်ကြောင်း၊ ဇာတ်ကွက် (ဤတွင် Plot ကိုဆိုလိုသည်) ဆိုတာက ဖြစ်ပျက်ခဲ့တာတွေရဲ့ အကြောင်းရင်းနဲ့ အကျိုးဆက်တွေကို အလေးပေးပြီး သီကုံး ရေးသား ထားတာပဲ။

“ဘုရင်ကြီးသေပြီး မိဖုရားကြီးလည်း သေတယ်” ဆိုတာက ဇာတ်လမ်း။ ဒီနေရာမှာ အချိန်ကာလရဲ့ ရွေ့လျောမှုကို ထိန်းထားတယ်(ကန့်သတ်ထားတယ်)။ အကြောင်းရင်းနဲ့ အကျိုးဆက်တွေ မပါသေးဘူး။ “မိဖုရားကြီး သေတာနဲ့ ပတ်သက်လို့ ဘယ်သူမှ မသိကြ ပေ”တဲ့။ နောက်ဆုံးတော့ ဘုရင်ကြီး သေသွားလို့ ရင်ကွဲနာ ကျသေတယ် ဆိုတာကို သိကြရတယ်။

ဒါက ဇာတ်ကြောင်း ဇာတ်ကွက်(Plot)။ စိတ်ဝင်စားဖို့ ကောင်းတဲ့ ဇာတ်ကြောင်း။ ဇာတ်ကို ဆက်ပြီး အရှိန်အဟုန် ကောင်းကောင်းနဲ့ ဖော်ထုတ်နိုင်မယ့် ပုံစံ။ အချိန်ကာလရဲ့ ရွေ့လျော ပြောင်းလဲမှုကို ထည့်မစဉ်းစားတော့ဘူး။ မူရင်း ဇာတ်လမ်းကနေ နယ်ကုန် ဆန့်နိုင်သမျှ ဆန့်ထုတ်လိုက်တယ်။

ဖော့(စ)တာ၏ အနက်ဖွင့်ဆိုမှုကို ယတိပြတ် လက်ခံရမည်ဟု မဆိုလို။ ခေတ်သစ် ကာလတွင် Plot နှင့် စပ်လျဉ်း၍ အမြင် အမျိုးမျိုး ရှိခဲ့ပါသည်။ ၄င်းတို့အနက်မှာ စိတ်ဝင်စားဖွယ် ကောင်းသော အယူအဆ တစ်ရပ်မှာ ပုံစံတွင် အဓိကထား ရုပ်ရှင်ပညာရှင်(ဤတွင် Russian Formalist ကို ဆိုလိုသည်) တို့၏ အမြင်ကို အကျဉ်းမျှ လေ့လာ ကြည့်စေချင်သည်။

၎င်းတို့ အဖို့ “ဇာတ်လမ်းသည် အကြောင်းအရာတို့ကို ၄င်းတို့၏ လိုအပ်သော အစီအစဉ်များ(ဆိုလိုသည်မှာ အချိန်ကာလ၊ အဖြစ် အပျက်၏ ရှေ့နောက် အနေအထား...စသည်များ) အတိုင်း အပြည့်အစုံ ဖော်ထုတ် ရေးသားထားခြင်းများ ဖြစ်ပြီး ဇာတ်လမ်း၊ ဇာတ်ကွက်(Plot) မှာ သီးခြား အကြောင်းအရာတို့ကို (ပြန်လည်) နေရာချ ပြထားခြင်း သဘောဖြစ်သည်” ဟုဆိုခဲ့သည်။

ဤအချက်များကို တင်ပြရသည်မှာ Plotlessဟူသော အင်္ဂလိပ်ဘာသာ စကား အခြေခံ အသုံးအနှုန်းသည် ဇော်ဇော်အောင် တင်ပြထားခဲ့သော “ဇာတ်လမ်းမဲ့ Plotless” (တစ်နည်း ဇာတ်လမ်းမဲ့ = Plotless) အမြင်နှင့် တိုက်ရိုက်ဖြစ်စေ၊ သွယ်ဝိုက်ဖြစ်စေ ဆီလျော် အပ်စပ်မှု မရှိသောကြောင့် ဖြစ်သည်။ အကယ်၍ ဆက်စပ် လေ့လာ ကြည့်လိုကြသော် နစ်ကလပ်(စ) ဘေကာ Nicholas Baker အမည်ရှိ စာရေးဆရာ၏ လုံးချင်း ၀တ္ထု အရေးအသားများကို ရှာဖွေဖတ်ရှု ကြည့်ကြစေချင်သည်။ ထိုအရေးအသားများမှာ မျက်မှောက်ခေတ် ကာလ၏ ဇာတ်ကြောင်း၊ ဇာတ်ကွက်၊ အစီအစဉ် မဲ့သော ၀တ္ထု အရေးအသား များဟု စာဖတ်သူနှင့် ပညာရှင်များက လက်ခံ ထားရသော အရေးအသားမျိုး ဖြစ်၏။

အလားတူပင်ရေမွန်ကာဗာ Raymond Carver ၏ ၀တ္ထုတိုများကို ဖတ်ကြည့် စေချင်ပါသေးသည်။ ဇာတ်လမ်း၏ ရှိနေခြင်းတွေ တွေ့နေ ရပါသော်လည်း ဇာတ်ကွက်၊ အစီအစဉ်များ ပျောက်ဆုံးနေကြောင်း တွေ့ကြရပါလိမ့်မည်။ အစီအစဉ် အဆက်အစပ် မရှိသော စာကြောင်းများ၊ အနက် အဓိပ္ပာယ် ဖောင်းပွနေသော စာကြောင်းများ စသည်တို့အားဖြင့် ၀တ္ထုတို သို့မဟုတ် ၀တ္ထုတိုဟု ထင်ရသော အရေးအသားမျိုးကို တည်ဆောက် နိုင်ပါသည်။

သို့ရာတွင် “ဇာတ်လမ်းမဲ့” ဖြစ်ချင်မှ ဖြစ်ပေမည်။ “ဇာတ်လမ်းမဲ့” ဟု ခေါ်လိုသော် ခေါ်နိုင်ပေမည်။ စင်စစ် တကယ်တမ်း “မဲ့” နေသည်မှာ(အခြားတစ်နည်း ပျောက်ဆုံး နေသည်မှာ) ဇာတ်ကြောင်း၊ ဇာတ်ကွက်၊ အစီအစဉ်သာ ဖြစ်ပေမည်။ အစဉ်အလာ အရ လက်ခံနားလည်ခဲ့ရသော “ဇာတ်လမ်း” မှာ Story ကို ဆိုလိုသည်ဟု ကျွန်တော် မြင်မိသည်။ အကယ်၍ Plot ကို မြန်မာတို့၏ ဘာသာစကား ဘောင်ထဲတွင် “ဇာတ်လမ်း” ဟု လက်ခံ ထားလေသော် Plot = Story သဘော သက်ရောက် သွားပေမည်။ ထိုသို့ မဖြစ်နိုင်ဟု ကျွန်တော် ထင်သည်။

ဤသည်တို့မှာ “၀တ္ထုတို/အစိတ်အပိုင်းနှင့် အပိုင်းအစ သဘောတရား”၏ အစဦး အပိုင်းတွင် ဉဏ်မမီသဖြင့် ကျွန်တော် နားမလည်နိုင်သော အချက်အချုိ့ ဖြစ်သည်။ အခြား တစ်ချက်ကို ဖော်ပြပါရစေ။ ၀တ္ထုတို/အစိတ်အပိုင်းနှင့် အပိုင်းအစ သဘောတရား-အပိုင်း ၁ (မ-အ၊ ၃၊ ၁။ စာ၊ ၁၅၁။) ၏ အစဦးဆုံး၌ ရေးသား ဖော်ပြထားသော စာရေးဆရာ ဒေါ်နလ်ဘာသဲလ်(မ) Donald Barthelme ၏ စာကြောင်း ကိစ္စ။ ၄င်းစာကြောင်း၏ အောက်တွင် ဤသို့ ရေးသား ထားပြန်သည်။

“ဒီစာသားကို သတိပြုမိတာ ကြာပြီ။ စိတ်အထင် MeHale ရဲ့ စာအုပ်ထဲက ဖြစ်လိမ့်မယ် ထင်တယ်”

(McHale ဆိုသည်မှာ Brain McHale ကို ဆိုလိုပုံရ သည်။) သို့ရာတွင် နောက်တစ်မျက်နှာ(ယင်း။၁၅၂။) တွင်သော်- “အထက်ဖော်ပြပါ ဘာသဲမ် Barthelme ရဲ့ ၀ါကျဟာ See the moon ၀တ္ထုထဲကဖြစ်တယ်” ဟု ညွှန်းပြန်သည်။ ဘာကို ဆိုလို၍ ဘာကို ညွှန်းချင်သည်ကို နားမလည်နိုင်ပါ။ (ကျွန်တော့်တွင် ၀မ်းစာ မပြည့်သေးသောကြောင့် ဖြစ်နိုင်ပါသည်။) ဘာသဲလ်(မ) ၏ ၀တ္ထုမှာ ၁၉၆၈ ခုနှစ်(၊) ခန့်ကဖြစ်ပြီးမက်ဟေး(လ) Brain McHale ၏ Postmodernist Fiction စာအုပ်မှာ ၁၉၈၇ မှ ပထမဦးဆုံး အကြိမ် ပုံနှိပ်သည်။ ထိုစာအုပ်နှစ်အုပ် အနက် တစ်အုပ်အုပ်ကို တကယ်ပဲ မဖတ်ဘဲလျက် ကိုးရုံ ကိုးပြသည်လား။ အမှတ် မှားခဲ့သည်လား မသိ။ စင်စစ် မက်ဟေး(လ)က သူ၏ စာအုပ်တွင် ဘာသဲလ်(မ) ၏ Fragmentation နှင့် ပတ်သက်၍သော် အဓိကထား ကိုးကားပြခဲ့သည်မှာ “Snow White” ၀တ္ထုဖြစ်သည်။ သို့ရာ တွင် မက်ဟေး(လ) ၏ ဦးတည်ချက်မှာ အပိုင်းအစများဖြင့် တည်ဆောက်ထားသော မဆုံးနိုင်သည့် ၀တ္ထုတို့၏ သဘောကို ရှင်းရန် ဖြစ်သည်။

သူက Mise-en-abyme ဟု သုံးကာ ရှင်းခဲ့သည်။ Mise-en-abyme မှာ အကြောင်းအရာတစ်ခုမှ အခြားတစ်ခုသို့ ဆင့်ပွား ကူးပြောင်းပြီး မဆုံးနိုင်သည့် သဘော ဖြစ်သည်။ မက်ဟေး(လ)က ထိုအချက်များကို Chinese-Box Worlds ဟူသော ခေါင်းစဉ်အောက်၌ အတော်များများ ရှင်းပြထားလေရာ ပွားများလိုသူတို့ ရှာဖွေ၍ ဖတ်ရှု ကြည့်ကြစေချင်ပါသည်။

ဇော်ဇော်အောင်၏ “၀တ္ထုတို/အစိတ်အပိုင်းနှင့် အပိုင်း အစ သဘောတရား-အပိုင်း ၁” ၏အစ၌ ကိုးထားသော ဘာသဲလ်(မ)၏ “လကို တွေ့သလား” See the Moon၊ ဆို သည့် ၀တ္ထုတိုမှ စာကြောင်းFragment are the only forms I trust မှာ ၀တ္ထုထဲတွင် တစ်ကြိမ်မျှမက ဖော်ပြ ထားခဲ့သော စာတစ်ကြောင်း ဖြစ်သည်။ ဘာသဲလ်(မ)သည် Fragmentဟူသော စာလုံးကို သူ၏ ၀တ္ထု အရေးအသားများတွင် သုံးလေ့ ရှိသည်က မှန်၏။

သို့ရာတွင် သူသည် တစ်စုံတစ်ရာကို အဆို ပြုခဲ့ခြင်း ဟုတ်ပုံမရ။ “လကို တွေ့သလား” ဟူသော ၀တ္ထုထဲက စာကြောင်းကို အခြား ပညာရှင်များကလည်း ညွှန်းကြသည်မှာ မှန်၏။ သို့ရာတွင် ဘာသဲလ်(မ) ကိုယ်တိုင်ကမည် သည့် ရည်ရွယ်ချက်ဖြင့် ထိုသို့ ရေးသားခဲ့ကြောင်းကိုလည်း သိကြရန် လိုပေဦးမည်။ ၁၉၇၀-၇၁ ကာလအတွင်းက ဘာသဲလ်(မ)နှင့် ကလင်ကိုးဗစ် Jarome Klinkowitz တို့ ဆွေးနွေးခဲ့ကြစဉ်က ဘာသဲလ်(မ) ပြောခဲ့သော စကားတစ်ခွန်း ရှိပါသည်။ နားလည်ပုံ မလွဲကြစေရန် မူရင်း အင်္ဂလိပ်ဘာသာ ဖြင့်သာ ဖော်ပြလိုက်ပါရစေ...

Fragments are the only form I trust: ‘ It's a statement by the character about what he is feeling at that particular moment. I hope that whatever I think about esthetics would be a shade more complicated than that. Because that particular line has been richly misunderstood so often ...I have thought of making a public recantation. I can see the story in, say, Women's Wear Daily: WRITER CONFESSES THAT HE NO LONGER
T R U S T S F R A G M E N T S . ..’
(စာလုံးအစောင်းမှာ ကျွန်တော်၏ အထူးပြုထားချက်။)

အသေအချာ ဖတ်ကြည့်ကြသော် သဘော မပေါက်စရာ မရှိဟု ထင်သည်။ ဘာသဲလ်(မ)၏ ဆိုလိုရင်း ဦးတည်ချက်ကို သဘော ပေါက်ကြပါလိမ့်မည်။ ဘာသဲလ်(မ) မှာ စာပေ အရေးအသားတွင် ဖြစ်စေ၊ သိမှု အခြေခံ အတွေးအခေါ်ပိုင်းတွင် ဖြစ်စေ အစိတ်အပိုင်း Fragment တို့၏ အရှင်သခင်ကြီး တစ်ဦး မဟုတ်ပါ။ စာရေးဆရာ တစ်ဦး ဖြစ်သည်။

သို့ဖြစ်ရကား ဇော်ဇော်အောင်က မည်သို့သော ရည်ရွယ်ချက်ဖြင့် ဘာသဲလ်(မ)၏ စာတစ်ကြောင်း ဖော်ပြခဲ့ရပါသနည်း။ အပျင်းပြေ ဖတ်ကြည့် စေချင်၍လော။ သို့မဟုတ် စာဖတ်သူများကို ကြားဖူးနားဝ ရှိစေချင်၍လော။ သို့တည်း မဟုတ် အခြား ရည်ရွယ်ရင်း အချက် တစ်ခုခုကြောင့်လော။ ကျွန်တော် ဖတ်ကြည့် သဘော မပေါက်သေးပါ။

အခြားတစ်ချက်သို့ ကူးပါရစေ။ ၀တ္ထုတို/အစိတ်အပိုင်းနှင့် အပိုင်းအစ သဘောတရား - အပိုင်း ၁ မှာ “Fragment ကို အစိတ်အပိုင်း။ Fragmentary ကို အပိုင်းအစ” ဟု ဇော်ဇော်အောင်က ဝေါဟာရကို ဘာသာ ပြန်ပြထားသည်။ သာမန် ဘာသာ စကား၏ ဘောင်ထဲတွင် သော် Fragment သည် နာမ်။ Fragmentary သည် နာမ၀ိသေသန။ ကွာခြားမှု ရှိသည် ဆိုရာတွင် “ဦးဘ” နှင့် သူ၏သား “မောင်လှ” ဟူသော ကွာခြားပုံမျိုး၊ မတူညီပုံမျိုး မဟုတ်။ ငယ်စဉ်က “မောင်ဘ”၊ ယခု “ဦးဘ” ဆိုသည့် မတူညီပုံမျိုး။ အကယ်၍ ဆန္ဒရှိသော်၊ Fragment ကိုလည်း အပိုင်းအစဟု ခေါ်နိုင်ကောင်း ခေါ်နိုင်မည်။

ထိုသို့ခေါ်ဆိုလေ သော် Fragmentary မှာ အပိုင်းအစ ဖြစ်နေသည့်(တစ်စုံတစ်ရာ) သာဖြစ်သည်။ ဥပမာ အပိုင်းအစ ဖြစ်နေသော သတင်းများ (အခြားတစ်နည်း သတင်း အပိုင်းအစများ)။ အနောက်တိုင်း အတွေးအခေါ် စနစ်တွင် အသုံးပြုသော စာလုံး/စကားလုံး အရရှင်းရသော် Fragmenr သည် Being ဖြစ်ပြီး Fragmentary သည် Becoming သာ ဖြစ်သည်ဟု ဆိုရပေတော့မည်။ ကာ(ဖ)ကာ Franz Kafa က သူ၏ မီးထိုးသမား The Stoker ၀တ္ထုတိုကို A Fragment ၁၉၁၃ ဟု ရေးသားခဲ့ခြင်းကို လည်းကောင်း၊ The Hunter Gracchus: Four Fragments ၁၉၁၆-၁၉၁၇ ဟု ရေးသားခဲ့ခြင်းကို လည်းကောင်းကြည့်ကာ လွယ်လွယ် သဘော ပေါက်နိုင်မည် ထင်သည်။ သို့ရာတွင် ဇော်ဇော်အောင်၏ နားလည် လက်ခံထားမှု အတိုင်းအတာအတွင်းမှ အနက်ယူ ဖော်ပြထားသော ဝေါဟာရအတွက် (ဤတွင်) စောဒက မတက်လိုပါ။
“အစိတ်အပိုင်း Fragment တရားကိုယ်သဘော” (မ-အ။ ၃၊ ၃။ စာ၊ ၁၅၃။) နှင့် “အပိုင်းအစ Fragmentary တရားကိုယ်သဘော” ဟူသော အချက် နှစ်ခုကိုမူ ကျွန်တော် မဖတ်ဖူး၊ မကြားဖူးသည်သာမက (ယခု ဖတ်ကြည့်သော်လည်း) နားမလည်ပါ။ နားမလည်သော အပိုင်းကိုမူ ကျွန်တော် ညံ့ဖျင်းသောကြောင့်ဟုသာ သဘော ထားလိုက်ကြစေချင် ပါသည်။

နားမလည်သော အကြောင်းများအနက်မှ အချို့ကိုတင်ပြရသော်..
“အစိတ်အပိုင်း စာသား Text တစ်ခုမှာ “ဗဟိုချက် Center” ဆိုတာ ရှိတယ်”
(ဗဟိုချက် ရှိသော် အစိတ်အပိုင်း တစ်ခုဟု ဆိုနိုင်ပါ သလား။ မည်သည် သို့မဟုတ် မည်သို့သော “အစိတ်အပိုင်း” တစ်ခုကို “Text” ဟု ခေါ်ပါသလဲ။)
“မြင်သာထင်သာ ရှိချင်ရှိမယ်။ ဖုံးကွယ်ထားတာ ဖြစ်ချင်ဖြစ်မယ်။ များသောအားဖြင့် ဖုံးကွယ် ထားတတ်တယ်။ Hidden Center လို့ ခေါ်နိုင်တယ်”
(ဖုံးကွယ်ထား၍ မမြင်သာမထင်သာ ဖြစ်နေခြင်း၏ “ရှိနေခြင်း” ကို မည်သို့ သိနိုင်မည်နည်း။ မမြင်သာ မထင်သာသည့် (တစ်စုံတစ်ရာ၏) Hidden Center ဆိုသည်ကို မည်သို့ သိနိုင်ပါမည်နည်း။)
“Oneness သဘောတရားနဲ့ ကြည့်ရင်..”

(မည်သည် သို့မဟုတ် မည်သည်၏ Oneness ဖြင့် “အစိတ်အပိုင်း”နှင့် “အပိုင်းအစ” တို့ကို ချိန်ထိုးကန့်သတ် အဆုံးအဖြတ် ပြုနိုင်ပါသနည်း။Onenessမှာ Oneness ဟု ဆိုရုံဖြင့် ပြီးပါသလား။) ပေါင်းစည်း ညီညွတ်မှု Unity ဆိုတာရှိနိုင်တယ် (အစိတ် အပိုင်းတရားကိုယ်သဘော)။ ပေါင်းစည်းညီညွတ်မှု Unity ကို ငြင်းပယ်တယ်(အပိုင်းအစ တရားကိုယ်သဘော)။

(ပေါင်းစည်း ညီညွတ်မှု Unity ဆိုသည်မှာ ဇော်ဇော် အောင် သတ်မှတ်ခေါ်ဆိုထားသော) “အစိတ်အပိုင်း”နှင့် “အပိုင်းအစ” တို့၏ သို့မဟုတ် အတွင်းမှ (တစ်) ဘာသာ စကား၊ (နှစ်) သဒ္ဒါ အခြေခံ တည်ဆောက်ထားပုံ၊ (သုံး) ဘာသာ စကားအရ ဖော်ထုတ်ထားသော အနက်တို့၏ အကြားမှ ပေါင်းစည်း ညီညွှတ်မှု Unity တစ်ခုခုကို ဆိုလိုပါသလား။ သို့မဟုတ် ဘာသာ စကားအရ တည်ဆောက်ထားခြင်းနှင့် စာလုံး/စကားလုံးတို့၏ ကြားမှ ပေါင်းစည်း ညီညွတ်မှု Unity ကို ဆိုလိုပါသလား။ ထို့ပြင် “အစိတ်အပိုင်း”နှင့် “အပိုင်းအစ” တို့မှာ စင်စစ် တစ်မျိုးတည်းသာ ဖြစ်သည်ဟု ဆိုသော ပေါင်း စည်းညီညွတ်မှု Unity ဆိုသည်မှာ မည်သို့ အနေအထားတွင် ရှိနိုင်ပါမည်လဲ။)

(ကွင်းစကွင်းပိတ် အတွင်းမှ မေးခွန်းများမှာ ကျွန်တော်၏ မေးခွန်းများ ဖြစ်သည်။)
ထိုအချက်များကို ရှင်းလင်း ပြမည်ဆိုသော် ရှေးဦးစွာ ရှင်းလင်းပြရန် လိုအပ်သည်မှာ Fragment နှင့် Fragmentary ဆိုသည်ကို မြန်မာ ဘာသာဖြင့် အလျင် ပီပြင်အောင် ရှင်းပြရန် လိုအပ်ပါလိမ့်မည်။“တရားကိုယ် သဘော” ဟုဆိုကာ မရေမရာ ရှင်း၍ မဖြစ်နိုင်ဟု ထင်သည်။ Fragment နှင့် Fragmentary ဆိုသည်မှာ “စာလုံးလော၊“စာကြောင်းလော”၊ “စာကြောင်း တည်ဆောက် ထားပုံလော”။ စာအရေးအသား အရ တည်ဆောက်ထားသော တစ်စုံတစ်ရာလော။ ဆိုလိုရင်းများလော။ အတွေးအမြင်လော။ တစ်ခုခု ဖြစ်ကြောင်း ရှင်းပြရန် လိုမည်။ အရပ်စကားဖြင့် လွယ်လွယ်ဆိုရသော် “င်္Fragment ဆိုတာ ဘာလဲ” ကို ရှင်းရန် လိုမည်ထင်သည်။

အပိုင်း-နှစ်။
ဤအပိုင်းတွင်မူ မောရီဗလောန်ရှော Maurice Blanchot နှင့် ပတ်သက်၍ ကျယ်ကျယ်ပြန့်ပြန့် ဆွေးနွေးချင်သည်။ အကြောင်းမှာ “၀တ္ထုတို/အစိတ်အပိုင်းနှင့် အပိုင်းအစ သဘော တရား-အပိုင်း(၁)” ၏ နောက်ဆုံးတွင်(မ-အ။ ၃၊ ၁။ စာ- ၁၅၃ ကြည့်ပါ။) ဇော်ဇော်အောင်က မှတ်ချက် ပေးရာတွင် “အခု တင်ပြခဲ့တဲ့ အစိတ်အပိုင်း/အပိုင်းအစ Fragmenty/Fragmentary သီဝရီကို ဖော်ထုတ် တင်ပြခဲ့သူက မောရီဘလွန်ရှော ဖြစ်တယ်”ဟု အခိုင်အမာ ရေးသားခဲ့သည်ကို တွေ့ရသည်။

သို့ရာတွင် “ဘယ်မှာ” “ဘယ်တုံးက” စသည်ဖြင့် မပါ။ အထောက်အထား မတွေ့ရ။ ကျွန်တော့်အမြင် ဆိုရလျှင် အထောက်အထား တစ်ခုခု ပြသင့်သည်ဟု ဆိုရမည်။ ပညာရပ် တစ်စုံတစ်ရာ အကြောင်းကို တင်ပြလေသော်၊ သို့မဟုတ် ပညာရပ် အခြေခံဖြင့် အကြောင်းအရာ၊ အကြောင်းရပ် တစ်ခုခုကို တင်ပြလေသော် အကိုးအကား အထောက်အထား လိုအပ်ပါသည်။ အချို့ အနေအထားများတွင် စာအုပ်စာရင်းလောက် ဖြင့်ပင် မလုံလောက်တော့ပါ။ နှစ်ဆယ့်တစ် ရာစုသည် ကြက်တူရွေး စာအံသည်ကဲ့သို့ နှုတ်တိုက်ရွတ်ကာ အသိပညာ တစ်စုံတစ်ရာကို လက်ဆင့်ကမ်းသော ကာလတစ်ခု မဟုတ်တော့ပါ။ ပညာရပ် တစ်စုံတစ်ရာ အခြေခံ၍ တင်ပြခြင်းမှာ လေကိုဖမ်း၍ ၀ါးတန်းချည်သော အပေါစား ပါးစပ် ရာဇ၀င် ဆရာကလေးတို့ လုပ်ရပ်မျိုး မဟုတ်။

ကျွန်တော့် အမြင် အရသော် ဗလောန်ရှောက အစိတ်အပိုင်း သီဝရီ ဟူ၍ ရေးသားခဲ့ခြင်း မရှိပါ။ နောက်ပိုင်း ပညာရှင်များ က ဗလောန်ရှော၏ အရေးအသားများမှ အကြောင်း သင့်ရာကို ထုတ်နုတ် တင်ပြရင်း ဤသည်မှာ ဗလောန်ရှော၏ စာပေနှင့် စပ်လျဉ်းသော“ဘာအမြင်” “ညာအမြင်” စသည်ဖြင့် တင်ပြခဲ့ခြင်းများသာ ရှိပါသည်။

အထူးသဖြင့် စာပေ အပါအ၀င်ဖြစ်သော လူမှုရေး သိပ္ပံ၊ လူမှု ဆက်ဆံရေး အခြေခံ သိပ္ပံ ပညာများကို သိပ္ပံရိုးရိုးမှ သီဝရီ ဖော်ထုတ်ပုံနှင့် တစ်သားတည်း မြင်၍မရနိုင်။ ဗလောန်ရှော ရေးသားခဲ့သည်မှာ အများအပြား ဖြစ်ပါသည်။ ထိုအထဲတွင် စာပေ၊ ဘာသာစကား၊ အတွေးအခေါ် စသည်တို့နှင့် ပတ်သက်သော အရေးအသားများလည်း ပါဝင်သည်။ ဗလောန်ရှော၏ အရေးအသားတို့မှာ ခက်ခဲလှသည် ဖြစ်ရာ (ဆိုလိုသည်မှာ လွယ်လွယ်ကူကူ အနက်ပေါက်ရန် မလွယ်) ပညာရှင်များ၏ အလိုအရ ဗလောန်ရှော၏ အရေးအသားများကို ဖတ်ရှုရာတွင် တတ်နိုင်သမျှ ဖတ်၍ ဆက်စပ်ကြည့်ရန် လိုကြောင်း သိရပါ သည်။ သူ့အရေးအသားကို တစ်ကြောင်းဖတ် အကုန်သိ လုပ်ရန် မဖြစ်နိုင်။

သို့ရာတွင် အချက်တစ်ချက် အနေဖြင့် မေ့လျော့ထားခြင်း မရှိသင့်သည်မှာ သူ၏စာပေ အရေးအသား ဆိုင်ရာ အယူအဆ များမှာ ပြင်သစ်ဘာသာ စကားတွင် လုံးလုံး သို့မဟုတ် များစွာ အခြေခံ၍ ရေးသားခဲ့ခြင်း ဖြစ်ကြောင်းပင် ဖြစ်သည်။ အင်္ဂလိပ် သာသာ စကား/စာ သို့ ဘာသာ ပြန်ကြသည်မှာ ဆယ်စုနှစ် နှစ်ခုသာသာပင် ရှိပေဦးမည်။ ဗလောန်ရှော အနေဖြင့် အစိတ်အပိုင်း သီဝရီဟု ကန့်သတ်ဖော်ထုတ် ရေးသားခဲ့ခြင်း မရှိဟု ဆိုရသည်မှာ သူ၏ အရေးအသား တစ်ခုတွင်အခြေခံ၍ ဆိုရခြင်း ဖြစ်ပါသည်။

ဗလောန်ရှောက..
Fragmentary writing is risk, it would seem: risk itself. It is not based on any theory, nor does it introduce a
practice one would define as interruption...
The Writing of the Disaster. စာ-၅၉
သူကိုယ်တိုင်၏ အမြင် သို့မဟုတ် လက်ခံ ထားခဲ့သော အမြင်တစ်ရပ်တွင် အပိုင်းအစအဖြစ် ရေးသားထားသော အရေး အသားတို့မှာ သီဝရီ တစ်စုံတစ်ရာတွင် အခြေခံကာ ဖော်ထုတ် ၍ ရေးသားရခြင်းမျိုး မဟုတ်ပါ။ သီဝရီနှင့် ပတ်သက်သော ဗလောန်ရှော လက်ခံထားပုံ တစ်ခုကို ထပ်မံညွှန်းချင်ပါသေး သည်။ ယင်း စာအုပ် စာမျက်နှာ ၄၃ တွင်ပင်...
You theoreticians, know that you are mortal, and that theory is death in you. Know this, be acquainted with your companion. Perhaps it is true that 'without theorizing, you would not take one step forward', but this step is one more step toward the abyss of truth.

သို့ဖြစ်ရကား “အစိတ်အပိုင်း/အပိုင်းအစ Fragment/Fragmentary သီဝရီကို ဖော်ထုတ် တင်ပြခဲ့သူက မောရီဘလွန် ရှော” ဟု ဇော်ဇော်အောင်က အခိုင်အမာ ပြုထားသည်မှာ အခြားသော မောရီဗလောန်ရှော တစ်ဦးပေလော ဟု စဉ်းစားရန် အကြောင်း ရှိနေသည်။“သီဝရီကို ဖော်ထုတ်သူ” ဟု အခိုင် အမာ ဆိုထားသောအချက်မှာ အလွန့်အလွန် သံသယ ရှိစရာ ကောင်းလှပေသည်။ ထို့ထက် ပို၍သော် သီဝရီ တစ်စုံတစ်ရာကို အခြေပြုကာ Fragment/Fragmentary အရေးအသားမျိုး ကို ရေးခြင်း မဟုတ်နိုင်ကြောင်းကို ဗလောန်ရှောက ဤသို့ ဆိုခဲ့ပြန်သေးသည်။

Then to write fragmentarity is simply to welcome one's own disorder, to close up one's own self in a contended isolation and thus to refuse the opening that fragmentary exigency represents; an exigency that does not exclude totality, but gose beyond it.

The Infinite Conversation: စာ၊၃၅၉
အလားတူပင် ဇော်ဇော်အောင်၏ အရေးအသားများတွင် တခုတ်တရ ဖော်ပြလေ့ ရှိသော “ဗဟိုချက်မဲ့” ကိစ္စမှာ သံသယ ရှိစရာ ကောင်းနေပြန်သည်။ “ဗဟိုချက်မဲ့” သည့်ကိစ္စမှာ စာပေပညာရှင် အများစု၏ အမြင်တွင် ဇော်ဇော်အောင် အလေး ထားသလောက် အလေး ထားစရာ မဟုတ်ပါ။ ဗလောန်ရှော က Fragment နှင့် ပတ်သက်၍ ရေးသားခဲ့သည်မှာ မှန်၏။ ဇော်ဇော်အောင် တင်ပြခဲ့သော“ဗဟိုချက် Center” အကြောင်းကို အဓိကထားတင်ပြသော “အပိုင်းအစ” (ဤနေရာမှစ၍ Fragment ကို အပိုင်းအစဟုသာ သုံးပါမည်) မျိုး မဟုတ်။ အဓိက ဦးတည် တင်ပြခဲ့သည်မှာ “စာအုပ်တစ်အုပ်”၏ ဗဟို ချက်/ရည်ရွယ်ဦးတည်ကာ ဖော်ထုတ် တင်ပြထားသော အကြောင်း (သဘော)မျိုးသာဖြစ်သည်။ အကြောင်းမှာ စာအုပ် တစ်အုပ်နှင့် စာတစ်ပုဒ်တို့ အကြားတွင် “အတိုင်းအတာ” “အကျယ်အ၀န်း” “အကန့်အသတ်” စသည်များမှာ မတူကြ။

ဗလောန်ရှောက..
အစိတ်အပိုင်း တစ်ခု အနေဖြင့် ဖြစ်နေသော စာတစ်အုပ်တွင်ပင် ဆွဲဆောင်နိုင်မှု ရှိနေသော အချက်တစ်ခု ရှိနေသည် (ဤတွင် “အချက်တစ်ခု ” ဆိုသည်မှာ “ဗဟိုချက်” ဟု ဇော်ဇော်အောင်က ရေးလေ့ရှိသောအချက် ဖြစ်သည်။) ထိုအချက်မှာ ပုံသေကားကျ တည်နေသည် မဟုတ်။ စာအုပ်၏ အလေးအပေါ့တွင် တည်၍ဖြစ်စေ၊ ဖွဲ့စပ်ထားပုံ အနေအထား ပေါ်တွင် တည်၍ဖြစ်စေ ပြောင်းသွားနိုင်သည်။

သို့ရာတွင် ပုံသေကားကျ ဖြစ်နေသော ထိုအချက်သည်ပင် သူ့ဘာသာ ပြောင်းလဲ သွားနိုင်သေးသည်။ ရှိရင်းစွဲ အနေအထားမှ ပို၍ အချက်အချာ ကျလာနိုင်သည်။ ပိုမို၍ ဖုံးကွယ်ထားသော အနေအထား ရောက်သွားနိုင်သည်။ ပိုမို၍ မသေ မချာသော အနေအထား ရောက်သွားနိုင်သည်။ ပိုမို၍ စီးစီး ပိုးပိုး ဖြစ်လာနိုင်သည်။ စာအုပ်ကို ရေးသားသူသည် တပ်မက်မှု အရင်းခံ၍ ဖြစ်စေ၊ မသိလိုက် မသိဘာသာဖြင့် ဖြစ်စေ ထိုအချက်ကို ရေးသားခဲ့လေသည်။(Blanchot ၊၁၉၈၂။) Center ဟု အင်္ဂလိပ်လို ရေးသည်ကို “ဗဟိုချက်” ဟု ဘာသာပြန် သုံးစွဲ သည်ကတည်းက နားလည်ပုံများ လွဲနိုင်သည်။ အကြောင်းမှာ စာအုပ် တစ်အုပ်တွင် အရေးပါသော၊ ပဓာနကျသော၊ ထိမ်မြှုပ် ထားသော၊ ဆိုလိုရင်းကို ရှာမတွေ့နိုင်သော အချက်မှားမှာ ပါစမြဲ။ ဆုတ်ဖြဲကားရား နိုင်သော အရေးအသားမျိုး၊ ဦးတည်ချက် မရှိဘဲ ရေးသားခြင်းမျိုး၊ ဘာသာစကား အသုံးအနှုန်းများကို ကစဉ့်ကလျား ဆက်စပ် ထားခြင်းမျိုး စသည့် ရေးသားပုံမျိုး ကိုမှ ဗဟိုချက် မဲ့သည်ဟု ဆိုလိုကြသည် မဟုတ်ပါ။

အထက်ပါ စာပိုဒ်ကို ဖတ်ကြည့်လျှင် ဗလောန်ရှော ဆိုလိုသည့် သဘောကို ရိပ်စားမိနိုင်သည်။ ထိုစာပိုဒ်တွင် ဗလောန်ရှောက စာဖတ်သူကို အော်ဖီရပ်(စ)၏အကြည့် Orpheus’s Gaze အရ ကြည့်စေချင် သည်။ အော်ဖီရပ်(စ)အကြည့်မှ ရှောင်စေချင်သည်။(အော်ဖီ ရပ်(စ)အကြည့်ကို ရှေ့တွင် အကျဉ်းမျှ တင်ပြပါမည်။) ဖတ်သူက ရေးသူ၏ အဓိကထား ဖော်ထုတ် တင်ပြထားချက် (ဇော်ဇော်အောင် နားလည် လွဲထားသော “ဗဟိုချက်”)ကို ရွှေ့ပြောင်း ကြည့်နိုင်သည့် သဘော ရှိသည်။ အရေးအသား အတွင်း၌ တွေ့ရှိရသော “ရှိနေခြင်းများ”နှင့်“ပျောက်ဆုံးနေခြင်း” သည် ထိုအရေးအသား အတွင်းမှ အဓိက ကျမှု၊ ပဓာန ကျမှုများ ဖြစ်သည်။ တစ်နည်းဆိုသော် ရေးသားထားခြင်း အတွင်းမှ အဓိက ကျနေမှု တစ်စုံတစ်ရာသည် စာဖတ်သူ၏ ဖတ်ရှုပုံအတွင်း အနေ အထား ပြောင်းလဲသွားခြင်းဖြင့် ထိုအဓိက ကျနေမှုမှာ အနေ အထား ပြောင်းသွားတတ်သည့် သဘော ဖြစ်သည်။

ဗလောန်ရှော၏ အရေးအသားများကို နားလည်ရန်မှာ သူ၏ စာပေ ရေးသားခြင်းအပေါ် လက်ခံ ထားရှိသော အမြင်ကို သိရန် လိုအပ်ပါသည်။ ထိုအမြင်ကို အကျဉ်းမျှ ရှင်းပြပါရစေ။ ဗလောန်ရှော၏ အခေါ် အရသော် “အော်ဖီရပ်(စ)၏ အကြည့်” Orpheus’s Gaze ဟု ခေါ်ရပါမည်။ အရင်းခံ ကျောရိုးမှာ ဤသို့ ဖြစ်သည်။

ရှေးဂရိတို့၏ ဒဏ္ဍာရီ အရသော် အော်ဖီရပ်(စ)နတ်သား (နတ်သားဟူသော အသုံးအနှုန်းမှာ နားလည်လွယ်ရန် သုံးနှုန်းလိုက်သော အသုံးအနှုန်းသာ ဖြစ်ပါသည်) မှာ စောင်း (Lyre ကိုဆိုလိုသည်။) တီး၍ သီချင်းဆိုလေ့ ရှိသော သီချင်းသည် နတ်သား ဖြစ်ပါသည်။ (သူ့ခေတ်အခါကမူ အနုပညာသည်ဟု ခေါ်ရပေမည်။ ဟိန္ဒူ အတွေးအခေါ်တွင် တွေ့ရသော ပဉ္စသိင်္ခ နတ်သား သဘောမျိုးဟု ယှဉ်တွဲ နှိုင်းယှဉ်ကြည့်နိုင်သည်။) သီဆို တီးမှုတ်ရာတွင် အလွန်ပြောင်မြောက်သူ ဖြစ်သည်။ သူ၏ ဇနီး သီချင်းသည် နတ်သမီး (ဤတွင်လည်း နားလည်လွယ်အောင် နတ်သမီးဟု သုံးနှုန်း ထားရသော်လည်း ပြာစ့ကို ဆိုလိုခြင်းဖြစ်သည်) ယူရီဒီစီ သေဆုံး သွားသောအခါ လွမ်းဆွတ် တမ်းတသဖြင့် သေဆုံးသူတို့၏ အရပ်သို့ လိုက်သွားလေသည်။ ရှေးဂရိတို့၏ အယူအဆတွင် အသက်ရှင် နေသူတို့ နေထိုင်ရာသည် အထက်ကမ္ဘာ(Upper World ကို ဆိုလိုသည်) ဖြစ်ပြီး သေသူတို့နေထိုင်ရာမှာ အောက်ကမ္ဘာ (Under Worldဖြစ်သည်)ဖြစ်သည်။ အထက်ကမ္ဘာသည် အလင်း၊ အောက် ကမ္ဘာသည် အမှောင်ဟု လက်ခံ ထားကြသည်။

အောက်ကမ္ဘာသို့ ရောက်လေသော် အောက်ကမ္ဘာကို အုပ်စိုးသူတို့ကို သီဆို တီးမှုတ်ကာ ဖြေဖျော်ပြီး သူ့ဇနီးအား အထက်ကမ္ဘာသို့ ပြန်ခွင့်ပြုပါရန် တောင်းပန်လေသည်။ သူ၏ သီဆိုတီးမှုတ်ဖြေဖျော်မှုကြောင့် သနားစိတ် ပေါ်သွားကြသဖြင့် အောက်ကမ္ဘာကို အုပ်စိုးသော နတ်သမီးကြီး ပါစီဖုန်းနီးက အော်ဖီရပ်(စ) ၏ ဇနီးအား အထက်ကမ္ဘာသို့ ပြန်ခွင့်ပြုမည်။ မင်း ရှေ့ကသွားနှင့်။ အလင်းထဲသို့ မရောက်မချင်း မင်းရဲ့ ဇနီးကို လှည့်မကြည့်လေနှင့်ဟု မှာသည်။ အော်ဖီရပ်(စ)လည်း ကတိပြုကာ အထက် ကမ္ဘာဆီသို့ ရှေ့ဆီမှ ဦးဆောင်လျှောက် လာခဲ့လေသည်။ အလင်းထဲသို့ ရောက်လေသော် စိတ်ကို မထိန်းနိုင်တော့ဘဲ နောက်ကို လှည့်ကြည့်လိုက်လေရာ အလင်းနှင့် အမှောင်စပ်ကြား အတွင်းမှာပင် ရှိနေသေးသော ယူရီဒီစီမှာ တဖြည်းဖြည်း ပျောက်ကွယ်သွားတော့သည်။ ထိုရှေးဟောင်း ဂရိဒဏ္ဍာရီမှာ ဤနေရာတွင် မဆုံးသေးပါ။

သို့ရာတွင် ဤနေရာတွင်ပင်ရပ်ကာ လိုရင်းသို့ ပြန်ပါ ရစေ။ ထိုအော်ဖီရပ်(စ)၏ အကြည့်မှာ အနောက်တိုင်း၌ စာရေး သားခြင်း(အထူးသဖြင့် ဖန်တီးစာရေးသားခြင်း) ကို ရည်ညွှန်းကာ သုံးနှုန်းကြသော အသုံးအနှုန်းတစ်ခုဖြစ်ပြီး ထို အော်ဖီရပ်(စ)၏ အကြည့် သဘောကို ဗလောန်ရှောက လက်ခံသည်။ “စာရေးသားခြင်းဟာ အော်ဖီရပ်(စ)ရဲ့ အကြည့်နဲ့ စတာပဲ” (Blanchot ၁၉၈၂) ဟု ဆိုခဲ့သည်။

ဆက်လက်၍ ရှင်းဆိုသည်မှာ-
ဒီအခြေအနေမျိုးအထိ ရောက်အောင် ဆင်းသက်သွား တယ် ဆိုကတည်းက အော်ဖီရပ်(စ)မှာ အနုပညာနဲ့ ပတ်သက်တဲ့ စွမ်းဆောင်နိုင်မှုက ရှိနှင့်ပြီးသား။ ပြောရမယ် ဆိုရင်ဖြင့် အဲဒီ အနေအထား တစ်ခုကို ရောက်ခဲ့လို့ သာ တစ်ဦးတစ်ယောက် အနေနဲ့ စာရေးတာ။ အဲဒီ အနေ အထားကို ရောက်ဖို့ ဆိုတာကလည်း စာရေးသားခြင်း ကသာ လမ်းဖွင့်ပေးနိုင်တာ။ ဒီတော့၊ စာရေးဖို့ ဆိုတာက စာရေးနှင့်ပြီး ဖြစ်နေတာပဲ။ (ယင်း)

ဤတွင် ဗလောန်ရှောက ထပ်မံဖြစ်ပေါ်မှုသဘောကို ဆိုလိုသည်။ စာရေးခြင်းသည် စာရေးနှင့် ပြီးဖြစ်သည် ဆိုသော အချက်ကို သတိထား ကြည့်စေချင်သည်။ အော်ဖီရပ်(စ)၏ အနေအထားမှာ အလွန် ခက်ခဲသော အနေအထား ဖြစ်သည်။ မည်သို့သော အပြုအမူကို ပြုမူသည် ဖြစ်စေ ဆိုးကျိုး တစ်စုံတစ်ရာမှ မလွတ်မြောက်နိုင်။ အနုပညာ သည်တို့သည် သူတို့၏ အနုပညာ လက်ရာကို ကြည့်ချင်ကြ သည်ချည်း ဖြစ်၏။ ထိုဆန္ဒ တပ်မက်မှုသည်ကပင်လျှင် အနုပညာသည် တစ်ယောက် ဖြစ်လာစေချင်သည်သာ ဖြစ်တော့သည်။ အကယ်၍ မကြည့်ခဲ့လေသော် အနုပညာ တစ်ရပ် ဖြစ်မလာခဲ့။

ဆိုလိုသည်မှာ ယူရီဒီစီကို ကြည့်ခဲ့ခြင်းတွင် တဖြည်းဖြည်းချင်း ပျောက်ဆုံး သွားခဲ့ရသော ယူရီဒီစီမှာ အနုပညာ ဖြစ်စဉ်၏ သဘောသာ ဖြစ်ပေတော့သည်။ အကြည့်က တစ်စုံတစ်ရာကို ပြီးဆုံး စေခဲ့တော့သည်။ တစ်နည်းဆိုသော် သေဆုံးခြင်းသို့ ဦးတည် သွားခဲ့သည်ကဲ့သို့ ဖြစ်သည်။ သို့ရာတွင် အရပ်စကား ဖြင့် လက်ခံ နားလည်ကြသော “သေဆုံးခြင်း” မျိုးကားမဟုတ်။

ဗလောန်ရှော၏ စကားအားဖြင့်သော်...
သူ(အော်ဖီရပ်စ်)ကသာ ယူရီဒီစီကို မကြည့်ခဲ့ရင် သူမကို သူ့နားပိုပြီး နီးမလာစေနိုင်။ သူမလည်း မရှိနိုင်။ ဒါပေမဲ့ အဲဒီလို ကြည့်လိုက်တာကိုက သူကိုယ်တိုင်ပါ ပျောက်ဆုံးခဲ့တယ်။ သူလည်း သူမလိုပဲ သေခဲ့တာ။ သေတယ် ဆိုပေမယ့် လူတွေ(အရပ်ထဲမှာပြောနေကြတဲ့) ငြိမ်းချမ်းသွားမှု၊ ရပ်တန့် သွားမှု၊ အနားရသွားမှု ဆိုတာမျိုးတွေ မဟုတ်ဘူး။ တခြား သေပုံတစ်မျိုး၊ အဆုံး ပျောက်ဆုံးနေတဲ့ အတွက် ရရှိတဲ့ဝေဒနာ ပဲ။ (ယင်း)

ခြုံငုံ၍ ပြန်လည် တင်ပြရသော် အော်ဖီရပ်(စ)၏ မှားယွင်း ခဲ့သော (တစ်နည်း မမှန်သော) မျှော်လင့်ချက် တစ်ရပ်သည် ကပင်လျှင် ပျက်စီးရာ ပျက်စီးကြောင်းကို ဖြစ်စေခဲ့တော့သည်။ ဤအချက်ကို ယူ၍သော် ဗလောန်ရှောက ဆိုချင်သည်မှာ အနုပညာ လက်ရာ တစ်ရပ်ကို တပ်မက်ခြင်းသည်၌ပင် အပိုင်း အစတစ်ခု၏ ပုံစံ သဘောက ရှိနေနှင့်သည်ဟု ဖြစ်သည်။ ဆိုလိုသည်မှာ စာအရေးအသားအားဖြင့် ဖော်ထုတ် တင်ပြ ထားသော အနုပညာ လက်ရာ တစ်ခုသည် အရေးအသား အရ ပြီးဆုံးလိမ့်မည် မှန်သော်လည်း မပြီးဆုံးသေး။ ထို့ကြောင့်ပင် အရေးအသား တိုင်းသည် အပိုင်းအစ တစ်ခုသာ ဖြစ်သည်ဟု မြင်ခြင်း ဖြစ်ပေတော့သည်။
(ဆက်လက်ဖော်ပြပါမည်)

မြင့်သန်း
(ရွှေအမြုတေ မဂ္ဂဇင်း၊ဇွန်လ ၂၀၁၁)

ရွှေအမြူတေ မဂ္ဂဇင်းမှ ကူးယူ စုစည်း ဖော်ပြသည်။
မောင်တေဇာအောင်

တန်ပို၊ ကုန်စည် စီးဆင်းမှု၊ အဝါရောင် စာနယ်ဇင်း၊ တောင်သူများနဲ့ ရောက်တတ်ရာရာ

2011-03-11T13:08:00.001-08:00

မနက်က ကိစ္စကလေး ရှိတာနဲ့ မန်ဝိန်းဂိတ်ပေါက်(မူဆယ်-ကျယ်ဂေါင် ကုန်ကားကြီး အဝင်ပေါက်)မှာ ဆိုင်ကယ် ဒေါက်ထောက် ထိုင်နေတုန်း မြေလတ်သား ပုံစံ လူတစ်ယောက်က လာမေးတယ်။ သစ်သီးပွဲရုံ နာမည် တစ်ခု ပြောပြီး ကယ်ရီ လိုက်ပို့ဖို့ ပြောတာ။ ဒီစကားကို ထောက်ချင့်ပြီး အသီးကုန်သည် တစ်ယောက်ဆိုတာ သိသာတယ်။ ရာသီကလည်း ဖရဲသီး ပေါ်ချိန်ကိုး။ လမ်းကြုံတယ် လိုက်ခဲ့ လို့ ပြောပြီး တင်ခေါ်လာခဲ့တယ်။

စကားနည်းနည်းစလိုက်တာနဲ့ ဒီလူက သူ့ရောင်းကုန်တွေ အကြောင်း ကရားရေလွှတ် ပြောတော့တာပဲ။ ဒီနှစ်က ဖရဲတောင်သူတွေ ရွှေဖြစ်တဲ့ နှစ် တဲ့။ သူ့စကားကို ကြားပြီး မြန်မာပြည် အလယ်ပိုင်းက တောင်သူတွေအတွက် ဝမ်းသာမိတယ်။ ဖရဲကလည်း တကယ့်ကို ဈေးကောင်းရနေတယ် ဆိုတာ ကိုယ်က ဟိုမှာ ဒီမှာ ကြားထားတယ်။ တရုတ်ပြည်ဘက်မှာ နှင်းခါးတွေ ကျပြီး တရုတ်တောင်သူတွေ အလုပ်မဖြစ်တော့ မြန်မာဖရဲတောင်သူတွေအတွက် ကြွေကောင်းတယ် ပဲ ပြောရမယ်။ ( ဒီနေရာတွင် တောင်သူများ ဆိုသည်မှာ အညာခေါင်ခေါင်ဒေသ ခုနေ သောက်သုံးရေတောင် အနိုင်နိုင်ရတဲ့ ဒေသက တောင်သူများ မပါဝင်ပါ။ ထိုသူများအဖို့ ခုချိန်တွင် ပင်ကျရည်လေးသောက်၊ ကြက်ဖကလေးများ ပိုက်ကာ ဆိုင်ရာကြေးလေး ဆက်သွင်း၊ ဝိုင်းဖြစ်အောင် လုပ်ရင်း အညာနွေခေါင်ခေါင်ကို သုံး၊လေးလ ဖြတ်သန်းနေကြရပါလိမ့်မည်။ ဟိုမှာ သည်မှာ ဘုန်းကြီးပျံပွဲ၊ အာဝါဒေး(Our Day) ပွဲ၊ နတ်ကနားပွဲများတွင် ပွဲကရာ ကျီးမော လုပ်ကာ အချိန်ဖြုန်းဖို့သာ ရှိပါသည်။ ဒါလည်း အကောင်းဘက်က ကြည့်သော် တစ်နှစ်လုံး နွားနဲ့ ဖက်ပြီး ကုန်းရုန်း လုပ်ခဲ့ရသမျှ အတိုးချ နားသည်ဟု ယူလိုက ယူနိုင်သည်။ ။. ဖြည့်စွက် )

(လမ်းခရီးမှာ ကရိကထများရတာကိုတော့ အောက်မှာ ဆက်ရှုပါ။)

မန္တလေးဘက်ဆီ သွားတိုင်း လမ်းမှာ ဖရဲတင်တဲ့ ၁၂ဘီးကားတွေ တသီတသန်းတွေ့နေရတာလည်း ပါတယ်။ တသီတသန်း ဆိုတာက ကုန်ကားတွေကို ကုန်ချိန် ကန့်သတ်ပြီး တန်ပိုတွေ ဒဏ်ရိုက်နေတော့ကာ တစ်စီးနဲ့ ပြီးမယ့်ကိစ္စကို နှစ်စီး၊ သုံးစီး သွားရတာဆိုတော့ လမ်းမှာ ကုန်ကားတွေ လိုအပ်တာထက် ပိုပြီး များတာမျိုးပဲ။ အေးရှားဝေါလ် တိုးလ်ဂိတ်တိုင်း တန်ပို ချိန်တဲ့ အချိန်မှာ ကားတန်းရှည်ကြီး တန်းစီ စောင့်ကြရတာကိုး။ လမ်းတွေက ကျဉ်းတော့ တစ်ခါတစ်ခါ လမ်းပိတ်ပြီး ကားလေးတွေ သွားမရလောက်အောင်ထိ ဖြစ်တတ်တယ်။

တနေ့က ဂျာနယ် တစ်စောင်မှာ ဖတ်လိုက်ရတာက ကုန်ကားတွေ တန်ပိုတင်လာရင် ဖြတ်သန်းခွင့် မပြုဘဲ ပြန်လှည့်ခိုင်းတယ် လို့ ဖော့ရေးတယ်။ စောစောက လူ ပြောတာကျတော့ ကားကို သိမ်းပြီး ယာဉ်မောင်းကို ထောင်ချတယ် လို့ ပြောတယ်။ ကိုယ်နဲ့ သိပ်ဆိုင်လှတာ မဟုတ်တော့ ဘယ်ဟာ ဘယ်လိုဆိုတာကို လိုက်ပြီး စေ့ငု မနေနိုင်ဘူး။ ကိုယ်တွေးမိတာ နဲ့ ကိုယ်မြင်တာ ပြောရရင် မြန်မာပြည်က ယာဉ်မောင်း/ ကားသမားတွေကို ချီးကျူး ရမလိုပဲ။ ဥပဒေ ထုတ်တဲ့သူက ထုတ်ပေမယ့် လုပ်မယ့်သူကလည်း ဖြစ်တဲ့နည်းနဲ့ လက်တလုံးခြား လုပ်တတ်တဲ့ စရိုက်မျိုးကို မြန်မာလူမျိုးတွေရဲ့ အကျင့် လို့ ပြောရမလားပဲ။

(လူမျိုးနဲ့ ချီပြောမိတော့ ဆဲချင်တဲ့ သူလည်း ရှိမယ် ထင်တယ်။ ဒါပေမယ့် ကိုယ်က မဖြစ်ညစ်ကျယ် ဘလောက်မှာ ရေးတာ ဘာမှ မဖြစ်နိုင်ဘူး။ တလောက တရားဝင် ပုံနှိပ်တဲ့ ဂျာနယ်မှာ ရေးသွားတဲ့ ဆောင်းပါးဆရာ နီမင်းဆွေ တောင် “အဒိန္ဒဒါနကံကို လိုလိုချင်ချင် ကျူးလွန်တာဟာ မြန်မာလူမျိုးတွေရဲ့ စရိုက်ပဲ” လို့ မပြီးနိင် မစီးနိုင် ခိုးကူးခွေ ကိစ္စကို ပေါ်တင်ကြီး ဆင့်ဟိုဒင်း ခွေးမျှော်သလို မျှော်ပြီး ရေးသွားသေးတယ်။ တနေ့ပုံမှန်ဝင်ငွေ တစ်ထောင်လောက်ရအောင်တောင် အသည်းအသန် ရုန်းနေကြရတဲ့ ဒီခေတ်ကြီးမှာ ဒီစကားနဲ့ ပတ်သတ်ပြီး ခံပြင်းမိပေမယ့် ကိုယ်က အရာမရောက်တော့ မျက်စိမှိတ် နားပိတ်ပြီး နေရတော့တာပဲ။ မျက်နှာကြီးရာ ဟင်းဖတ်ပါချင်တဲ့ ကိုယ့်ကိုယ်ကို သေချာပြန်မကြည့်ပဲ၊ ကိုယ့်မျက်ချေး ကိုယ် မမြင်ဘဲ (ဟိုတုန်းက စကားနဲ့ ပြောရရင် ) သခင်အားရ ကျွန်ပါးဝ ချင်တယ် လို့ ပြောရမလားပဲ။ ထားတော့။)

ပုံမှန်အတိုင်း ကုန်အပြည့်တင်လာတဲ့ ကားက အေးရှားဝေါလ် တိုးလ်ဂိတ်ကို မရောက်ခင် တန်ပိုပါလာတဲ့ ကုန်တွေကို အရပ်အခေါ် ဂျိုထောင်၊ ထော်လာဂျီနဲ့ ကဲ့ပြီး ဟိုဘက်ကိုကျော် ။ ဟိုဘက်မှာ ပြန်တင်နဲ့၊ ကုန်တင် ကုန်ချ လုပ်နေလိုက်ကြတာ ပွဲကို စည်နေတာပဲ။ ဟုတ်တာ မဟုတ်တာ အပထား အကောင်းဘက်က လှည့်ပြောရရင် အနီးအနား ရွာတွေက ထော်လာဂျီသမား၊ အလုပ်သမားတွေ အလုပ် ဖြစ်တယ် လို့ပဲ ပြောရမယ်။ အဲဒီကလူတွေလည်း ငွေရွှင်တယ်၊ ဝမ်းစိုကြတယ် ဆိုသလိုပေါ့။ သယ်ယူစရိတ် အပါအဝင် အထွေထွေ ကုန်ကျစရိတ်တွေ မြင့်တက်လာပေမယ့် မျှစားကြတာမျိုးကိုး။ ဒီအတွက် တန်ပိုတွေ ကန့်သတ်လိုက်တဲ့ သက်ဆိုင်ရာကိုပဲ အဲဒီလူတွေက မေတ္တာပို့၊ အမျှအတန်းတွေ ဝေချင် ဝေနေဦးမှာ။ ဟုတ်တယ်လေ၊ ပုံမှန် ယာထဲတောထဲ ထင်းခုတ် မီးသွေးဖုတ်မှ မဖြစ်စလောက် ရမယ့်ဟာကို ထင်သာ မြင်သာ ရနေတာကိုး၊။ ဘာပဲ ပြောပြော ရေမြင့်ရင် ကြာမြင့်မှာ ပဲ မဟုတ်လား။

ပို့ဆောင်ဆက်သွယ်ရေးတို့၊ လမ်းတံတားကိစ္စ ဘာညာ ဆိုတာမျိုးက ကိုယ် အကျွမ်းဝင်တဲ့ ကိစ္စ မဟုတ်ပေမယ့် ဆရာကံချွန်ရေးတဲ့ “ကံချွန့်လက်သံ တညံညံ” စာအုပ်ထဲက မြန်မာပြည်က ပို့ဆောင်ဆက်သွယ်ရေး၊ လမ်းပန်းဆက်သွယ်ရေးတွေကို နှိပ်ထားတာတွေကို သတိရမိတယ်။ နိုင်ငံခြားက တင်သွင်းလာတဲ့ တန် ၂၀၊ တန် ၃၀ ကားကြီးတွေကို မြန်မာပြည်မှာ ကုန်တင်သွားလာတဲ့ အခါ တံတားခံနိုင်ဝန် တို့၊ လမ်းခံနိုင်ဝန် တို့ ကျော်နေလို့ ခါးဖြတ်ရတာမျိုး တွေအတွက် အစစအရာရာ နစ်နာတယ် ဆိုတာကိုတော့ လက်ခံ သဘောကျတယ်။ ဘယ့်နှယ် သူ့အင်ဂျင်ပါဝါ နဲ့ သူ့ ဘော်ဒီ အံကိုက်လုပ်ထားတဲ့ အကောင်းကြီး ရှိနေတဲ့ ကားတွေကို လမ်းတံတားတွေကြောင်း ဖြတ်ပစ်ရတယ် ဆိုတာမျိုးက ဘယ်လောက် နှမြောစရာ ကောင်းလိမ့်မလဲ။ ပြီးတော့ တစ်ခေါက်သွားရမယ့် ခရီးကို နှစ်ခေါက် သွားရတော့ အချိန် ကြန့်ကြာတာ တစ်မျိုး၊ နှစ်ခေါက်ဆိုတော့ လောင်စာဆီ နှစ်ဆလောက် ကုန်တာက တစ်မျိုး နဲ့ ရလာမယ့် အသားတင် အမြတ်ငွေက ဟိုပွန်း ဒီပွန်း ပွန်းနေပြီ။ ဆရာ ကံချွန် ဒီဆောင်းပါးတွေ ရေးတုန်းက 1970 ကျော် 80 ပတ်ဝန်းကျင်က လမ်းတံတား ကိစ္စ၊ ကုန်းလမ်း ပုိ့ဆောင်ရေး ကိစ္စတွေကို ဟံသာဝတီမှာ ရေးထားတာ၊ မီးမောင်းထိုးပြထားတာတွေ။

အခုလည်း ဆယ်စုနှစ် သုံးခုလောက်သာ ကြာသွားတယ်။ ဘာမှ ထူးမလာဘူး။ နေ့စဉ်ထုတ် သတင်းစာတွေနဲ့ ရုပ်မြင်သံကြားသတင်းတွေမှာ ဘယ်ကလောက် ဖွံ့ဖြိုးတိုးတက်နေပါတယ်၊ ဖွံ့ဖြိုးတိုးတက်လာပါတယ် ပြောပြော ကိုယ်တွေ့ကြုံနေ၊ မြင်နေရတာတွေထက်တော့ ယောင်လို့တောင် နားထောင်ရမှာ ခပ်ခက်ခက်ပဲ။ တနေ့က “ငှက်နှစ်ကောင် စကားပြောခြင်း” ခေါင်းစဉ် နဲ့ ဆရာဆူးငှက်ရေးထားတဲ့ ဆောင်းပါးထဲကလိုပဲ။ “သီပေါမင်း ပါတော်မူတုန်းကလည်း ဂေါဝိန်ဆိပ်ကမ်းမှာ မီးအိမ်လေးဆွဲပြီး သင်္ဘောပေါ် ဂရုစိုက် တက်ရတာပဲ။ ခုလည်း ဒီအတိုင်းပဲ။” ဆိုသလိုမျိုးပဲ။ တကယ်သာ ဟုတ်တိပတ်တိလုပ်မယ်ဆိုရင် မန္တလေးက ဂေါဝိန်ဆိပ်ကမ်းဟာ အထက်အောက် ကုန်စည်ဖလှယ်ရခြင်းမှာ အရေးပါ အရာရောက် အားကိုးလောက်တဲ့ ဆိပ်ကမ်းဖြစ်ရင် ဖြစ်လာမှာပဲ။ ဒီဟာနဲ့ ပတ်သတ်ပြီး ဆက်ရေးရရင် မြန်မာပြည်က ဂျာနယ်မှာ မျက်နှာဖုံးခေါင်းကြီးတပ် ရေးထားတဲ့ မြစ်တွေ သောင်ထွန်းတာတွေပါ ပါလာပြီး မြစ်ကြီးတွေအတွက် စိုးရိမ်သောကရောက်၊ အိပ်မပျော်၊ စားမဝင် ဖြစ်နေတဲ့ ရေပေါ်ဆီ လူတစ်စုတွေ ပါလာနိုင်ပြီး ပိဿာလေးနဲ့ နံဘေး ပစ်သလို ဖြစ်နေတဲ့ အရေးအသား ဖြစ်မှာ စိုးလို့ ချန်ခဲ့ပါရစေ။ စတုတ္ထမဏ္ဍိုင်၊ မီဒီယာသမား နာမည်ယူ အမည်ခံပြီး တဆိတ်ရှိ ဒါမျိုးလေးတွေနဲ့ လုပ်စားလို့ ကောင်းနေတဲ့ လူတွေ အတွက်လည်း ကိုယ်က ဘာမှ မတတ်နိုင်ဘူး။ အုံနဲ့ ကျင်းနဲ့ ကျီးအုပ်ပြိုသလို ဝိုင်းတွယ်တတ်တဲ့ သတင်းသမားလောကကြားမှာ အမုန်းခံ ရှေ့ထွက်မယ့်လူလည်း လောက်လောက်လားလား မရှိဘူး။ နောက်ပြီး သတင်းသမားတွေ အတွက် ဆင်ခြေပေးစရာလေး ရှိနေတာက ပုံနှိပ်မီဒီယာခမျာ မလွတ်လပ်ပါဘူး ဆိုပြီး အသံကောင်း ဟစ်လို့ ရနေတော့ စားသာနေသေးတယ် ပြောရမလားပဲ။ ဒီတော့ ကိုယ်လည်း ကိုယ့်ဆရာတွေ စောင်ခြုံထဲက လက်သီးပုန်းပြ နေသေးတာမျိုးကိုသာ ကျေနပ် ပီတိ ဖြစ်နေရရုံမဟုတ်ဘူးလား.။ (ခုတောင် ကိုယ်ရေးတာ ချော်တောငေါ့နေပြီ။)း)

ဆက်ရရင် အဝေးပြေးကားလမ်းတွေမှာ ကားသမားတွေ ရယ်စရာ ပြောသလို “ ၁၂ လက်မ တစ်ပေ၊ သုံးပေ တစ်ဂိတ်” ဆိုသလိုမျိုး လမ်းတံတား အသုံးပြုခ ကောက်ခံရေးစခန်း၊ မြို့ဝင်ဂိတ်ကြေး အဖုံဖုံ ပေါများလှတဲ့ ဂိတ်တွေမှာ ယာဉ်မောင်းသမားတွေခမျာ ကုန်တွေ တင်လိုက် ချလိုက် လုပ်ရပုံမျိုး ဘယ်လောက် ဒုက္ခများမလဲ တွေးကြည့်စရာ တောင် မလိုပါဘူး။ လုပ်ကိုင်စားစရာ ရှားပါးလှတဲ့ ဒေသမှာ စိတ်ရှည် ဇွဲသန် သည်းညည်းခံပြီး ခန္တီပါရမီ ဖြည့်ရင်း လုပ်ကိုင်ကြရမှာပါပဲ။

ဒါနဲ့ စောစောက လူကို “ဒီပုံစံနဲ့ ဆို ခင်ဗျားတို့တတွေ မူဆယ်- မန္တလေး ဘယ်နှစ်ရက်တောင် မောင်းရမှာလဲ” လို့ မေးကြည့်မိတယ်။ သူကလည်း ပွင့်ပွင့်လင်းလင်း ပြောရှာပါတယ်။ ပြင်ဦးလွင် အထွက်ဂိတ် ကျော်ပြီးရင် ဒီဘက်က ဂိတ်တွေက အဆင်ပြေအောင် ကြည့်ညှိလို့ ရပါတယ် တဲ့။ ဒီအတွက် စာအုပ်တစ်အုပ်ထဲမှာ ဖတ်လိုက်မိဖူးသလို “လူတွေမှာ ပါးစပ်ရှိရင် လာဘ်ရှိနေဦးမှာပဲ” ဆိုတာကို တွေးမိရင်း ပြုံးရတယ်။ ပြီးတော့ ဒီဘက်က လူတွေကိုလည်း အတော်လေးကို နားလည်မှု ကြီးပါပေတယ်၊ သဘောထားကြီးပါပေတယ် လို့ အထင်ကြီးမိတယ်။ ပြီး မူတို့- လူတို့ ဆိုတာမျိုးကို ကွဲကွဲပြားပြား ကျင့်သုံးတတ်ပါပေတယ် လို့ လေးစားမိတယ်။ ကိုယ့်အိတ်ထဲ သပိတ်ဝင် အိတ်ဝင်နဲ့ ဝင်လာမစဲ တသဲသဲ် ဖြစ်လာမယ့် ကိစ္စကို မြောင်းလေးဖောက်ပြီး သဲ့ယူရမှာမျိုးကို ဝေရာမဏိ လုပ်မယ့် သူမျိုး ဒီဘက်လို နေရာမျိုးမှာ မရှိနိုင်ဘူး မဟုတ်လား။ အဓိက က ကိုယ်တို့ဆီမှာ (ပုဂ္ဂလိက ဖြစ်ဖြစ်၊ အစိုးရဖြစ်ဖြစ်) လမ်းတံတား၊ ဆည်မြောင်း၊ ဆောက်လုပ်ရေး ဝန်ထမ်းဆိုတာမျိုးက ဒီလိုမျိုး ထွင်လုံး စားလုံးတွေကို သိထားကြတာ အစဉ်အဆက်လို့တောင် ပြောလို့ရတယ်။ တကယ်တော့လည်း သူ့ဟာလေးနဲ့သူ အဆင်ပြေနေသေးတယ် ဆိုလို့ ရှိရင် အကောင်းချည်း ရှိပါသေးလို့ပဲ တွေးထားရုံပဲ။ ကိုယ်လည်း မတတ်နိုင်၊ တိုက်ရိုက်ကြီးလည်း မသက်ဆိုင်လှဘူး လို့ ပြောရုံပဲ။

ဒါပေမယ့် ကိုယ့်စိတ်ထဲ တစ်ခု လန့်တန့်တန့် ဖြစ်မိတာက အဲဒီ ၁၂ ဘီးကားတွေ ကုန်တန်ချိန် တင်နိုင်တဲ့ အလေးချိန်ရဲ့ တစ်ဝက်ကိုပဲ တင်ပြီး အဝေးပြေးလမ်းပေါ်မှာ အင်ဂျင်ပါဝါကောင်းကောင်းနဲ့ အရမ်းအရမ်း မောင်းနေတာမျိုးကိုပဲ။ ကားတွေ ရှောင်တိမ်း၊ ကျော်တက် လုပ်တဲ့ အခါ တလဟော မောင်းရင်း ကိုယ့် ဝင်ကျုံးသွားရင် ပြီးပါရောလား။ ဒါပေမယ့် ဒီကိစ္စကြီးလည်း ဘယ်သူ့ သွားပြောလို့ ရမှာတုန်း။ လမ်းပေါ်မှာ ဘယ်သက်ဆိုင်ရာကမှ လိုက်ပြီး စောင့်ရှောက် ကြည့်ရှုပေးနေတာမှ မဟုတ်တာ။

ပုံမှန်လိုလို နှစ်ပတ်၊ သုံးပတ် နောက်ကျပြီး ဖတ်နေရတဲ့ (တချို့ မဝယ်မနေရ စနစ်အရ) Commerce ဂျာနယ်မျိုးမှာ နယ်စပ်ကုန်သွယ်ရေး ကိစ္စ၊ ကုန်စည် စီးဆင်းမှု၊ တွေ မြန်ဆန်ချောမွေ့နေတယ် ဆိုတာမျိုးလို ရေးထားတာကိုလည်း ထူးထွေတည့် အံ့ရာသော် သဘောမျိုးနဲ့ ဖတ်ရပါတယ်။

နောက်ဆုံး အနေနဲ့ ရေးရရင် ဒီတစ်နှစ်အတွင်း ဖရဲစိုက် တောင်သူ၊ ကြက်သွန်စိုက် တောင်သူ အစရှိသဖြင့် တချို့တလေသော လူများ အဆင်ပြေနေကြသည်များမှာလည်း ကိုယ်မစားရသော်ငြား ဝမ်းသာမယ်ဆို ဝမ်းသာနေပေးလို့ ရနိုင်ကြောင်းပါ။ သို့ပေမယ့် တစ်ခုလေး သတိချပ်ရန်မှာ တောင်သူလယ်သမား ဆိုသည်မှာ ရာသီချိန် ပေါ်တုန်း ပေါ်ခါသာ ဝမ်းဝ ခါးလှပြီး ကျန်အချိန်များမှာတော့ ဒုံရင်း ဒုံရင်းနှင့်သာ လုံးချာလည် လိုက်နေရကြောင်း၊ ထိုမှ တဝ တောင်သူများအတွက် အားထားရာ ဆိုသော ဆောင်ပုဒ်လိုလို စကားလုံးများနှင့် ဈေးကြီးကြီးတင်၍ ရောင်းချသော စိုက်ပျိုးရေးဆေး ကုမ္ပဏီများနှင့် အရောင်းကိုယ်စားလှယ်များသာ စင်္ကာပူ၊ ဘန်ကောက်၊ ဗုဒ္ဓဂယာ များသို့ အလည် အပတ် သွားရောက် နိုင်ကြကြောင်း မေ့တေ့တေ့ ဖြစ်နေတဲ့ လင်္ကာကလေး “ မပြေးသော် ကန်ရာရှိ၊ မရေးသော်........? ” ဆိုသလို ရေးချလိုက်မိပါသည်။

စာကြွင်း။ ။ ကိုယ့်လိုကောင်ခမျာ စာရေးသမား ဘယ်တော့မှ မဖြစ်နိုင်ဘူး ဆိုတာကို သိသိကြီးနဲ့ ငြင်းဆန်နေတုန်းပါပဲ။ ခု အထက်ပါအရေးအသားကိုသာ ကြည့်ပါ။ လိုရင်းမရောက်၊ ဟိုရောက် ဒီရောက်နဲ့ အီလည်လည် ကြီး ဖြစ်နေပါသော်ကော။ ဒါလည်း ဘာမှ မတတ်နိုင်ပါဘူး.။ ရေးမိလျက် ရေးပြီးလျက် ရှိသောကြောင့်သာ ဘလောက်ပေါ်ကို တင်လိုက်မိပါသည်။ ဟိုဟာကလေး ပြင်ပေးပါ၊ ဒီဟာကလေး ပြင်ကြပါ ဆိုပြီး ကိုယ်က ရေးမိသော် ကိုယ့်လောက် အ, တဲ့ န,တဲ့ သူ ရှိလိမ့် မထင်ပါ။ ထင်ရာ မြင်ရာ ရေးသော စာ ဖြစ်သောကြောင့် မြင်မိ၊ ထင်မိ သည့် တစ်သီးပုဂ္ဂလ အမြင်များသာ ဖြစ်သည်။ ရှေးရှေးဆရာကြီးများ ရေးသားခဲ့ကြဖူးသလို(ကြားဖူးပြီး မဖတ်ဖူးသော) ပြုပြင်ရေးဆောင်းပါးများ၊ မကြောက်တရားဆောင်းပါးများ မဟုတ်သည့် အတွက်တော့ ကိုယ့်ကိုယ်ကို အသာကလေး ကျောသပ်၍ “ရွှေပြည်ကြီးမှာ မင်းလို လူတွေ တပုံကြီး၊ မင်းလို တောင်ပြော မြောက်ပြော ပြောတတ်တဲ့ ဘာမှ မစွံတဲ့ ဖားကျွတ်-ဖွတ်ကျားတွေ ရိုက်သတ်လို့၊ မီးပုံရှို့လို့တောင် မကုန်ဘူး။ ” ဟု ပြောရမယ် ထင်တယ် လို့ တွေးရင်း နေသာအောင် နေဖို့ ဆုံးမရပေလိမ့်ဦးမည်။

တေဇာအောင်
စနေနေ့၊ မတ်လ ၁၂၊ ၂၀၁၁

နွေရာသီအတွက် ပြင်ဆင်ခြင်း

2011-02-25T04:57:00.001-08:00

“ဟေမန္တမှာ ဂန္တဝင် ဖတ်သင့်ပါတယ်။ စိတ်ဟာ သမာဓိတည်နေလို့ ဖြစ်ပါတယ်။ နွေဂိမာန်မှာ သမိုင်းဖတ်သင့်ပါတယ်။ တစ်စုံတစ်ယောက်မှာ အချိန်အား ရှိကြလို့ ဖြစ်ပါတယ်။ ဝဿန္တမှာ ဒဿန ဖတ်သင့်ပါတယ်။ ဒဿန အရာတွေမှာ ဆွဲဆောင်တတ်တဲ့ စိတ်ကူး ရှိလို့ ဖြစ်ပါတယ်။ ဆောင်းနှောင်း နွေဦးမှာတော့ စာရေးဆရာကြီးများရဲ့ စာပေါင်းစုများ ဖတ်သင့်ပါတယ်။ သဘာဝအသက် ပြန်ဝင်လာသော ကာလမို့ ဖြစ်ပါတယ်။”
(ကိုတာ-သူငယ်ချင်းများနဲ့ စကားစမြည် ပြောဆိုခြင်း မှ)

ကျုပ် မိတ်ဆွေများ စာဖတ် မပျင်းကြဘူး ထင်တာပါပဲ။ ဒါကြောင့်သာ ကျုပ်ရေးတာလေး ဖတ်ကြတာကိုး။ အပေါ်က ဟာလေး မိတ်ဆွေများ သဘောတူတာ မတူ အပထား။ ညက ကျုပ် အိပ်မပျော်လို့ အဟောင်းတွေ ပြန်လှန်ရင်း နှစ်သက်မိလို့ပါ။ ပြီးတော့ ဒီရက်ပိုင်း ကျုပ် ဖတ်မိတာကလေးတွေလည်း စိတ်ဝင်စားရင် ရှာဖတ်လို့ ရအောင်လို့ပါ။ တခြား ဘာသဘောမှ မပါပါဘူး။(ကိုတာ့ လေ ဖြစ်သွားတယ်ဗျာ)

ရွှေပြည် ဦးဘတင် ဆိုရင် ကြားဖူးတဲ့သူလည်း ရှိ၊ မကြားဖူးတဲ့လူလည်း ရှိမှာပေါ့။ မန္တလေးဘက်ဆီက။ အတိုချုံး ပြောရရင် ကိုဘိုဘိုတို့ အဘွား ငယ်ငယ်က ဆရာကြီးပဲ။(နောက်ဆက်တွဲမှာ လူထုဒေါ်အမာရဲ့ သူ့ဆရာအကြောင်း ဆောင်းပါးတွေ ပါ ပါတယ်)။ အတ္ထုပ္ပတ္တိအကျဉ်းမှာ ပန်းချီ၊ ဒါရိုက်တာ ဦးဝင်းဖေ ရဲ့ အဖေလို့လည်း ပါတယ် ဗျ.။ ဆရာလုပ်တာ မဟုတ်ပါဘူး.။ ဒီလိုမျိုး မိတ်ဆက်ပေးရင် ပိုရင်းနှီးမယ် ထင်လို့ပါ။

မန္တလေး တက္ကသိုလ်က မြန်မာစာဋ္ဌာနမှာ ဟောပြောခဲ့တဲ့ အသံသွင်း တိပ်ခွေတွေကို ဝင်းတင့်(ကလောင်အမည်ထင်တယ်)က ပြန်စာစီပြီး စာအုပ် ရိုက်နှိပ် ထုတ်ဝေထားတာ။ ဆရာကြီး ရွှေပြည်ဦးဘတင်က မင်းမျိုးမင်းနွယ် ရှေ့မှီနောက်မှီ ဆိုတော့ ပြောတဲ့ ဟောတဲ့ အကြောင်းအရာက စုံတယ်။ ပြီးတော့ ဓမ္မကထိက ဘုန်းကြီး လူထွက်ဆိုတော့ အဟောအပြော ကောင်းတယ်။ ရှေး ရှင်ဘုရင်များလက်ထက်က အဖြစ်အပျက် တော်တော်များများကို ပုံပြင်တွေ ပြောသလို စီကာပတ်ကုံး ပြောဟောထားတာတွေ။ ကျုပ်အတွက်တော့ ဖတ်လို့လည်းကောင်းတယ်။ စိတ်လည်း ဝင်စားတယ်။

ကျုပ် ဒီစာအုပ်ကို လ္ဘက်ရည်ဆိုင်မှာ ထိုင်ဖတ်နေတာ မြင်တော့ သူငယ်ချင်း ကိုဇော်သက်အောင်က ခင်ဗျားဗျာ…အရေးမကြီးတာတွေ လျှောက်ဖတ်နေတယ် လို့ ရယ်စရာလိုလို အပြစ်တင်တာ လိုလို ပြောသဗျ။ ကျုပ် ဘာမှ ပြန်မပြောဖြစ်ပါဘူး။ ဘယ်သူ ဘာပြောပြော ကျုပ် စိတ်ဝင်စားတာ လုပ်နေရတော့လည်း ကျေနပ်နေတာပါပဲ။

ဟောပြောပွဲက C-90 တိပ်ခွေ 45 ခွေ ရှိတဲ့ အနက် ဒီစာအုပ်မှာ 12 A ထိပဲ ပါတယ်။ နောင် ထပ်ထုတ်ဦးမယ် လို့ မပါတော့ စောင့်ရမှာလား.။ ထားလိုက်တော့ရမှာလား လို့ တွေးနေမိတယ်။ ကျုပ် မိတ်ဆွေများ စိတ်ဝင်စားရင် ဖတ်လို့ ကောင်းမှာပါပဲ။ စာအုပ်နာမည်က ရွှေပြည်ဦးဘတင်၊ “ စာပွဲသဘင်” တဲ့ဗျ။

နောက်တစ်အုပ်က ရွာစားစိန်တင်ဟန် ရဲ့ မြန်မာတို့ ဇာတ်ပွဲ(သဘင်အနုပညာ စာပေဆောင်းပါးများ) စာအုပ်ပဲ။ ရွာစား စိန်တင်ဟန်ဆိုတာလည်း မြင်လွယ်အောင် ပြောရရင် ကဗျာဆရာ၊ စာရေးဆရာ နေမျိုးရဲ့ အဖေပဲ ဗျ. ။ သူလည်း ဆိုင်းကဝိတစ်ပါး ဖြစ်ခဲ့ဖူးတာပဲ။ ဆိုင်းလောက သူ ကြုံရ သိရတာတွေ အစုံစုံ ပြန်ရေးထားတာပဲ။ ဆိုင်းနဲ့ ပတ်သတ်တာတွေ သိပ်များတဲ့ အပိုင်းတော့ ကျုပ်လည်း သိပ်နားမလည်ဘူးပေါ့ဗျာ.။ တချို့ ဝတ္ထုဟန် ဆောင်းပါးလေးတွေတော့ သဘောကျတယ်။ အဲဒီထဲက နာမည်ကြီးနေတဲ့ ဆရာချစ်ဦးညို ဇာတ်ညွှန်းခွဲ ၊ဒါရိုက်တာ ဥာဏတင်စိုး ရိုက်ထားတဲ့ “ဘိသိတ်ပြိုင်” (မူရင်းဆောင်းပါ အမည်-ဘိသိတ်ဆရာ ဆားတောင်သောင်း) လည်း ပါတာပဲ။ ခွေကြည့်လိုက်တုန်းက တမျိုး၊ ဆောင်းပါးထဲမှာ တစ်မျိုးဆိုတော့ တစ်မျိုးဆီ ဖြစ်နေတာပေါ့လေ။ ဒါကို ဆရာကျော်ဝင်းတို့ မှတ်ချက်ချတာကတော့…ဝင်းဝင်း ဘာညာ ပေါ့ဗျာ။ သူ့ဟာနဲ့ သူတော့လည်း ဟုတ်တာပါပဲ။ ကျုပ်တို့ကတော့ ဘာရယ်မဟုတ် အကုန် လျှောက်ဖတ်ကြည့်တာပဲ။ ကျုပ်အတွက် နောင် အလှူတွေ ဘာတွေ ကြုံတဲ့ အခါ ဆိုင်းဆရာတွေနဲ့ ရွှီးလို့ ရတယ်။း)

ကိုတာ ပြောသလို ဆောင်းနှောင်းနွေဦးဆိုတော့ စာရေးဆရာကြီးများရဲ့(ခင်ဗျားတို့ အမြင်တော့ ဆရာကြီး ဟုတ်ချင်မှ ဟုတ်မယ်) စာပေါင်းစုတွေ ဖတ်ပြီး ကျုပ်တော့ ကျေနပ်တာပဲ။ နွေဦးပေါက် လူလည်း စိတ်တွေ တောင်ရောက်မြောက်ရောက် ဖြစ်နေတော့ ဒါတွေ ဖတ်ပြီး စိတ်ကို နှစ်သိမ့်ရတယ်။
မကြာခင် နွေပီပီသသ ဖြစ်တော့မယ်။ ကျုပ် ဘယ်လို လုပ်ရမှာတုန်း။ မြန်မာပြည် နွေက တော်တော်ပူတာကိုး။ ကျောကော့အောင် ခံရတယ်ဆိုတာ ယုံပါတယ်။ လေပူတွေ တောင်ကလှည့်တိုက်လိုက်၊ မြောက်ကလှည့်တိုက်လိုက်နဲ့ နေစရာ နေရာကို မရှိဘူး။ မသိတဲ့ သူကတော့ လေအေးပေးစက် အခန်းထဲ သွားနေလို့ ပြောတော့မှာပဲ။ ကျုပ်မှာ အဲဒီလို နေစရာ မှ မရှိတာ။ ကိုတာ့ စာထဲက အတိုင်းဆို ကျုပ် သမိုင်းစာအုပ် ရှာဖတ်ရတော့မှာပဲ။

ခု ကျုပ်လက်ထဲမှာ ရောက်နေတာ ဒေါက်တာ တိုးလှ ရေးတဲ့ “စာပေမှတ်တမ်းများက ပြောသော မြန်မာ့ သမိုင်း(????-1885)” စာအုပ်ဗျာ.။ (အင်တာနက်ဆိုင်လာတော့ စာအုပ် ပါမလာဘူးဗျာ.။ ဒေါက်တာသန်းထွန်းနဲ့ ဆရာ ဆန်းထွန်း(မန်းတက္ကသိုလ်)တို့ရဲ့ အမှာစာနဲ့။ ကျုပ်က ဆရာ ဆန်းထွန်း(မန်းတက္ကသိုလ်)ရဲ့ အမှာစာကိုလည်း သဘောကျတယ်။ ရှေ့က ခုနှစ် မမှတ်မိတာ၊ ဆရာဇော်ဂျီ ပြောသလို၊ သိဝိုးဝါး၊ တွေးဝိုးဝါး၊ ရေးဝိုးဝါး ဆိုသလိုမျိုး ဖြစ်ချင် ဖြစ်နိုင်တယ်) ကျုပ်တော့ နေရာကျတယ် ထင်တာပဲ။

တကယ်တော့ ဒါဟာလည်း ငှက်တွေ မိုးရာသီအတွက် အသိုက်ဆောက် ပြင်ဆင်ကြသလို ကျုပ်လည်း နွေရာသီအတွက် အသင့်ပြင်တာပဲ မဟုတ်ပေဘူးလား…။

တေဇာအောင်
25.02.2011

မြန်မာနဲ့ ဗုဒ္ဓဘာသာ အပေါ် ဗိုလ်ချုပ်အောင်ဆန်း အမြင်

2011-02-12T00:28:00.001-08:00

မြန်မာနဲ့ ဗုဒ္ဓဘာသာ အပေါ် ဗိုလ်ချုပ်အောင်ဆန်း အမြင်

Burma And Buddhism By Aung San
(ဘာသာပြန်သူ- မောင်ဆန်းကြယ်)

(၁၉၃၅ ခုနှစ်၊ ဧပြီလထုတ်၊ ဂန္တလောက( The World of Books) မဂ္ဂဇင်းမှာ ရေးသားခဲ့တဲ့ ဗိုလ်ချုပ်အောင်ဆန်းရဲ့ ဆောင်းပါးတစ်ပုဒ်ပါ။ ဒီဆောင်းပါကို “ဗိုလ်ချုပ်အောင်ဆန်းရဲ့ စာပေလက်ရာ” စာအုပ်ထဲက ထုတ်နှုတ်တင်ပြလိုက်ပါတယ်။ ဗိုလ်ချုပ်ရဲ့ ဆောင်းပါးတွေကို ရှာဖွေတင်ပြသူ ဆရာဦးမြဟန်ကလည်း ဒီဆောင်းပါးဟာ ဗိုလ်ချုပ်ရဲ့ စာပေလက်ရာထဲက ပထမဆုံး ရှာဖွေ စုဆောင်းမိတဲ့ ဆောင်းပါး တစ်ပုဒ်ပါလို့ ပြောထားတယ်။ ကျွန်တော်တို့ နေထိုင်နေတဲ့ နိုင်ငံ လွတ်မြောက်ဖို့ အတွက်ပဲ ဗိုလ်ချုပ်ဟာ စဉ်းစားနေခဲ့တာ မဟုတ်ပါဘူး။ ဘာသာရေးကိုလည်း အလေးထားကြောင်း စာဖတ်သူများ သိရပါ့မယ်။)

မြန်မာလူမျိုးတွေ ဖြတ်သန်းနေကြရတဲ့ မျက်မှောက်ခေတ် စပ်ကူးမတ်ကူး ကာလကြီးထဲမှာ အရေးကြီးဆုံးကတော့ ပြုပြင်ရေး သြဇာ ထင်ထင်ရှားရှား အကျိုးသက်ရောက်မှုတွေ ပါပဲ။ လူငယ်တွေကတော့ အခြေအနေကို အပြည့်အဝ သတိပြုမိကြပြီး မြန်မာပြည်ကြီး ပြန်လည် တည်ဆောက်ရေးမှာ ကျရောက်လာတဲ့ မိမိတို့တာဝန်ကို ထမ်းဆောင်းကြဖို့ လက်မနှေးကြပါဘူး။ သူ့ခေတ် သူ့အခါက အမြတ်တနိုး တလေးတစားထားကြ၊ အလေ့အထ ဖြစ်လာလို့ အတည်ဖြစ်လာတဲ့ အခါ မှိုတက်ပစ္စည်းတွေ မျက်မှောက်ခေတ် အခြေအနေတွေနဲ့ အံဝင်ခွင်ကျ မဖြစ်တော့ဘူး ဆိုတာကို လူငယ်တွေက သဘောပေါက်လာကြတယ်။ ငယ်ရွယ်နုပျိုသေးတဲ့ မြန်မာပြည်ဟာ နိုင်ငံရဲ့ ပြဿနာတွေကို ဝေဖန်ရေး စိတ်နဲ့ ချဉ်းကပ်နေပြီး အရှိကို အရှိအတိုင်း မြင်အောင် ကြည့်နိုင်ဖို့ ကြိုးစားနေကြတယ်။ အရာရာကို ဘက်မလိုက်တဲ့ ရှုထောင့်ကနေ ရှုမြင်တတ်လာတဲ့ အတွက် အမှိုက်တောင်းထဲ ထည့်သင့်တဲ့ ရှေးရိုးစဉ်လာနဲ့ ဓလေ့တွေ၊ ထိန်းသိမ်းစောင့်ရှောက်ပြီး တိုးတက်ကောင်းမွန်အောင် ပြုလုပ်သင့်၊ မွမ်းမံသင့်တဲ့ ရှေးရိုးစဉ်လာနဲ့ ဓလေ့တွေ၊ အများကြီးကို တွေ့လာကြတယ်။ အရင်ခေတ် ကာလတွေတုန်းကလို အတိတ်ကို ဖက်တွယ်နေသူတွေ၊ တစုံတရာ ပြောင်းလဲသွားမှုအပေါ် အထိတ်တလန့်နဲ့ ရှုမြင်တတ်သူတွေ၊ ရှေးအစဉ်အလာကို တစုံတရာ ပြင်ဆင်တာကို ရှုံ့ချတတ်သူတွေလည်း ရှိကြပါသေးတယ်။ မြန်မြန်ဆန်ဆန် ပြောင်းလဲရေးကို အဆက်မပြတ် တောင်းဆိုနေသူတွေလည်း ရှိတယ်။ ဒီလို အစွန်းရောက်မှုတွေကြားမှာ ဗုဒ္ဓဘာသာဟာ မဇ္ဈိမ ပဋိပဒါ အလယ်အလတ် လမ်းစဉ်ကို ခင်းပေးထားပါတယ်။
ဗုဒ္ဓဘာသာကို သိပ္ပံနည်းကျတဲ့ ဘာသာလို့ ပြောဆိုကြတယ်။ ဘာကြောင့်လဲ။ ဗုဒ္ဓဘာသာက အရာရာကို ဆုံးဖြတ်ရာမှာ ဝေဖန်ရေးကို ကိုက်တံအဖြစ် သုံးထားလို့ပဲ..။ တစ်ခါက ဗုဒ္ဓရှင်တော်မြတ်ကိုယ်တိုင်ပဲ သူ့ဝါဒ ကို မျက်စိမှတ် မယူကြဖို့ လူတွေကို ဟောတော်မူဖူးတယ်။ အရာ တစ်ခု မှန် မမှန် ဘယ်လိုဆုံးဖြတ်ရမယ် ဆိုတာနဲ့ ပတ်သတ်ပြီး ကာလာမ အမျိုးသားတွေကို မြတ်စွာဘုရားက ဟောသလို မိန့်မြွက်တော် မူခဲ့ပါတယ်။

“ကလေးဘဝမှ စ၍ ကြားနာမှတ်သားခဲ့ရခြင်းလည်း ဟုတ်တယ် မှန်တယ်လို့ အစွဲအမြဲ မယူကြနှင့်။ မိဘဘိုးဘွား စသည်တို့မှ ဆင်းသက်၍ (ပရံပရ-အဆက်ဆက်) မှတ်ယူ လုပ်ကိုင်ရိုး ဖြစ်၍လည်း အစွဲအမြဲ မှတ်ယူ မထားကြနဲ့။ ဣတိကိရ-ဒီဟာက ဒီလိုတဲ့ ဟု အခြားတစ်ယောက်က ပြောလိုက်ရုံမျှဖြင့်လည်း အမြဲအစွဲ မှတ်ယူမထားကြနှင့်၊။ ဒီအယူအဆဟာ ငါတို့သင်အပ်သော ကျမ်းစာနှင့် ညီတယ်ဟု မိမိတို့ ကျမ်းစာနှင့် ညီနေရုံဖြင့်လည်း အတည်တကျ မှတ်ယူမထားကြနှင့်။ မိမိဘာသာ ကြံစည်အပ်သော အယူအဆကိုလည်း ဟုတ်လှပြီ၊ မှန်လှပြီဟု အမြဲအစွဲ ယူမထားကြနှင့်။ တစ်စုံတစ်ခု ပြုလုပ်ဖို့ အကြောင်းအထောက်အထားကို စဉ်းစားရာဝယ် အထောက်အထားကောင်းကို ရ၍ သဘောကျသဖြင့်လည်း အမြဲအစွဲ ယူမထားနှင့်။ သူ ပြောအပ်သော အယူဝါဒသည် ငါတို့ စဉ်းစားကျေနပ်ထားသော အယူနှင့် ညီမျှပါပေသည်ဟု အယူဝါဒချင်း တူရုံမျှဖြင့်လည်း အမြဲအစွဲ မယူကြနှင့်။ ဤရသေ့ ရဟန်းကား ယုံကြည်ထိုက်သော အထက်တန်း ပုဂ္ဂိုလ်တည်း၊ ဒီလို ပုဂ္ဂိုလ်၏ စကားကို လေးလေးစားစားမှတ်သားထိုက်သည်ဟု လည်း စွဲစွဲမြဲမြဲ မှတ်ယူမထားနှင့်။ ကာလာမ အမျိုးသားတုိ့ ဤကျင့်ဝတ်တွေသည် ကောင်းလည်း မကောင်း အပြစ်လည်း မကင်း။ ပညာရှိ ကဲ့ရဲ့ စရာလည်း ဖြစ်၏။ ထိုအကျင့်အကြံ အလုပ်အကိုင်ကို ပြုလိုက်လျှင် စီးပွားမဲ့ ဒုက္ခရောက်ဖို့ ဖြစ်၏ ဟု ကိုယ်တိုင်နားလည်သော အခါ ထိုအကျင့်ကို ထိုအပြုအမူကို စွန့်လိုက်ကြ၊ စီးပွားတိုးတက်၍ သုခရဖို့ အကျင့်များဟု ကိုယ်တိုင် နားလည်ထားသော အကျင့်အကြံ အပြုအမူများကိုသာ လိုက်နာ ပြုကျင့်ကြ၊ ” (၁)

မြန်မာနိုင်ငံဟာ ရာစုနှစ်တွေနဲ့ ချီပြီး ဗုဒ္ဓဘာသာ နိုင်ငံ ဖြစ်ခဲ့တယ်။ ဒါပေမယ့် မိမိပတ်ဝန်းကျင်ကို ကြည့်လိုက်မယ် ဆိုရင် ဗုဒ္ဓဘာသာရဲ့ အဓိကကျတဲ့ အနှစ်သာရ ဒီကာလမသုတ် ဝေဖန်ရေး အမြင် ခေါင်းပါးနေတယ် ဆိုတာ တွေ့ရပါတယ်။ မြန်မာ ဗုဒ္ဓဘာသာတွေဟာ ယခုလောလောဆယ် လုပ်နေတာတွေထက် နည်းနည်းလေး ပိုပြီး နက်နက်ရှိုင်းရှိုင်း တူးဆွသင့်တယ်။ သာမန်ကာ လျှံကာ အပေါ်ယံ ကျင့်ကြံရုံ သက်သက်ဖြင့် အားရကျေနပ် မနေသင်ဘူး။ ဥပမာ ပြောရရင် ဘုရားပွဲတွေ၊ ဘုန်းကြီးပျံ ပွဲတွေ၊ သင်္ကြန် ပွဲတွေ၊ မီးထွန်းပွဲတွေလိုမျိုး ပွဲတွေ ကျင်းပနေတာကို ဒီဝေဖန်ရေး အမြင်နဲ့ ဆန်းစစ်ကြရအောင်။ ဗုဒ္ဓဘာသာကို ကျင့်သုံးရာမှာ ဒီလိုကျင်းပနေကြတာ အရေးကြီးသလား။ ရှေးတုန်းကတော့ ပျော်ပွဲ ရွှင်ပွဲတွေ ကျင်းပပြီး တရားနာအောင် ဘုရားဖူး လာအောင် ပညာမဲ့တွေ၊ အယူဝါဒ မှားယွင်းသူတွေ၊ ဘာသာရေး မကိုင်းရှိုင်းသူတွေကို ဆွဲဆောင်ခဲ့ရတာကိုး။ အဲ....ကျုပ်တို့တွေက ခေတ်သစ်ကြီးထဲ နေနေကြတာ။ ဒီလို ဝေဖန်ဆန်းစစ်မှု ပြုလုပ်ရင် ဒါတွေ ဘယ်ကရောက်လာတာလဲ မေးစရာ ရှိတယ်။ လက်ရှိ အခြေအနေအရ အဓိပ္ပါယ် ကင်းမဲ့တာ မှန်သမျှကို တားမြစ်ထားရမယ်။ ဒါ့အပြင် ဒါမျိုးတွေက ကျုပ်တို့ ဘာသာရေးကို ဟန်ပြသက်သက် ဖြစ်သွားစေတာပေါ့.။

ရတနသုတ်မှာ အခမ်းအနားတွေ အနှစ်သာရ မရှိပုံကို တင်ပြထားတယ်။ …အဲ…ကျုပ်တို့ မြန်မာပြည်မှာ တွေ့ရတဲ့ ဗုဒ္ဓဘာသာကလည်း အပေါ်ယံ အခမ်းအနားတွေနဲ့ ဖြစ်နေတယ်။ ကျုပ်တို့ ယဉ်ကျေးမှုကလည်း ထိုနည်းလည်းကောင်းပဲ။ ကျုပ်တို့ ယဉ်ကျေးမှု ဖွံ့ဖြိုးတိုးတက်ရေး အတွက် စိတ်ဓာတ်ညှိုးနွှမ်း သွားခဲ့ပြီ။ ဒါကြောင့်မို့ ဗုဒ္ဓဘာသာမှာ ပါဝင်တဲ့ ဝေဖန်ဆန်းစစ်စိတ်ဓာတ် ပြန်ဖော်ဆောင်ကြဖို့နဲ့ မြန်မာပြည်နဲ့ ပတ်သတ်နေတဲ့ ပြဿနာတိုင်းကို ဖြေရှင်းရာမှာ လက်တွေ့ အသုံးချကြဖို့သာ မြန်မာစစ်စစ်တိုင်းရဲ့ မဖြစ်မနေ လုပ်ဆောင်ရမယ့် တာဝန်ပဲ။ မြန်မာပြည် လွတ်လပ်ရေး ရပြီး၊ ပြန် ချမ်းသာကြွယ်ဝလာစေချင်ရင် အမြစ်တွယ်နေတဲ့ မိရိုးဖလာ ယဉ်ကျေးမှုတွေကို အမြစ်ကနေ တွန်းလှန် ဖျက်ဆီးပစ်ရမှာ စိတ်မသက်မသာ ဖြစ်နေတာကို ချေမှုန်းပစ်ရမယ်။ ဟောင်းနွမ်း ရွတ်တွနေတဲ့ ရှေးဟောင်းယဉ်ကျေးမှု မြေအုတ်တွေကို ကျောက်အုတ်တွေနဲ့ အစားထိုး ပစ်ရလိမ့်မယ်။ (၂)

[ ဒီဆောင်းပါးကို မောင်ဆန်းကြယ် ပြန်ဆိုထားပြီး၊ ဆရာ ဦးသာနိုးက ပြန်လည် တည်းဖြတ် ဖြည့်စွက်ပေးပါတယ်။]

အောက်ခြေ မှတ်စုများ
၁။ ဗိုလ်ချုပ်ဟာ ကာလာမ သုတ်ကို Buddhism in England, Jan_ Feb 1933 ကနေ ထုတ်နုတ်တင်ပြထားတယ်။ ဘာသာပြန်သူကတော့ မူရင်းပါဠိကို စကားပြေချောချောနဲ့ မြန်မာပြန်ထားတဲ့ မဟာဂန္ဓာရုံ ဆရာတွေ အရှင်ဇနကာဘိဝံသ ရေး အနာဂတ်သာသနာရေး စာအုပ်ကနေ ထုတ်နုတ် တင်ပြလိုက်ပါတယ်။

၂။ “မြေအုတ်များ ပြိုလေရာ၊ ကျောက်အုတ်တို့ဖြင့် တည်ဆောက်အံ့ ” ဆိုတဲ့ ဂန္တလောက မဂ္ဂဇင်းရဲ့ ကြွေးကြော်သံကို ရောင်ပြန်ဟပ် ရေးထားတာ ဖြစ်ပါတယ်။
(ဘာသာပြန်သူ မှတ်ချက်။ ။မြန်မာ့ လွတ်လပ်ရေး ဗိသုကာ ဗိုလ်ချုပ်အောင်ဆန်းဟာ နုိုင်ငံရေးသမားကောင်း တယောက် ဖြစ်လို့ နိုင်ငံရေးစာပေ ကြေညက်သူ အနေနဲ့ ပဲ ဗိုလ်ချုပ်ကို သိထားကြပါတယ်။ ဗိုလ်ချုပ်က ဗုဒ္ဓဘာသာဝင် တစ်ဦးဖြစ်ပြီး၊ ဗုဒ္ဓဘာသာဆိုင်ရာ စာပေကိုလည်း ကြေညက်သူ ဖြစ်တယ် ဆိုတာ ဒီဆောင်းပါးက သက်သေထူနေတယ်။ ဗိုလ်ချုပ်ဟာ ဆယ်တန်းကို ပါဠိ ဂုဏ်ထူးနဲ့ အောင်ခဲ့သူ ဖြစ်တယ်။ )

( Wave မဂ္ဂဇင်း၊ 4/10, စက်တင်ဘာ 2010 ထုတ် ပါ ဆောင်းပါးအား ပြန်လည်မျှဝေခြင်း ဖြစ်ပါသည်။)

တေဇာအောင်
ဖေဖော်ဝါရီ 12,2011

ပန်းတိုင်းကို ပွင့်လန်းစေချင်သူ ဘလော့ဂါကိုကို (သို့မဟုတ်) အွန်လိုင်းမေတ္တာ ခံယူမည့် သူတစ်ယောက် အကြောင်း

2011-02-09T00:49:00.001-08:00

ပန်းတိုင်းကို ပွင့်လန်းစေချင်သူ ဘလော့ဂါကိုကို (သို့မဟုတ်) အွန်လိုင်းမေတ္တာ ခံယူမည့် သူတစ်ယောက် အကြောင်း

သူ့ကို မည့်သည့်နေရာတကာ အွန်လိုင်း ဋ္ဌာနေ ပေါင်းစုံမှာမှ မတွေ့ဖူးသေးချေ.။ “ပန်းတိုင်းကို ပွင့်လန်းစေချင်သူ ” ဆိုသော နာမည်က ဆန်းသည်။ ယဉ်သည်။ “ ပန်းပေါင်းတစ်ရာ ပွင့်ပါစေ” ဟူသော စစ်အေး အလွန်ခေတ်က ကြွေးကြော်သံကိုပင် နားထဲ ကြားယောင်မိနေသေးသည်။ ဘလော့တွင် ရေးသားမည့် ပင်တိုင်ကလောင်နာမည်၏ အမည်ကလည်း ရိုးသလိုလိုနဲ့ ဆန်းပေသည်.။ ဘလော့အမည်နှင့် ရေးသားမည့်သူ နာမည်က အလှတွင် အယဉ်ဆင့် ဆိုသလို ပလဲပနံပ သင့်လှသည်။ ဤခေတ်အခြေအနေအရ မည်သည့်လူမျိုးမဆို တော်ရုံတန်ရုံ ဘလော့ဂါလောကသို့ ဝင်ရောက်ရန် နောက်တွန့်နေကြချိန်တွင် သူက သူ၏ ယုံကြည်ချက်အတွက် ရဲရဲဝင့်ဝင့် ခြေလှမ်းတစ်လှမ်းစလိုက်သည်ဟု ဆိုနိုင်ပါပေသည်။ ဘာပဲ ပြောပြော ကျွန်တော်တို့လို အရှိန်ရနေပြီးသား အွန်လိုင်းဆိုရှယ်ဝါကာ (ထိုစကားလုံးအား အခန်းဘေးမှ အမ်ဂျီအိုဝန်ထမ်းတစ်ဦးအား ဘာသာပြန်ပြခိုင်းကြည့်ရာ….သူက ကြုံရာကျပန်း အလုပ်လုပ်သူ ဟု အနက်ဖွင့်ပေးသည်။ မှတ်ကရော) များက ကြိုဆိုလမ်းဖွင့်ပေးကြရပေမည်။ အဟောင်းနှင့်အသစ်၊ တနည်း လူကြီးနှင့် လူငယ်ကြား ပေါင်းကူးပေးရမည့်သူ ဟုလည်း ကိုယ့်ကိုယ်လည်း ယုံကြည်လက်ခံထားလေသည်။

ညီရင်းအစ်ကိုလို ရင်းနှီးသော မိတ်ဆွေတစ်ယောက်က ဒီဘလော့နာမည်၊ ဒီဘလော့ရေးသူ နာမည်နှင့် အွန်လိုင်းဘလော့ဂါ လောကသို့ ဝင်ရောက်ရန် ကြိုးပမ်း ပြင်ဆင်နေသော လူတစ်ယောက်အကြောင်းအား ပြောသောအခါ ကျွန်တော် အမှန်ပင် စိတ်ဝင်စားမိခဲ့ပါသည်။ ဒါကြောင့် ထိုလူအား ဆက်သွယ်နိုင်မည့် လိပ်စာအား မရအရ အပူတပြင်း လိုက်လံ ရှာဖွေ စုံစမ်းခဲ့လေသည်။ ထိုလူကို အင်တာဗျူး လုပ်ဖို့ အပွိုင့်မင့် ယူ၍ အားလပ်သော အချိန်ကို ကြိုတင် မေးမြန်းထားကာ ကျွန်တော့်ဘက်က လိုအပ်မည် ထင်ရသော မေးခွန်းအချို့အား ကြိုတင် ပြင်ဆင်ထားခဲ့သည်။ ကျွန်တော် ချက်ရွန်းမေးမြန်းခန်းတွင် ပြောဆိုမေးမြန်းရမည့် သူသည် မည်ကဲ့သို့သော လူစားမျိုးမှန်း သေချာ သိမထားရသေးသည့်အတွက် အတတ်နိူင်ဆုံး၊ အကောင်းဆုံး ကြိုတင် ပြင်ဆင်ထားခဲ့ရသည်။ ကျန်ရှိသည့် ထပ်မံလိုအပ်နိုင်သည်များကိုတော့ ချက်ရွန်းခန်းထဲကျမှ တော်သလိုသာ ကြည့်စီမံရပေတော့မည်။ မီးစင်ကြည့် ကရပေမည် ဟု နှလုံး ပိုက်ထားခဲ့လေသည်။ …ကဲ….ငါလာပြီ၊ ဘလော့ဂါ အသစ်ကလေးရေ…၊ မင်းကို ချုံကြားကနေ ဘုံဖျားကို ပို့ပေးမည့် ဆိုရှယ်ဝါကာကြီး လာပြီဟေ့ ..” ကျွန်တော့် စိတ်ထဲ ကြုံးဝါးရင်း ရင်ခုန်ကြည်နူး ပီတိဖြစ်ရသည်။ အချိန်တစ်ခုစာမျှ ကျွန်တော်နှင့် ထို ဘလော့ဂါ အသစ်အလောင်းအလျာလေး(ဘလော့ဂါကိုကို) တို့ အပြန်အလှန် မေးမြန်း ပြောဆိုဖြစ်ခဲ့ကြသည် များမှာ……..။ ။

(စကားချပ်။ ။ မိုးထက်ဆိုသော အွန်လိုင်း ဆိုရှယ်ဝါကာကြီးနှင့် အွန်လိုင်းဘလော့ဂါ တစ်ယောက်အဖြစ် ခံယူရန် အချိန်ယူ ပြင်ဆင်နေသော ညီငယ် ဘလော့ဂါကိုကိုအမည်ခံ( မှတ်ပုံတင် နာမည် မသိရ)တို့ ချက်ရွန်း မေးမြန်းစကား ပြောဆိုခန်းတွင် ဤအင်တာဗျူး ဖြစ်မြောက်ရေး၊ အွန်လိုင်းတွင် ဖြန့်ဝေရေး အတွက် စနစ်တကျ စီစဉ်ခဲ့သူမှာ မောင်တေဇာအောင် ဖြစ်ပါသည်။ မိုးထက်နှင့် တေဇာအောင်ဆိုသူ နှစ်ဦးမှာလည်း ခေါ်ဆိုစရာ အနွတ္တအမည်သညာများသာ ဖြစ်ပြီး ဘယ်တုန်းကမျှ အကောင်လိုက်ထွက်မပြဖူးကြသော ကိုယ်ပျောက် မိုးပျံဝိဇ္ဇာ အချွန်နှင့် မ တတ်သူများသာ ဖြစ်ပါကြောင်း။ စီစဉ်သူ)
ဤတွင် မလိုအပ်သည်များကို ဖြတ်တောက် သန့်စင် တည်းဖြတ်၍ တင်ဆက်ပေးလိုက်ပါသည်။

မိုးထက်။ ။ “ ပန်းတိုင်းကို ပွင့်လန်းစေချင်သူ” ဆိုတဲ့ ဘလော့ အမည်နဲ့ ဘလော့ဂါကိုကို ဆိုတဲ့ နာမည် ကို ရွေးချယ် ဖြစ်ခဲ့တဲ့ အကြောင်းလေး နဲ့ အရင် မိတ်ဆက်ပေးပါလား ခင်ဗျ။

ကိုကို။ ။ သည်လိုပါ။ ဒီ ဝေါဝိုက်ဝဘ် ဆိုတဲ့ အင်တာနက်ကွန်ရက် အွန်လိုင်းဋ္ဌာနေမှာ မြန်မာဘလော့ဂါပေါင်းများစွာ လက်ချိုးရေတွက်လို့ မရနိုင်၊ စက်နဲ့ ရေတွက်လို့ မရနိုင်လောက်အောင် များပြားလှပါတယ်။ အဲသလို များပြားလွန်းလှတဲ့ ဘလော့ဂါတွေကို ကမ္ဘာ့နေရာအနှံ့အပြားမှာ ရှိနေတဲ့ ပန်းပွင့်ကလေးတွေနဲ့ တင်စားခေါ်ဆိုလိုက်တဲ့ သဘောပါ။ ပန်းဆိုတာ အမည်နာမ ဆန်းပြားစွာ အမျိုးမျိုး ရှိတယ် မဟုတ်လား၊။ နှင်းဆီပန်း၊ သဇင်ပန်း၊ စပယ်ပန်း အစရှိတာတွေကနေ လမ်းဘေးက ခွေးသေးပန်း ထိ ပါတယ် လို့ ယူရင် ရမယ် ထင်ပါတယ်။ အဲဒီ ပန်းကလေးတွေ အားလုံး သူ့သဘော သူဆောင်ပြီး၊ သူ့ရနံ့နဲ့ သူ ပွင့်လန်းဝေဆာနေစေချင်တဲ့ သဘောပါ။ ကိုလွှမ်းမိုး သီချင်းထဲမှာတော့ “ပွင့်သော ပန်းတိုင်းလည်း..မမွှေးတတ်လေပြီ….၊ လှသော ပန်းတိုင်းလည်း…..” ဘာညာ ဆိုပြီးတော့ ရှိတယ် မဟုတ်လား။ ဒါပေမယ့် ပန်းတွေ အားလုံး ပွင့်လန်းနေစေချင်တာ အဓိက ပါ။ ဘလော့ဂါကိုကိုဆိုတဲ့ နာမည်ကတော့ အိမ်နာမည် ကိုကို ကိုပဲ Blogger ဆိုတဲ့ စကားလုံး ပေါင်းစပ်ပြီး ရိုးရိုးလေး ယူလိုက်တာပါ။ ပြောစရာ ကျန်နေသေးရင်လည်း နောက်ပိုင်းမှာ ထပ်ဖြည့်ပြောပါ့မယ်။ တစ်ခု ပြောချင်တာက ကျွန်တော်ဟာ အွန်လိုင်ဘလော့ဂါလောကကို အခြေချဖို့ ကြိုးစားတာက ဒီလောကကို ယုံကြည်တာရယ်၊ ဘလော့ဂါလောကကြီး ဖွံ့ဖြိုးဝေစည်ဖို့ တတပ်တအား ပါဝင် လုပ်ဆောင်တဲ့ သဘောပါ.။ ပြီးတော့ အသိပညာတွေ ရယူဖလှယ်ဖို့ ရည်မှန်းချက် အစုံအလင်နဲ့ အသေအချာဆုံးဖြတ်ထားပါတယ်။ ကျွန်တော် ဘလော့ဂါကိုကိုအနေနဲ့ လက်ရှိ အွန်လိုင်းဘလော့ဂါ အစ်ကိုအစ်မများကို (ပန်းတိုင်းကို ပွင့်လန်းစေချင်ပေမယ့်) သေပန်းတော့ မပွင့်ကြပါနဲ့ဦး….နှုတ်ခွန်းဆက်သ ဂါရဝပြုလိုက်ရပါတယ်။

မိုးထက်။ ။ ဟုတ်ကဲ့။ ဘလော့ဂါကိုကိုရဲ့ ရည်ရွယ်ချက်နဲ့ သဘောထား အသေးစိတ်တွေကို သိလိုက်ရတာဟာ အမှန်တကယ်ပဲ စိတ်ဝင်စားစရာ ကောင်းလှပါပေတယ်။ ခုမေးချင်တာက အွန်လိုင်း ဘလော့ဂါလောကမှ ဘာသာရပ်မျိုးစုံ (ဥပမာ- နည်းပညာ၊ ရသ စာပေ၊ ရောက်တတ်ရာရာ ရပ်ဝန်း၊ ရင်နှင့်ရင်း၍ ရေးသည်၊ ရေးချင်ရာ ရေးမည်- ဖတ်ချင်မှ ဖတ်၊ ဘာသာရေး၊ နိုင်ငံရေး၊ သတင်း-အတင်း၊ အိမ်တွင်းမှု-အချက်အပြုတ် အစရှိသဖြင့်) ကြီးထွားပြန့်ကားနေလေတော့ ဘလော့ဂါ ကိုကိုအနေနဲ့ ဘယ်လိုင်းကို ဇောက်ချပြီး အပီရေးမယ် ရယ်လို့ စဉ်းစားထားပါသလဲ ခင်ဗျာ။

ကိုကို။ ။ ယေဘုယျအားဖြင့်တော့ အဲဒီ အမျိုးအစားအကုန်နီးပါး ရေးနိုင်လိမ့်မယ် လို့ ကိုယ့်ကိုယ်ကို ယုံကြည်ထားလို့သာ ဘလော့ဂါ လောကကို အခြေချဖို့ စဉ်းစားခဲ့တာပါ။ အဲဒီထဲတွေက အမျိုးမျိုးသော ခေါင်းစဉ်ခွဲတွေ ဖြစ်တဲ့ ကဗျာ၊ အက်ဆေး၊ ဝတ္ထုတို၊ ခရီးသွားဆောင်းပါး၊ ပညာပေးဆောင်းပါး၊ ဒဿနိကဗေဒ၊ ဆက်တိုင်ရာ လို့ ခေါ်တဲ့ ရကန် လို သရော်စာလို၊ ရင်တွင်းဖြစ်ခံစားမှု စာစုတွေ၊ စာအုပ်ဖတ်ညွှန်း၊ ရုပ်ရှင်ဗီဒီယို အညွှန်း/ ဝေဖန်ရေး၊ စာပေအနုပညာ ဝေဖန်ရေး အစရှိတာတွေကနေ ခုနောက်ပိုင်းခေတ်စားနေတဲ့ ဂျင်ဒါ ဆောင်းပါးတွေကအစ အားလုံးကို နိုင်နိုင်နင်းနင်း ရှိပါတယ် လို့ ပြောရင် နည်းနည်းများ လွန်နေမလား မသိဘူး။ လက်ရှိ အွန်လိုင်းဘလော့ဂါ အစ်ကိုအစ်မများကိုယ်တိုင်လည်း သူတုိ့တွေရဲ့ ဘလော့စာမျက်နှာတွေမှာ လေဘယ်တွေ၊ ကိတ်ဂိုရီတွေ ခွဲကန့်ထားကြတာ တွေ့ဖူးပါတယ်။ ခြေရာတိုင်းတဲ့ သဘောမဟုတ်ပေမယ့် အဲသလောက်မှ နှံ့နှံ့စပ်စပ် မရှိရင် ဘလော့ဂါလောကမှာ ခြေချလို့ မရနိုင်ဘူး လို့ ခံယူထားလို့ပါ။ ပြီးတော့ ကျွန်တော်ကိုယ်တိုင်လည်း ခုမှ စတင်ဝင်ရောက်မယ့် သူတစ်ယောက်အနေနဲ့ မခေကြောင်း နည်းနည်း ပြချင်တာလည်း ပါပါလိမ့်မယ်။ ဒါပေမယ့် ကျွန်တော့်အနေနဲ့ ဘလော့လောကမှာ တွင်တွင်ကျယ်ကျယ် မရှိသေးတဲ့ သီးသန့်စာပေဟန်လမ်းကြောင်း တစ်ခုနဲ့ ဖောက်ထွက်ရမယ်ရယ်လို့ စဉ်းစားထားပါတယ်။

မိုးထက်။ ။(ဗုဒ္ဓေါ……ဟု ဘုရားတမိသည်။) ဟာ…တကယ့် ဂရိတ်ဘလော့ဂါအလောင်းအလျာပါလား..။ ခင်ဗျားနဲ့ စကားပြောရတာ ဂုဏ်ယူပါတယ်။ ဒါနဲ့ ဘလော့ဂါကိုကိုဟာ ဒီမော်ခရေစီနိုင်ငံသားကောင်းတစ်ယောက် ပီပီ(ပြီးတော့) လွတ်လပ်တဲ့ အွန်လိုင်းဘလော့ဂါလောကမှာ နိုင်ငံရေးနဲ့ ဆက်နွယ်တဲ့ ကိုယ်ပိုင်အယူအဆတချို့ မျှဝေဖို့ စဉ်းစားထားသေးသလားဗျ။

ကိုကို။ ။ ဒါက ကံသေကံမ ပြောဆိုလို့ မရဘူးလို့ပဲ ဆိုပါရစေဗျာ။ ကျွန်တော်က ပြည်တွင်းမှာ နေမယ့် ဘလော့ဂါအလောင်းအလျာတစ်ယောက်ဆိုတော့ အရှောင်အတိမ်း ဂျက်စီဂျိမ်း လုပ်ဖို့ မလွယ်လှဘူး။ ဒီလိုကိစ္စမျိုးဆိုတာ ကိုယ့်ရှူး ကိုယ်မပတ်နိုင်တဲ့ ရေခြားမြေခြားမှာနေမှပဲ ကောင်းမယ် လို့ တွေးမိထားပါတယ်။ အင်တာနက်အက်ဥပဒေဆိုတာကြီးကလည်း မျက်စိရှေ့တင် တိုက်ရိုက်သက်ရောက်ထားတာဆိုတော့ လေးစားသမှုမပြုနိုင်တောင် အကြောက်အလန့်လေးတော့ ထားရမယ်။ တော်ကြာ ကွိသွားမှာ ကျွန်တော့် ရည်မှန်းချက်တွေ သဲထဲ ရေသွန် ဖြစ်ကုန်မှာလည်း စိုးရတယ်.။ ပြီးတော့ ခင်ဗျား ပြောတဲ့ ဒီမော်ခရေစီ ဆိုတာကိုလည်း လူများစုက လူနည်းစုကို အုပ်စုနဲ့ အနိုင်ကျင့်တဲ့ ဟာမျိုးလို့ သဘောပေါက်ထားတဲ့ ကျွန်တော့်အတွက် နိုင်ငံရေးနဲ့ ပတ်သတ်တဲ့ ကျွန်တော်အမြင်ဟာ သင်ပုန်းကြီး အဆင့်မှာသာ ရှိပါသေးတယ် လို့ ပြောပါရစေ။ အခြေအနေပေးလို့ အကြောင်းတိုက်ဆိုင်ရင်တော့ အများနည်းတူ တချီတမောင်း ညာသံပေးပြီး တပွဲတလမ်း နွှဲလိုက်ဦးမယ် လို့ အားခဲထားပါတယ်။ အွန်လိုင်းဘလော့ဂါလောကမှာ မဖြစ်ညစ်ကျယ် နိုင်ငံရေးစကား၊ ဘယ်သူ့ဘယ်ဝါ့ စတဲ့ သူတွေကို မလိုလားတဲ့ စကားပြောတတ်ရင် ပေါ်ပြူလာ ဖြစ်လွယ်တယ် ထင်နေတဲ့ သူတွေနဲ့ အတူ ရောရောယောင်ယောင် ကျွန်တော်လည်း မြင်ထားမိပါတယ်။ (ကျွန်တော့်အမြင် လွဲတယ် လို့ဆိုရင်လည်း ထောက်ပြ သည်းခံပေးကြပါလို့ တပါတည်း မေတ္တာ ရပ်ခံပါရစေလား ခင်ဗျာ)

မိုးထက်။ ။ ဟုတ်ကဲ့ပါ။ ဘလော့ဂါကိုကိုအနေနဲ့ ပြောဆိုတာတွေကို နားထောင်နိုင်ပါတယ်။ အဲဒါတွေ ထားပါတော့။ စောစောက ပြန်ဆက်ရရင် ဘလော့ဂါကိုကိုက ကိုယ်ပိုင်သီးသန့်ဟန် စာပေလမ်းကြောင်းကို တီထွင် ဖောက်ထွက်မယ် ဆိုတော့ ဘယ်လိုမျိုးလည်း နည်းနည်းလောက် ရှင်းပြပေးပါဦး။

ကိုကို။ ။ ဟုတ်ကဲ့ အနည်းအကျဉ်း ရှင်းပြပါ့မယ်။ကလေးစာပေတွေ တပြုံကြီး ဖန်တီးခဲ့တဲ့ ရှေးက ဆရာ မင်းသုဝဏ်၊ မစ္စတာ ဂွမ်လျောင်တန်(ဤနေရာတွင် သူက မြန်မာနာမည် မသိဘူး လို့ ပြောလို့ ကျွန်တော်က ဒေါက်တာ မောင်ဖြူးလို့ ထောက်ပေးလိုက်ရပါတယ်.) ၊ ဆရာတင်မိုး အစရှိသဖြင့် အသံလည်းသာ၊ ကလေးတွေလည်း ရွတ်ဆိုလို့ ကောင်းတဲ့ ဆရာ့ဆရာတွေ ပြုစုထားခဲ့တဲ့ ကဗျာတွေကို ကျွန်တော်က စု၊ တု၊ ပြု သဘောနဲ့ ပြန်လည် ဆန်းသစ်မယ့် သဘောပါ။ ဘလော့လောကမှာလည်း ဒီစာပေ ကျယ်ကျယ်ပြန့်ပြန့် မတွေ့ရသေးလို့ပါ။ စောစောကပြောသလို လိုအပ်တဲ့နေရာမှာ ပါဝင် ဖြည့်စွမ်းတဲ့ သဘောပါ။ ဒါကြောင့် ကလေးများအတွက် ကဗျာ၊ ပုံပြင်များကိုသာ အစဉ်တစိုက် တက်ဆက်သွားမှာပါ။ (ဤနေရာတွင် သူက အကိုးအကား စာအုပ် အထောက်အထားများ ပါမလာသဖြင့် ဘလော့တွင် တင်ဆက်သောအခါကျမှပင် ဖတ်ပါ လို့ တောင်းပန် ပါတယ်။) အဲကြုံလို့ ပြောရရင် ကွယ်လွန်သွားတဲ့ ခေတ်ပေါ်ကဗျာဆရာ မောင်ချောနွယ်တောင် ကလေးကဗျာတွေကို တစိုက်မတ်မတ် ရေးဖွဲ့ခဲ့ရင် ဂန္တဝင်ထဲက သားစဉ်မြေးဆက်သင်ယူရမယ့် ကဗျာဆရာကြီးတယောက် ဖြစ်နိုင်ပါတယ်။ ဒါပေမယ့် သူက နှစ်ပုဒ်လားပဲ ရေးပြီး ဆက်မတွေ့ရတော့ဘူး။ အဲဒီကဗျာ နှစ်ပုဒ်ကိုလည်း နောင် အလျဉ်းသင့်ရင် တင်ဆက်သွားမယ် စိတ်ကူးထားပါတယ်။

မိုးထက်။ ။ ဟုတ်ကဲ့၊ ဘလော့ဂါကိုကိုရဲ့ စိတ်ကူးကတော့ တကယ့်ကို အံ့မခန်းပဲဗျ။ ဘလော့ဂါလောကရဲ့ လိုအပ်ချက်ကြီးကို ဖြေဆည်းပေးမယ့် သူတစ်ယောက် ရလိုက်တာပဲ.။ အရတော်လိုက်လေးခြင်းဗျာ။။(ပြုံးသည်) ဒီတော့ ကလေးကဗျာ ဆိုတော့ ဘယ်ပရိသတ်အတွက် ရည်ညွှန်းတယ် ပြောလို့ရမလဲ.။ဥပမာ- ပြည်တွင်းက ကလေးငယ်တွေလား၊ ပြည်ပက ကလေးငယ်တွေလား..။

ကိုကို။ ။ အဲ…ပြည်တွင်းက ကလေးငယ်တွေက အဲဒီကဗျာတွေ မသင်ကြရ၊ မရွတ်ကြရတော့ဘူး လို့ ထင်တယ်။ ဒါက ကျွန်တော်တို့မြန်မာပြည်မှာ ခေတ်စားလာတဲ့ မူကြိုယဉ်ကျေးမှု အရ ဖြစ်လိမ့်မယ်။ ကလေးငယ်တယောက်ရဲ့ မိဘက သူ့သားသမီးကို ကကြီး၊ ခခွေး ရွတ်တာထက် အေဘီစီဒီ ရွတ်တာ ပိုသဘောကျနေကြတယ်။ လယ်စောင့်တဲ ကဗျာ ရွတ်တာကို တောစော်နံတယ် ထင်ပြီး ဘလက်အိုင်စူစန် ကို ပိုပြီး အားကျကြတယ်။ ဒါက အခြေအနေအရ အပြောင်းအလဲ ဖြစ်မယ် ထင်တယ်။ မြန်မာပြည်မှာတော့ ကလေးစာပေအတွက် တစ်ခန်းတစ်ကဏ္ဍ အားထုတ်နေကြပြီး ကလေးတွေ ဖတ်ဖို့ စာအုပ်တွေ ရိုက်ထုတ်ပေမယ့် ကျွန်တော်အမြင်တော့ အရောင်းရ မတွင်ကျယ်လှဘူး ထင်တယ်။ မိဘတချို့က ကလေးတွေကို အရုပ်ပါတဲ့ စာအုပ် ဝယ်ပေးဖို့ထက် တွမ်အမ်ဂျယ်ရီ ရုပ်ရှင် ကြည့်လို့ရတဲ့ အပေါ်စက် အောက်စက်ကို ဝယ်ဖို့ပဲ တာစူနေကြတာ။ ခုလောလောဆယ်တော့ မုံရွေးက ထုတ်တဲ့ လုမ္မနီကလေးစာစဉ်ကလေးတွေ ဝယ်စုနေတယ်။ပြီးတော့ စိတ်ကူးချိုချို 11 နှစ်ပြည့်ထုတ် စာစဉ်တွေ။ ကလေးစာပေ ရေးမယ့် သူဟာ မဖြစ်မနေ ကလေးစာပေ ဖတ်ရမယ်လို့ ထင်လို့။ ခုနောက်ဆုံး အွန်လိုင်းမှာ အလကားရနိုင်တဲ့ကလေးစာပေ အီးဘုတ်တွေကို စုတု ပြုဦးမှာပဲ။ ပြည်ပက ကလေးသူငယ်တွေ အတွက်ကျတော့လည်း မြန်မာ့ရိုးရာကို နည်းလမ်းတကျ စိတ်ဝင်စားနေသေးတဲ့ မိသားစုတွေက ပြန်လည်ဖောက်သည်ချ လက်ဆင့်ကမ်းပေးကြလိမ့်မယ်လို့ မျှော်လင့်ရတာပါပဲ။ နောက်ပြီး ကျွန်တော်ကလည်း နောက်ဆုံး ထွက်ရှိသမျှ ကလေးစာပေတွေကို အချိန်နဲ့ တပြေးညီ အပ်ဒိတ် လုပ်ပေးသွားမှာပါ လို့။

မိုးထက်။ ။ ခုလို ကလေးစာပေအတွက် တလေးတနက် ပြောကြားနေတဲ့ အတွက် အားရဝမ်းသာ ရှိမိပါတယ်။ ဘလော့ဂါကိုကိုအနေနဲ့ အပြင်က စူပါမားကတ်တွေမှာလို ဘလော့အတွက် အထူးအစီအစဉ်တွေ ဘာတွေ စဉ်းစားထားတာများ ရှိသေးလားဗျ။

ကိုကို။ ။ ဟာ…ရှိတာပေါ့။ အဲဒါက ကြိုစဉ်းစားထားပြီးသားပါ။ ဘလော့နှစ်ပတ်လည် အပြင် ၊ သင်္ကြန် အထူးအစီအစဉ်၊ သီတင်းကျွတ် အထူးအစီအစဉ်၊ အို…..အပြင်နဲ့ မခြား အထူးအစီအစဉ်တွေ ရှိနေမှာပါ။ ခုကတည်းကလည်း ကြိုတင် စီစဉ်ထားပါတယ်။ ဥပမာ- မူကြိုကျောင်းက မောင့်ချစ်သူ ဆိုတဲ့ မှတ်တမ်းရုပ်ရှင် ဆန်ဆန် ဒိုကူမန်ထရီလေးတွေ၊ ကျောင်းတက်ချိန်မှာ အဖြူအစိမ်းဝတ်စုံနဲ့ ဂိမ်းဆိုင်မှာ ဒေါ့တာ ဝင်ခုတ်နေကြတာမျိုးတွေ၊ ကိုလည်း မြန်မြန်ကြည့်ရှုနိုင်အောင် တင်ပေးသွားမှာပါ။ ဒီအတွက် ကောင်းတယ် ထင်ရင် ဆက်လုပ်၊ မကောင်းဘူးထင်ရင် ဖြုတ်ကြပါ ဆိုတာမျိုးလောက်ပါပဲ။
(ဘလော့ဂါကိုကိုဆီမှ မီးအနီလေးက မှိတ်တုတ်မှိတ်တုတ် ဖြစ်ချေပြီ။)

မိုးထက်။ ။ဟုတ်ကဲ့..၊ ဘလော့ဂါလောကမှာ ခြေချတော့မယ် သူတစ်ယောက်အနေနဲ့ ခုလို စိတ်ကူးဆန်းဆန်းပြားပြားလေးတွေ ရှိနေတာ အံ့သြစရာ ပါပဲ။ ဘလော့ဂါကိုကိုရဲ့ ဘလော့စာမျက်နှာကို သားသမီးရှိတဲ့ ကလေးအဖေ၊ ကလေးအမေတွေ ဒါမှ မဟုတ် အပျို၊ လူပျို အွန်လိုင်းဘလော့ဂါ အစ်ကိုအစ်မတွေ လာရောက်ဖတ်ရှုပြီး ဝေဖန်ခံနိုင်ပါ့မလား..။ ပြီးတော့ ဘလော့ဂါကိုကို ရေးသားဖန်တီးလိုက်တဲ့ အရေးအသားကို တာဝန်ယူမှု အပြည့်ရှိသလား ဆိုတာလေး ဖြေကြာပေးပါဦး ခင်ဗျာ…။ (စိတ်ထဲမှာ အေးစက်စက်နေ နေတာ ပူသွားအောင် ငရုတ်ကောင်းမှုန့်ထည့်သလို အချွန်နဲ့ မတော့မယ် စိတ်ကူးမိတယ်။)

ကိုကို။ ။ (စိတ်တိုဟန် ပြသော စကားလုံး အသုံးအနှုန်းဖြင့်) ဟေ့လူ၊ ခင်ဗျား မေးတဲ့ မေးခွန်းတော်တော်တုံးနေပြီ။ သေချာ သိချင်ရင် တခြားတယောက်ကို သွားမေးပေတော့။ ဒီမေးခွန်းအတွက် ဆက်ဖြေနေရရင် နေကုန်ရင်တောင် ခင်ဗျားနဲ့ ချက်ရွန်းမေးမြန်းခန်းက ပြီးမှာ မဟုတ်တော့ဘူး ဆိုပြီး………

ထွက်သွားကရော..။

နောက်ရက်တွင်က ဘလော့ဂါအလောင်းအလျာ ဘလော့ဂါကိုကိုထံမှ မက်ဆေ့တစ်စောင် လက်ခံရရှိသည်များမှာ…..

“ကိုမိုးထက် ခင်ဗျာ၊ တကူးတက ချက်ရွန်းမေးမြန်းခန်းတွင် အင်တာဗျူးလုပ်သည့်အတွက် ဝမ်းမြောက်ဝမ်းသာ ကျေးဇူးတင်ပါသည်။ ကျွန်တော်သည် အမှန်တကယ် ဘလော့ဂါတစ်ယောက် ဖြစ်ဖို့ စိတ်အားထက်သန်ပါသည်။သို့ပေမယ့် ကျွန်တော့်မှာ ဝေခွဲမရနိုင်သည့် ပြဿနာ တစ်ခုကြုံနေရပါသည်။ ပြီးခဲ့သည့်လက အွန်လိုင်းဘလော့ဂါလောက မှ နောင့်တော် နောင်တော်များက ဖောင့် ပြောင်းလဲ သုံးစွဲရေး အတွက် ပြောကြဆိုကြသံ ကြားရပါသည်။ သို့အတွက် ကျွန်တော့်မှာ မြန်မာဇော်ဂျီဖောင့်နှင့် ရေးမလား၊ မြန်မာသရီးနှင့် ရေးမလား စဉ်းစားရကျပ်ပါသည်။ ထိုဖောင့်ပြောင်းလဲရေး ကိစ္စအတွက် မြန်မာအင်တာနက် ယူစာများ လေး၊ငါးနှစ်လောက် စောင့်လျှင် ဖောင့်တစ်ခုကိုသာ အားလုံး တညီတညွှတ်တည်း အသုံးပြုနိုင်ကြလိမ့်မည်ဟု ခန့်မှန့်ထားပါသည်။ သုိ့ပါ၍ ကျွန်တော့် “ပန်းတိုင်းကို ပွင့်လန်းစေချင်သူ” အမည်ရှိ ဘလော့အား နောင် ငါးနှစ်ကြာမှသာ တည်ဆောက်ပြီး အသိပညာများ ဖလှယ်ရယူတော့မည် ဟု ဆုံးဖြတ်ထားလိုက်ပါသည်။ ကြားကာလများတွင် အင်တာနက် အွန်လိုင်းဘလော့လောကအား ဝင်ရောက်ခြင်း မပြုသေးဘဲ ကျွန်တော် လေ့လာစရာ ရှိသည်များကိုသာ ဇောက်ချ လေ့လာနေဦးမည် ဖြစ်ပါကြောင်း”

လေးစားစွာဖြင့်
ဘလော့ဂါကိုကို

ဟူသော စာတစ်စောင်အားသာ လက်ခံရရှ်ိပြီး ထိုဘလော့ဂါအလောင်းလျာ ဘလော့ဂါကိုကို အမည်ရှိ သူငယ်မှာ ပျောက်ချင်းမလှ ပျောက်ဆုံးသွားပါကြောင်း။ ဤကဲ့သို့ အဆုံးမသတ်သေးသည့် အင်တာဗျူးအားလည်း နောင် ငါးနှစ် ကြာ၍ သူနှင့် တွေ့ဆုံဖြစ်ကြသေးလျှင် ဆက်လက်လုပ်ဖြစ်ကောင်း လုပ်ဖြစ်လိမ့်ဦးမည် ဟု ထင်မြင်ရပါကြောင်း။
ချက်မေးသူ- မိုးထက်။

(စီစဉ်သူ၏ နောက်ဆုံးစကား၊။ ။ အမှန်တကယ်က စီစဉ်ထားသည်များမှာ ဘလော့ဂါလောင်းလျာ ဘလော့ဂါ ကိုကို ဆိုသူအား နှိပ်ကွပ်ရန် အကျပ်ရိုက်မေးခွန်းများ ဖန်တီးထားပြီး ဖြစ်သော်လည်း မည်သို့ဖြစ်သွားခဲ့လေသည် မသိ အမှန်တကယ် စီစဉ်လိုက်သောအခါ ပျင်းစရာ ကောင်းသော အင်တာဗျူး တစ်ခု ဖြစ်သွား၍ သည်းခံကြပါရန် မေတ္တာ ရပ်ခံခဲ့ပါသည်။ စီစဉ်သူ- မောင်တေဇာအောင်။

ယခုတော့ ဤအင်တာဗျူးတွင် ပါဝင်ပတ်သတ်ခဲ့သူ သုံးဦးစလုံး တစ်ဦးမှ ရှိမနေကြတော့ပါ။ ဘယ်ဆီဘယ်ဝယ်ရောက်၍ ဘယ်သောင်ဘယ်ကမ်းဆိုက်ကပ်နေခဲ့ကြပြီဆိုတာကိုလည်း သတင်းအစအန တစ်ခုတလေမှပင် မရတော့ပါ။

တေဇာအောင်
ဖေဖော်ဝါရီ 09,2011

ငြိမ်သက်သွားသော နေကြာပန်းများအကြောင်း

2011-02-06T22:32:00.001-08:00

ငိမ်သက်သွားသော နေကြာပန်းများအကြောင်း

“နေကြာပန်း၏ ရနံ့၊ ကျေးလက်နေရောင်၏ အဝေး ထွက်ပြေးသူတစ်ယောက်၏ စိတ္တဇ”

ကျွန်တော့်ဘဝ၏ ငယ်ရွယ်စဉ်ကာလများတွင် နေကြာပန်းပင် သို့မဟုတ် နေကြာစေ့များနှင့် တနည်းမဟုတ် တနည်း ပတ်သတ်ခဲ့ရသည်ချည်း ဖြစ်သည်။ လေးဧက ကျယ်သော ယာကွက်ကြီးထဲမှ တမျှော်တခေါ် ဝါဝင်းထိန်လင်းနေသော နေကြာပန်းခင်းကြီးအား ကျွန်တော် ငယ်ငယ်က လေးခွတစ်လက်ဖြင့် အကျဉ်းသားများအား ထောင်ဝါဒါ တစ်ယောက် စောင့်ကျပ်နေသလို စောင့်ကျပ်ခဲ့ရဖူးသည်။ ကျွန်တော်၏ကျောင်းပိတ်ရက်များတွင် ယာခင်း၏အလယ်တည့်တည့်မှ အတန်ငယ် မြင့်မားသော သနပ်ပင်အထက် လင့်စင်ပေါ်တွင် ရုပ်ပြကာတွန်း ဒါမှမဟုတ် မြတ်မင်္ဂလာစာစောင်ကလေးများ ဖတ်ရင်း တနေကုန် ထိုင်နေခဲ့ရသည်များမှာ အမှန်တော့ ပျင်းရိစရာ မကောင်းလွန်းလှပါ။ ယာခင်းထဲသုိ့ ကျူးကျော်ဝင်ရောက်၍ ကိုက်ဖြတ်စားသုံးတတ်သော နွားများ၏ ရန်မှကာကွယ်ရန် အတွက် နေကြာခင်းကြီးအား ကာကွယ်ပေးနေရသော ကျွန်တော်သည် ထိုစဉ်က တရုတ်သိုင်းကားများထဲမှ အစွမ်းထက် သိုင်းသမား သူရဲကောင်းတစ်ယောက်လို သူရဲကောင်းတစ်ယောက် ဖြစ်နေခဲ့ဖူးသည်။ ခပ်မြင့်မြင့်အရပ်မှ တိုက်ခတ်သောသန့်စင်သည့် လေအား ရှူရှိုက်ရင်း နေကြာပန်းများတွင် ဝတ်ရည်လာစုပ်သော ပျားပိတုန်းများ၏ အသံကို တဝီဝီကြားနေရသည်မှာ မငြီးငွေ့စရာ နေ့ရက်များကို ဖန်တီးပေးခဲ့လေသည်။ ထိုစဉ်က ကျောင်းပိတ်ရက်တိုင်း နေကြာခင်းရှိရာ ယာတောသို့ သွားချင်နေအောင် စေ့စော်ပေးခဲ့သူမှာ တောတောင်ကို ချစ်တတ်ခင်တတ်အောင် မသိမသာ သင်ကြားပေးသော အဖေသာ ဖြစ်လေသည်။

တရက်တွင် ကျွန်တော်တို့၏ နေကြာခင်းကြီးအတွက် ကြမ္မာဆိုးတစ်ခု ဝင်ခဲ့လေသည်။ မြို့မှ ဗီဒီယိုရိုက်ကူးရေးအဖွဲ့တစ်ဖွဲ့သည် ဇာတ်ဝင်ခန်းတစ်ခန်းရိုက်ကူးရန် အတွက် ကျွန်တော်တို့ နေကြာပန်းခင်းအား အသုံးပြုချင်သည် ဆိုသောအခါ အဖေသည် နေကြာပင်များ မပျက်စီးအောင် လုပ်လျှင် ရိုက်ပါ ဟု ပြောလိုက်လေသည်။ အမှန်တော့ ထိုဗီဒီယိုဇာတ်ကားတွင် ပါဝင်သရုပ်ဆောင်မည့် မင်းသားနှင့် မင်းသမီးကို ကျွန်တော် မမြင်ဖူးပါ။ ကျွန်တော် ငယ်ငယ်က ဖိုက်တင်ကားများတွင် သရုပ်ဆောင်မင်သား မင်းသမီး သီဟတင်စိုးနှင့် ဇင်မာဦး၊ ရဲကိုကိုနှင့် လင်းဇာနည်ဇော် စသူတို့ကိုသာ အကြည့်များသောကြောင့်လည်း ဖြစ်ပါလိမ့်မည်။ သိပ်မကြာခင် ကျွန်တော်တို့ နေကြာခင်း၏ ရေအဝှမ်းနေရာဖြစ်သောနေရာတွင် ဗီဒီယိုရိုက်ကူးရေး အဖွဲ့သားများ ပြင်ဆင်နေကြသောအခါ အဖေသည် မျက်နှာပျက်စ ပြုနေလေပြီ။ (ရေအဝှမ်းနေရာ ဆိုသည်မှာ မိုးရွာလျှင် ရေဝပ်တတ်သောနေရာ ဖြစ်သဖြင့် ထိုနေရာမှ အပင်များမှာ အခြားနေရာက အပင်များထက် စိမ်းဖားဖားနှင့် ပို၍လှ ပို၍ကောင်းတတ်သော နေရာဖြစ်ပါသည်။) နေကြာပင်များမှာ သူတို့သည် မကြာခင် ပျက်စီးခြင်း ငါးပါးဆိုက်တော့မည်ကို မသိရှိ မရိပ်မိသော သတ္တဝါများနှယ် နေအတက်တွင် ပို၍သာ ငွားငွားစွင့်စွင့် ပွင့်လန်းနေခဲ့ကြလေသည်။ ကျွန်တော်က လင့်စင်အထက်တွင် အသာလဲလျောင်းရင်း ဗီဒီယို ရိုက်ကြမည့် အဖွဲ့သားများအား စောင့်ကြည့်လေ့လာအကဲခတ်နေခဲ့သည်။ ကက်ဆက်တိပ်ရီကော်ဒါမှ ထိုအချိန်က ခေတ်စားသော စုံတွဲတေးသီချင်းတစ်ပုဒ် ဖွင့်အံထွက်ကျလာသောအခါ မင်းသားနှင့် မင်းသမီးမှာ နေကြာခင်းအလယ် နေကြာမြောင်းများကြားအတိုင်း စတင်ပြေးလွှားနေကြပြီဖြစ်သည်။ ထို့နောက် မင်းသားက နေကြာပွင့် တပွင့်ကိုချိုးချလိုက်၊ မင်းသမီးက နေကြာပန်းကို ငုံ့နမ်းလိုက်နှင့် သူတို့ ပြေးလွှားသွားရာ မြောင်းတလျှောက်တွင် နေကြာပင်များ ကျိုးပျက် ကြေမွကုန်ကြလေသည်။ နောက်ဆုံးတွင် ကျွန်တော်သည် အပျက်အစီး လေးပုံတစ်ပုံလောက်ဖြင့် နေကြာခင်းကြီးကို စိတ်မကောင်းစွာ ထိုင်ကြည့်နေရုံမှတပါး အခြားဘာမှ မတတ်နိုင်ပါခဲ့ပါ။ အဖေကတော့ စကားနည်းသူ ဖြစ်သည့် အပြင် ဘာမှ မပြောလိုတော့သဖြင့် အိမ်ပြန်သွားခဲ့ပြီဖြစ်သည်။
နောက်ပိုင်းရက်များတွင် ကျွန်တော်သည် နေကြာခင်းရှိရာ ယာတောဆီသုိ့ တရံခါမှ ခြေဦးမလှည့်တော့ပါ။(ကျွန်တော့်အစား ကျွန်တော့် အစ်ကို သွားပါသည်။) ကျွန်တော်သည် အရင်ကနွား တိရစ္ဆာန်များရန်မှ ကာကွယ်ရန် တတ်နိုင်ခဲ့သော်လည်း ထိုနေ့က မတတ်နိုင်ခဲ့ပါ။ ကျွန်တော့်ကို ကျွန်တော်လည်း မချိတင်ကဲ ဖြစ်မိသလို နေကြာပန်းများကိုလည်း တာရှည်တာမော ထိုင်ကြည့်နေဖို့ ဘယ်တော့မှ စိတ်မကူးခဲ့တော့ပါ။

*****

“ တနေ့မုန့်ဖိုး ငါးဆယ်သာရသော ချာတိတ်တစ်ယောက်သည် တနေ့လျှင် နှစ်ဆယ့်ငါးကျပ်တန် ပန်းချစ်သူ နေကြာစေ့ထုပ် နှစ်ထုပ် အပျင်းပြေ စားတတ်သော မိန်းကလေး တစ်ယောက်အား မည်ကဲ့သို့ အချိန်ကြာမြင့်စွာ ချစ်နေခဲ့နိုင်ပါမည်နည်း။ ”
ချာတိတ်ဘဝအား မေးခွန်းထုတ်ခြင်း အပိုင်းအစများ မှ-

အမှန်တကယ်တော့ ဆယ်တန်းတွင် ကျွန်တော် ဝိပ္ပံဘာသာတွဲ(ဓာတု၊ရူပ၊ဘောဂဗေဒ) ယူခဲ့ခြင်းမှာ ထိုအခန်းတွင် သူမ ရှိသောကြောင့်သာ ဖြစ်လေသည်။ စာသင်ခန်း၏ ရှေ့ဆုံးခုံမှာ ထိုင်သော သူ့ကို နောက်ဆုံးခုံတွင်သာ ထိုင်တတ်သော ကျွန်တော် ငေးမောကြည့်ခဲ့သည်မှာ အရသာတစ်မျိုး ရှိသောကြောင့် ဖြစ်လေသည်။ သူမနှင့် အကြည့်ချင်းဆုံတိုင်း ကျွန်တော် ရင်ခုန် မခုန် မမှတ်မိတော့ပေမယ့် ကျွန်တော်သည် အောင်ပွဲရ စစ်သည်တစ်ဦးလို ပျော်ရွှင်မြူးထူးနေခဲ့ရသည်ကိုတော့ မှတ်မိနေသေးသည်။ (အရိုးသားဆုံးဝန်ခံရလျှင် ကျွန်တော်သည် ဆရာသင်ပေးသော သင်ခန်းစာများကို လိုက်ပြီး ကူးရေးလေ့ မရှိခဲ့ပါ။တခါတရံ ဖတ်စာအုပ်ထဲတွင်သာ မျဉ်းသား မှတ်ထားတတ်သည်။) ထိုအကြောင်းများကို သိသော သူမသည် ကျွန်တော့်ကို အနည်းငယ် ပြစ်တင်ဝေဖန်၍ ကျွန်တော်၏ ဗလာစာအုပ် အလွတ်များထဲတွင် သူမလက်ရေး ဝိုင်းဝိုင်းသေးသေးလေးများဖြင့် ကူးရေးပေးခဲ့လေသည်။ သူမ၏ ဖြူစင် ဝင်းလဲ့သော အသားအရေနှင့် ဆံပင်ကုပ်ဝဲ ပုံစံ၊ သူမအနီးတွင် ရှိသောအခါတိုင်းရလေ့ရှိသည့် ကိုယ်သင်းနံ့ကို စွဲလမ်းစပြုသော အချိန်တွင် ကျွန်တော် သူမကို ချစ်ရေးဆိုခဲ့ပါသည်.။ ရက်သတ္တပတ် တပတ်ခန့်အကြာတွင် သူမ ကျွန်တော့်ကို ချစ်ကြောင်း အဖြေပေးရန် ထူးဆန်းသော အပြုအမူတစ်ခု ပြုလုပ်လာလေသည်။ သူမ ကျောင်းဈေးတန်းက ဝယ်စားနေကျ ပန်းချစ်သူ နေကြာစေ့ကို အခွံခွာပြီး အဆန်ချည်း သက်သက် နို့ဆီဘူး တစ်ဘူးစာမျှ ကျွန်တော့်ကို ပေးအပ်ခြင်းပင်။ ကျွန်တော့်ကို ချစ်၍ သူမကိုယ်တိုင် အခွံခွာကျွေးချင်စိတ် ရှိသောကြောင့် ညစဉ် သုံးရက်ခန့် အခွံနွှာပြီး တပါတည်း ချစ်အဖြေပါ ပေးလိုက်လေသည်။ ထိုစဉ် မတိုင်ခင်ထိ နောက်ပိုင်းတွင် ကျွန်တော် သူမကို နေကြာစေ့ အခွံခွာ ကျွေးရလိမ့်မည်ဟု ထင်မှတ်မထားခဲ့မိပါ။

တဖြည်းဖြည်းနှင့် ကျွန်တော်နှင့် သူမ၏ အနေနီးကပ်မှုများအကြားတွင် ကျွန်တော့် ဗလာစာအုပ် အလွတ်များ သူမ လက်ရေးများဖြင့် ပြည့်နှက်လာလေသည်.။ မုန့်စားကျောင်းဆင်းချိန်တွင် ဈေးတန်းသို့ ပန်းချစ်သူတံဆိပ် နေကြာစေ့ထုပ်ကလေးများ ပြေးဝယ်ပေးရခြင်းမှာ ကျွန်တော့်အတွက် တာဝန် တစ်ခု ဖြစ်လေသည်။ သူမကို ချစ်ကြောင်းသက်သေပြဖို့ နေကြာစေ့လေးများ အခွံနွှာပေးရခြင်းမှာလည်း ကျွန်တော်၏ သက်သေပြချက်အသေးစားလေးများ ဖြစ်ခဲ့လေသည်။ ဤသို့ဖြင့်သာ…..။ ။

အချိန်ကာလ၏ ကုန်လွန်ခြင်းများနှင့် အတူ သူမ၏ ဝင်းဝါသောအသားအရေများ၊ လည်ဂုပ်ပေါ်မှ မွေးညှင်းနုလေးများ၊ ချိုသာသောစကားများနှင့်အတူ နားဝင်ချိုလှသော ကတိစကားများ ဘယ်ဆီဘယ်ဝယ်ရောက်ရှိနေမည်နည်း။ ခုတော့ သူမ အိမ်မှာ တိတ်ဆိတ်စွာ ထိုင်နေပေရော့မည်။ သူမနှင့် မတွေ့ရတော့သည့် နေ့ရက်များအတွင်း ကျွန်တော် မည်ကဲ့သို့ နေကြာစေ့စားခြင်း အလေ့အထ ပျောက်ဆုံးသွားခဲ့သလဲ ကျွန်တော် မသိတော့ပါ။ သူမကတော့ နေကြာစေ့များကို ခုချိန်ထိ စွဲစွဲမြဲမြဲ စားကောင်း စားနေလိမ့်မည် ထင်ပါသည်။ အခွင့်သင့်သော် သူမထံသို့ အခွံနွှာထားသော နေကြာစေ့အဆန်ကလေးများ ပို့လိုက်ချင်မိပါသေးသည်။ သူမအပေါ် ချစ်ခဲ့ဖူးသော အချစ်များ ယနေ့တိုင် ရှင်သန် နေဆဲဟု ပြောလျှင် သူမက ယုံကြည်ချင်မှ ယုံကြည်လိမ့်မည် ဖြစ်သော်လည်း….ခင်ဗျားတို့ ယုံကြည်ပေးကြပါ။

သို့သော် နေကြာစေ့အဆန်ကိုတော့ ဆိမ့်သည်ဟု ကျွန်တော် မထင်မိသေးပါ။

(ရည်ညွှန်းချက်။ ။ “ပန်းထဲမှာ နေကြာပန်းကို ကြိုက်တယ်၊ သူက ဆိမ့်သည်” ဟု ဆိုသော သူငယ်ချင်းမောင်တေဇာသို့ အမှတ်တရ)

တေဇာအောင်
ဖေဖော်ဝါရီ ၇၊ ၂၀၁၁။

အမြင်ကျဉ်း၊ စံအမှားတို့ဖြင့် ဖန်တီးမှုအနုပညာကို ချဉ်းကပ်ခြင်း(မြင့်သန်း)

2010-11-28T09:55:00.001-08:00

ယခင်အပုဒ်မှ အဆက်...
အနုပညာ ဖန်တီးမှုနှင့် ရည်ရွယ်ချက် အပိုင်းသို့ ပြန်သွားပါရစေ။ အနုပညာ အသီးသီးတို့တွင် အသုံးပြုသော ကြား၊ အသုံးခံ ပစ္စည်းတို့နှင့် အတူ

အတတ်ပညာ အခြေခံ ကျွမ်းကျင်မှု များသည်လည်း မတူကြသည် ဖြစ်ရာ ဖန်တီးထားသော အနုပညာ လက်ရာ တစ်ခုက ဖော်ထုတ် ပြထားသော အကြောင်းတစ်စုံ တစ်ရာ(ရည်ရွယ်ရင်း၊ ဦးတည်ချက်)ကို သိရှိရန်မှာလည်း အခြေခံအားဖြင့် မတူညီနိုင်။ ပန်းချီတွင် အလျားအနံတည်း ဟူသော ကန့်သတ်မှု အတွင်းမှ အရောင် အခြေခံ ဖော်ထုတ်မှု ဖြစ်သည်။ ပန်းပုတွင် ထု-ဒြပ်ရှိခြင်းတွင် အခြေခံသော အတိမ်အနက်၊ အနိမ့်အမြင့်သည် အခြေခံ ဖြစ်သည်။ စာပေတွင်သော် သိမှု၏ အတိုင်းအတာတွင် ဘာသာ စကားကို အခြေခံကာ ပြန်လည် ဖော်ထုတ် တင်ပြနိုင်မှု ဖြစ်သည်။ စာပေနှင့် ပတ်သက်သော အကြောင်းများကို အလေးပေး ဆွေးနွေးပါရစေ။ စာပေဟု ကန့်သတ် ခေါ်ဆို ထားခြင်း၏ နယ်နိမိတ် အတွင်း ဘာသာ စကားကို အခြေခံကာ ရေးသား ဖော်ထုတ်ထားခြင်း အမျိုးမျိုး ပါဝင်လေသည်။

ထိုထိုသော အမျိုးမျိုး အတွင်းမှ ကဗျာနှင့် ၀တ္ထု(တို/ရှည်) အရေးအသားတို့မှာ ဖန်တီးမှု အခြေခံ အရေးအသားများ ဖြစ်သည်။ အခြားသော အရေးအသားများ(ဥပမာ ဆောင်းပါး၊ ခရီး သွားဆောင်းပါး၊ အင်တာဗျူး၊ ဖတ်ကောင်းရုံ ရေးသော သမိုင်း ဆန်ဆန်၊ ပညာရပ်ဆန်ဆန် အရေး အသားများ စသည်ဖြင့်)မှာ ရေးသူက ဖတ်သူထံ သိမှု၊ သိစရာ တစ်စုံတစ်ရာကို လက်ပြောင်းလက်လွှဲ လုပ်ထားသော အရေး အသားများသာ ဖြစ် သည်။ (ကောင်း၊ မကောင်း စသည်တို့ကို ဆွေးနွေးနေမည် မဟုတ်။ အမျိုးအစား မတူညီမှုကို ဖော်ပြခြင်းသာ ဖြစ်သည်) သိမှု၊ သိစရာ တစ်စုံတစ်ခုကို ရေးသူမှ ဖတ်သူထံ လက်ပြောင်း လက်လွှဲ လုပ်ရာတွင် ရေးသူ၏ ဦးတည်ချက်မှာ သူ သိစေချင် သည်များ ဖတ်သူထံ ရောက်ရန် အဓိက ဖြစ်သည်။ အတတ် ပညာအခြေခံ၊ ဖော်ထုတ် တင်ပြမှု ပုံစံ တူညီမှုများ ရှိနေပြီး အခြေခံ ဦးတည်ချက်မှာ “သိစေရန်”ဖြစ်သည်။

ဥပမာ-ဂျာနယ်လစ်ဇင် ဟူသော အချက်အလက် အခြေခံသိမှု လက်ပြောင်းလက်လွှဲ လုပ်ပုံကို ဂရုပြု ကြည့်စေချင်သည်။ ရေးသူက ဖတ်သူထံ လက်ပြောင်း ပေးလိုက်သော အသိ တစ်စုံတစ်ရာမှာ ဖတ်သူထံ ရောက်ရှိရန်မှာ အဓိက ဖြစ်သည်။ ထိုကြောင့်ပင် “သတင်း ရေးခြင်းမှာ ၀တ္ထုရေးခြင်း၏ ဆန့်ကျင်ဘက်”ဟူသော ဆိုစကား ရှိနေခဲ့ခြင်း ဖြစ်သည်။ (ဆိုလိုသည်မှာ ဂျာနယ်လစ် တို့က သူတို့၏ စာဖတ်သူများကို ခံစားခိုင်းခြင်း မဟုတ်။ သိ စေချင်သည့် သဘောသာ ဖြစ်သည်။ ဂျာနယ်လစ်ဇင် လောက၌ ပြောလေ့ရှိသည့် Good words, not kind words ဆိုသည့် သဘောပင်)။

ဖန်တီးမှု အရေးအသား များမှာမူ“သိရုံ”မျှ ရေးသားထားသော အရေးအသားမျိုး မဟုတ်။ ဖတ်သူ၏ သိမှတ် ခံစား နားလည်နိုင်ခြင်း အလုံးစုံ အပေါ်သို့ ရေးသူ၏ ဖန်တီးအား ထုတ်ထားမှု အလုံးစုံ ပျံ့နှံ့နိုင်ရန် အားထုတ်ထားခြင်း ဖြစ်သည်။ သို့ဖြစ်ရကား ဖန်တီးမှု အရေးအသားကို ရေးသား သူများသည် သူတို့၏ ရည်ရွယ်ရင်း(အကြောင်း၊ ခံစားချက်၊ အသိတရား စသည်များ)ကို ဖတ်သူထံ မည်သို့ ရောက်နိုင်မည် ဆိုသည်ကို ကြီးမားသော ဦးတည်ချက် အဖြစ် သတိထား ကြရလေသည်။

ကဗျာနှင့် ၀တ္ထု(တို/ရှည်) အရေးအသားတို့မှာ ဘာသာ စကားကို အခြေခံကာ ဖန်တီး တည်ဆောက်ထားခြင်း ဖြစ်လေရာ ဖတ်သူက ရေးသူ၏ ဦးတည် ရည်ညွှန်းချက်ကို ဘာသာ စကား အခြေခံထဲမှ ရနိုင်၊ မရနိုင် ဆိုသည်မှာ ဆက်လက်ဆွေး နွေးစရာ အကြောင်း ဖြစ်လာသည်။ ဘာသာ စကားတိုင်း(မည် သည့် ဘာသာစကား မဆို)သည် အများက ထင်မှတ်မှားထား ကြသည်ကဲ့သို့ လွယ်လှသည် မဟုတ်။ ဘာသာစကား အရ သာမန် ဖော်ထုတ်သည်များကိုပင် လွယ်လင့်တကူ အနက်မိရန် မလွယ်ဖြစ်တတ်သေးသည်။ ကဗျာ အဖြစ်ဖြင့်သော် ပို၍ ခက်နေ ပေသည်။ (တွေးခေါ်ရှင် ဟိုက်ဒဂါ Heidegger ၏စကားတစ် ခွန်းဖြစ်သော Language itself is potry in the essential sense ကို သတိပြု ကြည့်ကြစေချင်သည်။ အကျယ်ကို Martin Heidegger ၏ The Origin of the work of art’ (၁၉၇၃)တွင် ကြည့်ပါ။)

ပို၍ခက်သည်ဟု ဆိုရာတွင် ကဗျာ ရေးသူက ခက်ခက်ခဲခဲ ဖြစ်စေရန် ဦးတည်၍ အားထုတ် ထားသောကြောင့် မဟုတ်။ ဘာသာ စကားက အနေအထား ပြောင်းလဲသွားသော ကြောင့်သာ ဖြစ်သည်။ ကဗျာသည် ဘာသာ စကားကို အလွှဲ အပြောင်း အလုပ်နိုင်ဆုံးသော ရပ်ဝန်းဖြစ်သည်။ ထို့ပြင် စာလုံးများဖြင့် တည်ဆောက်ထားသော ကဗျာတိုင်း၏ ဆိုလိုရင်းမှာ ထိုစာလုံးများ၏ အနက်အတိုင်း ကွက်တိ သဘောဆောင်ချင်မှ ဆောင်ပေမည်။ အကြမ်းဖျင်း သဘောပေါက်ရန် မြန်မာတို့၏ အစဉ်အလာ ဘာသာစကား ဘောင်အတွင်းမှ ရေးစပ်ထားသော ကဗျာ တစ်ပုဒ်မှ အပိုင်းအစ တစ်ခုကို ဖတ်ကြည့်ပါ။
ထိုနှစ်များ၌ ပျားတို့သည် မချို မှိုတို့သည် မပေါက်၊ ယာတို့သည် ခြောက်ကုန်၏...

ဤကဗျာတွင် ကဗျာ ဆရာက ဆိုလိုသည်ကို သိရန် ခက်ခက်ခဲခဲ ကြိုးစား အားထုတ်စရာ လိုမည်မထင်။ မလိုရသည့် အကြောင်းမှာ နေ့စဉ်သုံး စာလုံး၊ နေ့စဉ်ပြောဆို နေကြသော အကြောင်းအရာများ သို့မဟုတ် မနီးရိုးစွဲ အကြောင်းများ။ ထို့ထက် ပို၍သော် ဖတ်ရှုရသည့် စာလုံးများမှာ ကဗျာ ရေးသူ၏ ရည်ရွယ်ရင်းများ (သိစေ မြင်စေချင်သော အကြောင်းများ)ဖြစ်နေသောကြောင့် ဖြစ်သည်။ ထိုရွေ့ ထိုမျှသာ ဖတ်ရှု ရခြင်းဖြင့် ကဗျာဆရာ၏ ဆိုလိုရင်းကို ထိုရွေ့ထိုမျှသော အတိုင်းအတာ အထိ ရပေမည်။ အစဉ်အလာဖြင့် ထိန်းကျောင်းထားသော (Convention Constrained သဘောဖြစ်သည်။)ဘာသာ စကား၏ ဖော်ထုတ်မှု ပုံစံအတိုင်း ဖြစ်သည်။ အခြား မြန်မာကဗျာ တစ်ပုဒ်မှ စာကြောင်း အချို့ကို ဖတ်ကြည့် စေချင်သေးသည်။

အဖြစ် ဆိုးလှချည်လား ရွှေကိန္နရီရယ်
ဒီလို ဖြစ်မယ်မှန်း ကြိုလှမ်းသိရင်
ဒီပွဲ မ၀င်ပါဘု၊ ဆင်နွှဲမယှဉ်ပါဘု
ခု ခုတော့ကွယ်
တောင်ချွန်းစွယ် မကျော်ခင်မှာမှ
မီးလောင် ပြာကျရတယ် ဆိုတော့
မီးလောင် ပြာကျရတယ် ဆိုတော့။ ။

ဤကဗျာတွင်သော် ကဗျာ ဆရာ၏ ဆိုလိုရင်းများကို သိရန်အတွက် အကြောင်းအရာကို သိရန်လိုသည်။ စာလုံးများက ပေးသော အသိ တစ်စုံ တစ်ရာသည် ကဗျာအရ ကဗျာ ဆရာက ဖော်ထုတ် ထားသည်များကို သိမှတ်ခံစား နားလည်ရန် မလွယ်။ ဤစာကြောင်းများနှင့် ဆက်စပ်နေသော အဆက် အစပ်( Context ကို ဆိုလိုသည်။) မှန်သမျှနှင့် ကဗျာ၏ အတွင်းသား( Content ကို ဆိုလိုသည်။)ကိုသိရန် လိုသည်။ ဥပမာ- “ရွှေကိန္နိရီ” ဆိုသည်ကို ဘာမှန်း မသိသေးသမျှ ကဗျာ ဖတ်ရှုခြင်းမှာ ခရီး မတွင်နိုင်သေး။ ကဗျာ ဆရာ၏ ဖော်ထုတ် တင်ပြ လိုသည် မှန်သမျှမှာ ဘာသာစကားချည်း သက်သက်ကို သိရုံဖြင့် မလုံလောက်။ ကဗျာ၏ နောက်ကွယ်က အကြောင်း အရာများကို သိရန်လည်း လိုအပ်လာသည်။ ထပ်မံ၍ မြန်မာ ကဗျာ တစ်ပုဒ်မှ စာကြောင်း အချို့ကို ဖတ်ကြည့် စေချင်ပြန်သည်။

ကီလီမန်ဂျားရိုးဟာ
ဆိုက်ဘေးရီးယားမှာ ရွာတတ်တဲ့ မိုးတစ်မျိုးလား။
ကီလီမန်ဂျားရိုးဟာ
ကိုမာဝင်ပြီး သွားလာနေထိုင်
ပြုမူ ပြောဆိုနေခြင်း တစ်မျိုး ဖြစ်တယ်။
ကီလီမန် ဂျားရိုးကို
ခင်ဗျားလမ်းမှာ တွေ့ရင်
သူ့ကို ဘယ်လို ဆက်ဆံမလဲ။

ဤကဗျာတွင်သော် ကဗျာ ဆရာက ရှေ့တွင် ဖော်ပြခဲ့သော ကဗျာများကဲ့သို့ သူ၏ ဆိုလိုရင်းမှာ အကြောင်းအရာ သက်သက် မဟုတ်တော့။ ကဗျာဆရာက ကဗျာ ဖတ်သူ၏ ပါဝင် ပတ်သက်မှုကို နေရာ ပေးထားသော ကဗျာဖြစ်သည်။ ကဗျာတို့၏ အစဉ်အလာ ပုံစံများတွင် တွေ့ရသောအဆိုချည်းသက် သက်။ အဆိုပြုမှု တစ်စုံတစ်ရာကို ထပ်ဆင့် ခိုင်မာအောင် အဆိုများ ထပ်မံ တည်ဆောက် ပြနေခြင်း မဟုတ်တော့။ စာလုံး၊ စကားလုံးများမှာ သာမန် လူတို့၏ နေ့စဉ်သုံး စာလုံး၊ စကားလုံးချည်း မဟုတ်။ ဥပမာ-ဆိုက်ဘေးရီးယား၊ ကိုမာ စသည့် စာလုံးများ။

သို့ရာတွင် ထိုစာလုံး၊ စကားလုံးများကို ရင်းရင်း မြစ်မြစ် သိရမည်ဟု မဆိုလို။ အဆက်အစပ်များကို အခြေခံ ၍ အနက်များကို ချဲ့ထွင်လိုသော် ချဲ့ထွင်ယူ၊ ကဗျာ ဆရာ၏ ဘက်မှ တားမြစ်ထားခြင်း မရှိ။ ကဗျာ၊ ကဗျာ ရေးသူနှင့် ကဗျာ ဖတ်သူတို့ အကြားတွင် (အရပ် စကားဖြင့် ဆိုရသော်) အလုပ်ဖြစ်ရန် ( Whatever-work သဘောဖြစ်သည်။)သာ အရေး ကြီးလေသည်။ “ဘာကို ပြောနေတာလဲ”နှင့် “ဘာကို ပြောချင်တာလဲ”ကိုသိဖို့ လိုသည်။ ပြောနေသည်မှာ ကီလီ မန်ဂျားရိုး အကြောင်း ဖြစ်နေခြင်းကို မငြင်းဆိုနိုင်။ သို့သော် ပြောချင်သည်မှာ ကီလီမန်ဂျားရိုး အကြောင်းပဲဟု မည်သူကမျှ အာမ၀န္တာ မခံနိုင်။(ဤနေရာတွင် ပထမဦးဆုံး ညွှန်းခဲ့သော ကဗျာမှ စာကြောင်း တချို့ကို ပြန်ဖတ်ကြည့် စေချင်သည်။ “ဘာကို ပြောနေတာလဲ”နှင့် “ဘာကို ပြောချင်တာလဲ”မှာ အတူတူဖြစ် နေကြောင်း တွေ့ရပေမည်။)

ဤသည်မှာပင် ယနေ့ ကာလ၏ ဘာသာစကား အခြေခံ ဖန်တီး တည်ဆောက်မှု နယ်ပယ်အတွင်း ပြောင်းလဲလာသော သဘောတစ်ခု ဖြစ်သည်။ ဘာသာစကား အခြေခံကာ ပြောင်းလဲ နေခြင်းကို မသိဘဲလျက် (သို့မဟုတ်၊ နားမလည်ဘဲလျက်) စံတစ်စုံတစ်ရာကို ကိုင်စွဲကာ စိစစ်အကဲ ဖြတ်ရန် မဖြစ်နိုင်။ အကြောင်းမှာ ဖန်တီးသူ(ကဗျာရေးသူ၊ ၀တ္ထုရေးသူ စသည်များ)တို့၏ ရည်ရွယ်ရင်း ဦးတည်ခြင်းများကို မသိနိုင်။ အထူးသဖြင့် ဖန်တီးစာ အရေးအသားများတွင် ဘာသာ စကားများ၏ အခန်း ကဏ္ဍကို လွှတ်ပေး ထားသောကြောင့် ဖြစ်သည်။ ယနေ့ ကာလတွင်သော် ဖန်တီးစာ ရေးသားမှုများကို အတိုင်းအတာတစ်ခု အထိ အသိအမှတ်ပြု တန်ဖိုးထား လက်ခံနိုင်ခြင်း မရှိဘဲ ဖြစ်စေ၊ ပညာရပ် အခြေခံ စည်းစနစ် တစ်စုံတစ်ရာ မပါဘဲဖြစ်စေ၊ မျက်နှာလွှဲ ခဲပစ် ဝေဖန် ပြောဆိုရန် မသင့်တော့။ ထိုအပြုအမူများမှာ သေးသိမ်၍ အောက်တန်း ကျသော အပြုအမူများသာ ဖြစ်ပါသည်။

ဖန်တီးမှု အရေးအသား ဖြစ်သော ၀တ္ထုအကြောင်းကို စဉ်းငယ်မျှ ထည့်သွင်း ဆွေးနွေးလိုပါသည်။ ၀တ္ထုဖတ်ခြင်းမှာ လူ့သမိုင်းနှင့် လူ့ယဉ်ကျေးမှုတို့၌ အခြေခံခဲ့သော အပြုအမူ တစ်ခုသာ ဖြစ်ပါသည်။ ၀တ္ထုမှာ အမှန်တရား အကြောင်း၊ သစ္စာတရား အကြောင်း ဆွေးနွေးနေသော ကျမ်းစာ မဟုတ်ပါ။ နိဗ္ဗာန် ရောက်ရာရောက်ကြောင်း မဟုတ်ပါ။ သက်ဝင် ယုံကြည်မှု၊ ဘာသာရေး အခြေခံတို့ဖြင့် တည်ဆောက် ပြထားသော အမှန်တရားများ မဟုတ်ပါ။ ဇာတ်၊ နိပါတ်များနှင့်မူ နီးစပ်ကောင်း နီးစပ်နိုင်သည်။ ၀တ္ထု အရေးအသားကို ဖတ်သူသည် စတင်၍ မဖတ်မီကတည်းက သူတို့ ဖတ်မည်မှာ ၀တ္ထု ဆိုသည်ကို သိနှင့် ထားကြသည်။ အကြောင်းမှာ သူတို့၏ ရွေးချယ် နိုင်ခွင့်သဘော အရ ရွေးချယ်ကာ ဖတ်ရှုကြသောကြောင့် ဖြစ်လေသည်။

ဤနေရာတွင် သာမန် စာဖတ်သူနှင့် ဝေဖန်ရေး ပညာရှင် (ဤတွင် စာပေ ဝေဖန်ရေး၏ စနစ်၊ စည်းကမ်း၊ နည်းလမ်းတို့ကို သိကျွမ်း တတ်မြောက်သော “ပညာရှင်”ကိုသာ ဆိုလိုသည်။ ခပ်တိုင်းငန်များ မဟုတ်။)၏ ဖတ်ပုံမှာ ကွာခြားပေမည်။ သာမန် စာဖတ်သူများသည် သာမန် စာဖတ်ပုံကိုသာ အခြေခံ၍ ဖတ်သည်ဖြစ်ရာ သူတို့ရရှိသော ကျေနပ်မှု တစ်ခုမှာ ပညာရှင် ဇွန်ရှိုင်း Lisa Zunshine စကားဖြင့် ဆိုရသော် “၀တ္ထု ဖတ်လို့ရတဲ့ ကျေနပ်မှု ဆိုတာဟာ ၀တ္ထုထဲက လူတွေအကြောင်း၊ သူတို့တွေးပုံ စတာတွေကို ကိုယ်ကပါ လိုက်ပါ တွေးကြည့်နိုင် လို့ပဲ”ဟု ဆိုရပေမည်။ (အကျယ်ကို သူ၏ Why do we read Fiction? ၊ (၂၀၀၆)တွင် ကြည့်ပါ။) ၀တ္ထုထဲက ဇာတ်ကောင်သည် ၀တ္ထုထဲက ဇာတ်ကောင်ပင် ဖြစ်သည်။

ဝတ္ထုထဲက အလက်ဇန္ဒြား မင်းကြီးသာ ဖြစ်သည်။ ပေစာ၊ ကျောက်စာ၊ သမိုင်း ဘုတ်အုပ်တို့ဖြင့် ညှိရန်မလို။ နေ့စဉ် ဘ၀ထဲက တကယ့်လူကို ကိုယ်စားပြု ကောင်းပြုထားသည့် ဇာတ်ကောင် ဖြစ်နေသည့်တိုင် ထိုဝတ္ထုထဲက ဇာတ်ကောင်သည် တကယ့် လူကဲ့သို့ အသက်မရှိ။ သူ့တွင် ရှိသော အသက်မှာ သူ့ကို ရေးသား ဖော်ထုတ်ထားသူက ပေးသနားထားသော “စက္ကူပေါ်က”လှုပ်ရှားနိုင်မှုသာ ဖြစ်သည်။ ၀တ္ထု တစ်ခုလုံးမှာ သူ၏ လောကကြီးသာ ဖြစ်သည်။ ရေးသား သူက ဖော်ထုတ်ထားသည့် အတိုင်းအတာထက် ပိုကာ မစွမ်းဆောင်၊ မလှုပ်ရှားနိုင်တော့။ ဥပမာ ဘေ(လ်)ကလင်တန် အမည်ရှိ ဇာတ်ကောင်မှာ ၀ါးဘလောက်သောက်မှ မိဘမဲ့ ကလေးဟု စာရေးဆရာက ဖန်တီး ထားခဲ့လေသော် ဝေဖန်ရေး ပညာရှင် အပါအ၀င် မည်သည့် စာဖတ်သူကမျှ ထိုအချက်ကို ပြန်လည် မပြင်ဆင်နိုင်။ စောဒက မတက်နိုင်။ စောဒကတက် လိုသော်၊ ဝေဖန် ဆန်းစစ်လိုသော် ထိုဝတ္ထုကို တည်ဆောက် ထားခြင်း အတွင်းမှသာ စောဒက တက်နိုင်၊ ဝေဖန် နိုင်ပေမည်။ (ဤတွင် ရှေး၌ဆိုခဲ့ပြီး ဖြစ်သည့်အတိုင်း အသိပညာ အရာတွင် နွမ်းပါးသိမ်ငယ် အောက်တန်းကျ သူတို့က ပြုမှုလေ့ ရှိတတ် သည်ကို မတားမြစ်နိုင်ပါ။)

ထိုဝတ္ထုကို စာဖတ်သူတို့က သဘောကျခြင်း၊ ကျေနပ်ခြင်းမှာ စာရေးသူ၏ အားထုတ်မှု အပေါ် သဘောကျခြင်း၊ ကျေနပ်ခြင်းသာ ဖြစ်သည်။ တစ်နည်း ဆိုရသော် စာရေးသူ၏ ဖန်တီး တည်ဆောက်နိုင်မှု အစွမ်း၊ အင်အားစသည်များကို တန်ဖိုး ထားကြခြင်းသာ ဖြစ်ပေသည်။ ၀တ္ထုဆိုသည်မှာ ဖန်တီးမှု တစ်ခုဟု ဆိုခဲ့ပြီး ဖြစ်သည်။ သို့ဖြစ်ရကား ဘာသာ စကားကို အခြေခံပြီး ဖန်တီးထားသော ၀တ္ထုတစ်ပုဒ်၊ တစ်အုပ်အား ဝေဖန် ဆန်းစစ်ရန်မှာ ဘာသာ စကားကို အခြေခံထားသော ပညာရပ်၊ စည်းကမ်း၊ စနစ်များ အတွင်းမှသာ ဖြစ်ရပေတော့မည်။ ဆိုလိုသည်မှာ ဥပမာ-၀တ္ထုထဲက ဇာတ်ကောင်၏ အမည်မှာ သိဒ္ဓတ္ထဟု ပေးထား သည်ဆိုပါစို့။ ဘာသာရေး အခြေခံဖြင့် ကြည့်ကာ ဤသို့အမည် မပေးအပ်ဟု ဆိုခြင်းမှာ ၀တ္ထုကို ဝေဖန်ခြင်း မဟုတ်။ ဘာသာရေး အမြင်ဖြင့် တစ်ဖက်စောင်းနင်း ကောက်ချက်ချမှုမျိုးသာ ဖြစ်သည်။ အိန္ဒိယ ပြည်တွင် ထိုအမည်မျိုးမှာ သာမန် အမည်သာ ဖြစ်သည်။ (အလားတူပင် ဂျီးဇက်၊ မိုဟာမက် စသည့် အမည်များမှာ ကမ္ဘာပေါ်တွင် သာမန် အမည်များသာ ဖြစ်သည်။ စင်စစ် Identity ကသာ အမည်ကို ထူးခြားစေခြင်း ဖြစ်သည်။

အမည်တိုင်းမှာ သာမန်သဘော ဆောင်သည်။ ဆိုလိုသည်မှာ မောင်ဘသည် သာမန်ဖြစ်ပြီး မောင်ဘ ဆိုသည်မှာ မည်သူ ဖြစ်ကြောင်းကို ဖော်ထုတ် နိုင်ခြင်းကသာ အခရာ ဖြစ်သည်။ ဥပမာ ဖဲသမား မောင်ဘ၊ ရှေ့နေမောင်ဘ၊ ဗိုလ်မှူးကြီး မောင်ဘ၊ အငြိမ်းစားမောင်ဘ စသည်ဖြင့်။ ဤသည်မှာ သီးခြား အကြောင်းရပ် ဖြစ်၍ အရှည်အကျယ် ဆက်လက် မဆွေးနွေးတော့ပါ။) ထို့ကြောင့်လည်း “၀တ္ထုထဲတွင် အရာရာမှာ ဖြစ်နိုင်သည်”ဟူသော စကားရှိနေခြင်း ဖြစ်သည်။ ၀တ္ထုကို ထိုသို့ မမြင်ဘဲ အလွန်တိမ်သော၊ ညံ့သော၊ အောက်တန်းကျသော အမြင်ကို အခြေခံကာ ရှုမြင်ခဲ့ကြ ခြင်းများလည်း ရှိသည်။ လွန်ခဲ့သော ဆယ်နှစ်၊ ဆယ့်ငါးနှစ်ခန့်က အညာသား ကဗျာရေးသမား တစ်ဦးက “၀တ္ထုဆိုတာ ယုတ်စွအဆုံး လူ့လောကကို အမှန်အတိုင်း သစ္စာရှိစွာ ထင်ဟပ် ပြရမယ်လို့ ယူဆတယ်။ ဓာတ်ပုံ ရိုက်သလို ပကတိ အတိုင်း ပြချင်လည်း ပြပေါ့”ဟု ရေးခဲ့ဖူးသည်။

ထိုကဗျာရေး သမားမှာ စာပေကို ပညာရပ် တစ်ခု အဖြစ် လေ့လာခဲ့ဖူးသူ မဟုတ်။ သူ၏ စိတ်ထဲတွင် ရှိသည်တို့ ကို ချရေးလျှင် စာပေ ဝေဖန်ရေး လုပ်သည်ဟု လက်ခံထားသူ ဖြစ်ရာ သူ၏ အမြင်မှာ မည်သည့် စာပေစနစ်၊ နည်းပညာ၊ အယူအဆများ အရ၊ မဟုတ်ချေ။ ထို့ကြောင့်လည်း ၀တ္ထု ဆိုသည်ကို သူထင်ရာ တွေးကာ ရေးပြီး အနက် ပေးလိုက်ခြင်း ဖြစ်တော့သည်။ သူ့အလိုအတိုင်း“၀တ္ထု”ကို လက်ခံမည် ဆိုသော် ၀တ္ထုကို ၀တ္ထု အရေးအသားမျိုးဖြင့် ရေးရန် မလိုတော့။ သတင်း တစ်ပုဒ်၊ စာတမ်းတစ်စောင် အဖြစ်သာ ရေးသား ရပေမည်။ ထို့ပြင် (စပ်လျဉ်းနေသဖြင့် တင်ပြရသော်) ဓာတ်ပုံ ဆိုသည်မှာ ပကတိမဟုတ်။ အမြင် အခြေခံ၌ တည်သော ပြန်လည် တင်ပြထားမှု တစ်ရပ်သာ ဖြစ်သည်။

စင်စစ် စာပေကို ပညာရပ် တစ်ခုအဖြစ် လေ့လာကာ ဝေဖန်ဆန်းစစ် အကဲဖြတ်မည် ဆိုသော် စနစ်၊ စည်း တစ်စုံတစ်ရာ အတွင်းမှသာ ဝေဖန် ဆန်းစစ်ခြင်း ပြုနိုင်ပေမည်။ မိမိအမြင် တစ်ခုတည်းကို အခြေခံကာ မပြုနိုင်၊ ပြုသော် စနစ်တကျ ပြုခြင်း မမည်တော့။ စနစ်တကျ မဟုတ်သော် တန်ဖိုး တစ်စုံတစ်ရာ မရှိ။ ဥပမာ၊ ကိုယ်ကျင့်တရား စံများအရ စာပေအရေး အသားထဲမှ ဇာတ်ကောင်၊ ဇာတ်လမ်းကို တိုင်းတာကြည့်မယ် ဆိုပါစို့။ မည်သို့ တိုင်းတာပါ့မည်လဲ။ အကြောင်းမှာ နေ့စဉ် (တကယ်) ဘ၀ အတွင်းမှာပင် ကိုယ်ကျင့် တရားစံများမှာ ထွေပြားကာ ရောထွေး နေတတ်သည်။ ကာလတရား မတူညီခြင်း၊ လူ့အဖွဲ့အစည်း မတူညီခြင်း စသည် စသည့် အချက်များစွာကို ထည့်သွင်း စဉ်းစားလေသော် ပိုမိုရှုပ်ထွေး သွားပေတော့မည်။

ထို့ပြင် ၀တ္ထုဟူသော ဖန်တီး ရေးသားမှုထဲတွင် ဦးဖြူ မှန်လျှင် အမြဲတစေ လူသူတော်ကောင်း ဖြစ်၍ ဦးနက် မှန်လျှင် အမြဲ တစေ လူဆိုးလူမိုက် ဖြစ်ရမည်ဟု ကန့်သတ်ထား၍ မရ။ ၀တ္ထုကို ဘာသာ စကားဖြင့် ဖန်တီးပြသော ရေးသားသူတွင် သူ့ဇာတ်လမ်း၊ ဇာတ်ကောင်ပေါ်တွင် လုပ်ပိုင်ခွင့်အပြည့် ရှိနေသည်။ လူကောင်းဟု အများက လက်ခံထားသော ဇာတ်ကောင်ကို လူဆိုး တစ်ဦးကဲ့သို့ မြင်လာအောင် ဖန်တီးတည် ဆောက်နိုင်ခြင်းသည်ပင် စာရေးဆရာ၏ ပြောင်မြောက်မှု တစ်ရပ်ဖြစ်သည်။ ဆိုလိုသည်မှာ ကိုယ်ကျင့်တရား ဆိုင်ရာ စံများအရ မသင့်လျော်ဟု ဆိုနိုင်သော အနုပညာ လက်ရာ ပစ္စည်း တစ်ခုသည် အနုပညာ အရာ၌ ပြောင်မြောက် နေနိုင်သော သဘောဖြစ်သည်။

(အကျယ်ကို Berys Gaut ၏ The Ethical Criticism of Art စာတမ်း(၁၉၉၈)တွင် ကြည့်ပါ။) ၀တ္ထုတစ် ပုဒ်၊ ကဗျာတစ်ပုဒ်၊ ပန်းချီကား တစ်ချပ် စသည်တို့ကို ၎င်းင်းတို့ နှင့် ဆီလျော် အပ်စပ်မှု ရှိသော ပညာရပ် အခြေခံနည်း၊ စနစ်၊ စည်း၊ မူ တို့ဖြင့် လေ့လာတိုင်းတာ စံကိုက်ကြည့်မည့် အစား မလိုအပ်သော အခြားခြားသော စံများနှင့် တိုက်ဆိုင်ကြည့်ခြင်း မှာ စနစ်ကျသော ဆင်ခြင်မှုမျိုး မဟုတ်။ တန်ဖိုး တစ်စုံတစ်ရာ ရှိလှသည် မဟုတ်။ ပညာအရာ မြောက်သည် မဟုတ်။ ဖန်တီးထားသော အနုပညာ လက်ရာတိုင်းတွင် ဖန်တီးနိုင်စွမ်းကို အဓိက ထား၍ ကြည့်မိကြရန် လိုသည်။ ပညာရှင် ကီရန်က “အရေး ကြီးတာက အနုပညာ ဖန်တီးသူက သူဖန်တီးထားတဲ့ လောကကြီးကို ဘယ်ရွေ့ဘယ်မျှ အထိ တို့တစ်တွေကို မြင်စေခဲ့တယ်။

ခံစား နိုင်စေခဲ့တယ် ဆိုတာပဲ”ဟု ဆိုခဲ့ဖူးသည်။ (အကျယ်ကို Matthew Kieran ၏ Forbidden Knowledge the Challenge of Immoralism (၂၀၀၃)တွင်ကြည့်ပါ။) မှန်၏။ ဖန်တီးမှု အနုပညာတွင် ဖန်တီးမှု အခန်း ကဏ္ဍကို တန်ဖိုး ထားရမှန်း မသိသေးဘဲ ထင်ရာမြင်ရာ ၀ါးလုံးရှည်ဖြင့် ၀င်ရမ်း နေကြရန် မသင့်တော့ပါ။ တတ်လျှင်(ဆိုလိုသည်မှာ ပညာရပ် အခြေခံ လေ့လာမှုတွင် တကယ်တမ်း စနစ်တကျ ပေါက်မြောက် တတ်သိခဲ့ကြပါလျှင်)အများလည်း အကျိုး ရှိလောက်သည့် စာမျိုး ရေးကြစေချင်သည်။ ဆိုခဲ့ပြီးသည့် အတိုင်း ပညာရပ် အခြေခံ လေ့လာမှုတွင် ဆီလျော် အပ်စပ်မှုနှင့် စည်း၊ စနစ်၊ နည်းပညာများ လိုအပ်ပါသည်။ ထို့ကြောင့်လည်း အင်္ဂလိပ် ဘာသာ စကားတွင် Discipline ဟူသော စာလုံးကို တွင်တွင် ကျယ်ကျယ် သုံးနေကြခြင်း ဖြစ်သည်။ အမြင်ကျဉ်း၊ စံအမှားတို့ဖြင့် ဖန်တီးမှု အနုပညာကို ချဉ်းကပ်ခြင်းမှာမူ ပြာသိပ် မိုးရွာရုံမို့၊ ပျိုးမချလောက်သေးပါ ဟူ၍သာ ဆိုရပေတော့မည်။

မြင့်သန်း
(ရွှေအမြုတေ မဂ္ဂဇင်း၊ဒီဇင်ဘာ ၂၀၁၀) ပါ ဆောင်းပါးအား စုစည်းထားခြင်း ဖြစ်သည်။

တေဇာအောင်
29,November,2010

အမြင်ကျဉ်း၊ စံအမှားတို့ဖြင့် ဖန်တီးမှု အနုပညာကို ချဉ်းကပ်ခြင်း

2010-11-16T09:34:00.001-08:00

''Art and art works are what
they may become''
T.W.Adorno, Aesthetic Theory

ရှေးဦးစွာ ပိုမို ယေဘုယျ ကျသော အနုပညာ အကြောင်းကို ပြန်လည် လေ့လာ ကြည့်နေချင်သည်။ အနုပညာသည် လူ့အဖွဲ့အစည်း အတွင်း သီးခြား အဆောက်အအုံ တစ်ခုအဖြစ် ရပ်တည်နိုင်သည် ဆိုခြင်းမှာ မငြင်းဆိုနိုင်။ အရပ် စကားဖြင့် ဆိုသော်၊ အနုပညာသည် လူ့အဖွဲ့အစည်း အတွင်းမှ အခြား အခြားသော အဆောက်အအုံများနှင့် (အဆက်အသွယ် ပြုလိုသော် သို့မဟုတ် ဆက်စပ်မှု ရှိလိုသော် ရှိနိုင်သော်လည်း) ကင်းကင်း နေလိုသော် နေနိုင်သည့် အဆောက်အအုံ တစ်ခုဖြစ်သည်။ ရှေးက ပေါ်ခဲ့သော“အနုပညာသည် အနုပညာ အတွက်ဖြစ်သည်”ဟူသော အမြင်မှာ အနုပညာ၏ သီးခြား ရပ်တည် နေနိုင်မှုကို အားပေး အားမြှောက်ပြုခဲ့သော အဆိုဖြစ်သည်။

သို့ရာတွင် ထိုအမြင်ကို (မြန်မာနိုင်ငံတွင်သော်) ဆိုရှယ်လစ် ယောင်ယောင်၊ ကွန်မြူနစ် ယောင်ယောင်များက“ပြည်သူ”ဟူသော စကားလုံး၊ စာလုံးကို လိုအပ်သည်ထက် ပို၍ လှိုင်လှိုင်ကြီး သုံးကာ တိုက်ခိုက် ခဲ့ကြသေးသည်။ စင်စစ် အနုပညာသည် အနုပညာ အတွက်ဟု ဆိုကြသည်မှာ အနုပညာရှင်တို့ ဘက်မှ ရပ်တည်ပေးသော၊ အလေးပေးသော အမြင်သာ ဖြစ်၍ အနုပညာကို အကျိုးယုတ် စေသော တန်ဖိုး ချလိုက်သော အမြင် မဟုတ်ပါ။ အရင်းရှင် တို့၏ အနုပညာ အပေါ် လက်ဝါးကြီး အုပ်သော အပြုအမူ အပေါ် ဆန့်ကျင်ခြင်းသာ ဖြစ်သည်။ သို့ရာတွင် ယောင်ယောင်ဝါဒီ တို့က ဆိုရှယ်လစ်-ကွန်မြူနစ်တို့၏ အမြင်၊ အယူ အဆများကို လိုသလို ဆွဲယူသုံးကာ အနုပညာ အပေါ် တိုက်ခိုက်မှု ယိုးစွပ်မှုများ ပြုလာခဲ့ကြခြင်းဖြင့် အနုပညာမှာ အနက်ဖွင့် လွဲမှားမှုများ အောက်၌ ပြောက်သောက်အသွင် အဆင်တန်ခဲ့ရသည်။ အကယ်၍သာ အနုပညာကို အနုပညာ ဆိုင်ရာ အမြင်၊ အယူ အဆများ၊ ရသပညာရပ် ဆိုင်ရာအမြင်၊ အယူအဆများဖြင့် လေ့လာကာ အကဲဖြတ်ခြင်း၊ တန်ဖိုး ဖြတ်ခြင်းများ ပြုခဲ့လေသော် အနုပညာ အပေါ် အနက်ယူ လွဲမှားစရာ အကြောင်းမရှိ။

စော်ကားရန် အကြောင်းမရှိ။ သို့ဖြစ်ရကား အနုပညာ(တစ်ရပ်ရပ်)ကို အခြားသော စံများဖြင့် အကဲဖြတ်ခြင်းကို လေ့လာ ကြည့်ရန် လိုအပ်လာသည်။ တစ်ချိန်တည်းမှာပင် အနုပညာ ပရ၀ုဏ် အတွင်းမှ ရရှိသော သိမှု အခြေခံ သက်သက်ဖြင့် ထုတ်ဖော်ပြ ဆိုသော အမြင်၏ အကျိုး သက်ရောက်မှုကို လေ့လာ ကြည့်ရန်မှာ လိုအပ်နေသည်။ အနုပညာသည် လူအဖွဲ့အစည်း အတွင်း သီးခြား အဆောက်အအုံ တစ်ခုအဖြစ် ရပ်တည် နေနိုင် သည်မှာ မှန်သော်လည်း အနုပညာ လက်ရာ အသီးသီးတို့မှာ ကန့်သတ်မှု အတိုင်းအတာ တစ်ခုအတွင်း၌သာ တည်နေကြ သည်။“ကန့်သတ်မှု”ဟုဆိုသဖြင့် အနက်ယူ မလွဲကြစေချင်။

ဤတွင် ဆိုလိုသော ကန့်သတ်မှု သဘောမှာ“အနုပညာ လက်ရာ တစ်ခုဖြစ်ခြင်း”ဟူသော အတိုင်းအတာ အကန့်အသတ် ဖြစ်သည်။ ကဗျာတစ်ပုဒ်၊ ၀တ္ထု တစ်ပုဒ်သည် ဘာသာစကား တစ်ခုခုကို အခြေခံကာ ရေးသားထားခြင်း၊ ပုံနှိပ်ထားခြင်း ဖြစ်သည်။ အလားတူပင် ပန်းချီကား တစ်ချပ်သည် ကင်းဗတ်စ၊ ကတ်ဘုတ်ပြား၊ စာရွက်၊ စက္ကူစသည့် ဖန်တီးမှု အတွက် လိုအပ်သော အခြေခံ ပစ္စည်း တစ်ခုခု အပေါ်တွင် ခဲ၊ မင်၊ ဆေးရောင်စုံ စသည့် ကြားခံ အသုံးပြုသည့် ပစ္စည်း တစ်ခုခုဖြင့် ရေးသား၊ ဆွဲသားထားခြင်း ဖြစ်သည်။ ထိုအနုပညာ ပစ္စည်းများသည် လူများကဲ့သို့ မဟုတ်ပါ။ လူများကဲ့သို့ ၎င်းတို့၏ ကိုယ်ပိုင် အဆုံးအဖြတ်၊ ကိုယ်ပိုင်သိမှု တစ်စုံတစ်ရာဖြင့် ရပ်တည်နေကြသည် မဟုတ်။ ဤအချက်ကို သဘော ပေါက်စေရန် ဥပမာ တစ်ခု ပေးပါရစေ။

သူဌေးကြီး ဦးဘ၏ အကြောင်းကို အတ္ထုပ္ပတ္တိ အဖြစ်လည်းကောင်း၊ သူဌေးကြီး ဦးဘ၏ အကြောင်းတွင် အခြေခံ၍ ၀တ္ထုအဖြစ် လည်းကောင်း ရေးသားထားခြင်း သို့မဟုတ် သူဌေးကြီး ဦးဘကို ကြည့်ကာ ဆွဲသားထားသော ပုံတူပန်းချီကား တစ်ချပ်မှာ စင်စစ် သူဌေး ကြီးဦးဘ မဟုတ်။ စာလုံး၊ စကားလုံးများ၊ ဆေးအရောင်များသာ ဖြစ်သည်။ စာရေးသူက၊ ပန်းချီဆွဲသူက ပြန်လည်ဖန်တီး တည်ဆောက်ထားသော ဦးဘသာဖြစ်သည်။ သို့ဖြစ်ရကား ပန်းချီကားထဲက စာလုံးများ အကြားမှ သူဌေးကြီး ဦးဘသည် တကယ့်လူ မဟုတ်၊ ဖန်တီး အားထုတ်ကာ တင်ပြထားသော အနုပညာ လက်ရာတစ်ခု (သို့မဟုတ်၊ များ)သာ ဖြစ်သည်။ ဦးဘ၏ ပုံတူ ကားချပ်ကိုကြည့်ကာ “ဦးဘက မယားနှစ် ယောက်နဲ့”။ “ဦးဘ သူဌေးဖြစ်တာ အမြတ်ကြီးစားလို့” စသည့်အချက်များကိုအခြေခံကာ ပန်းချီကားကို တန်ဖိုး မဖြတ်နိုင်။ ဆိုလိုသည်မှာ ပန်းချီကား၏ လက်ရာမြောက်မှု၊ လက်ရာ မမြောက်မှုတို့မှာ တကယ့်လူ အဖြစ်ရှိနေသော (ခဲ့သော သို့ မဟုတ် ရှိကောင်းရှိခဲ့ ပုံရသော)ဦးဘ၏ အကြောင်းအချက်တို့ နှင့် မသက်ဆိုင်။

လူ့အဖွဲ့အစည်း အတွင်း၌ လက်ခံထားသော ကိုယ်ကျင့်တရား စံများဖြင့် တိုင်းတာ၍ မရ။ ကိုယ်ကျင့် တရားပညာအရ၊ လက်ခံ ထားရှိသော ကိုယ်ကျင့် တရားစံများ ကို နယ်ကျော်ကာ အနုပညာ ပရိဝုဏ် အတွင်း၌ လိုလျှင် လိုသလို ကျားတွေ့တုတ်ဆွဲ မလုပ်နိုင်။ အနုပညာလက်ရာ တစ်စုံတစ်ရာကို ၎င်းအနုပညာ လက်ရာနှင့် ဆီလျော် အပ်စပ်မှု ရှိသော စည်း၊ စနစ်၊ နည်းပညာ စသည်တို့ဖြင့်သာ ချဉ်းကပ်အကဲ ဖြတ်နိုင်ပေမည်။

အကယ်၍နှင့် အကယ်၍သာလျှင် ကြုံသလို အကဲဖြတ်၊ တန်ဖိုးဖြတ်ခဲ့သည် ရှိသော် အနုပညာ လက်ရာတစ်ခုကို အနု ပညာ၊ ရသပညာအရ အကဲဖြတ်ခြင်း၊ တန်ဖိုးဖြတ်ခြင်းဟု မခေါ်နိုင်ချေ။ အနုပညာလက်ရာ တစ်ခုကိုကြည့်ကာ အကဲဖြတ် ရန်အတွက်“အားလုံး ထည့်စဉ်းစားသော သဘော”(All Things Considered သဘော)သာ ဖြစ်သွားပေတော့မည်။ ထိုသို့ စဉ်းစားခြင်းမှာမူ အနုပညာ တစ်စုံတစ်ရာကို ၎င်းနှင့်တိုက်ရိုက် ပတ်သတ်ခြင်း မရှိသော နယ်ပယ် အတွင်းသို့ သယ်ဆောင်ကာ အကျဉ်းချ ထားလိုက်ခြင်းနှင့်သာ တူပေတော့မည်။

ရှေ့တွင် ဆိုခဲ့သော ဆိုရှယ်လစ်ယောင်ယောင်၊ ကွန်မြူနစ် ယောင်ယောင် များ၏ “ပြည်သူ”အခြေခံ ပေတံသည် ထိုသဘောနှင်နှင်သာ ဖြစ်သည်။ မြန်မာစာပေ လောကတွင် စာပေ ဝေဖန်ရေး(ဟု ကင်ပွန်း တပ်ထားခဲ့သော) အရေးအသားများတွင် ထိုသဘောနှင်နှင် များကို အများအပြား ဖတ်ခဲ့ရဖူးသည်။ ဥပမာ ချစ်ဦးညို၏ သမိုင်း နောက်ခံပြု ၀တ္ထု (Historical Fiction ကို ဆိုလိုသည်။) များအပေါ် သမိုင်းစာနှင့် ရောထွေး၍ ဝေဖန်ကြပုံများ (ဤကိစ္စ မှာ မြန်မာစာပေ လောကတွင်သာ ဖြစ်ပေမည်။ ကမ္ဘာပေါ်တွင် မည်သည့် အရပ်တွင်မှ သမိုင်းစာနှင့် သမိုင်း အခြေခံ ၀တ္ထုတို့ကို ရောထွေး နားလည်ကြသည်ကို မတွေ့ရ။

ရောထွေးနားလည် လက်ခံထားပုံကို ကြည့်ကာ မြန်မာစာပေ လောကထဲမှ ပညာရှိ ယောင်ယောင်တို့၏ အသိပညာ အရာ၌ နွမ်းပါးပုံမှာ ပေါ်လွင်လှသည်။) အရုပ် အဆိုးဆုံး ဖြစ်သည်။ စင်စစ် အနုပညာ အသီးသီးတို့သည် အလွန်ကျယ်ပြန့်သော မျိုးတူစုကြီး တစ်ခုဖြစ်သည့် “လူများစု၊ လူအများ”အပေါ်သို့ ခြွင်းချက် မရှိ ပျံ့နှံ့သွားနိုင်စွမ်း မရှိ။ အနုပညာ အသီးသီးသည် အတိုင်း အတာတစ်ခု အထိသာ ပျံ့နှံ့နိုင်သည်။ ထိုပျံ့နှံ့မှုသည်ပင် အကျိုးတရားနှင့် တွဲစပ်၍ လက်ခံ မထားနိုင်။ လူ့အဖွဲ့အစည်း ကြီးကို အကျိုးပြုသည်(ပြုရမည်)ဟု မဆိုနိုင်။ အကြောင်းမှာ လူ့အဖွဲ့အစည်းကို အကျိုး ပြုသည်များနှင့် ပြုသူတိုင်းသည် အနုပညာ လက်ရာများ၊ အနုပညာရှင်များ မဟုတ်ကြ။ ဥပမာ စာပို့သမားကို ကြည့်စေချင်သည်။ စာပို့သမားသည် လူအများ အတွက် စာပို့ခြင်း၊ စာဝေခြင်းပြုသည်။ သူ ပို့သောစာကို လက်ခံရ သူတို့မှာ အကျိုး(ကောင်းကျိုး၊ ဆိုးကျိုး)တစ်စုံတစ်ရာ ရကြသည်။

သို့ရာတွင် စာပို့ သမားသည် အနုပညာရှင် မဟုတ် သည်ကဲ့သို့ သူ ပို့ပေးသော စာများသည် အနုပညာ လက်ရာ တစ်ရပ်မဟုတ်။ ထို့ပြင် စာပို့ခြင်းသည် အားထုတ်မှု တစ်ခု၊ အပြုအမူ တစ်ခု ဖြစ်သည်ကား မှန်၏။ ဖန်တီး အားထုတ်မှု တစ်စုံ တစ်ခုတွင် အခြေခံကာ တည်ဆောက်ထားသော အပြုအမူ တစ်ခုမဟုတ်။ သို့ဖြစ်၍ လူ့အဖွဲ့အစည်းကို အကျိုးပြုတိုင်း အနုပညာ လက်ရာတစ်ခု ဖြစ်မလာ။ အလားတူပင် အနုပညာ လက်ရာ အသီးသီးတို့သည် လူ့အဖွဲ့အစည်းကြီး တစ်ခုလုံးကို အကျိုးပြုမည်/သည်ဟု ယတိပြတ် မဆိုနိုင်။ ဥပမာ ဟစ်ဟော့ပ် တစ်ပုဒ် သို့မဟုတ် မန်းတောင်လက်ျာ အစဉ်အလာ သီချင်း၊ သို့တည်းမဟုတ် ကိုရင်ကလေး နှစ်ပါး ဆွမ်းခံထွက်သော ပန်းချီကား စသည့် စသည်များသည် လူအများ၊ လူအားလုံးကို အကျိုး ပြုနေသည့် တစ်စုံတစ်ရာ မဟုတ်။ လူ့အဖွဲ့အစည်း ကြီးနှင့် ထိုထိုသော အနုပညာ လက်ရာတို့မှာ နင်နေ ငါသွား သဘောမျိုးဖြင့် အပြန်အလှန် ရပ်တည် နေကြခြင်းသာ ဖြစ်သည်။

အရေးအသား အခြေခံ ဖန်တီးမှု အနုပညာ(တစ်နည်း စာပေ)သည် ကိုယ်ကျင့် တရားစံများ(သို့မဟုတ် စိစစ်ပိုင်းခြား လေ့လာရန် အတွက် ဆီလျော် အပ်စပ်မှု မရှိသော အခြားသော စံများ)ဖြင့် မကြာခဏ စိစစ် ပိုင်းခြားခြင်း ခံရတတ်သည့် အနုပညာ တစ်ရပ်ဖြစ်သည်။ (ဤတွင် ဖွံ့ဖြိုး တိုးတက်မှု နှေးသော အရပ်များ၊ သိမှု အပိုင်းတွင် နှောင်းနေသေးသော အရပ်များတွင်ဟု ကန့်သတ် ပြောဆိုနိုင်သည်။) ထိုအပြုအမူမှာ ကျွမ်းကျင်သော ဝေဖန်ရေး ပညာရှင်တို့၏ အပြုအမူ မဟုတ်ချေ။ ဝေဖန်ရေး သဘောအရ မဟုတ်။ မျက်ရမ်းမှန်းဆ အမြင်မျိုးဖြင့် ပြုကြခြင်း ဖြစ်သည်။ လူ့အဖွဲ့အစည်း အရ လက်ခံထားသော စံ/ပေတံများကိုသာ လူ့အဖွဲ့အစည်းနှင့် သင့်၊ မသင့်ကို အကဲ ဖြတ်ကြည့်သည်ကဲ့သို့ အကဲ ဖြတ်ကြသည့် အမြင်မျိုးသာ ဖြစ် သည်။

အနုပညာ ဖန်တီးမှု တစ်ရပ်ရပ်နှင့် ကိုယ်ကျင့်တရား ဆိုင်ရာစံများ အကြား သင့်တင့် လျောက်ပတ်သော ဆက်ဆံမှု ရှိနိုင်သည်ကို ပညာရှင် တချို့က အထိုက်အလျောက် လက်ခံ ထားကြသည်။ သို့ရာတွင် ဣတိ ဤသို့ ဖြစ်ရမည်ဟု သင်းကွပ် ကြပ်မတ်ထားသော သဘောမျိုးဖြင့် လက်ခံထား၍ မဖြစ်နိုင်။ မဖြစ်နိုင်ရသည်မှာ အနုပညာ ဖန်တီးမှု၏ ပင်ကိုသဘောသည် ကပင်လျှင် “ဖန်တီးမှု”၌ အခြေ တည်ထား၍ ဖြစ်သည်။ ဤ နေရာတွင် ရှေ့၌ ညွှန်းခဲ့သော ချစ်ဦးညို၏ အရေးအသား အချို့ အပေါ် မျက်နှာ လွှဲရိုက်ခတ်ခဲ့သော ကြိမ်ရာများကို သတိရ ကြည့်စေချင်သည်။ ချစ်ဦးညို၏ လင်္ကာဒီပ ချစ်သူနဲ့ ရာဇ ကုမာရ သည် ဝေဖန်ရေးဆရာ ယောင်ယောင်တို့၏ ကျဉ်းမြောင်းသော အယူအဆ အခြေခံဖြင့် သဲပက်ခံ ခဲ့ရဖူးသည်။ အရေးအသားဖြင့် ဖန်တီးသော အနုပညာ၏ ဖန်တီးနိုင်မှုစွမ်း အားကို “စနစ်တကျ”လေ့လာပြီးကာမှ စိစစ် အကဲဖြတ်ရမည့် အစား၊ အမောင်တောင်မှန်း၊ မြောက်မှန်း မသိတို့က ၎င်းတို့၏ ဥာဏ်ရည်ဥာဏ်သွေး နိမ့်ကျမှုတွင် အခြေခံကာ မည်သည့် ပညာရပ်တွင်မျှ အခြေမခံသော(ကိုယ့်ဘာသာ တီထွင်ထား သောစနစ်ကို အခြေခံပြီး)လူတတ် လုပ်ပြရင်း လက်ပံသား ဓားဖြင့် ၀င်ချိုင် နေကြခြင်းသာ ဖြစ်တော့သည်။ အခြား သူတို့၏ ဘာသာ စာပေများ အတွင်းတွင်လည်း သမိုင်းဝင် အကြောင်း အရပ်များကို စာရေးသူများက သူတို့၏ ဖန်တီးမှု စွမ်းအားကို အခြေခံရင်း ပုံစံ အမျိုးမျိုးဖြင့် ဖော်ထုတ် ရေးသားခဲ့ကြသည်။

တကယ့် ဖြစ်ရပ်များနှင့် ဖန်တီး ထားမှုများကို ရော၍ မွှေထားကြသည်။ ဥပမာ ရွှေအမြုတေတွင် ဖော်ပြခဲ့သော နေ၀င်းမြင့် ဘာသာပြန်သည့် ရေကန်သာ ကြာတိုင်းအေး ကိုပင်ပြန်၍ လေ့လာ ကြည့်ကြစေချင်သည်။ ထိုအရေးအသားမှာ သမိုင်း ဆိုင်ရာ အချက်အလက်တို့ကို ခြေကုပ်ယူကာ ရေးသားထား သည်မှန်သော်လည်း သမိုင်းဆိုင်ရာ ပေတံဖြင့် လည်းကောင်း၊ သီးခြား လူမျိုး တစ်မျိုး၏ ကိုယ်ကျင့် တရားစံများဖြင့် လည်းကောင်း တိုင်းထွာ ကြည့်၍မရ။ (မရဟုသာ ဆိုလိုသည်။ မဖြစ်နိုင်ဟု မဆိုလို။ ထင်ရာစိတ်ကူး ငမူး အိပ်မက်မျိုးဖြင့် လုပ်သော် ရနိုင်ကောင်း၏။ မရဟု ဆိုရသည်မှာ ကနဦး ကတည်းက ၀တ္ထု အဖြစ် ရေးသားထား၍ ဖြစ်သည်။ မရေရာသော မျိုးတူစု အောက်မှာ အမျိုးအစား တစ်ခု မဟုတ်ပါ။ ထပ်၍ဆိုပါရစေ။ ၀တ္ထုဟု သတ်မှတ်ပြီးသား ဖြစ်သည်။)

အမီတာဗ့်က အင်္ဂလိပ် ဘာသာ စာဖြင့် သီကုံး ရေးသား ထားသည်ကို နေ၀င်းမြင့်က မြန်မာဘာသာ စာဖြင့် ပြန်လည် သီကုံးရေးသား ထားခြင်း ဖြစ်သည်။ (ထပ်မံဆိုပါရစေ)၀တ္ထုဖြစ်သည်။ ပညာရပ် အခြေခံဖြင့် စိစစ်လေ့လာ အကဲဖြတ်ရာတွင် အခြေခံအနေ အထားချင်း မတူ ညီသော တစ်စုံတစ်ရာများကို ရောထွေး၍ ၀ါးလုံးရှည်ဖြင့် ယမ်းမပစ်ကြ။

ထိုဝါးလုံးရှည်ဖြင့် ယမ်းသော အလေ့မှာ မြန်မာနိုင်ငံတွင် ပညာရှိ ယောင်ယောင်၊ ပညာတတ်ယောင်ယောင်တို့က ကျေနပ် သာယာစွာဖြင့် လုပ်တတ်ကြသည်။ ၀ါးလုံး ရှည်ကြီးများသည် ရှေးဦးစွာ “အနုပညာ”ဟူသော ကြီးမားလှသည့် မျိုးတူစုကြီး အပေါ် ယမ်းတတ်ကြသည်။ ထိုအခါ အနုပညာတည်း ဟူသော ကြီးမားသည့် မျိုးတူစုကြီး၏ အောက်မှာ သီးခြား ရပ်တည်နေသော အနုပညာအသီးသီးတို့မှာ စံတစ်စုံတစ်ရာ၏ အောက်သို့ ရောက်ရှိသွားကာ အလွဲလွဲ အမှားမှား ကန့်သတ် ပိုင်းခြားခြင်း ခံသွားရတော့သည်။ မြင်သာအောင် ရှင်းပြပါရစေ။ မြန်မာတို့၏ အနုပညာဟု သတ်မှတ် လက်ခံ ထားကြသော မျိုးတူစုကြီး အောက်မှာ လက်မှု အတတ်ပညာတွင် အခြေခံသည့် အနုပညာ ဖန်တီးမှုဖြစ်သော “ပန်းဆယ်မျိုး” ဆိုသည်ကို လူတိုင်း(ဤတွင် တစ်ခုသော အတိုင်းအတာ အထိ အသိဥာဏ် ရှိသော လူကို ဆိုလိုသည်။) သိကြပေမည်။

ထိုပန်းဆယ်မျိုးသည် အနုပညာ လက်ရာတစ်ခု အဖြစ် ဖော်ထုတ်ရန် အတွက် ကြား/အသုံးခံ ပစ္စည်းများ လိုသည်။ ထိုကြား/အသုံးခံ ပစ္စည်း များမှာ တစ်ခုနှင့် တစ်ခု မတူကြ။ သို့ဖြစ်ရကား ပန်းချီကို ပန်းပုကဲ့သို့ တစ်သဘောတည်း ထားပြီး လက်ခံ ရှုမြင်ကာ စိစစ် အကဲဖြတ်၍ မဖြစ်။ ပန်းထိမ်ကို ပန်းရန်နှင့် တစ်မျိုးတည်းဟု စံတစ်ခုတည်း အောက်၌ ထည့်သွင်းကာ မဆုံးဖြတ်နိုင်။ အလား တူပင် ဖန်တီးမှု အနုပညာများ ဖြစ်ကြသည့် ရုပ်ရှင်၊ ပြဇာတ်၊ ကဇာတ် စသည့် စသည့်များကို ပေတံ တစ်ချောင်းတည်းဖြင့် တိုင်းထွာ၍ မဖြစ်နိုင်။ ပိုက်ချ၍ ငါးဖမ်းသည်ကို နမူနာ ယူ၍ ကြည့်စေချင်သည်။ ပိုက်ထဲတွင် မိနေခဲ့သည်များကို ယေဘု ယျအားဖြင့် ငါးဟု လွယ်လွယ်ကူကူ ခေါ်နိုင်သော်လည်း အားလုံးမှာ တစ်မျိုးတည်း မဟုတ်။ အရွယ်၊ အရောင်၊ အရသာ စသည် စသည့်များကို လိုက်ကာ မတူညီကြ။ ထိုငါးများကို လက်တွေ့အသုံးချ သူများ(ဆိုလိုသည်မှာ ငါးကို ရောင်းချသူ၊ စားသုံးသူများ)တွင် သီးခြားစံ အသီးသီးဖြင့် ရှုမြင်လက်ခံကြ ရသည်။

သို့ရာတွင် ထိုသူများ အားလုံး လက်ခံ သုံးစွဲသော စံ/ပေတံများမှာ ငါးနှင့် ဆက်စပ်နေသော သို့မဟုတ် ဆီလျော် အပ်စပ်မှု ရှိနေသော စံ/ပေတံများ ဖြစ်သည်။ ဆိုလိုသည်မှာ ငါး၏ အမျိုးအစား၊ အရွယ်၊ အရသာ စသည်စသည့်များတွင် အခြေ ခံထားသော စံ/ပေတံများ ဖြစ်သည်။ ငါးမြင်းဝမ်းပျဉ်း သားကတော့ ဆိတ်ပေါင် ထိပ်သားလို အရသာ မရှိဘူးဟု ဆီလျော် အပ်စပ်မှု မရှိဘဲ အကဲဖြတ်၍ မဖြစ်နိုင်။ တတ်ယောင်ကား သမိုင်းအမြင်ကို အခြေခံ၍ ဒွတ္တဘောင် မင်းကြီး လက်ထက်တွင် ဤငါးမျိုးကို ငါးမြင်းဟု မခေါ်ဟု ဆိုရန် မဖြစ်။ အလားတူပင် မည်သို့မျှ ဆီလျော် အပ်စပ်မှု မရှိသော အချက်များကို အခြေခံပြီး အနုပညာ အပေါ် မရေရာသော အဆိုမျိုး ထုတ်ပြ ခြင်းများ ဥပမာ “လောက အလှတရားကို ဖြစ်ပေါ်စေပါက အလှတရား ဖန်တီးသော ပညာသည် အနုပညာ ဖြစ်၏”ဟု မဆိုနိုင်။ မဆို နိုင်ရသည်တွင် “လောက”နှင့် “အလှတရား”ဆိုသော စာလုံး၊ စကားလုံးတို့ကို ယတိပြတ် အနက် မဖော်နိုင်သောကြောင့် ဖြစ်သည်။

ဆိုလိုသည်မှာ လောကဟူသော စာလုံး၊ စကားလုံးသည်ပင် သီးခြား ၀ိသေသ ပြု၍ ပြောဆိုရန် လိုနေသောကြောင့် ဖြစ်သည်။ ဧကရာဇ် မင်းတရားကြီး၏ လောကနှင့် ချောင်းကြို မြောင်းကြား၌ ငါးရှာစား၊ ဖားရှာစား နေသူတို့၏ လောကတို့မှာ မတူ။ မြောက်ဝင်ရိုးစွန်းက လူ၏ အလှတရားနှင့် တာကလမကန်း သဲကန္တာရထဲက လူ၏ အလှတရားတို့မှာ မတူကြ။ လူနှင့် ပတ်သက်နေသော လောက မှန်သမျှသည် သီးခြား လောကများသာ ဖြစ်သည်။

အနုပညာ လက်ရာ တစ်စုံတစ်ရာကို ဖန်တီးမှု ပြုခြင်းတိုင်းတွင် လူ၏ ပုဂ္ဂလိက သိမှတ် ခံစားနိုင်မှု (သိခြင်း၊ နားလည်ခြင်း၊ ခံစား သိရှိနိုင်ခြင်း)များမှာ ပါရသည် ချည်းဖြစ်သည်။ ဤသည်ကို မသိကျိုးကျွန် ပြု၍ မဖြစ်နိုင်။ ဖန်တီးမှု အခြေခံ အနုပညာတိုင်းတွင် ဖန်တီးသူ၏ ရည်ရွယ်ရင်းမှာလည်း ပါရသည်ချည်း ဖြစ်၏။ မည်သည့် ဖန်တီးမှုပြု အနုပညာရှင်သည် ရည်ရွယ်ချက်၊ ဦးတည်ချက် မရှိဘဲလျက် မဖန်တီးကြ။ ဖန်တီးမှုဟု ဆိုသည်နှင့်ပင် ထိုဖန်တီးမှုမှာ ရည်ရွယ်ချက် ပါနှင့်ခဲ့ပြီ ဖြစ်တော့သည်။ စပ်လျဉ်း နေသဖြင့် အချက် တစ်ချက်ကို တင်ပြ လိုပါသည်။ လွန်ခဲ့သော ဆယ်နှစ်ကျော်က မြန်မာနိုင်ငံတွင် စာပေဆိုင်ရာ ပို့စ်မော်ဒန်နှင့် ပတ်သက်၍ (ဘရိတ်မပါ ထင်ရာ ကြိတ်နေကြသော ကာလ တစ်ခု၌)မိတ်အင် ဒီတင်ပြည်တွင်းဖြစ် ပို့စ်မော်ဒန် ဆရာကြီး တစ်ဦးက အနက်ယူမှု လွဲမှားခြင်း များစွာဖြင့် ပို့စ်မော်ဒန် စာပေ အကြောင်းများ ရေးသားခဲ့သည်။

ထိုအရေးအသား အများစုမှာ ဆရာကြီး၏ အနက်ယူ လွဲမှားမှုပေါင်း မြောက်မြားစွာတွင် အခြေခံခဲ့ သည်။ ထိုအချက်များထဲတွင် စာပေ အခြေခံ ဖန်တီး ရေးသားမှု တို့သည် ရေးချင်ရာ ရေး၍ ဖြစ်သည်ဟူသော အယူအဆဆီသို့ ဦးတည် သွားခဲ့သည်။ ထိုအယူအဆကို လက်ခံပုံ ရသော ကဗျာ ဆရာ (ကဗျာဆရာဟု ထင်ပါသည်။ သေသေချာချာတော့ မမှတ်မိတော့ပါ။)က သူ၏ကဗျာ၊ စာညွန့် အရေးအသား၏ ထိပ်တွင်၊ သူ၏ ကဗျာမှာ လက်တန်းချ ရေးလိုက်ခြင်း ဖြစ်သည်။ ရည်ရွယ်ချက်၊ အစီအစဉ် မပါဟု အဆိုပြု ထားသည်ကို ဖတ်ရသည်။ စင်စစ် ထိုအဆိုမှာ လုံးဝ ဥဿုံ မှားယွင်းသော အယူအဆတွင် အခြေခံသော အဆိုသာ ဖြစ်သည်။ အကြောင်းမှာ ဘာသာစကားကို အခြေခံ၍ ဖော်ထုတ် ဖန်တီးထားမှု တိုင်းတွင် ဘာသာစကား၏ စနစ်အောက်မှ ပြေးထွက်၍မရ။ ဘာသာစကား အခြေခံ၍ တည်ဆောက်မှုပြုလေတိုင်း အစီအစဉ် ရှိရသည်။ သိမှု၏ အခန်း ကဏ္ဍကို ဖယ်ချန်ထား၍ မရ။ စာတစ် ကြောင်းဖြစ်လာရန်၊ သိမှု အခြေခံ၍ စီစဉ်ရခြင်းသာ ဖြစ်သည်။ မှန်ကန်သော ပေါင်းစည်း ဖွဲ့စပ်မှု မရှိလျှင် ဘာသာစကား(စကား တစ်ခွန်း၊ စာတစ်ကြောင်းပင်ဖြစ်စေ) အဓိပ္ပာယ် မရှိ။

ဥပမာ “ငါ လာတယ်”ဟူသော စကားတစ်ခွန်း၊ စာတစ်ကြောင်း အတွင်းမှ စာလုံး၊ စကားလုံးများကို အမျိုးမျိုး တွဲစပ်ကြည့်၍ ရနိုင်သည်။ ဥပမာ- တယ်+လာ+ငါ။ လာ+ငါ+တယ် စသည်ဖြင့်။ ထိုသို့ တွဲစပ် နိုင်သော်လည်း အမှန်ကန်ဆုံးသော တွဲစပ်မှုမှာ “ငါလာတယ်”သာဖြစ်သည်။ ထို့ပြင် ကဗျာဆရာက ဘာရည်ရွယ်ချက်မျှ မပါဘဲလျက် ကဗျာ တစ်ပုဒ်ကို မရေး။ မဂ္ဂဇင်း တိုက်သို့ ပို့လိုက်သော ကဗျာတစ်ပုဒ်တွင် အနည်းဆုံး ပုံနှိပ် ဖော်ပြခံချင်သော ရည်ရွယ်ချက်မှာ ရှိနှင့် နေခဲ့ပြီ ဖြစ်သည်။ (အဆုံးစွန်သော စကားကို ဆိုရလျှင် လူတွင်ရည်ရွယ်ချက် မရှိ တော့ဘူးဟု ဆိုလျှင် သူ၏ အသက်ရှင် နေခြင်းမှာလည်း မည်သို့သော အဓိပ္ပာယ်မျှ ရှိတော့မည် မဟုတ်။)

ထိုစဉ်က ပို့စ်မော်ဒန် ဆရာကြီးက Conceptualism ကို စိတ်ကူး အဓိက ၀ါဒဟု နားလည် လက်ခံ ထားလိုက်ခြင်းမှာ သူ၏ အဓိက အကျဆုံးသော အမှား တစ်ခုဖြစ်သည်။ ဤနေရာတွင် Concept မှာ (အဘိဓာန်လာ အလွယ်ဆုံး အနက်ကိုပင် ပေးရသော်) A Generic Mental Image Abstracted From Percepts သာဖြစ်သည်။ Conceptualism ကို စိတ်ကူး အဓိက ၀ါဒဟု နားလည် လက်ခံလိုက်ခြင်း၏ နောက်ဆက်တွဲ အမှားများမှာ အနုပညာ ဖန်တီးမှု ဆိုသည်မှာ ထင်ရာ လုပ်၍ဖြစ်သည် ဟူသော ရမ်းကားမှု အမြင်သာ ဖြစ်တော့ သည်။ ကိုယ်ကျင့် တရားပညာ (Ethics ကို ဆိုလိုသည်။)တွင် ဆွေးနွေးလေ့ ရှိကြသော လွတ်လပ်ခြင်းမှ ရမ်းကားခြင်းသို့ ပြောင်းလဲ သွားသော အမြင်မျိုးသာ ဖြစ်သည်။
(ဆက်လက် ဖော်ပြပါမည်)

မြင့်သန်း
(ရွှေအမြုတေ မဂ္ဂဇင်း၊ နိုဝင်ဘာလ ၂၀၁၀)

တိတ်ဆိတ်ခြင်းကို ဖွင့်တဲ့ တံခါး

2010-09-22T08:00:00.001-07:00

တိတ်ဆိတ်ခြင်းကို ဖွင့်တဲ့ တံခါး

I secret we met-
I silence I grieve,
That thy heart could forget,
Thy spirit deceive,
If I should meet thee
After long years,
How should I greet thee?
With silence and tears..

(WHEN We two parted) …By..George Gordon (Lord) Byron(1788-1824)

ကျွန်တော်နဲ့ တွေ့တွေ့ချင်း သူက တန်းငိုတော့တာပဲ.။ ဘာကို ဘယ်လို ဖြစ်သွားလဲ ဆိုတာ ကျွန်တော် စဉ်းစားကြည့်လို့ မရဘူး။ နောက်ပြီး မိန်းမတစ်ယောက်ရဲ့ ငိုရခြင်း ကိစ္စကို စေ့စေ့ငုငု နားလည်နိုင်လောက်တဲ့ အရည်အချင်းလည်း ကျွန်တော့်မှာ မရှိဘူး.။ သူနဲ့ ကျွန်တော် တွေ့ခဲ့ သိခဲ့ကြတာလည်း အခုမှ မဟုတ်ဘူး။ သူ့ကို ခုလို မျက်ရည်လွယ်လောက်တဲ့ အထိ ပျော့ညံ့မယ်ဆိုတာ မထင်မိဖူးဘူး။ သူနဲ့ ညီအစ်မတော်တဲ့ ဝင်းဝင်းမာကသာ အကြီးဖြစ်ပြီး စိတ်ပိုပျော့တာ။ သူကတော့ တခါတခါ ကျွန်တော့်ကိုတောင် ဆုံးမစကားတွေ ဘာတွေ ပြောတတ်သေးတာပဲ။ ပြီးတော့ ကျွန်တော်နဲ့ စကားပြောဖြစ်ပြီ ဆိုရင် သူက ကျွန်တော့်ထက် ငယ်ပေမယ့် အငြင်းသန်တဲ့ အထဲမှာ ပါတယ်။ ဝင်းဝင်းမာကတောင် ကျွန်တော့်တို့ နှစ်ယောက် ပြောကြပြီ ဆိုရင် ဘယ်သူ နိုင်မလဲ ဆိုတာ အချိန်အားရရင် စောင့်ကြည့်ချင်သေးတယ် ဆိုပြီး နောက်တတ်သေးတယ်။ နောက်ပြီး တခါတခါ သူ စိတ်လိုလက်ရ ရှိတဲ့ အခါ ကျွန်တော် အရက်သောက်နေတဲ့ စားပွဲမှာ လာထိုင်ပြီး အကြော်အလှော်လေးတွေ လာနှိုက်စားနေကြ။ သောက်နေရင်း ရေခဲ ကုန်သွားရင်တောင် ထယူပေးတတ်သေးတယ်။ အဲဒီ အချိန်တွေတုန်းမှာ သူ မျက်ရည် ကျလွယ်တဲ့ အရိပ်အရောင် မတွေ့မမြင်မိဘူး။ ခုတော့ သူက ကျွန်တော်နဲ့ တွေ့တွေ့ချင်း တန်းငိုချလိုက်တော့ ထူးဆန်းသလို အံ့လည်း အံ့သြမိတယ်။ သူ့ကို ကျွန်တော် ဘာပြောရမှန်းမသိ ဖြစ်သွားရော။

ဒီတုန်းက သူ ကျွန်တော့်ကို နင် ဘာဖြစ်လို့ အရက်သောက်သလဲ လို့ မေးဖူးတယ်။ သူနဲ့ ကျွန်တော့်ကြားမှာ အသက်ကွာခြားချက် အနည်းအကျဉ်း ရှိပေမယ့် နင် နဲ့ ငါ နဲ့ ပဲ ပြောကြရအောင်လို့ သူက အဆိုတင်ဖူးတယ်။ အကြောင်းပြချက်က သူ နဲ့ ကျွန်တော် စကားပြောကြတဲ့ အခါတိုင်း ငြင်းခုန်ကြတာသာ များတာမို့ အစ်ကိုနဲ့ ကျွန်မ ဆိုတဲ့ အသုံးအနှုန်းကြီးက နည်းနည်း ဟန့်တယ်လို့ ပြောတယ်။ ကျွန်တော့် အတွက်ကတော့ အခေါ်အဝေါ်တခု ပြောင်းသွားတာလေး အတွက် အလုံးလည်း လျော့မှာ မဟုတ်ဘူး၊ အရပ်လည်း လျော့မှာ မဟုတ်ဘူး.။ အခေါ်အဝေါ်တွေက အတားအဆီး ဖြစ်မနေစေချင်ဘူး။ တခါတလေ အခေါ်အဝေါ် ပြောင်းတိုင်း ပုံစံတွေ ပြောင်းချင်မှ ပြောင်းသွားတာမျိုးလည်း ရှိတတ်သေးတာပဲ မဟုတ်လား။ ဒီတော့ သူပြောသလိုပဲ နင်ကြိုက်သလို ခေါ်ပေါ့။ ငါ့ကိုတော့ တိုင်ပင် မနေနဲ့။ နင် စိတ်သဘောကျရင် နင်ကြိုက်သလိုသာ ခေါ် ပေါ့လို့ ပြောတော့ သူက သဘောကျပြီး ပြုံးပြတယ်။ ကျွန်တော်က သူမေးတဲ့ မေးခွန်းကို မဖြေသေးဘဲ အရက်ခွက်ကို ကောက်ကိုင်လိုက်ရင်း မသောက်သေးဘဲ နင်ရော ဘာလို့ နှုတ်ခမ်းနီ ဆိုးသလဲ လို့ သူ့ကို မကြည့်ပဲ ပြန်မေးလိုက်တယ်။ သူက အသက်ငယ်သူတို့ရဲ့ ထုံးစံအတိုင်း ငါ မေးတာ အရင်ဖြေပါလို့ ပြောတယ်။ ကျွန်တော်က သူ့ကို ပြုံးကြည့်လိုက်တော့ ကျွန်တော့် လက်မောင်းကို လှမ်းထုလိုက်ရင်း ဖြေပါဆို လို့ပဲ ထပ်ပြောတယ်။ အဲဒီ အထဲမှာ အဖြေပါသွားပြီလေလို့ ကျွန်တော်က ပြောတော့ သူ မျက်လုံးလေး ကလယ်လယ် လုပ်ရင်း အလေးအနက် စဉ်းစားနေသလိုနဲ့ ကျွန်တော့်ကို ပြန်စိုက်ကြည့်တယ်။ နင့်အတွက်ကတော့ ဘယ်လို အခြေအနေပဲ ရောက်နေ ရောက်နေ ဆင်ခြေပေးစရာ တစုံတရာတော့ အမြဲ ရှိနေတာပဲ လို့ ပြောရင်း နင် ဒါကြောင့် ဖေဖေနဲ့ မတည့်တာလို့ ဆက် ပြောတယ်။ ကျွန်တော်က လက်အသာ ကာပြလိုက်ရင်း နင့်အဖေနဲ့ ငါ လေကြောတည့်တော့ရော ငါ့အတွက် လေပိုကုန်တာပဲ အဖတ်တင်လိမ့်မယ်။နင့်အဖေက ရှေးရိုးစွဲ တယူသန်သမား၊ စီးပွားရေးတစ်ခုတည်းသာ ကြည့်တတ်တဲ့ သူမျိုး။ ငါက အရက်ကို တစိမ့်စိမ့်သောက်ရင်း ကျိုးကြောင်း နည်းလမ်းတကျ စဉ်းစားပြီး ဆင်ခြေကန်ဖို့ တွေးနေတတ်တဲ့ လူ။ ဒီတော့ နင့်အဖေနဲ့ ငါ စကားစပ်မိလို့ ဖြစ်ဖြစ်၊ မျက်နှာချင်း ဆိုင်မိလို့ ဖြစ်ဖြစ် စကား ပြောဖြစ်ခဲ့ရင်လည်း ဘယ်သူမှ အကျိုးရှိလိမ့်မယ် မထင်ဘူး။ အကျိုးဆိုတာကို ငါ့အတွက် ရည်ရွယ်ပြီးပြောတာ မဟုတ်ဘူး။ အကျိုးအမြတ်ဆိုတာမျိုးကို အမြဲတမ်း ထည့်တွက်တတ်တဲ့ နင့်အဖေ အတွက်ပဲ လို့ ဆက်ပြောမိတယ်။ သူက ကျွန်တော့် အကြောင်းကို သိပြီး ဖြစ်လေတော့ ကျွန်တော့်စကားကို မအံ့သြတော့ပဲ နင် ဆိုလိုချင်တာက စီးပွားရေး လုပ်တာ မကောင်းဘူးလို့ ပြောတာလား တဲ့။ ဒီခေတ်ကြီးထဲမှာ ပိုက်ဆံ မရှိရင် ဘာမှ လုပ်လို့ မရဘူး၊ ပိုက်ဆံ ရှိမှ ဆေးခန်း သွားလို့ ရတယ်။ မိသားစု အိမ်ထောင်ရေး ပိုအဆင်ပြေတယ်။ သူ တခုခု ဆက်ပြောမယ် လုပ်တုန်း ကျွန်တော်က ကြားဖြတ် ပြောလိုက်တယ်။ ပိုက်ဆံအကြောင်း ပြောချင်ရင် နင့်အဖေနဲ့ သွားပြော၊ ဆေးခန်းကို သွားမယ် ဆိုရင် ပိုက်ဆံ ရှိမှ ဖြစ်မယ် ဆိုတာ လက်ခံပေမယ့် အိမ်ထောင်ရေး ဆိုတာမျိုး က နင့်အဖေနဲ့ပဲ သက်ဆိုင်တယ်။ နင့်အဖေက အိမ်ထောင် တခုကို တည်ထောင်ထားတဲ့ လူ။ ပြောရရင် အိမ်ထောင်ဦးစီးပဲ.။ အိမ်ထောင်ဦးစီးဆိုတော့လည်း မိသားစု တာဝန်ကို ယူဖို့ တာဝန် ရှိတာပေါ့၊ ပိုက်ဆံ ရှာတာက သူ့အတွက် အမှန်တရား ဖြစ်ချင် ဖြစ်နေလိမ့်မယ်။ ငါ့အတွက်က အဲလို တာဝန်မရှိဘူး။ မတော်လို့ ငါ ဆေးရုံဆေးခန်း သွားဖြစ်ရင်လည်း ငါ့မိဘတွေရှာထားတဲ့ ပိုက်ဆံက လုံလောက် နိုင်ပါတယ် လို့ ပြောလိုက်တော့ သူက ငါ့ စကား မဆုံးသေးဘူး လို့ပဲ ပြောတယ်။

တခါတလေ ကျွန်တော်က တဖက်သားနဲ့ စကားပြောကြရင် ကြားဖြတ်ပြောတတ်တဲ့ အကျင့်ရှိတယ်။ နား နှစ်ဘက်နဲ့ ပါးစပ် တစ်ပေါက်သာ ပါတဲ့ အတွက် နည်းနည်း ပြောပြီး များများ နားထောင်ပါ ဆိုတဲ့ တက်ကျမ်းထဲက လေမျိုးတွေ ကျွန်တော့် ခေါင်းထဲမှာ မရှိဘူး။ ပြောနေကြရင်းနဲ့ သဘောမတူတဲ့ နေရာရောက်ရင် ချက်ချင်း ပြန်ပြောတတ်တယ်။ သူကလည်း စကားဖြတ်ပြောရင် မကြိုက်ဘူး။ မိန်းကလေး ပီပီ သူပြောလက်စ စကားကို အဆုံးထိ ဆက်တိုက် ပြောချင်တယ်။ ဒီတော့ ကျွန်တော်နဲ့ သူ လေပစ်ကြပြီ ဆိုရင် ဘယ်တော့မှ ဆုံးတယ် ဆိုတာ မရှိဘူး။

သူက ငါ ပြောမယ် ပြန်နားထောင်လို့ ပြောလို့ ကျွန်တော် အသာငြိမ်နေလိုက်တယ်။ ဖေဖေ စီးပွားရှာနေတာဟာ သူ့ အတွက် မဟုတ်ဘူး၊ သူ့သမီးနှစ်ယောက် အတွက်ပဲလို့ ပြောတော့ ဒါကတော့ သူ တာဝန်ကျေကြောင်း ပြချင်တာမျိူးလည်း ဖြစ်ချင် ဖြစ်မှာပေါ့လို့ ဖြတ်ပြော မိပြန်တယ်။ သူ စိတ်တိုသွားတဲ့ ပုံစံနဲ့ လက်သီးဆုပ်ပြရင်း ကျွန်တော့်ကို လှမ်းထိုးလိုက်တော့မယ် ဟန် နဲ့ နင် တိတ်တိတ်နေမလား မနေဘူးလား လို့ ပြောတယ်။ အင်းပါ လို့ ခေါင်းငြိမ့်ပြလိုက်ရင်း သူ့သမီးတွေ အတွက်ဆိုရင်တော့လည်း အဲလောက် အပင်ပန်းခံစရာ မလိုပါဘူး။ ပိုက်ဆံ ရှာတတ်တဲ့ သူဋ္ဌေးသား နှစ်ယောက် ရှာပေးလိုက်ရင် ပြီးတာပဲ မဟုတ်ဘူးလားလို့ သူ့ကို နောက်လိုက်တော့ သူက ဘာမှ ပြန်မပြောတော့ပဲ ထပြန်တော့မယ့်ပုံ လုပ်တယ်။ ကျွန်တော်က ဘာမှ မပြောသေးပဲ အသာ ကြည့်နေလိုက်ရင်း နင် သွားမယ် ဆိုရင်လည်း သွားပေါ့၊ သွားမယ် ဆိုတဲ့ သူကို ငါကလည်း မတားချင်ဘူး၊ ဒါပေမယ့် ငါ စာတစ်အုပ်ထဲမှာ ဖတ်ဖူးတာတော့ သွားတော့မယ် ဆိုတဲ့ သူဟာ တားစေချင်လို့ ဆိုတာမျိုးလည်း ဖြစ်တတ်တယ်။ တားစေချင်တဲ့ သူက မတားတဲ့ အခါ နောင်တ ရတတ်တဲ့ သူက သွားတော့မယ် လို့ ဟန်ပြင်မိတဲ့ သူပဲ တဲ့။ ငါ့အနေနဲ့ကတော့ နင့်ကို တားမှာ မဟုတ်ဘူး.။ နောက်ပြီး နင်နဲ့ ငါကလည်း ဒီလောက်ထိ အကြောင်းသိ ဖြစ်နေတော့ အဲဒီစာအုပ်ထဲကလို ငါ မတွေးပါဘူး။ နင့်ကို တခု ပြောချင်တာက ဘာမဟုတ်တာ မျိုးလေးကို သေချာ မစဉ်းစားပဲ စိတ်ဆိုး စိတ်ကောက် ဖြစ်နေတတ်ရင် နင် အပျိုကြီး ဖြစ်သွားရလိမ့်မယ် လို့ ကျွန်တော်က ရယ်ကျဲကျဲ ပြောတော့. သူက ရန်ပြန်တွေ့ပါလေရော။ နင်နော်….အနိုင်ယူသလိုပုံစံမျိုးနဲ့ ငါ့ကို လာပြီး ကောက်ချက်တွေ ဆွဲမပြနဲ့။ သေချင်လို့လား၊ လည်ပင်း ထညှစ်လိုက်မယ် လို့ ပြောတယ်။ ကျွန်တော် ရယ်နေလိုက်ရင်း ငါ ဆက်မပြောတော့ပါဘူး ဟာ…ငါ ဆက်ပြောရင် ဆုံးမှာ မဟုတ်တော့ဘူး လို့ ပြောလိုက်တယ်။ သူက ထိုင်ခုံမှာ ပြန်ထိုင်မလို လုပ်ရင်း ပြောစရာ ရှိတာ ပြောစမ်းပါ..၊ပြောစရာ ရှိတာကို မပြောရဲရင် ဘာလုပ်မလဲ တဲ့။ မိန်းကလေး ဆိုတာ လူမသတ်ရဲပါဘူး။ လူသတ်တဲ့ အမျိုးသမီးဆိုတာ ဟောလီးဝုဒ် ရုပ်ရှင်တွေထဲမှာပဲ ရှိတယ်။ အမျိုးသမီး တယောက်အနေနဲ့ လုပ်နိုင်တာ ဆိုလို့ ကိုယ့်ကိုယ်ကို သတ်သေတာရယ်..၊ သူတို့ကို စွဲလန်းတဲ့သူတွေကို သတ်သေသွားအောင် လှုံ့ဆော်နိုင်တာရယ် ..၊ သူတို့ကြောင့် စစ်ပွဲကြီးတွေ ဖြစ်စေတာမျိုးလောက် ရယ်ပဲ တတ်နိုင်တယ်။ အက်ဒွပ် ဘုရင်ကို ထီးနန်း စွန့်ခွာသွားအောင်တောင် တတ်နိုင်တဲ့ အမျိုးသမီး ရှိသေးတာပဲ။ ဒါက ဆိုင်တော့ မဆိုင်ဘူး၊ ငါ ဆိုလိုချင်တာက သာမန် အမျိုးသမီး တစ်ယောက်အနေနဲ့ လူ့အသက်ကို လွယ်လွယ်နဲ့ သတ်ဖို့ မဖြစ်နိုင်ဘူး။ မျိုးရိုးဗီဇဆိုင်ရာတွေ သိချင်ရင်တော့ ဆေးပညာကျွမ်းကျင်တဲ့ သူတွေဆီ သွားမေးလို့ ရနိုင်တယ်။ ငါတော့ သေချာ မသိဘူး။ ဘာပဲ ဖြစ်ဖြစ် နင်က သာမန် မိန်းကလေးပဲ။ ပိုဆိုးတာက နင့်လို မိန်းကလေးက ခြင်တကောင်တောင် ရိုက်ဖူး လို့လား လို့ ကျွန်တော် အရှည်ကြီး ပြောလိုက်တော့ သူ့မျက်နှာ နည်းနည်း မဲ့သွားသလား ထင်လိုက်မိတယ်။ သူ့ကို စနောက်ချင် စိတ်ကြောင့်သာ ပြောလိုက်မိတာ။ စကားတွေ လွန်ကုန်သလား ဆိုတာ သတိမထားလိုက်မိဘူး။

သူ ကျွန်တော့်ကို တခုခု ပြန်ပြောချင်တဲ့ ပုံ ပေါက်နေတယ်။ ဒါပေမယ့် သူက မပြောသေးဘူး။ ကျွန်တော့် အနေနဲ့ ကြီးကြီးကျယ်ကျယ်တွေ လျှောက် ပြောလိုက်မိတာကို သူ ပြန်စဉ်းစားနေရင်း ခံပြင်းနေပုံရတယ်။ နင် ငါ့ကို ပြောစရာများ ရှိနေသလား၊ ပြောစရာ ရှိရင် ပြောသာ ပြော ငါ စိတ်မဆိုးတတ်ဘူးလို့ ပြောတော့ ထင်တဲ့ အတိုင်း ပြောချပါလေရော။

နင်က ဖေဖေ့ကိုသာ တယူသန် ရှေးရိုးစွဲသမားလို့ ပြောတာ၊ နင်ရော ဘာထူးလို့လဲ။ ဖေဖေက သူ့လုပ်ငန်း သဘာဝ အရမို့ ငါ နားလည်ပေးနိုင်သေးတယ်။ ကျွန်တော် မျက်လုံးကို မှေးစင်းပြီး နားထောင်နေလိုက်တယ်။ ကြားဖြတ် ပြောဖို့ စဉ်းစားမိသေးပေမယ့် သူ ပြောတာကိုပဲ ဆက်နားထောင် နေလိုက်မိတယ်။ နင်က စာအုပ်တွေ ဖတ်ပြီး လွန်ခဲ့တဲ့ ရာစုနှစ်တွေက အယူအဆတွေ နင့်မှာ စွဲကပ်နေတော့ ငါတောင် နားမလည်နိုင်ဘူး။ နင့်ဘာသာ စာအုပ်တွေ ဖတ်သလောက် ဖတ်၊ နင့်စိတ်ကြိုက် အရက်သောက်တာ သောက် ငါ ဘာမှ မပြောတတ်ဘူး၊။ ဒါပေမယ့် တွေးတယ် ခေါ်တယ် ဆိုတာမျိုးမှာတော့ နင်က တချို့ အရာတွေကို တရားသေ စွဲကပ်ထားတာ မကောင်းဘူး ထင်တာပဲ။ သူ ပြောတာတွေက ကျွန်တော့်ကို ပြောနေတာ မှ ဟုတ်ရဲ့လား လို့ သံသယ ဖြစ်မိသေးတယ်။ ဒါပေမယ့် သူနဲ့ ကျွန်တော် နှစ်ယောက်တည်း ရှိနေတာမို့ ကျွန်တော့်ကို ပြောနေတာ ပါလား လို့ စဉ်းစားမိတယ်။ နင်ပြောတာတွေ ဘယ်အထိ ရောက်သွားတယ် ဆိုတာ သတိထားမိရဲ့လား။ နင့်လို လူမျိုးက ခုလို လက်လွတ်စပယ် ပြောတတ်လိမ့်မယ်လို့ မထင်မိဘူး။ အဲဒီ အတွေးအခေါ်တွေက တနေ့နေ့မှာ နင့်ကို ဒဏ်ပြန်ခတ်လိမ့်မယ်။ ငါတော့ ဒီထက် ပို ပြောစရာ မရှိတော့ဘူးတဲ့။ သူ တော်တော် စိတ်ကသိကအောက် ဖြစ်သွားတာ ကျွန်တော် ရိပ်မိလိုက်တယ်။ ဒီအခြေအနေမှာတောင် မရိပ်မိလောက်အောင် ကျွန်တော် မညံ့သေးဘူး.။ဒီတော့လည်း ပြေလည်ရာ ပြေလည်ကြောင်း ပြောဖို့ စဉ်းစားရတော့တာပဲ။ ငါ ပြောလိုက်တဲ့ စကားတွေက နင့်ကို စနောက်ရုံ သက်သက်ပါဟာ။ တခြား ဘာရည်ရွယ်ချက်မှ မရှိပါဘူး။ နင့်ကို နောက်တာကိုပဲ စိတ်ဆိုးတယ်ဆိုရင် ငါ ကိုယ့်ငါ အပြစ်တခုခု ပေးလိုက်ပါ့မယ်။ နင် တွေးမိတဲ့ အခြားအရာတွေအပေါ်ကိုလည်း ငါတောင်းပန်ပါတယ် လို့ အသာကလေး လေပြေထိုးလိုက်မှ သူ ကျေနပ်သွားပုံရတယ်။ ကျွန်တော်လည်း စကား ဆက်မဟရဲတော့ဘူး။ အဲဒီမှာ မိန်းမတွေနဲ့ ပတ်သတ်လို့ ပညာ တစ်ခု ရသွားတယ်။ ကျွန်တော်ကလည်း ကျွန်တော်ပဲ။ ယောင်္ကျားလေး သူငယ်ချင်း အချင်းချင်း စကားပြောကြတဲ့ အခါ ပြောချင်တာ ပြောလို့ မရပေမယ့် မိန်းကလေးတွေနဲ့ကျတော့ ဆင်ခြင်ရတယ်.။ အမျိုးမှ မတူပဲကိုး။ နားလည် လက်ခံပုံချင်း ကွာတယ်..။ နားလည် လက်ခံပုံချင်း ကွာတော့ အကြောင်းအရာ တစ်ခု အပေါ်မှာ နားလည်ချင်သလို နားလည် ပစ်လိုက်တော့ အဲဒီမှာ အဓိပ္ပါယ်တွေ လွဲကုန်တော့တာပဲ။ ကျွန်တော့်အနေနဲ့ သူ့ကို စတာ နောက်တာ မှန်ပေမယ့် ကိုယ့်လို တွေးတာ မဟုတ်တော့ ကျွန်တော် ပြောတာတွေ အပေါ် ဘယ်မှာ လက်သင့်ခံပါ့မလဲ။ ကျွန်တော်က လက်ခံဖို့ ပြောတာ မဟုတ်ပေမယ့် အခြေခံ လက်ခံပုံချင်းကိုက ကွဲပြားနေတော့ သူ ကသိကအောက်ဖြစ်ရတာ အပြစ်ပြောလို့ မရဘူး.။ ဘာပဲ ပြောပြော အဲဒီနေ့က အဲဒီလောက်နဲ့ ပြီးသွားတာကိုပဲ ဝမ်းသာရမလို ဖြစ်မိပါတယ်.။

ဒီနောက်ပိုင်းတော့ သူနဲ့ ကျွန်တော် တွေ့ဖြစ်ကြတာ နည်းနည်း ကျဲ သွားတယ်။ သူ့အစ်မ ဝင်းဝင်းမာနဲ့ က ကျွန်တော့်အလုပ်နဲ့ ပတ်သတ်မှု ရှိလို့ အဆက်အသွယ် ရှိပေမယ့် သူနဲ့က မတွေ့ဖြစ်သလောက်ပဲ။ တခါတခါ အကြောင်း တိုက်ဆိုင်လို့ သတိရမိတာမျိုးက လွဲလို့ အဆက်အသွယ် ပြတ်သွားတယ်။ စိတ်သဘောထား အတွေးအမြင် မတူလို့တော့ မဟုတ်ဘူး။ အခြေအနေ အကြောင်းတရား မတိုက်ဆိုင်လို့ သာ ဖြစ်လိမ့်မယ်။ အခြေအနေ အကြောင်းတရား ဆိုတာမျိုးက စိတ်သဘောထား၊ အတွေးအမြင်လို ကိုယ်ပြောင်းချင်သလို ပြောင်းနေလို့ ရတာမျိုး မဟုတ်ဘူး.။ ရေခံ မြေခံ ကွာတယ်။ တွေးမြင်ထားသလို မဖြစ်တာနဲ့ပဲ အခြေအနေ အကြောင်းတရားကို အပြစ်ပြောလို့တော့ မရနိုင်ဘူး ထင်တယ်။ ဒီကိစ္စက သူ့ဘာသာ တည်နေတဲ့ ကိစ္စ။ ကျွန်တော့် စိတ်သဘောထား၊ အတွေးအမြင်တိုင်းမှာ သူ့ကို သတိတရ ရှိနေသေးတဲ့ အတွက် ကျွန်တော်တို့ ကြားမှာ အခြေအနေဆိုတာမျိုးက အရေးပါတဲ့ နေရာမှာ ရှိမနေသေးဘူး.။ ဒီလိုနဲ့ပဲ သူနဲ့ ကျွန်တော် မတွေ့ဖြစ်ကြတာ တော်တော်ကို ကြာသွားတယ်။ သာကြောင်း မာကြောင်းကိုတော့ ဝင်းဝင်းမာနဲ့ တွေ့တဲ့ ပြောဖြစ်တာမျိုးလောက်ပဲ။

ခု ကျွန်တော်နဲ့ တွေ့တွေ့ချင်း သူ ငိုနေပုံကို ကြည့်ပြီး စိတ်ထဲမှာ ဘယ်လို လုပ်ရမလဲ စဉ်းစားနေမိတယ်။ နင် ဘယ်တုန်းကများ ငိုတတ်သွားတာလဲ လို့ မေးလိုက်မိတယ်။ သူက ကျွန်တော့်ကို မော့ကြည့်ရင်း နင့်ကို ငါ ပြောင်းလဲသင့်သလောက် ပြောင်းလဲ နေပြီ လို့ ထင်နေတာ အတွေးအခေါ်တွေက ဘာမှ မပြောင်းလဲ သေးဘူးပဲ တဲ့။ လူတစ်ယောက်ရဲ့ ခံစားချက် ဆိုတာမျိုးကိုတောင် ကန့်သတ်ထားချင်နေသေးတဲ့ သူမျိုးပဲ။ နင့်မှာ ခံစားချက် ဆိုတာမျိုးရော ရှိသေးရဲ့လား တဲ့။ ကျွန်တော်က သူ ပြန်ပြောနေတာကို ကြည့်ပြီး ဘယ်လို ပြောရမယ် ဆိုတာ စဉ်းစားနေမိတယ်။ နင်ပြောသလို ခံစားချက် ရှိတာ ကောင်းတယ် ဆိုရင် ခံစားကြည့်ချင်ပါသေးတယ်။ နင့် အပြောအရ နင် ခံစားချက် ရှိလို့ ခု ငိုနေရတယ်လေ။ ငိုတယ် ဆိုတာမျိုးက နင့်အမြင်မှာ ကောင်းတယ် ထင်ချင် ထင်လို့ ရပေမယ့် ငါ့အတွက်တော့ နင် ငိုနေတာကို ငါ သဘော မကျဘူး။ ပြီးတော့ မျက်ရည် ဆိုတာမျိုးက ခန္ဓာကိုယ်ထဲမှာ အလဟဿပိုနေတဲ့ ပစ္စည်းတမျိုးလို့ ငါ မကြားဖူးသေးဘူး.။ နင် ငိုနေတာက ငိုနေတာနဲ့ မတူဘူး။ နင့်ကို နင် ညှဉ်းဆဲနေတယ် နဲ့ တူတယ် လို့ ငါထင်တယ်။ နင် ငို တာဟာ မလှဘူး။ ဟိုအရင်လို နင် ငါ့ကို တခုခု ပြန်ပြောနေတတ်တာမျိုးကိုပဲ သဘောကျတယ်။ ခု နင် ငိုလိုက်တော့ ငါတို့ ကြားမှာ တိတ်ဆိတ်သွားတယ်။ တိတ်ဆိတ်ခြင်းကို ငါ မကြိုက်ဘူး.။ တခုခု ပြောနေကြတာမျိုးက နင်နဲ့ ငါရဲ့ ရှင်သန်ခြင်းမှာ ငြီးငွေ့ခြင်းကို မဖြစ်စေဘူး.။ ဒီတော့ တိတ်ဆိတ်ခြင်းဟာ နင်နဲ့ ငါ ကြားမှာ ရှိမနေသင့်ဘူးလို့ ထင်တယ်။ ဒါကြောင့် နင် မငို ပါနဲ့တော့လား.လိူ့ ကျွန်တော် အရှည်ကြီး ပြောလိုက်တော့ သူက ခပ်တည်တည် ကျွန်တော့်ကို ပြန်ကြည့်တယ်။

သူက လက်ဖမိုးနဲ့ မျက်လုံးတွေကို ပွတ်သပ်နေရင်း နင့်ပုံစံကိုများ ပြန်ကြည့်ကြည့်ပါဦးတဲ့။ ငါက ဘာဖြစ်နေလို့လဲ လို့ မေးမိတော့ နင့်ကို နင် ပစ်ထားတာ ဘယ်လောက် ကြာပြီလဲတဲ့။ မျက်နှာလည်း ချောင်ကျ သွားလိုက်တာ၊ အဝတ်အစားက ဖိုသီ ဖတ်သီနဲ့ ။ တီရှပ်နဲ့ ဂျင်းဘောင်းဘီကို ကိုလည်း ခုထိ စွဲစွဲမြဲမြဲ ဝတ်နေတုန်းပဲ၊ သပ်သပ်ရပ်ရပ်ကလေး နေစမ်းပါ လို့ အလိုမကျသလို နှုတ်ခမ်းလေး စူရင်း ပြောတယ်။ သူ ပြောတာတွေကို နားထောင်နေရင်း သူ ဆက်မပြောတော့မယ့် ဟန်ပြတော့ ကျွန်တော် မျက်နှာကို တည်လိုက်တယ်။ ခါးကို မတ်လိုက်တယ်။ နင့်ကို ငါ အတည် ပြောမယ်။ နင် ပြောတဲ့စကားတွေကို ကြားဖြတ် ပြောတာ မဟုတ်ဘူး။ ငါ တကယ် တန်ဖိုးထားပြီး မေးမှာ။ ငါ့ကို ကြည့်ပါလား။ လို့ ကျွန်တော် ပြောတော့ ကျွန်တော့်ကို သူ ကြည့်နေတယ်။ နင်လေ ငါနဲ့ ပတ်သတ်ပြီး အဝတ်အစားက အရေးကြီးသလား၊ လူက အရေးကြီးသလား လို့ သူ့ကို စိုက်ကြည့်နေရင်းပြောလိုက်တယ်။ သူက မသိမသာ ခေါင်းငုံ့သွားတယ်။ မသိဘူး လို့ ပြောလိုက်သလိုလို တိမ်ဝင်သွားတဲ့ အသံလေးကို အဖျားလေး ကြားလိုက်မိတယ်။ မသဲကွဲဘူး.။ ကျွန်တော် ဆက်ပြောလိုက်တယ်။ နားထောင်ချင်လို့ မေးတဲ့ သူကို ကြားစေချင်တဲ့စိတ်ကလေး ရှိရင် နည်းနည်း အသံချဲ့ပြီး ကျယ်ကျယ်ကလေး ပြောပါလား။ သူ ခေါင်း ပိုငုံ့သွားတယ်။ နင် နဲ့ ငါ ကြားမှာ အတားအဆီးတချို့ ရှိကောင်း ရှိနေနိုင်ပေမယ့် ခုလောက်ကြီး ခေါင်းငုံ့ထားဖို့ မသင့်ဘူး ထင်တယ် လို့ ကျွန်တော် ပြောနေတော့ သူက ကျွန်တော် ဘာဆက်ပြောမလဲ နားစွင့်နေရင်း ဖြည်းဖြည်းချင်း ခေါင်းမော့လာတယ်။ ကျွန်တော် ပြောဖို့ စကားတွေ အပြေးအလွှား စဉ်းစားနေမိတယ်။

နေပါဦး။ နင်က ငါ့ကို တွေ့တာနဲ့ ဘာလို့ ချက်ချင်းကြီး ငိုချလိုက်ရတာလဲ။ ငါများ နင့်ကို ငိုအောင် တခုခု လုပ်လိုက်မိသလား၊။ တကယ်တော့ ဘယ်လို အကြောင်းတရာတွေဖြစ်ဖြစ် နင့်ကို ငိုစေချင်တဲ့ဆန္ဒ ငါ့ မှာ မရှိပါဘူး.။ ဒီတခုကိုတော့ နင် သဘော ပေါက်စေချင်တယ် လို့ ကျွန်တော် ပြောလိုက်တော့ သူက ကျွန်တော့် ရင်ဘတ်ဆီကို သူ့လက်နုနုလေးနှစ်ဖက်နဲ့ တွန်းရင်းနဲ့ ခပ်ဖွဖွ ထုနေတယ်။ ခုထက်ထိ နင် လူတယောက်ကို နာအောင်တောင် မရိုက်တတ်သေးဘူးပဲ လို့ ကျွန်တော် ပြုံးရင်း ပြောလိုက်တော့ ကိုကိုနဲ့ ကျွန်မ ကြားမှာ အချိန်တွေ အကြာကြီး တိတ်ဆိတ်နေအောင် ကိုကိုပဲ လုပ်ခဲ့တာ မဟုတ်ဘူးလား၊ တိတ်ဆိတ်ခြင်းကို မနှစ်သက်တဲ့ သူက တိတ်ဆိတ်ခြင်းကို ဖွင့်ထုတ်ပစ်လိုက်ဖို့ တွေဝေနေတာမျိုးကို အမုန်းဆုံးပဲ လို့ သူက ပြောရင်း ကျွန်တော့် ပုခုံးဆီ ခေါင်းငုံ့ တင်လိုက်ရင်း အသာ ကိုက်ချ လိုက်တယ်။ ကျွန်တော့် အနေနဲ့ နာကျင် သွားတယ် ရယ်လို့ မဟုတ်ပေမယ့် ရင်ဘတ်ထဲက နှလုံးသားဆီကနေ ဖြေးဖြေးလေး အောင့်တက် သွားတယ်။ ခံစားချက်ဆိုတာ အဲဒါမျိုးလေးဆိုရင် ကျွန်တော် နှစ်သက်မိမှာ အမှန်ပဲ။

တေဇာအောင်
22.09.2010(04:40 am)

အရိပ်အယောင်

2010-09-21T03:11:00.001-07:00

ဘဝ အဓိပ္ပါယ် ဆိုတာ သိသွားရင် ဘာလုပ်ရမလဲ ဟင်
ဘဝ အဓိပ္ပါယ်ကို သိပြီဆိုရင် စိတ်ကျန်းမာရေး ဆေးရုံကို သွားပေတော့

ဥာဏ်ကြီးရှင် ဖြေဆိုပွဲ

(မောင်ကောင်းထိုက်-နှီးပဒေါ)

ဘ၀ ဆိုတာ အဓိပ္ပါယ် ရှိသော နေရာ တစ်ခု ဟု ကျွန်တော် မထင်ပါ။ (ယခု အချိန်တွင် ကျွန်တော့်အနေဖြင့် ဘာသာစကားကို အသုံးပြုပြီး အဓိပ္ပါယ်များကို ခင်ကျင်းမည် ဖြစ်သောကြောင့်ဘာသာစကားကို တင်ကူးနားလည်ထားဖို့ လိုမည် ထင်ပါသည်။ ထို အဓိပ္ပါယ်သည် ဘဝနှင့် မဆိုင်ပါ) ခင်ဗျားကိုယ်တိုင် ပစ္စုပ္ပန်တွင် နေထိုင်ပြီး မရောက်လာသေးသော အနာဂတ်အား မျှော်လင့်နေခြင်းသည် အမှန်တကယ်တော့ မိုက်မဲရာသာ ကျပါလိမ့်မည်.။ ကျွန်တော်တို့သည် အတိတ်ကိုသာ ပြန်လည်တွေးတောပြီး ပျော်ရွှင်နေတတ်သော အတန်းအစားများသာ ဖြစ်ကြောင်း ကျွန်တော် သေချာ ပြောနိုင်လျှင် ကျွန်တော့် အသက် ၂၅ ပြည့်ပြီ ဖြစ်ကြောင်း သင် ယုံကြည်ပါလေ။

တကယ်တော့ ကျွန်တော် အသက် ၂၅ နှစ် ပြည့်မှ ယခုကဲ့သို့ တွေးမိခြင်း ဖြစ်ပါသည်။ ငယ်လွန်းသေးကြောင်း ကျွန်တော် ပြောလိုသော်လည်း ရွှေတောင် ဆရာလွန်း၏ အလွန်မငယ်တဲ့ ခုနစ်ဆယ် ဆိုသော စကားကို သင် မကြားဖူးသေးလျှင် ၂၅ ဆိုသော ကာလအပိုင်းအခြားကို မည်သို့ ဖြစ်လေမည်လဲ သင့်ဘာသာ တွေးတော ဆင်ခြင်ပါလေ။ ကျွန်တော် နားလည် နိုင်ပါသည်။ ကျွန်တော်တို့သည် တစ်သီးပုဂ္ဂလများသာဖြစ်သောကြောင့် အတွေးအယူများ ကွဲပြားနိုင်ပါသည်.။ လွတ်လပ်စွာ သဘောကွဲလွဲခွင့် ဆိုသော စကားလုံးကို ကျွန်တော် သဘောကျသော်လည်း ကျွန်တော်တို့၏ ရီပွန်စီဘယ်လတီ ကို ထိခိုက်သောကြောင့် မျက်နှာလွဲ ခဲပစ်သဘောဖြင့် ကျွန်တော်ထို စကားလုံးကို မသုံးတော့ပါ။ အနည်းဆုံး သင်သည် ဆင်ခြင်တုံတရား လက်ကိုင်ထားသူ ဖြစ်လျှင် ပိဿလေးနှင့် ဘေးပစ်သလို ဖြစ်စေသော အသုံး အနှုန်းများအား ရှောင်ရှားစေချင်ပါသည်.။ ချစ်ခြင်း ဖြင့်သာ ကျွန်တော်တို့ အတူတကွ ရှေ့ဆက် သွားကြပါမည်။ ကျွန်တော်တို့သည် ရန်သူများ မဟုတ်ကြပါ။ ချစ်သူများ မဟုတ်ကြပါ။ နှလုံးသား(အသိတရား)ဖြင့်သာ ရှေ့ဆက်ရမည် ဖြစ်သော ကိစ္စ ရပ်များအား ကျွန်တော် ဒီနေရာတွင် ထပ်၍ ပြောသော် စာ ရှည်သွားမည်သာ အဖတ်တင်ပါလိမ့်မည်.။ သင့် အနေဖြင့် ထမင်း စာကောင်းဖို့ ဆီပုလင်း ခါးချိတ် ထားသည် ရှိသော် ရှိပါစေ။

ကျွန်တော် ရှင်သန် နေထိုင်လာခဲ့သော နှစ်ကာလများ(စာအုပ်တိုက် အမည် မဟုတ်ပါ) အတွင်း ထင်မှတ်မထားသည်များ ကြုံဆုံလာခဲ့သော အခါ ကျွန်တော် အနေဖြင့် စိတ်မသက်မသာ ဖြစ်မိသော်လည်း ရင်ဆိုင် ကြုံတွေ့ခဲ့ရသည်များသာ ဖြစ်ပါသည်.။ လက်ရှိ အချိန်ထက် ကောင်းသော အချိန်သည် မရှိ ဟု ကျမ်းဂန်နှင့် တက်ကျမ်းများထဲတွင် (လုံ့လ ဥဿာဟထုတ် မဆုတ်မနစ် အားထုတ်ကြရန် စေတနာဖြင့်) ရေးသားကြသော်ငြားလည်း လက်တွေ့ဘဝတွင်ကား တခါတလေတွင် ပစ္စုပ္ပန် တဒင်္ဂသည် ဆိုးဝါးလွန်း မက ဆိုးဝါးလှပါသည်။ ဥပမာ ဆောင်သော် ဒီတောင်ကို မကျော်တော့ဘူး ဟု ထင်မိသည်များပင် ရှိခဲ့သည်ချည်း ဖြစ်သည်.။ လွန်မြောက် သွားသော အခါတွင်မှ ဘာမှ မဟုတ်ပါလား တွေးမိ၊ ပြုံးမိသည်များကို ကြုံဖူးကြပါလိမ့်မည်.။

ကျွန်တော်သည် အမြဲတမ်း ပလေတို၏ လိုဏ်ဂူထဲတွင် နေထိုင်ရခြင်းဖြင့် ဘဝကို ကျေနပ်ခဲ့သည်များ ရှိပါသည်။ မျက်နှာချင်းဆိုင်တွင် တွေ့မြင်ရနေသော အရိပ်အရောင်များကို အစစ်အမှန်များဟု လက်ခံပြီး ကျောဘက်မှ ပုံရိပ်ကို ဖြစ်ပေါ်စေသော အကြောင်းများအား လစ်လျူရှုဖြစ်ခဲ့ပါသည်။ မှားယွင်းခဲ့ပါသည်ဟု ပြောဆိုရန် ခက်ခဲသလို မည်သည့်အရာသည် အစစ်အမှန်၊ မည်သည့်အရာသည် ပုံရိပ်ယောင် ဟု မည်သူမျှ မပြောနိုင်ကြပါ။ အစဉ်အလာအားဖြင့် ချမ်းချမ်းသာသာ နေထိုင်ခဲ့သော လူတယောက်ကတော့ လူ့ဘဝအဓိပ္ပါယ်ဆို တယ်နိပ်ပါလားဟု တွေးကောင်း တွေးနိုင်ပါလိမ့်မည်။ ဤတွင် ချမ်းသာခြင်းနှင့် ဆင်းရဲခြင်းကြားက ကွာဟချက်ကို ပြဿနာ သို့မဟုတ် အရင်းရှင်၊ ပစ္စည်းမဲ့ဆိုပြီး အမြင်များလည်း ကျွန်တော့်တွင် မရှိပါ။ တခုတော့ ရှိပါသည် ။ လူတွေဟာ ဆင်းရဲတဲ့ ဒဏ်ကို ခံနိုင်တယ်။ ချမ်းသာတဲ့ ဒဏ်ကို မခံနိုင်ဘူး ဆိုတော့စကားအရ 25 နှစ်လောက် ဆင်းရဲသည့် ဒဏ်ခံ ခဲ့ပြီဖြစ်သော ကျွန်တော်သည် ချမ်းသာခြင်း ဒဏ်ကိုလည်း တပြန်တလှည့် ခံစားချင်နေမိခြင်း ဖြစ်ပါသည်။ဆိုလိုရင်းမှာ ဘဝတွင် အဓိပ္ပါယ် ရှိသည်ဟု ဆိုသော် လူ့လောကတွင် အများအခေါ် လောကဓံ ဆူကြုံ နိမ့်မြင့်ကို စုံလင်စွာ ခံစားကြည့်ဖို့ လိုပါလိမ့်မည်.။

ကျွန်တော် ကြုံတွေ့ဖူးခဲ့သည်များမှာ ဘဝ၏ အဓိပ္ပါယ်များ မဟုတ်တန်ရာ။ ရှင်ဘုရင် လုပ်လိုသူ ရှိသည်။ လူပုံအလယ်တွင် ဘွတ်ဖင်နီ တောင်ပံခတ်ရင်း မတ်တပ်ရပြလိုသူ ရှိသည်။ ဋ္ဌာနေကျေးက မုလေးငုံကို ရုပ်ပုံလေးနဲ့သာ လွမ်း သူ ရှိသည်.။ ဆီပုလင်း ခါးချိတ်သူ ရှိသည်။ ထမင်း တလုပ်အတွက် အတင်းအုပ်ရမှာ မကြောက်သူ ရှိသည်။ တဘက်သားကို ဆဲဖို့ တာဝန်ယူထားသူ ရှိသည်။

မောင်ခိုင်လတ်၏ ဝေဖန်ရေးဆရာ မဝင်ရ၊ ရသစာတမ်းထဲက အလှူ့အမ အမေအိုကြီးကို သဘောကျပါသည်။ သားဖြစ်သူ ဝေဖန်ရေးဆရာ၏ စာမူခကို အလှူထည့်ဝင်ဖို့ ပြောသောအခါ အမေအိုက သူများကို အမနာပ ပြောဆိုပြီး ရသော ငွေကြေးသည် သန့်ရှင်းမှာ မဟုတ်သောကြောင့် အလှူထဲတွင် တမင် မထည့်ဝင်ခဲ့စေချင်ခြင်း အကြောင်း ဖြစ်ပါသည်။

အဓိပ္ပါယ်များ အကြောင်းကို အဓိပ္ပါယ် မရှိသလို ရေးနေသော်လည်း ကျွန်တော့် အရေးအသား၏ အဆီအငေါ် မတည့်မှုများကြောင့် ကို့ယိုးကားရား နိုင် နိုင်ပါသည်။ သို့သော် ကျွန်တော်သည် ခါနာတလုပ်အတွက် ဝါစာကမာ တစ်ပုဒ် လုပ်တာ မဟုတ်ကြောင်းကိုတော့ သဘောပေါက် နားလည် စေချင်ပါသည်။ မွန်းကျပ်ခြင်းများ အတွင်းမှ ပွင့်အံလာသော စာဖြစ်သည့်အတွက် အရိုင်းဆန်ကောင်း ဆန်ပါလိမ့်မည်။

တေဇာအောင်
(21.09.2010)

မနေ့က အကြောင်းတွေ

2010-09-21T01:17:00.001-07:00

ဘဝမှာ ဘာအလိုချင်ဆုံးလဲ လို့ တွေးကြည့်တဲ့ အခါတိုင်း အဲဒီ အလိုချင်ဆုံး အရာဟာ ခပ်ဝေးဝေးမှာ ရောက်နေတတ်တာမျိုး ကြုံဖူးသလား မသိဘူး။ တခါတလေ စိတ်ကူးနဲ့ တည်ဆောက်ထားတဲ့ ဘဝဆိုတာမျိုးက လေပြင်းပြင်းတိုက်ရင် ပါ သွားတော့တာပဲ။ အတတ်နိုင်ဆုံး ထိန်းညှိထားပေမယ့် မနက်ဖြန်ဆိုတာ ကျွန်တော် မပိုင်တဲ့ အတွက် အရာရာကို အသေအချာ ပြောဖို့ နောက်တွန့်နေမိတယ်.။

စာတပုဒ် မှတ်မိနေတယ်။
“ဘဝ အဓိပ္ပါယ်ဆိုတာ သိသွားရင် ဘာလုပ်ရမလဲ”
”စိတ်ကျန်းမာရေး ဆေးရုံကို သွားပေတော့” တဲ့။ မောင်ကောင်းထိုက်၊နှီးပဒေါ၊ ရဲ့ ဥာဏ်ကြီးရှင် ဖြေဆိုပွဲ ထဲကပါ။ ကျွန်တော်က ကျွန်တော့် စိတ်ကူးထဲမှာ တည်ဆောက်ထားတဲ့ ဘဝမျိုးကို လိုက်လံ ရှာဖွေရတာ ဝါသနာ ပါတယ် ထင်ပါရဲ့။ ဒါပေမယ့် တချို့ကိစ္စတွေဟာ နားလည်ရ ခက်တယ် ပြောရမယ် ထင်တယ်။ ကျွန်တော်က တခါတလေ စာအုပ်တွေထဲမှာပဲ နေတာ များတော့ လက်တွေ့ဘဝနဲ့ အဟ ကွာ ကွာ သွားတတ်တယ်။ အကြောင်းအရာ တော်တော်များများမှာ တည်မိနေပြီး ပြန်ရုန်းမထွက်နိုင်တဲ့ အခါကျတော့ ဘဝဟာ အလဲလဲ အပြိုပြို ဖြစ်သွားတော့တာပါပဲ။ ဒီစာကို ရေးမိလိုက်တာက ကျွန်တော့်ကို ကျွန်တော် နားမလည်တဲ့ ကိစ္စကို တခြားတယောက်ကိုလည်း နားလည်နိုင်လိမ့်မယ်၊ စာနာလာလိမ့်မယ်လို့ မျှော်လင့်မိလို့ မဟုတ်ဘူး ထင်တယ်။ ကျွန်တော် ယုံကြည်မိတဲ့ သူတယောက်ကို တစိတ်တပိုင်း သိစေချင်လို့ ရေးလိုက်တာပါ။ အားလုံးဟာ နေသားတကျ ဖြစ်နေပါလိမ့်မယ်။

ဘဝ ဆိုတာမျိုးကြီးနဲ့ ချီပြောရတာ နည်းနည်းတော့ ကြီးကျယ်သလို ဖြစ်နေလိမ့်မယ်။ (တကယ်တော့ ကျွန်တော်ဟာ အသက်ရှင်ခြင်းကို ဘဝလို့ မခံယူတော့တာ တော်တော် ကြာပါပြီ)။ လောကကြီးထဲမှာ နေထိုင်နေတဲ့ သူတယောက်အနေနဲ့ ဘယ်လို နေထိုင်ရမယ်လို့ ပြဋ္ဌာန်းမထားတာ အသက်ရှင်ခြင်းရဲ့ ဒဏ်ခတ်ချက် သက်သက်သာ ဖြစ်လိမ့်မယ်။ အစဉ်အလာ ရှိခဲ့ပြီးသာ နေထိုင်မှုတွေနဲ့ အသားမကျချင်တဲ့ သူဟာ ပိုဆိုးတယ် ထင်တယ်။ ဥပမာ-ကျွန်တော့်လို လယ်သမား သားသမီးက လယ်မလုပ်ချင်တာမျိုးပေါ့။ ဒီလို ပြောတော့ လယ်သမား သားသမီးဟာ လယ်သမားပဲ ဖြစ်ရမယ်ဆိုတဲ့ ခေတ်ဟာ နှစ်ဆယ် ရာစုမှာ ကျန်ခဲ့ပြီ လို့ ပြောချင် ပြောလို့ ရလိမ့်မယ်...။ ကျွန်တော်ကတော့ ဘာတွေ ဘယ်လိုပဲ ပြောင်းပြောင်း ပုတ်သင်ညိုလို လိုက်ပြီး မပြောင်းတတ်တာ နည်းနည်းတော့ ခက်နေမလားပဲ။

တကယ်တော့ ကျွန်တော်ဟာ တော်တော်လေး ပင်ပန်းနေပါပြီ။ တည်ဆောက်ထားတဲ့ ကမ္ဘာတွေ အကြိမ်ကြိမ် ပြိုလဲ ပြီးတဲ့ နောက်ပိုင်း ခံနိုင်ရည်အားတွေ ကျဆင်းကုန်ပါပြီ။ 25 နှစ်ဆိုတဲ့ ကာလအပိုင်းအခြားဟာ နည်းတဲ့ နှစ်တွေ ဟုတ်လို့လား။ ထောက်ကန်ထားတဲ့ ဒေါက်တိုင်တွေဟာ ကျွန်တော့်ကို ဆက်လက် မပံ့ပိုးနိုင်တော့ပါဘူး.။ မိသားစုအတွင်းက ရရှိထားတဲ့ မေတ္တာတရားကသာ ကျွန်တော့်ကို ဆက်လက် ရှင်သန်နေစေပါတယ်။ (ဒီကိစ္စအတွက် ကျေးဇူး အတင်ဆုံးကတော့ ကျွန်တော့် အဖေနဲ့ အမေပါပဲ။ ဘာပဲ ဖြစ်ဖြစ် ကျွန်တော့် တည်ရှိနေခြင်း သက်သက် အတွက်ကိုပဲ အဖေနဲ့ အမေဟာ အရေးအပါဆုံး လူနှစ်ယောက် ဖြစ်နေလို့ပါပဲ။ )

ဒီကြားထဲမှာ ထိတွေ့ခဲ့ရတဲ့ မိတ်ဆွေတွေ အများကြီးပါပဲ။ တချို့ငွေနံ့ကြေးနံ့ သင်းတယ်.၊ တချို့ မေတ္တာတရား ကင်းတယ်၊ တချို့ က အပေါ်ယံ ဆက်ဆံကြတယ်။ ဒါပေမယ့် လောကကြီးထဲက လူတွေဆီကနေ ကျွန်တော် မေတ္တာတရား တချို့တလေကို ရသင့်သလောက် ရခဲ့ပါတယ်။ ရောင့်ရဲလွယ်သူ မဖြစ်ခဲ့လို့ အနည်မထိုင်ခဲ့တာတော့ မိုက်မဲမှုလို့ ပြောရင် လူ့သဘာဝကို မျက်နှာလွှဲရာ ရောက်မယ် ထင်တယ်။ ကျွန်တော်က ဆန္ဒ္ဒ္ဒ များများနဲ့ နေထိုင်ခဲ့တဲ့ နှစ်တွေက နည်းမှ မနည်းခဲ့ပဲ ကိုး။

စာကို အတတ်နိုင်ဆုံး ထိန်းညှိပြီးသာ ရေးနေရတာ။ ဖတ်နေတဲ့ သူ စိတ်ကသိကအောက် ဖြစ်မှာလည်း စိုးမိပါတယ်။ ကျွန်တော့်အတွက်နဲ့ ကသိကအောက် ဖြစ်ရတယ် ဆိုရင် ကျွန်တော်ဟာ နှစ်ခါပြန် မိုက်မဲတဲ့သူ ဖြစ်သွားမှာပဲ။ ဒါပေမယ့် ဒီစာကို ဖတ်မယ့်သူဟာ ကျွန်တော့်ကို ကောင်းကောင်း သိပြီးသား လို့ ယူဆတဲ့ အတွက်လည်း ခုလို အကြောင်းအရာတွေ ရေးနေမိတာ ဖြစ်မှာပဲလို့ စာရေးရင် စဉ်းစားမိတယ်။ မဟုတ်ဘူးလား။း)

တကယ်တော့ ကျွန်တော် အိမ်ပြန်ချင်နေပါပြီ။ မေတ္တာတရားကို တန်ဖိုးထားတတ်တဲ့ အရွယ်ကစပြီး မေတ္တာတရားနဲ့ ခပ်ဝေးဝေးကို ရောက်သွားတာကတော့ ဘယ်သူ့ကိုမှ အပြစ်ပြောစရာ မရှိပါဘူး.။ လူ့ဘဝဆိုတာ ကံပစ်ချ ခံထားရတဲ့ သတ္တဝါ တစ်မျိုးလို့ အဆိုရှိတာပဲ မဟုတ်လား.။ ဘယ်သူ ပဲ ဖြစ်ဖြစ် ရှင်သန် နေထိုင်ခြင်းမှာ ရွေးချယ်ခွင့် မရကြဘူးလို့ ယူဆမိတယ်။ နောက်ပြီးတော့ ကျွန်တော် တွေ့သိဖူးတဲ့ သူတိုင်းဟာလည်း ရွေးချယ်ခွင့် မရှိခဲ့ကြတာ များတယ်။

မနုဿတ္တဘာဝေါ ဒုလ္လဘော ဆိုတာကြီးက ဘယ်လိုလူမျိုး ဆိုမိန့်သွားလဲ စဉ်းစားလို့ မရဘူး.။ လူ့ပြည်က အပ်တစ်စင်းနဲ့ ဗြဟ္မာ့ပြည်က အပ်တစ်စင်းထိတွေ့ဖို့ ခဲယဉ်းသလောက် လူဖြစ်ဖို့ ခဲယဉ်းတယ် လို့ ပြောကြပေမယ့် အဲသလောက် ခက်ခဲတာတောင် ကျွန်တော်က ဘာလို့ လူလာဖြစ်နေရသေးလဲ။ ရှင်တော် ဗုဒ္ဓဟောတဲ့ ခေမာသောင်ကမ်းဆိုတာ တကယ်ရှိရင် အဲဒီဘက်ကို ရောက်သွားပါတော့လား.။ ဒါပေမယ့် သိတယ် မဟုတ်လာ.။ အဲဒါမျိုးက ကျင့်ကြံအားထုတ်နိုင်မှ ဖြစ်တာလို့ လည်း ပါသေးတယ် မဟုတ်လား.။ ဒီတော့ ကျွန်တော့်လို လူမျိုးက (စိတ်ပျက်အားလျော့တာမျိုး မဟုတ်တောင် ) ဘယ်မှာလာ ဖြစ်နိုင်ပါ့မလဲ။ သေခြင်းအကြောင်းကို တွေးရအောင်လည်း ကျွန်တော်က သေခြင်းကို မထိတွေ့ဖူးတော့ ကြိုတင် ကြံစည်လို့ မရနိုင်ဘူး.။

စာဖတ်နေရင်းနဲ့ တော်တော်လေးတော့ မျက်ခုံးတွန့်နေပြီ ထင်တယ်။ ခါတိုင်း ကျွန်တော့်အပေါ် ရယ်သလို လှောင်ရယ် ရယ်လိုက်ပါ။ နည်းနည်းလေး ဖြေလျော့သွားမှာပဲ။ ဒါမှ စာ ဆက်ဖတ်လို့ ရမယ် မဟုတ်လား။ ပြီးတော့ ကျွန်တော့်တို့ဟာ လက်ဆုပ်လက်ကိုင် ပြလို့ရတဲ့ ကာလတခုစာ သိခဲ့ကြတာဆိုတော့ ကျွန်တော် တရိုတသေ ရေးလိုက်တဲ့ စာကို အဆုံးထိ ဖတ်လိမ့်မယ်လို့ မျှော်လင့် မိတာပဲ။

ပြောမယ့်သာ ပြောရတာ မျှော်လင့်ခြင်း ဆိုတာမျိုးကလည်း တော်တော်တော့ ပင်ပန်းသား။ မျှော်လင့်တယ် ဆိုကတည်းက တွယ်တာမိလို့သာ ဖြစ်ရတာမျိုးကိုး။ တွယ်တာမှု မှန်သမျှ မကောင်းဘူး ဆိုပေမယ့်လည်း ကျွန်တော်က ဆင်ခြင်တုံတရားကို လက်ကိုင်မထားနိုင်သေးတော့ ဘယ်မှာလာ အကြောင်းကောင်းပါ့မလဲ။ မျှော်လင့်တာပဲ ဖြစ်ဖြစ် တွယ်တာ တာပဲ ဖြစ်ဖြစ် သူ့ဘာသာ တည်နေတာမျိုးကျတော့ အပြစ်တင်ဖို့ ခက်ပြန်ရော။ တော်တော် မခက်ပေဘူးလား။

ဒီလိုပါပဲ။ ဒီလိုလေးနဲ့ပဲ လူတယောက် သေသွားရင် ဘာများ ဆက်ဖြစ်နိုင်သေးလို့လဲ.။ လင်းလင်းရေးတဲ့ လေးဖြူ သီချင်းလိုပဲ.။ အားလုံးဟာ ခဏလေးများပဲ ဖြစ်လိမ့်မယ်။ ကျွန်တော်တို့ဟာ အဲဒီလို ခဏလေးပေါင်း မြောက်များစွာကို ရင်းနှီးကျော်ဖြတ်ပြီး အသက်ရှင် ရပ်တည်နေကြတာပဲ မဟုတ်လား.။ အဲဒီ ခဏလေးပေါင်းမြောက်များစွားကို ကြီးကျယ်တယ်လို့ ထင်မိရင် တတိယမ္ပိ မိုက်မဲမှု ဖြစ်ဦးမှာပဲ။

ကာလတခု ကြာလာတဲ့ အခါ အတိတ်ဆိုတာမျိုးက ပြန်လည် တွေးတောလို့ ကောင်းတယ် ဆိုတာကိုတော့ သတိရမိတယ်။ အချိန်ကာလကို စီမံခန့်ခွဲရာမှာ ညံ့ဖျင်းတဲ့ အတွက် အနာဂတ်အကြောင်းကို ပြောရင် လူရယ်စရာ ဖြစ်လိမ့်မယ်။ ဒီတော့ ကျွန်တော် ခဏလေးတွေကို သည်းခံနေလိမ့်မယ်။ အဲသလို ပျော့ညံ့တဲ့ စိတ်ဓာတ်ရှိတဲ့ လူတယောက်ကို အခြားလူတယောက်က ကြည့်မရလို့ လာသတ်ရင်လည်း ကျေးဇူး တင်စွာနဲ့ လည်စင်း ပေးလိမ့်မယ်။ ဒါပေမယ့် ဘယ်လိုပဲ ဖြစ်ဖြစ် နောက်ဆုံးတော့ ဒီလမ်းပဲ သွားရမှာ မဟုတ်လား။ ကျွန်တော်က အကြိမ်ကြိမ် မိုက်မဲ ခဲ့တာ။ အတိတ်ကို ပြန်တွေးတိုင်း ဘာလို့ အဲဒီလို ဖြစ်ခဲ့ရသလဲ စဉ်းစားကြည့်မိတယ်။ အရင်က တယောက်ယောက် ပြောဖူးသလို လူဆိုတာ ကိုယ် မရွေးချယ်မိတဲ့ လမ်း အတွက် အမြဲတမ်း နောင်တ ရတတ်တယ် ဆိုသလိုမျိုးပဲ။ အဲသလို ပြောတိုင်း ပြန်ပြန် ပြောတတ်တဲ့ ကိုယ်ရွေးချယ်တဲ့ လမ်းကိုလည်း ဘယ်လိုပဲ ဖြစ်ဖြစ် ရင်စီးခံပြီး လျှောက်ရမယ် လို့ ပြောတာကိုလည်း သတိရပါတယ်။ သဘောလည်း ကျပါတယ်။ ဒါပေမယ့် ဒီရက်ပိုင်း ကျွန်တော် တည်ဆောက်ထားတဲ့ တန်ဖိုးတချို့ ပြိုကွဲ ကုန်ပြီ ထင်ပါရဲ့။ ဘယ်လို ပြန်အစရှာရမယ် မသိသေးဘူး.။ သတိတရ ရှိလွန်းမက ရှိလို့ ခုလို စာတို တစောင်ကို တောင်တောင် အီအီ ရေးလိုက်ပါတယ်။ ဒီစာကို ဖတ်ပြီး ကသိကအောက် ဖြစ်ရတယ် ဆိုရင် ကျွန်တော့် ညံ့ဖျင်းမှု ပိုပေါ်လွင်လာလိမ့်မယ် ထင်တယ်။း)

တေဇာအောင်
(21.09.2010)

ဆင်တူ အိပ်မက်

2010-09-19T12:48:00.001-07:00

ကိုယ်က ဘဝကို
ဖြေးဖြေး မောင်းချင်တယ်
နှလုံးသားကို မောင်းလိုက်တိုင်း
အိပ်မက်တွေက အသံ မငြိမ်ဘူး.......
ဒီတော့ ကိုယ် ဘာဆက်လုပ်ရမလဲ ဝေ....

ကိုယ်က နှလုံးသားရဲ့
အလယ် တည့်တည့်မှာ
ဘဝကို ကျောက်ချ နေချင်တဲ့ သူ....
မင်း ယုံကြည်တဲ့ အိပ်မက်ကို မထုဆစ်နိုင်ဘူး.....

ကိုယ်တို့ ချစ်ခြင်းဟာ
အဖျင်းသက်သက် ဆိုရင်
ကိုယ် ဘာဆက်ပြောစရာ လိုသေးလို့လဲ ကွယ်....
အိပ်မက်ဟာ အိပ်မက် အတိုင်းပဲ ပေါ့....

မင်း ရင်ခုန်သံကို တစ်ချက် ကြားတိုင်း
ကိုယ့် အသက်ရှူသံ
ပြတ်ပြတ်ထင်ထင် ကြားတယ်....
ကိုယ် ညာလို့ ရတာတွေက
ကိုယ့် ဦးနှောက်ကို လှည့်စားရုံ သက်သက်ပဲ....

ဘဝကို ထုပ်ပိုး ထားသူရဲ့ အိပ်စက်ခြင်းမှာ...
စိတ်ကူးတွေ များသွားသလား.....
ချစ်ခြင်း သက်သက် အတွက်တော့
ညတာ မရှည်ပါရစေနဲ့...
နှလုံးသားဟာ တာရှည်ခံ မဟုတ်လုိ့ပါကွယ်....

ချစ်ခြင်းရဲ့ နှလုံးသား
ကိုယ်တို့ရဲ့ အပြုံးများဟာ တဒင်္ဂ မဟုတ်ဘူးကွဲ့...
ဘဝကို ရေးခြယ်ဖို့....
အချစ် ...... လာ...
ကိုယ်တို့ ခုန်ဆင်း လိုက်ကြစို့....
မေတ္တာတရားရဲ့ အနက်ရှိူင်းဆုံးဆီ..........။ ။

တေဇာအောင်
(20.8.2010)
02:15 am

ဆိုလိုရင်း

2010-09-19T11:16:00.001-07:00

အစကနေ စဖို့ စဉ်းစားတုန်းပဲ....

ခုတော့ ကျွန်တော်က ငွေစိန်လိုပဲ
ငွေစိန်ကိုတော့ သိရဲ့ ဟုတ်စ....
ငွေစိန်လို နေနေရင်းနဲ့
စိန်ကြောင်လို မတွေးတတ်တော့ ခက်နေတာပါပဲ...

အရင်ကတော့
ဘုန်းကြီးကျောင်းသား ပါပဲ
ခုတော့ ကြီးတော် နွား အငှားကျောင်းတယ် ပေါ့ဗျာ

မျောက်ပြ ဆန်တောင်းနေတဲ့ သူတွေ ကြားမှာမှ
ကျွန်တော်က ဆွမ်းခံရင်း ငှက်သင့်ခဲ့ရတာ...
(အဲ...အပေါစား ဒရာမာဇာတ်ကားလို့ မထင်နဲ့ ဗျ၊
တကယ် ရှိတယ်၊ ဖစ်ရှင် ရီရယ်လစ်ဇင် ပေါ့ဗျာ)

ရွှေပြည်ကြီးမှာ
ဒါမျိုး လွှတ် ခေတ်စားနေတာပဲ မဟုတ်လား...
ဆွေကြီး မျိုးကြီးကိုတော့ တခါတခါ တောင့်တမိသား
အားကိုးလွန်းရင်တော့လည်း ဘယ်ကောင်းနိုင်ပါတော့မလဲ....

ချဉ်ပေါင်ရွက် စားနေတဲ့ သူက
ချဉ်ပေါင်ရွက်ကို ဘယ်လွမ်းပါ့မလဲ..

ရာဇဝင်ထဲက မောင်မင်းကြီးသား တွေကသာ...

ခွေးဆိုတာမျိုးက အသားစားနေကျ သွားရင်
အရိုးဆိုတာ ဘယ်စားပါတော့မလဲ.
ဒီတော့ စကားပုံတွေ ပျက်ပြီပေါ့...မဟုတ်ဘူးလား....

ကျွန်တော့် အတွက်တော့...
အေးအေးဆေးဆေးပါပဲ...
အားလုံးကောင်းပါသည် ခင်ဗျားပေါ့....။ ။

တေဇာအောင်
(20.8.2010)

နေရာလွတ်တွေ အများကြီး

2010-09-19T10:46:00.001-07:00

ကျွန်တော်တို့က

ကဗျာကို သီချင်းတစ်ပုဒ်လို နားထောင်ချင်တယ်...

အစမှာပဲ

ကျွန်တော် အသုံးမကျကြောင်း ပါလာတော့တာပဲ

ခေတ်ကြီးကို အပြစ်တင်တော့

ခေတ်ကြီးက ကျွန်တောိ့ကို ပြန်ဆဲတယ်...

ခေါင်းကို ကုတ်လိုက်တိုင်း

နားမလည်ခြင်းက အထွေးလိုက် ပါလာတော့တာပဲ

အနုပညာ ကိုယ်ခံအား နည်းခြင်းက

ခေတ်ပြိုင်/ ခေတ်ပေါ်ကဗျာနဲ့ ကျွန်တော့်ကို အစိမ်းလိုက် ရှင်ခွဲ ခွဲနေတာ....

ကျွန်တော်မှ LP ကဗျာကို မသိတာ

ကျွန်တော် မသိတာကြီးနဲ့ Performance Art ကို လက်ခုပ်တီးရင်

ကျွန်တော် နားမလည်တာကြီးနဲ့ အတိုက်အခံကို မျက်စိမှိတ်ပြနေရင်

ကျွန်တော့်ကြောင့် သိက္ခာ ကျကုန်တော့မှာပေါ့

(အစကရော...သိက္ခာ ရှိကြရဲ့လား)

အစက စရင်

လိုရင်းကို ရောက်မှာ မဟုတ်တော့ဘူး

ဆင်ပေါ်က လူဆိုတာ

ခွေးရုးကိုက်မှာ မကြောက်ဘူး လို့ ပြောလို့ ကောင်း တာပေါ့....

(ထပ်သုံးရရင်)

ဆင်ပေါ်ဆိုရင်တော့ ကောင်းတာပေါ့...

နွားချေးပုံထဲ မဟုတ်ရင် ပြီးတာပါပဲ

တစ်ခု ရှိတာက

လောကကြီးထဲမှာ

ကိုယ်တစ်ယောက်တည်း မဟုတ်ဘူး ဆိုတာ သတိလေးရရုံလေး ပါပဲ...

ဖိုင်းမင်း စကားနဲ့ ပြောရရင်

အောက်မှာ နေရာလွတ်တွေ အများကြီး ရှိသေးတယ် ဆိုတာ မေ့မထားကြပါနဲ့...။ ။

တေဇာအောင်

(19.8.2010)

12:15 AM (20.8.2010)

ငြိမ်းသက်သက်စိုး ဖတ်ဖို့ အဝေးကွင်းက ဇာတ်ကောင်

2010-09-12T21:37:00.001-07:00

ဘယ်လောက်အထိ စိုးမိုး သလဲဆိုရင် ကျွန်ုပ် ကိုယ်တိုင် ပီလွန်၏ စရိုက်ကိုယူပြီး ဇာတ်လိုက်၏ နေရာတွင် ကိုယ့်ကိုယ်ကို ထား၍ ၀တ္ထု တစ်ပုဒ်ပင် ရေးဖွဲ့မိခဲ့သေးကြောင်း ကျွန်ုပ် ၀န်ခံရန် အသင့်ရှိပေသည်။ ယင်းဝတ္ထု၏ ၀တ္ထု ခေါင်းစဉ်မှာ မိမိများစွာကို မိမိများစွာက ချောင်းကြည့်ခြင်း ဟူ၍ ဖြစ်ပါသည်။ ထိုဝတ္ထုကို ဝေဖန်သူ မိတ်ဆွေ တစ်ဦးက လက်ရှိ ၀တ္ထုခေါင်း စဉ်ထက် မိမိများစွာကို မိမိများစွာက ချောင်းရိုက်ခြင်း ဟု ပြောင်းသင့်ကြောင်း ဝေဖန်ဖူးသည်ကို ကျွန်ုပ် မှတ်မိနေသေး၏။ ဝေဖန်သူ က ထိုဝတ္ထုထဲမှဇာတ်ကောင် သည် ချောင်းကြည့်ရုံနှင့် မလုံလောက်၊ ချောင်းရိုက်ပစ် မှတော်ကာကျမည်ဟု ဆို သောအခါ ကျွန်ုပ်မှာ ဂျွန် စတိန်းဘက်၏ ဇာတ်ကောင် များကို ထိရကိုင်ရမှာပင် သွေးဖျားနေမိတော့သည်။ ကျွန်ုပ်ကိုယ်တိုင်ကလည်း ထိတ်လန့်သည်ဖြစ်၍ ကျွန်ုပ် ရေးသော ၀တ္ထုများတွင် ဂျွန်စတိန်းဘက်၏ဇာတ်ကောင် များကို ၀င်ပါပေးဖို့ မတောင်း ဆိုရဲတော့။ သို့သော် ဂျွန် စတိန်းဘက်၏ ဇာတ်ကောင် များသည် အုတ်ကြားမြက် များဖြစ်သည့် အားလျော်စွာ၊ သူတို့ကို ဖန်တီးသော စာရေး ဆရာကို အာခံချင်သူများပင် ဖြစ်သည်။ သူတို့က ကျွန်ုပ် ရေးသော ၀တ္ထုတွေမှာ ၀င်ပြီး လူတွင်ကျယ် လုပ်ချင်ကြသူ တွေဖြစ်သည်။ ထိုအချက်ကို ကျွန်ုပ်က ကောင်းစွာ ရိပ်စား မိပြီး ဖြစ်သည်။
ယခု ကျွန်ုပ်ဝတ္ထုထဲ တွင်ဝင်၍ လူတွင်ကျယ် လုပ်လိုသော ဇာတ်ကောင်များမှာ စာရေးသူ ဂျွန်စတိန်းဘက်က ဟစ်တလာ၏စစ်တပ်တွင် နေရာချရေးဖွဲ့ခြင်းခံရသော၊ ဇာတ်ကောင် ဂျာမန်စစ်သား များပင်ဖြစ်သည်။ ထိုဂျာမန် စစ်သားဇာတ်ကောင်များ အားလုံးကလည်း လက်စွမ်း ထက်လှသော ဂျွန်စတိန်း ဘက်၏ ကလောင်ဖျားတွင် ခုန်ပေါက်နေကြသူများဖြစ် သည်။ မြန်မာဝတ္ထုတို လောကအတွင်းသို့ နယ် ကျော်ကာ ၀င်ရောက်ခုန် ပေါက်လိုသူ ဂျာမန်စစ်သား ဇာတ်ကောင်များမှာ...
၁။ လက်ဖတင်နင်
ပရက်ကယ်
၂။ မေဂျာဟန်းတား
၃။ ကပ္ပတိန်ဘင်တစ်
၎။ လက်ဖတင်နင်
တွန်ကာ
၅။ ကပ္ပတိန်စောဘရန် ငြိမ်းတို့ ဖြစ်သည်။
ထို့ကြောင့် ဂျွန်စတိန်း ဘက်၏ “၀တ္ထုစစ်ဗိုလ်”နှင့် “၀တ္ထုစစ်သား” များသည် မြန်မာဝတ္ထုဆရာ ကျွန်ုပ်၏ “ကိုင်း...၀တ္ထုစပြီ”ဟူသော အချက်ပေး သေနတ်သံနှင့် အတူ...။
ဆ

၂။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယားမိုးတိမ်များသည် “လက် ဖတင်နင်ပရက်ကယ်” ဖြစ် သည်။ ငြိမ်းသက်သက်စိုး။
လက်ဖတင်နင် ပရက်ကယ်
သူသည် သူ့ကောင်မလေး၏ ဆံခွေလေး တစ်ခွေ ကို ခရမ်းရောင် ဖဲစကလေး နှင့်ထုပ်ပြီး သူ၏ နာရီနောက်တွင် ထည့်၍ သိမ်းထား၏။ ထိုကောင်မလေး၏ ဆံခွေက နာရီချိန်သီးကို သွား၍ ကပ် ကပ်နေတတ်သည်။ ထိုအခါ နာရီကလည်း ရပ်တော့၏။ ဆံခွေလေးနှင့် နာရီချိန်သီး ပြန်၍ ခွာလိုက်သော အခါ နာရီ က ပြန်သွားသည်။ ထို့ကြောင့် သူ့နာရီက ဘယ်တော့မှ အချိန်မမှန်။ သို့သော် သူကအချိန်ရတိုင်း မေဂျာ ဟန်းတား၏ ခယ်မအကြောင်း အမြဲ စိတ်ကူးယဉ်လေ့ ရှိသည်။ သူ့တွင်ရှိသော ဆံခွေလေးမှာ လည်း ထိုကောင်မလေး၏ ဆံခွေပင်ဖြစ်သည်။ ဆံခွေပိုင် ရှင်မေဂျာဟန်းတား၏ ခယ်မ မှာ ဆူဆူဖြိုးဖြိုး လှပသူဖြစ်၍ ကောင်မလေးသည် မိမိခေါင်း ကိုသာလက်ဖြင့် ပွတ်သပ်နေ တတ်သူမျိုးကို လုံးလုံးသဘော မကျ။ သို့သော် လက်ဖတင် နင်ပရက်ကယ်၏ နာရီမှာလည်း ကောင်မလေး၏ ဆံခွေ နှင့် အမြဲလိုလိုကပ်လိုက်ခွာ လိုက်ရှိနေသည်။
နောက်ဆုံးတော့ လက်ဖတင်နင် ပရက်ကယ်သည် အချိန်အမှန်ကိုသိရန် အတွက် ခါးပိုက်ဆောင် နာရီတစ်လုံး အပိုဆောင်ထားလိုက်ရတော့၏။
ထို့ကြောင့် လက်ဖတင် နင်ပရက်ကယ်မှာ ပေါ့သေး သေးလူမဟုတ်တော့။ “နာရီ နှစ်လုံးနှင့်လူ...” ဖြစ်သွား တော့၏။

၃။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယား မိုးတိမ်များသည် “မေဂျာဟန်းတား” ဖြစ်သည်။ ငြိမ်းသက်သက်စိုး။
မေဂျာဟန်းတား
သူသည် အစဉ်အမြဲ ကိန်းဂဏန်းများကို တွက်ဆ တွေးတော နေကာ “ဂဏန်း တစ္ဆေ” အခြောက်ခံနေ ရသူ ဖြစ်သည်။ သူက လူကို လူ ဟု မမြင်ဘဲ၊ ကိန်းဂဏန်းများ အဖြစ် အစဉ်မြင်၍ အပေါင်း အနုတ် အမြှောက် အစားတို့ ဖြင့်သာ တွက်ချက်သည်။ သို့သော် မေဂျာဟန်းတား သည် အဆင်မြင့် သင်္ချာပညာရှင် အဆင့်မျိုးကား လုံးဝမဟုတ်။ သူသည် ဂဏန်းသမား အဆင့် မျှသာ။ ယင်းအပြင် အဆင့် မြင့်မားသော သချာင်္ပညာ၏ နက်နဲ ခက်ခဲမှုကို သူမသိ။ စိတ်လည်း မ၀င်စား။ ကဗျာ ကိုလည်း မခံစားတတ်။ လျှို့ဝှက်သော “ဟာသပုန်း” များကိုလည်း ရှာဖွေ၍ ရယ် နိုင်စွမ်း ရှိသူမျိုး မဟုတ်။ ဟာသပုန်းအတန်း မ၀င်သော ပြက်လုံးချော များကိုသာ ရယ်တတ်သူ ဖြစ်သည်။ အောက် ပိုင်းပြက်လုံးများကိုမူ ဣနြေ္ဒ ပျက်လောက်အောင် ရယ်မော တတ်သူဖြစ်သည်။
သူက လူတစ်ဦးနှင့် တစ်ဦး အလုံးအရပ် အသွေး အရောင်မတူဘဲ ခြားနားနေ သည့်အဖြစ်ကိုပင် (၆) ဂဏန်း နှင့် (၈) ဂဏန်းတို့ ခြားနား သလောက်သာ သဘောထား နိုင်သူဖြစ်သည်။
မေဂျာဟန်းတား ဂဏန်းတစ္ဆေ အခြောက်ခံနေ ရပုံမှာ အဲသလောက်ထိပင် ဖြစ်သည်။

၎။
ကျွန်ုပ်၏ ဆေးတံ ကောက်ကလေးမှ ဗာဂျီးနီးယား မိုးတိမ်များသည် “ကပ္ပ တိန်ဘင်တစ်” ဖြစ်သည်။ ငြိမ်းသက်သက်စိုး။
ကပ္ပတိန်ဘင်တစ်
ကပ္ပတိန် ဘင်တစ်မှာ ခွေးများကို အလွန်ချစ်တတ် သူဖြစ်သည်။ ခွေးများကဲ့သို့ပင် ကလေးများကိုလည်း ကပ္ပတိန်ဘင်တစ်က အလွန်ပင် ချစ်တတ်၏။ ထို့အပြင် ငြိမ်းသက်သက်စိုးတို့ ကဲ့သို့ ခရစ္စမတ် ပွဲတော်ကိုလည်း သူက ချစ်တတ်သေးသည်။ သို့ သော် ငြိမ်းသက်သက်စိုး၏ ချစ်သူကောင်ကြီးမျိုး ကိုတော့ ဘင်တစ်က မကြိုက်တတ်။ သူက ဗြိတိသျှနိုင်ငံမှ လူကြီး လူကောင်းဆိုသူများကိုအလွန် သဘောကျသည်။ ထို့ကြောင့် သရီးကွာတားဘောင်းဘီမျိုး မ၀တ်ဘဲ၊ လူကြီးလူကောင်း ဆန်သော အ၀တ်အစားမျိုးကို သာ သူဝတ်၏။ “သဘာပတိ ကြီး ကြွလာပါပြီ” ဆိုသည့် အသံအပြီးမှာ မတ်တတ်ရပ် ပြရသော အခမ်းအနားမျိုးကို သူက အလွန်တက်ချင်သည်။ ယင်းအပြင် ကပ္ပတိန်ဘင်တစ် သည် မြို့တော် လန်ဒန်မှ ပေး ပို့လိုက်သော ဆေးနှင့် အင်္ဂလိပ် ဆေးတံကိုသာ သောက်လေ့ရှိသည်။ သူ့တွင် အိုးပိုင် အိမ်ပိုင် မရှိသေးသော်လည်း ဥယျာဉ် အလှစိုက်ပျိုးနည်းနှင့် ပတ်သက် သော အင်္ဂလန်နိုင်ငံက မဂ္ဂဇင်း မျိုးစုံကို လပေးမှာ၍ သူဖတ်ရှုသည်။ မိတ်ဆွေ အပေါင်း အသင်းများနှင့် ဆိုလျှင် ကမ္ဘာပေါ်ရှိ တောလိုက်ခွေး ဟူသမျှ၊ အင်္ဂလိပ်တောလိုက် ခွေးများ ၏ အရည်အသွေးကို မမီကြောင်း ငြင်းခုံ ဆွေးနွေးရန် သူကအမြဲ အသင့်အနေအထားမှာ ရှိနေ တတ်သည်။ ဘက်ကင်ဟန် နန်းတော်၏ နေရာမှာ ကမ္ဘာ့ ယဉ်ကျေးမှု၏ ဗဟိုချက်နေရာ ဖြစ်ကြောင်း သူက အမြဲကြော်ငြာ ၀င်လေ့ရှိသည်။ ဟန်ဂေရီ နိုင်ငံ ဘူတာပတ်မြို့တော်နှင့် ပြင်သစ်နိုင်ငံ ပါရီမြို့တော် စသော တိုင်းတစ်ပါး မြို့ကြီး များသို့ ရောက်စဉ်သူ့ကို “အင်္ဂလိပ် လူမျိုးတစ်ယောက်” ဟု မှားယွင်း ထင်မှတ်ကြ သောအခါ၌ သူအလွန်ပီတိ ဖြစ်နေတတ်သည်။
ခက်သည်မှာ...
သူ့ကို အင်္ဂလိပ်နှင့် မမှား လျှင်...
သူက မကျေနပ်...။
ဆ

၅။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယားမိုးတိမ်များသည် “ကပ္ပ တိန်လော့”ဖြစ်သည်... ငြိမ်း သက်သက်စိုး...။
ကပ္ပတိန်လော့
သူကား နှယ်နှယ်ရရ မဟုတ်။ စိတ်ကူးရသမျှ သော ကပ္ပတိန်တို့၏ အရည် အချင်းနှင့် လုံးဝ(လုံးဝ) ပြည့် စုံအောင် နေထိုင်သူဖြစ်သည်။ ဘယ်လောက်တိကျတာ ကြိုက်သလဲဆိုရင် ဖိနပ်ခွာသံ စည်းချက်တစ်ချက်မှားလျှင်ပင် မိမိခြေထောက်ကိုပင် မိမိခွင့် မလွှတ်ဘဲ ချက်ချင်း နောက် တစ်လှမ်းပြန်ဆုတ်ပြီးမှ ရှေ့ ကိုဆက်၍ ချီတက်လေ့ရှိသူ ဖြစ်သည်။ ကပ္ပတိန်လော့ သည် မိမိ၏စစ်သားဘ၀ကို အလွန်ပင်တန်ဖိုးထားသူဖြစ် သည်။ ထာဝရဘုရားသခင် ကိုပင် လေးစားဦးညွှတ်ထိုက် သော အငြိမ်းစားယူထား သည့် စစ်ဗိုလ်ချုပ်ကြီးအဖြစ် မှတ်ထင် ယူဆထားသူဖြစ် သည်။ ထို့အပြင် အငြိမ်းစား စစ်ဗိုလ်ချုပ် ဘုရားသခင်သည် မော်ကွန်းထိုးရသည့် မဟာ စစ်ပွဲကြီးများ အတွင်း ကျဆုံးသော သူရဲကောင်းတို့၏ ဂူသင်္ချိုင်းများသို့ တစ်နှစ်လျှင် လေးငါးခြောက်ကြိမ်သွား၍ ပန်းခွေများချလေ့ရှိသည်ဟု သူက အမြဲတွေးထင်ကြည့်နေ တတ်သည်။

၆။
ကျွန်ုပ်၏ ဆေးတံ ကောက်ကလေးမှ ဗာဂျီးနီးယား မိုးတိမ်များသည် “လူကြိုက် နည်းသော ကပ္ပတိန် စောဘ ရန်ငြိမ်း” ဖြစ်သည်။ မိငြိမ်း သက်သက်စိုး...။
ကပ္ပတိန် စောဘရန် ငြိမ်း

သူကား လူကြိုက်နည်း သော်လည်း ရှားပါးလှစွာ သော “စစ်သား ကဗျာဆရာ” တစ်ဦးပင်ဖြစ်သည်။
သူသည် မဟူရာသွေး များသည့် မိန်းမပျိုကလေး အကြောင်းကို စိတ်ကူးယဉ်ကာ၊ ကာရန်မဲ့ ကဗျာများကို ညဥ့်နက်သန်းခေါင်မှာ တစ်ကိုယ်တည်း ရွတ်ဆိုနေတတ်သူ ဖြစ်သည်။ သူစိတ်ကူးယဉ်စွာ တမ်းတပုံ ကဖြင့် အတော် ထူးခြားသည်ဟု ဆိုရမည်ထင်သည်။ သူသည် မိမိအပါး၌ ချစ်သူ ကောင်မလေး အယောက် ငါးဆယ်လောက်က ငိုကြွေးနေ ကြပြီး၊ ခေါင်းဆောင် အဒေါ့ဖ် ဟစ်တလာက ရဲရင့်သော်လည်း၊ ကြေကွဲသော မျက်နှာ နှင့် ယူကျုံးမရ နှမြောတသစွာ ကြည့်နေခိုက် စစ်တလင်းတွင် မိမိ ကွယ်လွန်ကျဆုံး ရမည့် အဖြစ်ကို ထူးဆန်းစွာ အမြဲ တမ်းတနေတတ်သူ ဖြစ်၏။ ခေါင်းဆောင်ကြီး စုတ်တသပ်သပ်နှင့် ရင်ထုမနာ ဖြစ်နေပုံကိုလည်း သူက အမြဲပင် မြင်ယောင်ကြည့်နေမိ တတ်သည်။ သူက စစ်သား ကဗျာဆရာဖြစ်၍ ဒါလောက်နဲ့တင် အားမရ သေးဘဲ မိမိ၏ စစ်မြေပြင် ဈာပန၌ စစ်လက်နက် အကျိုးအပျက် များပေါ်သို့ ၀င်လုဆဲ နေရောင် ကျရောက်ကာ အလွမ်းရောင် စဉ်နှင့် ကြေကွဲဖွယ်ရောင်စဉ် များ တလက်လက်တောက်ပ နေစဉ် မိမိ၏ရဲဘော်များအားလုံး ဦးခေါင်းများ ငိုက်စိုက်ကျလျက် မျက်ရည်များ တဒီးဒီးအော်မြည် စီးကျနေပုံကိုလည်း သူက အမြဲပင် မြင်ကြည့်နေတတ် သည်။ ယင်းအပြင် စစ်သား ကဗျာဆရာဖြစ်၍ ဂီတနှင့်လည်း လွန်မင်းစွာ နီးကပ်သောကြောင့်၊ မိမိ စစ်မြေပြင်၌ ကွယ်လွန် ကျဆုံးချိန်၊ ဂျာမန် လူမျိုး ကမ္ဘာကျော် ဂီတပညာ ရှင်ကြီး “ရစ်ချက်ဝက်ဂနာ” ကိုယ်တိုင် သူ၏ မရဏ တေးဂီတ ဖြင့် လွမ်းကျန်သူ ရဲဘော် အားလုံး၏ နှလုံးသားကိုဂီတ လက်အေးကြီးက ဆုပ်နယ်ခြေ မွနေမည်ဟု သူက ယုံကြည် ထားသည်။

စစ်သား ကဗျာဆရာမှာ သေသွားတာ ကိုပင် သူ့ကိစ္စကို အဆုံးမသတ်ချင်သေးပေ။ ယင်းသို့ အင်မတန် ကြေကွဲ ဖွယ်ကောင်းလှသော စစ်မြေပြင် ဈာပနအပြီးတွင် ဂျာမန်ဒဏ္ဍာရီ ပုံပြင်လာ “အိုဒင်နတ်ဘုရား ကြီး”၏ ရင်သား ဖွံ့ထွားလှသော သမီးတော် “၀ါလုရီနတ်မယ် လေးများ”က စစ်မြေတလင်း ၌ နိုင်ငံတော် အတွက် ကျဆုံးသော သူရဲကောင်း၏ ၀ိညာဉ် ကို အမြင့်ဆုံး နတ်ဘုံသို့ ၀ိုင်း ၀န်းပွေ့ ချီဆောင်ကြဉ်းသွား သကဲ့သို့ သူ့ကိုလည်း ဆောင်ကြဉ်း သွားကြလိမ့်မည်ဟု သေလွန် ပြီးနောက်အထိပင် သူက စိတ်ကူးယဉ်ထားပြီးသား ဖြစ်သည်။
ထို့အပြင် အခုလော လောဆယ်မှာတော့ သူသည် စစ်မြေတလင်း၌ မိမိကွယ်လွန် ခါနီးအချိန်တွင် ပြောကြား သွားမည့် “မှာတမ်း” စကား ကိုလည်း ခပ်မိုက်မိုက်စကား လုံးတွေနဲ့ချည်း ဖြစ်အောင် စကားလုံး အကောင်းစားများ ကို ယခု စဉ်းစားနေပြီ ဖြစ်သည်။
သို့သော် သူနေကောင်း၊ ကျန်းမာနေဆဲဖြစ်သည်။
ဆ

၇။
ကောင်းမွန်စွာ နေထိုင် ခြင်းကို ဂျာမန်တို့က “ထာဝရ ဘုရားသဖွယ်”ဟုသုံး၍ရုရှား တို့ကမူ “ထောပတ်ထဲက ဒိန်ခဲ” ဟု သုံးနှုန်းကြသည်။
ဆ
ပန်းပွင့်များ နေထိုင်ပွင့် ဖူးရာ တောင်ပေါ်မြို့ တူရကီ ကန်ကြီးဆီမှ လေပြည် အချို့ အ၀က် အောင်ပင်လယ်ကန် ဟောင်းကြီးအတွင်းက နေကြာ ပန်းခင်းများ ပေါ်သို့ လျှံ၍ လျှော့ ကျလာသော အခါ ကျွန်ုပ်၏ ဆေးတံကောက် ကလေးမှ ဗာ ဂျီးနီးယား မိုးတိမ်များသည် ငြိမ်းသက်သက်စိုးပင် ဖြစ်သွား တော့၏။

အဲဒါပါပဲ ငြိမ်းသက်သက်စိုးရေ...
နင်ဖတ်နေတဲ့ ငါ့ဘ၀ ကလည်း ဂျွန်စတိန်းဘက်ရဲ့ ဇာတ်ကောင်တွေနဲ့ ပူးတုံခွာတုံ ဖြစ်နေတာကိုလည်း နင် ဖတ်ရမှာပါ။ အစက ဂျွန်စ တိန်းဘက်ထဲကို ထဲထဲဝင်ဝင် ကြီး သိပ်မရှိခင် တုန်းလောက် ကတော့ ငါ့ကိုယ်ငါ “ပီလွန် တစ်ပိုင်း ငါတစ်ပိုင်း” လို့ တောင် ငါထင်ခဲ့တာလေ။ ဘယ်ဟုတ်မလဲကွာ။ ဂျွန်စ တိန်းဘက်ရဲ့ ရဲတိုက်ကြီးထဲ ၀င်သွားမိမှ အထဲမှာ ငါ့လို ကောင်တွေအများကြီး မွေးမြူရေး လုပ်ထားတာကို ငါ တွေ့လိုက်ရတာပါ။

ကဲ... ငါ့လိုကောင်တွေ ထဲက တစ်ယောက်ဖြစ်တဲ့ လက်ဖတင်နင်ပရက်ကယ် ကို အရင်ဆွဲထုတ်ကြည့်ရ အောင် ငြိမ်းသက်သက်စိုး။

သူက သူ့ကောင်မလေး ရဲ့ ဆံခွေလေးကို ခရမ်းရောင် ဖဲစလေးနဲ့ထုပ်ပြီး၊ သူ့နာရီ အိုးထဲမှာ ထည့်သိမ်းထားတာ တဲ့။ ငါကတော့ ငါ့နာရီထဲ မှာ နင်ကိုယ်တိုင် နှုတ်ခမ်းနီနဲ့ နှုတ်ခမ်းကို ကပ်ခွာလုပ် ပုံဖော် ထားတဲ့ နင့်နှုတ်ခမ်း ပုံလေးကို ထည့်ထားတာ။ နာရီထဲထည့် ကြတဲ့ပစ္စည်းက အမျိုးအစား ချင်းကွာပေတ၊ဲ့ နာရီအချိန် မမှန်တာကျတော့ ငါနဲ့ပရက် ကယ်အတူတူပဲ။ ဒါပေမယ့် အချိန်ကို တိတိကျကျသိချင် တဲ့ ဂျာမန်စစ်သားကြီးကတော့ နောက်ထပ်နာရီတစ်လုံး အပို ဆောင်ပြီး နာရီနှစ်လုံးကိုင်ပေ မယ့် ငါက ကဗျာဆရာဆိုတော့ အချိန်မှန်ဖို့ မမှန်ဖို့ဆိုတာ မလို အပ်ဘူးလေ။ ငါကနာရီလည်း တစ်လုံးတည်း၊ ချစ်သူလည်း တစ်ယောက်တည်း၊ ပြီးတော့ လက်ဖတင်နင်ပရက်ကယ်လို မေဂျာဟန်းတားရဲ့ခယ်မကို လည်း ငါစိတ်မ၀င်စားပါဘူး ဟာ...။

အဲ... မေဂျာဟန်းတား ဆိုလို့၊ ဟန်းတားနဲ့ငါက တစ္ဆေအခြောက်ခံရပုံ ချင်းတော့ ခပ်ဆင်ဆင်ရယ်။ တစ္ဆေအမျိုး အစားတော့ ကွဲတာပေါ့နော်။ ဟန်းတားကိုခြောက်တာဂဏန်း တစ္ဆေ။ ငါ့ကို ခြောက်နေတာ က အနုပညာတစ္ဆေ။ သူနဲ့ငါ တူတဲ့အချက်ဆိုလို့ သချာင်္ညံ့ တာချင်းတူတဲ့ အချက်ပဲရှိတာ။

ကပ္ပတိန်ဘင်တစ်နဲ့ကျ တော့ ငါက ပူးတုံခွာတုံတွေ အတော်များသား။ သူက ခွေး နဲ့ကလေးတွေချစ်တယ်။ ငါ က ခွေးမချစ်၊ ကလေးပဲချစ် တတ်တာ။ အဲ ခရစ္စမတ်ပွဲ တော်ကျတော့ သူနဲ့ငါအကြိုက် ချင်း ပြန်ညီသွားပြန်ရော။ဒါပေမယ့် အ၀တ်အစားကျတော့ သေလုအောင်ကို ကွဲကြတာ။ သူက အင်္ဂလိပ်လူမျိုးတွေရဲ့ ဂျင်းတဲလ်မင်းစတိုင်လ်အားကျ ပြီး၊ ငါကတော့ နေရာတကာ မှာ အ၀တ်အစားမချွတ်ဘဲ လှဲ အိပ်လို့ရတဲ့ ဘိုဟီးမီးယန်း စတိုင်လ်ပဲကြိုက်တယ်။ သူက အင်္ဂလိပ်တောလိုက်ခွေးတွေ အရည်အသွေးကောင်းကြောင်း ငြင်းခုန်ဖို့ အချက်အလက်တွေ လိုက်စုဆောင်းနေပေမယ့် ငါ ကတော့ ကမ္ဘာပေါ်က ဘယ် တောလိုက်ခွေးမှ စိတ်မ၀င်စား ဘူး။ ကမ္ဘာ့ယဉ်ကျေးမှုရဲ့ဗဟို ချက်ကို ငါက ပါရီကရိုတွန်း ကဖီးမှာ ထားချင်ပေမယ့် သူ က အဲဒါကို ဘက်ကင်ဟန် နန်းတော်ကို ရွှေ့ချင်နေတာ။ ပြီးတော့ ကပ္ပတိန်ဘင်တစ် က သူ့ကို အင်္ဂလိပ်နဲ့မမှားရင် မကျေနပ်ဘူး။

ငါကတော့ ငါ့ကို ခွေး နဲ့မှားရင် မကျေနပ်ဘူး။

ပြောရဦးမယ်။ နာဇီစစ် တပ်မှာ ကပ္ပတိန်လော့က နှယ်နှယ်ရရမဟုတ်ဘူး။ စိတ် ကူးလို့ရသမျှသော ကပ္ပတိန် တို့ရဲ့ အရည်အချင်းနဲ့ လုံးဝ (လုံးဝ)ပြည့်စုံအောင် နေထိုင် သူဖြစ်တယ်။ ငါကလည်း နှယ်နှယ်ရရမဟုတ်ဘူး။ စိတ် ကူးလို့ ရသမျှသော ကဗျာ ဆရာတို့ရဲ့ အရည်အချင်းနဲ့ လုံးဝ (လုံးဝ) ပြည့်စုံခိုင်ခံ့ အောင် နေထိုင်သူဖြစ်တယ်။ သူက ထာဝရဘုရားသခင်ကို တောင် လေးစားဦးညွှတ် ထိုက်ပြီး အငြိမ်းစားယူထား တဲ့ စစ်ဗိုလ်ချုပ်ကြီးအဖြစ် ထင်မှတ်နေသလို ငါက လည်း ထာဝရဘုရားသခင် ကို လေးစားကိုးကွယ်ထိုက် တဲ့ ဘယ်တော့မှ အငြိမ်းစား မယူတဲ့ ကဗျာဆရာဘုရား သခင်အဖြစ် ထင်မှတ်နေသူ။ ဒါပေမယ့်ပေါ့နော် <ကားတာ တော့မဟုတ်ဘူး။ ငါတို့ နှစ် ယောက်လုံး နှယ်နှယ်ရရတွေ မဟုတ်တာတော့ သေချာ တယ်လို့ ငါထင်တာပဲ။

ကိုင်း ငြိမ်းသက်သက် စိုးရေ ၀တ္ထုထဲက နောက်ဆုံး ဇာတ်ကောင်ကြီးဖြစ်တဲ့ ဂျာမန်ကပ္ပတိန်ကြီး စောဘရန်ငြိမ်းကို အနီးကြည့် ကြည့်ကြည့်ရအောင်။

ဒီငနဲကြီးကို အနီးကြည့် ကြည့်ကြည့်ရင် သူဟာ သက်သက်မဲ့ ငါ့ကိုလိုက် အတုခိုးနေတဲ့ ငနဲကြီးမှန်း သိသာတယ်ဟ။ လောဘက လည်း အလွန်အမင်း ကြီးတယ်။ အပြင်မှာ ငါရချင်တဲ့ လောဘတွေဟာ ၀တ္ထုထဲမှာ သူရချင်တဲ့ လောဘဖြစ်ကုန်တယ်။ ဘ၀များ ကံမကောင်း ချင်တော့ လောဘတောင် အခိုးခံရတယ်နော်။ ခက်တယ်ကွာ၊ ငါ့ရဲ့လောဘကို ဂျွန်စတိန်းဘက် ဘယ်လိုလုပ် သိသွားသလဲ မသိဘူး။ နှုတ် ပိတ်ပြီး “ငါတွေးနေတဲ့ အသံ” ကို ဂျွန်စတိန်းဘက် တစ်ယောက် ဘယ်လို အနုပညာ “နား”နဲ့ ခိုးထောင်လိုက်ပါ သလဲ။ ငါမသိ။
ဒီကောင် ကပ္ပတိန်စော ဘရန်ငြိမ်းကြီးက သူစစ်မြေ ပြင်မှာ တိုက်ပွဲကျရင် သူ့ကို ၀ိုင်းချစ်ကြတဲ့ မော်ဒယ်လ်ဂဲလ် ချောချောလေးအယောက် ငါး ဆယ်လောက်ကလည်း ၀ိုင်းပြီး ငိုပေးစေချင်။ ခေါင်းဆောင် ကြီး ဟစ်တလာ ကိုယ်တိုင် လည်း ရှေ့တန်းလိုက်လာပြီး သူ့ရုပ်ကလာပ်ကြည့်ကာ၊ ကြေကြေကွဲကွဲ စုတ်တသပ် သပ်နဲ့ မျက်ရည်စမ်းစမ်း စမ်း စမ်းကလေးတွေ လာပြီးလုပ် ပေးစေချင်။ ကျန်ခဲ့တဲ့ရဲဘော် အားလုံးကလည်း သူ့ဘေးမှာ ထန်းပင်လည်ပြတ် အကုန်လုံး ဇက်ကျိုးကျနေစေချင်။ သူ့ ဈာပန ကိုလည်း ရာစုနှစ် တစ်ခုရဲ့ ဈာပနအဖြစ်၊ ဂျာမန် ဂီတပညာရှင်ကြီး ရစ်ချက် ၀ဂ္ဂနာကြီးကိုယ်တိုင်မကျန်းမာ တဲ့ကြားက စစ်မြေပြင်လိုက် လာပြီး မရဏတေးတစ်ပုဒ် ကိုလည်း ကြေကြေကွဲကွဲဖြစ် အောင် လာပြီးတီးပေးစေချင်။ ဒီအကောင် ကပ္ပတိန်စောဘ ရန်ငြိမ်းကြီး လောဘမသတ် နိုင်ပုံက ဂျာမန် ဒဏ္ဍာရီတွေ လည်း မနေရ။ သူမို့ချောင်ထဲ က ဆွဲထုတ်၊ မဖင့်မနွှဲ ဖုန် သုတ်သုံးတတ်တယ်။ အိုဒင် နတ်ဘုရားကြီးရဲ့ ရင်သားဖွံ့ ထွားတဲ့ သမီးတော် ၀ါလုရီ နတ်မယ်လေးတွေပဲ သူ့ရုပ် ကလာပ်ကို ပွေ့ပွေ့ပိုက်ပိုက် နဲ့ အမြင့်ဆုံးနတ်ဘုံကို ပို့ပေး စေချင်တာ။ သူက ဒဏ္ဍာရီ တောင် အညွန့်ခူးစားချင်တဲ့ အကောင်ကြီး။
ဒီလိုကောင်မျိုး သက် ဆိုးရှည်ရင်...
ဒဏ္ဍာရီတွေ အညွှန့်တုံး ဖို့ပဲရှိတယ်။

ကိုင်း...မငြိမ်းသက် သက်စိုးရေ...
ဒါတွေဟာ အောင်ပင် လယ်ကန်ဟောင်းကြီးထဲမှာ ဆေးတံကောက်ကလေး အဖော်ပြု၊ နေကြာပန်းတွေကို ငေးရင်း နင့်ကိုပြောပြခဲ့တဲ့ နိုင်ငံတကာ စာပေအမြည်း ပေါ့။
ဂျွန်စတိန်းဘက်ရဲ့ ဇာတ်ကောင်တွေချည့် ရွေး ပြောရတာက သူ့ဇာတ်ကောင် တော်တော်များများဟာ ငါ့ စရိုက်နဲ့ တူနေတာများတယ် လို့ ငါထင်လို့ပါ။ ငါ့ကိုယ်ငါ လည်း ဂျွန်စတိန်းဘက်ရဲ့ ဇာတ်ကောင်ခပ်များများကို ကိုယ်စားပြုနေသလို ဖြစ်နေမှန်း ငါသိတယ်။ ပြီးတော့ နင်နဲ့ငါက ချစ်သူဘ၀မှာပဲရှိ သေးတာလေ။ ဒီတော့ ငါနဲ့ ပတ်သက်ပြီး နင်မကြိုက်တာ တွေ ငါ့ဆီမှာရှိနေနိုင်တာပဲ။

ငါအခု ပြောခဲ့တဲ့ ဇာတ် ကောင်တွေအကြောင်း သေသေချာချာလေ့လာပြီး အဲဒီ ဇာတ်ကောင်တွေထဲက နင် မကြိုက်တဲ့ကာရိုက်တာမျိုးပါ ရင် အဲဒါဖယ်ထုတ်ပစ်လိုက်။ အဲသလို ဖယ်ထုတ်ခွင့်ကိစ္စကို အခုငါပြောတဲ့ ဇာတ်ကောင် တိုင်းအပေါ် နင်လုပ်ခွင့်ရှိပါ တယ်။ ဘယ်သူ့မှ အရေးစိုက် စရာမလိုဘူး။ နင်မကြိုက် တာမှန်သမျှ အကုန်သာ ဖယ် ထုတ်ပစ်လိုက်။ ကြိုက်တာ တွေချည်း ရွေးချန်ထား။ ပြီး တော့ ဘယ်အချက်အလက် ကိုဖြင့် ဖယ်တယ်။ ဘယ်ဟာ ကိုဖြင့် သုံးမယ်ဆိုတာ ငါ့ဆီ ပြတ်ပြတ်သားသားသာ အကြောင်းကြားလိုက်တော့။ ငါကလည်း နင်ဖယ်ဆိုတာ တွေ အကုန်လုံးဖယ်မယ်။ နင် ပယ်ဆိုတာတွေလည်း တစ်ခု မှမချန်ဘူး အကုန်လုံးပယ် မယ်။ အဲသလို ရှင်းပစ်ပြီးတဲ့ အခါ ငါကနင့်ရဲ့ “စင်းလုံး ချော ချစ်သူ” ဖြစ်သွားပြီ လေ။ အဲဒီလို ငါက စင်းလုံး ချောချစ်သူဖြစ်သွားတဲ့အချိန် နင်နဲ့ငါ အိမ်ထောင်တစ်ခု ထူ ထောင်ကြတာပေါ့။

ငြိမ်းသက်သက်စိုး ရေ...
နင်ဖယ်ရမယ့်စာရင်း ကို ငါအကြံပေးခွင့်ရှိရင် ဒီ လိုတော့အကြံပေးချင်တယ်။
ကောင်မလေးရဲ့ ဆံနွယ်လေး ထည့်ထားလို့ အချိန်မ မှန်တဲ့ နာရီဖယ်။ အောက်ပိုင်း ပြက်လုံးမျိုးသာ ရယ်တတ် တဲ့ ဂဏန်းတစ္ဆေကောင်ဖယ်။ အင်္ဂလိပ် တောလိုက်ခွေး အထင်ကြီးပြီး အင်္ဂလိပ်နဲ့ မမှားရင် မကျေနပ်သူဖယ်။ သူရဲကောင်းတို့သင်္ချိုင်း ဘုရား သခင်ပန်းခွေလာ ချတာဖယ်။ ဒဏ္ဍာရီထဲက ဟာမတွေ အပြင်တကယ်ထွက်လာနိုင် တာ မဟုတ်လို့ “၀ါလုရီ နတ်မယ်လေးတွေ”ဖယ်။ ကောင်းမွန်စွာ နေထိုင်ခြင်းဆိုတဲ့ “ထောပတ်ထဲက ဒိန်ခဲ” ကိုတော့ (ငါမှာ သွေးတိုးရှိ တဲ့အတွက်) ဖယ်။

ငြိမ်းသက်သက်စိုးရေ နင့်ကိုပြောရတာ နည်းနည်း တော့ “ခွ”ကျမယ် ထင်တယ်။ မေဂျာဟန်းတားရဲ့ ခယ်မ လေးကိုတော့ မဖယ်လိုက်ပါ နဲ့ဟာ၊ နော်...။
မိန်းကလေးဆိုတော့ အားနာစရာကြီး။

ကိုငြိမ်း(မန္တလေး)
ရွှေအမြူတေ မဂ္ဂဇင်း ဧပြီလ၊ ၂၀၁၀ ပါ စာစုအား ပြန်လည် စုစည်း ထားခြင်း ဖြစ်။

တေဇာအောင်
(13.09.2010)

အစိတ်အပိုင်းလေး တစ်ခု

2010-09-08T21:08:00.000-07:00

ညဟာ...
ကျွန်တော့်ဆီ တိုးဝင်လာခဲ့သည့်တိုင်
အမှောင်ထုဟာ လျှပ်ပေါ်လော်လီ
ကပိုကရိုနဲ့ လူကို သက်သက် လှည့်စားရက်တယ်...

ကျွန်တော် ထိုင်နေတာက
ကောင်းကင်ကြီးရဲ့ အောက်ဘက်
မိုင်ပေါင်းများစွာ မြင်ကွင်းတဆုံးမှာ
အပြုံးက နူးညံ့မှုကင်းစွာ
မမြင်ရတဲ့ အပိုင်းက ထင်ထင်ရှားရှား
ကိုယ့်အာရုံ ကိုယ်သိသလိုပါပဲ....

ဟီရိသြတပ္ပတရားက
ဒီအရပ်မှာ ဆိတ်သုဉ်းနေတာ ကြာခဲ့ပြီ ထင်ပါရဲ့...

အခန်းကျဉ်းလေးထဲမှာ
အားလုံးဟာ ကျွန်တော်နဲ့ အတူတူ ၀တ်လစ်စလစ်
မေးထူးခေါ်ပြောလောက်တောင် မရနိုင်တော့အောင် ပြန့်ကျဲလို့
ကမ်းကုန်အောင် မိုက်မဲ နေကြတာ.......။ ။

တေဇာအောင်
(3.9.2010)